08/09/2017
تعلم اللغة الفرنسية :)
Credit ; Creative Brains عقول مبدعة
في هذا المنشور عن تعلم و احتراف اللغة الفرنسية من الصفر إلى الاحتراف بالمجان ..
- المنشور غادي يكون طويل داكشي علاش ديرو حداكوم دفتر و ستيلو قيدو داكشي لي غادي تحتاجوه من بعد و قراوه كامل إلا نقزتو شي حاجة ما غادي تفهمو والو حيتلش داكشي غادي مسلسل...
- الروابط لي أنخليلكوم فيها لي مختصر باش لي بغا يعاوني و يدعمني يدخل منهوم و يتيليشارجي و لي مابغاش ولا ماخدمولوش فالتليفون ماشي مشكل غادي نخلي الروابط المباشرة باش كلشي يقدر يتيليشارجي الملفات..
- صباح كامل وانا كانكتب و نقاد فهاد البوست لذا المرجو ذكر المصدر مني تنشروه فالصفحة ديالكوم ولا المجموعات...
غادي نبدا من الصفر حتى الاحتراف.. لي عمروا قرا الفرنسية أول حاجة غادي يبدا بيها هي حروف الهجاء A,B,C..
من بعد غادي يدوز ل Les Syllabes مثلا " Le Son " é كاين بزاف ديال الطرق باش كايتكتب : é - ai -ei - è - et ... هذا فيديو فيه 2 سوايع جامع Les syllabes ديال اللغة الفرنسية كاملين : https://goo.gl/iZD4xu .
دابا سالينا دكشي و بغينا نبداو المعقول.. أول حاجة نعرفو هاد اللغة شنو العناصر لي فيها و لاش كايصلاحو..
أول عنصر هو النطق La prononciation هي لي دويت عليها فاللول ديال الحروف و لي سيلاب و بالطبع مني أتعلم هاد جوج غادي تعرف تقرا الكلمات بالطريقة الصحيحة و موراها الجمل و موراها النصوص ...
ثاني عنصر هو ال Vocabulaire دابا تعلمنا كيفاش كايطنطقوا الكلمات مزيان ولكن ماشي ديما غادي نبقاو غي نشوفوهوم و نقراوهوم خاس نخزنوهوم فالذاكرة ديالنا .. و باش تنميو الباغاج ديال الكلمات و الجمل الفرنسية عندي ليكوم جوج ديال التطبيقات أنعطيكوم سمياتهوم و تيليشارجيوهوم من متاجر التطبيقات ديال الأندرويد ولا الآيفون :
- Apprendre le français 6000 mots.
- Apprendre expressions français.
ثالت عنصر هو ال Grammaire دابا مني تعلمنا نطقوا الكلمات و جمعنا واحد الباغاج غادي يخصنا القواعد لي غادي يوريونا كيفاش نخدموه لي هوما قواعد النحو مثلا أنتعلمو La structure de chaque type de phrase , Le genre et le nombre des noms, les catégories des mots ,,, إلخ هادشي لاش صالحا ال Grammaire.. منين أتعلموها ؟ فالتالي دالمنشور..
رابع عنصر هو ال Conjugaison من بين داك الكلمات لي تعلمنا و داك العناصر لي فالجمل ألقاو الأفعال بالطبع .. هاد العنصر أيعلمنا كيفاش نصرفوا الأفعال في جميع الأزمنة و فوقاش نختاروا كولا زمن إلخ .. منين أتعلموها ؟ فالتالي دالمنشور..
خامس عنصر هوا ال L'orthographe لي كايورينا الطريقة باش كايتكتبو الكلمات .. و هاد العنصر داخل مع ال Vocabulaire مني كاتكونو كاتعلموا كلمات و طرق جداد خاصكوم تركزوا على كيفاش كايتكتبو و المعنى ديالهوم .. مثلا كاين كلمات لي عندهوم نفس النطق و لكن الكتابة و المعنى مختالفين.. و كايتسماو فاللغة الفرنسية Les homonymes .. منين أتعلموها ؟ فالتالي دالمنشور..
