بزوتنەوەی گۆڕان / ئەنجومەنی بێرمینگهام

06/02/2026

26/01/2026

🟥سەربەست حسین: کە هەمووان بۆیان دەرکەوت هیچ کەس پشتیوانی کورد نیە و هەر شەرمیشە 50 ملیۆن کوردچاوی لە هاوکاریی خەڵکی تر بێت لەبری ئەو بڕیار و شەڕی بۆ بکات، لە ئێستادا تاکە چارەسەر و چەکی بەهێز لەبری ئەم خۆپیشاندانە پەرتەوازە وکڕوزانەوە و خۆ بە داماونیشاندان و کۆمەک خڕکردنەوەیە، بچنەدۆخی هێرشبردن، تەنیا 5 ملیۆن کورد لە کۆی 50 ملیۆن بڕۆنە سەر سنوری ڕۆژئاوا بێ ئەوەی هیچ بکەن، بە 5 سەعات دنیا دێتەسەرچۆک بۆ داواکارییەکانمان، وانەکەین 100 ساڵی دیکەش ئەم ڕوداوانە دوبارە دەبنەوە لەناو ئەم واقعەی ئەمڕۆ هەیە

23/01/2026

بانگەوازێکی نەتەوەیی و نیشتمانی بۆ هەموو کوردێکی دڵسۆز
ڕۆژئاوا تەنیا نییە! دەنگی ئێمە، قەڵغانی ئەوانە.

سبەینێ هەینی، کاتی ئەوەیە کێشە و جیاوازییەکان وەلا بنێین و وەک یەک دەست، وەک یەک دەنگ، لەبەردەم باڵیۆزخانەی گەورەترین هێزی جیهان ڕابوەستین. بەشداریکردن لەم خۆپێشاندانەدا تەنها ڕێپێوانێک نییە، بەڵکو ئەرکێکی پیرۆزی سەرشانی هەموو مرۆڤێکی کوردە کە نیشتمانەکەی خۆش دەوێت.

بۆچی پێویستە بەشدار بیت؟

• ئەرکی نەتەوەیی: بێدەنگی لە ئاست مەینەتییەکانی ڕۆژئاوا، ڕەزامەندییە لەسەر ستەم.
• پەیام بۆ جیهان: دەبێت ئەمریکا و کۆمەڵگەی نێودەوڵەتی بزانن کە کورد لە هەر شوێنێکی دونیا بێت، جەستەیەک و یەک بڕیارە.
• با خوشک و براکانمان لە ڕۆژئاوا بزانن کە لەم جەنگە نابەرانبەرەدا بە تەنیا نین و ڕەوەندی کوردی لە ئەوروپا پشتیوانێکی پۆڵاینە بۆیان.

ژووانمان:
• کات: سبەی هەینی (2026/01/23) - سەعات ٠٢:٠٠ی دوانیوەڕۆ
• شوێن: بەردەم باڵیۆزخانەی ئەمریکا (US Embassy, SW11 7US)

هەموومان پێکەوە دەبینە دەنگی ئەو مناڵ و دایک و باوکانەی لە ڕۆژئاوا لەژێر هەڕەشەی جەنگدان. نیشتمان چاوی لە هەڵوێستی ئێوەیە!"

19/01/2026

بانگەوازێکی بەپەلە بۆ هەموو کوردانی بەریتانیا

نیشتمان بانگمان دەکات.. ڕۆژئاوای کوردستان لەبەردەم مەترسییەکی گەورەدایە!

بەهۆی ئەو بارودۆخە هەستیار و نالەبارەی ڕووبەڕووی ڕۆژئاوای کوردستان بووەتەوە و ئەو گوشارە سەربازییە توندەی خراوەتە سەر شەرڤانانی قارەمان، ئەرکی سەرشانی هەموومانە دەنگی مەزڵوومیەتی گەلەکەمان بگەیەنینە جیهان.

داوا لە سەرجەم ڕەوەندی کوردی لە هەموو شارەکانی بەریتانیا دەکەین، بەشدارییەکی کارا و شکۆدارانە بکەن لەم گردبوونەوەیەدا. ئێستا کاتی ئەوەیە پێکەوە، وەک یەک دەنگ و یەک هەڵوێست، لەبەردەم بڕیاربەدەستانی بەریتانیا بوەستین.

