02/08/2026
L'eletti di Fà Populu Inseme eranu dinò prisenti à A Fiera di u Pratu, un appuntamentu maiò chì mette in valore a nostra agricultura, u pasturalisimu, l'artigianatu è e ricchezze di i nostri territorii.
À traversu u travagliu di l'allevatori, di l'agricultori, di l'artigiani è di tutti l'attori di u mondu campagnolu, hè una Corsica chì pruduce, chì inventa è chì trasmette u so sapè fà chì hè messa à l'onore.
Per noi, sustene e filiere lucale, difende a pruduzzione corsa è accumpagnà u sviluppu di i paesi hè una scelta pulitica essenziale per custruisce una Corsica più forte, più autonoma è più vicina à u so populu.
Un ringraziamentu sinceru à l'urganizatori, à i vuluntarii è à tutti i spunenti chì facenu di A Fiera di u Pratu un avvenimentu maiò di a vita ecunomica, culturale è agricula di a Corsica.
