Shaykh Muhammad Iftikhar Ul Hassan

01/09/2026

جشن عید میلاد النبی صلی اللہ تعالی علیہ والہ وسلم
ان شاءاللہ ۵ ستمبر، بروز ہفتہ بعد نماز عصر
درس قرآن و حدیث: شیخ محمد افتخار الحسن رضوی

30/08/2026

ہند و پاک کی مسلم آبادی میں اکثریت “بریلویوں” کی ہوا کرتی تھی، پھر اغیار نے انہیں “متشدد، تکفیری، متعصب اور مغلظات” کا عادی بنا دیا۔ اب حالت یہ ہے کہ ایک بریلوی مسلمان دوسرے بریلوی کو بریلوی تسلیم نہیں کرتا۔ کیونکہ یہ اس قدر تقسیم در تقسیم ہو چکے ہیں کہ اب انہیں خود سمجھ نہیں آتی کہ اصل بریلوی کون ہے۔ یہ امت کے اجتماعی مسائل پر بات کی استطاعت و توفیق سے ہی محروم ہو چکے ہیں کیونکہ ایک ہی گھر کے بریلوی افراد آپس میں ایک دوسرے کی سُنیت و بریلویت کے دفاع میں ہلکان و مجروح ہوئے پڑے ہیں۔

اسی لیے ہم برسوں سے کہتے ائے ہیں کہ “سُنیت بچا لو، بریلویت خود بچ جائے گی” لیکن بیمار بچے کی طرح یہ طبیب ہی کو گالیاں بکنا شروع ہو جاتے ہیں۔ ہم دوا کی خوراک میں اضافہ کرتے رہیں گے کیونکہ اپنے ہیں اور بیمار ہیں، ان کا علاج ہماری ہی ذمہ داری ہے!
محمد افتخار الحسن رضوی
٣٠ اگست ٢٠٢٦

29/08/2026

جس ملک میں “حکمران” بد عنوان اور بے لگام ہوں، وہاں منبر و محراب بھی “بد عنوان اور بے لگام” ہوتے ہیں۔ تسلی سے دنیا کا نقشہ دیکھ کر اس حقیقت کو سمجھو!

29/08/2026

“العربیہ” کی یہ پوسٹ دیکھیے، سمجھیے کہ غلط فہمیاں کیسے پھیلتی ہیں۔ رپورٹ کے الفاظ اور ترتیب پر غور کرنے کی ضرورت ہے۔ سمجھیے کہ مؤثر میڈیا ہاؤس نظریات اور رائے عامہ پر کیسے اثر انداز ہوتے ہیں!

