12/06/2024
یورپ بھر میں غیر قانونی طور پر مقیم پاکستانیوں کو حکومت پاکستان پاسپورٹ جاری نہیں کرے گا،نوٹیفکیشن جاری،
تفصیلات کے مطابق وزارت داخلہ پاکستان کی جانب سے یورپ میں مختلف سفارت خانوں کو ہدایات جاری کر دی گئی ہیں ریفیوجی لینے والے پاکستانیوں کو پاسپورٹ جاری نہ کیاجائے ، وزیر داخلہ محسن نقوی نے وزارت داخلہ کو ہدایات جاری کردیں، وزارت کی جانب سے جاری مراسلے میں کہا گیا کہ ایسے تمام پاکستانی جو کسی بھی بنیاد پر دوسرے ممالک میں پناہ لیں گے، ان کو پاسپورٹ نہیں ملے گا، ایسے پاکستانیوں کے پاسپورٹ منسوخ کردیے جائیں گے اور ان کی دوبارہ تجدید بھی نہیں کی جائے گی، واضح رہے غیر قانونی طریقے سے یورپ آنیوالے پاکستانی پیپروں کے حصول کیلئے ریفیوجی ڈیمانڈ کرتے ہیں جس میں بتایا جاتا ہے کہ انکی جان کو پاکستان میں خطرہ ہے یا پاکستان کے حالات انہیں وہاں رہنے کی اجازت نہیں دیتے یا پھر دشمنی کی بناء پر ریفیوجی ڈیمانڈ کی جاتی ہے لیکن اب ایسے پاکستانیوں کیلئے حکومت پاکستان کی جانب سے سخت اقدام اٹھایا گیا ہے، یورپ میں اکثر پاکستانیوں نے حکومتی اقدام کو قابل تعریف جبکہ اکثر پاکستانیوں نے انسانی حقوق کی خلاف ورزی قرار دیا ہے۔