زانیارییەکانی گردبوونەوە:

• شوێن: لەندەن - لەبەردەم ماڵی سەرۆک وەزیران 10 Downing
Street London SW1A 2AA

• بەروار: سبەی، سێشەممە ٢٠ / ١ / ٢٠٢٦.
• کات: سەعات ١:٠٠ی پاشنیوەڕۆ.
خاوەندارێتی لە خوێنی شەهیدان و خۆڕاگری شەرڤانان ئەرکی نەتەوەیی هەموو تاکێکی کوردە.

Urgent Call to Action: Support Rojava
We call upon the entire Kurdish community in the UK to take a decisive stand. Rojava (Western Kurdistan) is facing a critical situation, and our brave SDF fighters are under immense pressure.

We must unite our voices in London to demand an end to this aggression and to show the world that Rojava is not alone.
Address: 10 Downing Street London SW1A 2AA
Date: Tomorrow, Tuesday, January 20, 2026.
Time: 1:00 PM.
Your presence is vital. Let’s be the voice of those resisting on the ground.

19/01/2026

بانگەوازێک بۆ ڕای گشتیی گەلەکەمان..

لەم چرکەساتە مێژووییەدا گەلەکەمان لە ڕۆژئاوا، لەبەردەم گەلەکۆمەیەکی نێودەوڵەتی و پرۆسەی قڕکردن و کۆمەڵکوژیدایە،
لەم سۆنگەیەوە و لەژێر دروشمی "یان بەیەکەوە دەژین، یان بەیەکەوە دەمرین" داوا لە سەرجەم چین و توێژەکان دەکەین، لە هەموو شاروشارۆچکەکانی هەرێمی کوردستان و ناوچەدابڕاوەکان خۆیان ساز و ئامادە بکەن بۆ ڕێپێوانێکی جەماوەری بەرەو رۆژئاوا.

هاوکات داوا لە هەموو حیزبەکان دەکەین بە دەسەڵات و ئۆپۆزسیۆنەوە، بە شێوەیەکی فراوان بەشدارو پشتیوانی چالاکییەکەبن.

هەروەها داوا لە مێدیاکان دەکەین لە چوارچێوەی گوتارێکی هاوبەشدا ببنە بەشێک لەم چالاکییە جەماوەرییە.
لە هەمان کاتدا، داوا لە ڕەوەندی کوردی دەکەین، بکەونە ناو چالاکیی جۆراوجۆری جەماوەری و دبلۆماسی و سیاسیی بەردەوام، لە پێناو پاراستی گیانی خوشک و براکانمان لە ڕۆژئاوا.

تێبینی/ لە بەرنامە و کاتی ڕێپێوانەکە ئاگادارتان دەکەین.

ئەنجومەنی سەرتاسەریی هاوڵاتیانی باشور

09/01/2026

بانگەوازێکی نەتەوەیی و بەپەلە:

شێخ مەقسوود و ئەشرەفییە بە تەنیا جێ مەهێڵن!

کوردستانیانی بەشەرەف! ئازادیخوازانی لەندەن و دەوروبەری!

مێژوو جارێکی تر دووبارە دەبێتەوە؛ خوشک و براکانمان لە گەڕەکە خۆڕاگرەکانی شێخ مەقسوود و ئەشرەفییە لەژێر گەمارۆیەکی دڕندە و هێرشی بێبەزەییانەدان. منداڵانمان لەوێ بێ نان و بێ دەرمانن، بەڵام چۆک دانادەن!

ئێستا کاتی ئەوەیە ئێمەش لێرە ببینە دەنگیان. با لەبەردەم نوسینگەی سەرۆ وەزیرانی بەریتانیا پێکەوە هاوار بکەین:

بەسە ستەم! بەسە بێدەنگی!

📍 وردەکاری کات و شوێن:
• کات: ڕۆژی شەممە، ١٠ / ٠١ / ٢٠٢٦
• سەعات: ٢:٠٠ی پاشنیوەڕۆ
• شوێن: لەبەردەم ماڵی سەرۆک وەزیران
(10 Downing Street, London, SW1A 2AB)

بۆچی دەبێت بەشدار بین؟

• بۆ شەرمەزارکردنی هێرشە دڕندەکانی سەر هاونیشتمانیانمان.
• بۆ شکاندنی ئەو بێدەنگییە نێودەوڵەتییەی بەرامبەر گەلەکەمان هەیە.
• بۆ ئەوەی بە جیهان بڵێین: کورد لە هەر شوێنێک بێت، یەک جەستەیە و پشت و پەنای یەکە