28/08/2026

رضوی بریلوی بھائیو!
آپ نے یہ جملے بارہا سنے ہوں گے:
"میری آنکھیں اعلیٰ حضرت پر بند ہیں۔"
"جسے اعلیٰ حضرت سمجھ نہیں آتے، وہ ہماری سمجھ میں نہیں آتا۔"
"مجھے اعلیٰ حضرت کے سوا کسی کی تحقیق نہیں چاہیے۔"
"جو امام احمد رضا نے فرما دیا، میرے لیے وہی کافی ہے۔"
یہ عقیدت ہے، محبت ہے، ایک علمی نسبت ہے؛ آپ کا حق ہے کہ آپ امام احمد رضا سے جس قدر چاہیں وابستگی رکھیں، ان کے افکار کو اپنا فکری سرمایہ سمجھیں اور ان کی تحقیق کو اپنے لیے کافی جانیں۔ آپ اس سے بھی آگے بڑھ کر اپنی عقیدت کا اظہار کریں، ہمیں اس پر کوئی اعتراض نہیں۔
صرف ایک گزارش ہے۔
اپنی آنکھیں اعلیٰ حضرت پر بند رکھو، مگر دوسرے کی آنکھوں میں انگلیاں مت ڈالو۔
اپنے امام کو کافی سمجھو، مگر جو شخص کسی دوسرے عالم کی تحقیق قبول کرے، اسے جاہل، گمراہ یا بدعقیدہ کہہ کر گالی مت دو۔
اپنی نسبت پر فخر کرو، مگر دوسروں کی نسبت کی تحقیر کو اپنی دینداری مت سمجھو۔
فکری اختلاف کو دشمنی نہ بناؤ، اختلافِ تحقیق کو تکفیر کا جواز نہ بناؤ، اور اپنی عقیدت کو دوسروں کی توہین کا لائسنس نہ سمجھو۔
آپ کو امام احمد رضا رحمہ اللہ سے محبت ہے، بہت اچھی بات ہے؛ لیکن اگر اسی محبت کے نام پر زبان سے گالی، قلم سے بہتان اور مخالف کے لیے تکفیر نکلنے لگے تو ذرا رک کر سوچیے کہ آپ اعلیٰ حضرت کی نسبت نبھا رہے ہیں یا اپنی خراب طبیعت کی بھڑاس نکال رہے ہیں؟
اپنی موج میں رہو، اپنے امام سے محبت کرو، ان کا کلام پڑھو، ان کی تحقیق سمجھو، ان کے علم سے فیض لو؛ مگر اختلاف رکھنے والے کو بھی انسان اور مسلمان سمجھتے ہوئے برداشت کرنے کا حوصلہ پیدا کرو۔
کیونکہ کسی بزرگ سے محبت کا سب سے خوب صورت ثبوت یہ نہیں کہ ہم ان کا نام لے کر کتنی بلند آواز سے نعرہ لگاتے ہیں؛ بلکہ یہ ہے کہ ان کے علم، ادب، اخلاق اور انصاف کا کتنا حصہ ہماری زبان اور کردار میں اترتا ہے۔
محمد افتخار الحسن رضوی
28 اگست 2026

27/08/2026

بندے کو اپنے رب کی عطا پر کم از کم اس مزدور برابر یقین تو ہونا چاہئے جو دن بھر اس یقین و عزم کے ساتھ مزدوری کرتا ہے کہ دن ختم ہونے پر دیہاڑی مل جائے گی۔ اس سب میں "یقین و عزم" اہم ترین ہے-

26/08/2026

جلسہ و جلوس میلاد ، اللہ تعالیٰ اور اس کے رسول ﷺ کی رضا، امت کو جمع کرنے اور دین کا پیغام پہنچانے کے لیے منعقد ہوں تو مبارک اور اگر وھابی یا دیوبندی مسالک کی مخالفت اور ان پر طعن کرنے کے لیے منعقد کر رہے ہیں تو آپ خیر سے خالی کام کر رہے ہیں۔ امت کو محبت و یگانگت درکار ہے، نفرت نہیں۔

26/08/2026

25/08/2026

جب تک ہم نے دنیا نہیں دیکھی تھی، اور سوشل میڈیا عام نہیں تھا، ہمیں بتایا جاتا تھا میلاد النبی تو صرف ہند و پاک میں ہی منایا جاتا ہے، باقی اسلامی دنیا میں کہیں بھی ایسا نہیں ہوتا۔
دنیا کے شرق و غرب گھوم کر، ہمیں اب "حق الیقین" ہو چکا کہ دنیا میں صرف "دو ممالک" میں میلاد النبی کی چھٹی یا سرکاری اہتمام نہیں ہوتا، باقی کل جہاں تو ولادت مصطفٰی علیہ الصلاة والسلام کی خوشی میں شاداں و فرحاں اور پر بہار نظر آتا ہے۔
اللهم صل وسلم وبارك على سيدنا وحبيبنا ونبينا و شفيعنا محمد وعلى آله وصحبه أجمعين

25/08/2026

برطانیہ میں یوم میلاد النبی عليه الصلاة والسلام مناتے ہوئے ایک الگ قسم کا خوشگوار احساس ہوتا ہے، کیونکہ یہاں دیسی وھابی اور دیوبندی بھی مجبورا منا رہے ہوتے ہیں۔ نہ منائیں مقامی کشمیری و دیسی مسلمانوں سے کیسے نمٹیں گے؟ 😀
بلکہ متعدد دیوبندی امام صاحبان تو مقتدیوں کے گھروں میں جا کا دعا فاتحہ بھی کر رہے ہیں۔