سادس و آخر عنصر هو ال Communication , دابا تعلمنا الحروف و لي سيلاب و جمعنا باغاج دالكلمات و الجمل الفرنسية و قرينا القواعد ديالهوم و طريقة دتصريف الأفعال و كيفاش كايتكتبوا بقالينا التواصل كيفاش نقدروا ندويو ب طلاقة و بسهولة .. هادشي خاسو الحوار سواء المكتوب ولا الشفوي و تا هادي عندي ليكوم الحل ديالها .
سالينا دبا العناصر ديال اللغة الفرنسية و تقريبا أي لغة .. و عرفنا كل واحد لاش كايصلاح و شنو العلاقة ديال كل واحد بلاخور ..
نبدا بالحل الأول لي غادي يعلمكوم Grammaire, Conjugaison, Orthographe , Vocabulaire w Communication .
هي عبارة عن سلسلة كتب (3 كتب) على حساب المستويات (مبتدأ, متوسط و محترف) كل كتاب معاه ملفات MP3 هاني نفسرلكوم لاش صالحا..
مني كاتفتح الكتاب كاتلقا حوار مكتوب و فداك ال MP3 الحوار مقروء .. أتسمع و تقرا ها ال Communication و الكلمة لي جديدة عليك قلب على الشرح ديالها فالمعجم و إلى مافهمتيش داك Définition يمكلك تخدم الترجمة .. و أهم حاجة مني تجي تقيد داكشي لي تعلمتي قيد و حفظ جمل عمرك تحفظ كلمة بوحدها إلا ما كانتش فجملة ختارليها نتا وحدة و سجلها وها ال Vocabulaire كايتجمع .. من بعد أتلقا ال Grammaire / Conjugaison الشرح و التمارين و هادشي عندو علاقة بالحوار لي عندك فاللول .. و خلاص راك كاتقرا و تشوف الكلمات كي كايتكتبو ها ا L’orthographe , من بعد كولا مجموعة من الدروس أتلقاو بحال متيحان جامعهوم.. و فالتالي دالكتاب كاين التصحيح ديال كلشي.. يعني ما غادي تحتاج تا شي حد لا لي يوريك كيفاش تنطق لا واش داكشي ديالك صحيح لا والو ...
الروابط المختصرة :PDF + MP3
- مبتدأ : http://gsurl.in/4xVX
- متوسط : http://gsurl.in/4xW1 :
- محترف : http://gsurl.in/4xW7
الروابط المباشرة PDF + MP3 :
- مبتدأ : http://bit.do/Fr_debutant
- متوسط : http://bit.do/Fr_intermediaire
- محترف : http://bit.do/Fr_avance
دابا لي سالا هاد 3 ديال الكتوبا و بغا يزيد ي أميليوغي ال Communication و يطلق لسانو و يتعلم مصطلحات جداد كاين واحد الكورس مشهور ديال Français Authentique هو مقسم ل جوج دالأجزاء و لكن أنا زدت قسمتهوم باش الحجم ديالهوم يجيكوم صغير فالتحميل ..
الروابط المختصرة :
- الPack 1 (مقسم ل6 أجزاء) : http://gsurl.in/4xVu
- ال Pack 2 )مقسم ل4 أجزاء) : http://gsurl.in/4xVx
الروابط المباشرة :
- الPack 1 (مقسم ل6 أجزاء) http://bit.do/Pack_1 :
- ال Pack 2 )مقسم ل4 أجزاء) http://bit.do/Pack_2 :
إلا ساليتو هادشي و بغيتو معامن دويو بالفرنسية باش طبقوا داكشي لي تعلمتو.. عندي ليكوم جوج ديال التطبيقات باش دويو مع الأجانب لي كايدويو بداك اللغة لي نتوما باغين تعلمو.. Speaky w HelloTalk أتلقاوهوم فمتجر التطبيقات يا أندرويد يا آيفون .
كانتمنا تكونو ستافدتو من المنشور
