Perfformiad a Gwella GIG Cymru

28/05/2026

Yn dilyn cael diagnosis ysgytiol o ddiabetes yn 2023, gostyngodd Alan Lawrie lefel y glwcos yn ei waed o 120 i 38 drwy gwblhau cwrs Hunan-Reoli Diabetes ein Rhaglenni Addysg i Gleifion (EPP) Cymru. Dywedodd ei fod yn ‘achubiaeth’ iddo.

Ar ôl gweld bod y rhaglen mor werthfawr, mae Alan bellach yn gwirfoddoli fel tiwtor rhaglen i helpu pobl eraill ledled Cymru.

Rydym wedi dechrau partneriaeth newydd gyda Chomisiwn Bevan i gefnogi rhagor o bobl sy'n byw gyda chyflyrau hirdymor a'u gofalwyr i fyw bywydau iachach a lleihau pwysau ar y GIG, drwy wella mynediad at gyrsiau hunanreoli EPP.

Dysgwch fwy am stori Alan, a sut y bydd ein partneriaeth newydd yn helpu rhagor o bobl i gael yr hyder, yr wybodaeth a'r sgiliau sydd eu hangen arnynt i reoli cyflyrau gofal iechyd mewn partneriaeth â gweithwyr gofal iechyd a gofal cymdeithasol proffesiynol:

Bydd partneriaeth newydd rhwng Perfformiad a Gwella GIG Cymru a Chomisiwn Bevan yn cefnogi mwy o bobl sy'n byw gyda chyflyrau hirdymor a'u gofalwyr i fyw bywydau iachach ac yn lleihau pwysau ar y GIG, drwy wella mynediad at…

26/05/2026

Mae Fframwaith Cymhwysedd Cymru Gyfan ar gyfer Gofal Lliniarol a Diwedd Oes i Oedolion bellach ar gael mewn fformat rhyngweithiol ar ein platfform e-ddysgu cenedlaethol ar gyfer GIG Cymru, sef Y Tŷ Dysgu: https://ytydysgu.heiw.wales/courses/c5560597-8f34-40bd-b72d-988148de7477

Mae'r fframwaith yn sicrhau bod unigolion sy'n gweithio ar draws ystod o leoliadau iechyd a gofal gyda’r sgiliau a'r wybodaeth sydd eu hangen i ddarparu gofal tosturiol, sy'n canolbwyntio ar y person, i unigolion â chyflyrau iechyd sy'n byrhau bywyd.

Mae'r fersiwn ryngweithiol o'r fframwaith wedi'i chynllunio i'w defnyddio mewn amgylcheddau iechyd a gofal prysur ar draws ystod o leoliadau a dyfeisiau, gyda nodweddion llywio newydd yn seiliedig ar rolau sy'n darparu mynediad haws a mwy effeithlon at gymwyseddau a gwybodaeth sy'n benodol i rolau i gefnogi dysgu, DPP a datblygu'r gweithlu.

Drwy wneud cymwyseddau’n haws i’w cyrchu a’u rhoi ar waith yn ymarferol, mae’r fframwaith yn cefnogi gweithlu mwy hyderus, cysondeb ar draws gwasanaethau a gofal tosturiol sy’n canolbwyntio ar y person sy’n cadw dymuniadau cleifion wrth wraidd y broses o wneud penderfyniadau.

Dysgwch fwy yma: https://aagic.gig.cymru/diweddariadau/newyddion/fframwaith-cymhwysedd-rhyngweithiol-cymru-gyfan-ar-gyfer-gofal-lliniarol-a-diwedd-oes-i-oedolion-yn-gwella-hygyrchedd-i-weithwyr-gofal-iechyd-proffesiynol/

18/05/2026

Mae Gwobrau GIG Cymru 2026 bellach ar agor!

Mae'r gwobrau'n parhau i dynnu sylw at dimau sy'n ysgogi gwelliannau mewn ansawdd, diogelwch a pherfformiad i drawsnewid gwasanaethau, profiadau a chanlyniadau i bobl yng Nghymru.

Os ydych chi neu'ch tîm wedi arwain prosiectau gwella arloesol neu wedi dangos perfformiad o ansawdd uchel yn gyson, yna rydyn ni am glywed gennych chi.

Cyflwynwch gais er mwyn:

👉 Rhannu eich llwyddiant
👉 Codi proffil eich gwaith gwella ansawdd
👉 Lledaenu dysgu ledled Cymru
👉 Byddwch yn rhan o gymuned genedlaethol o welliant

📝 Ewch i gwobraugig.cymru i weld y Canllaw Cynigion a rhagor o fanylion ar sut i gyflwyno'ch cais.

⏰Peidiwch â cholli allan! Mae ceisiadau'n cau am 5:00pm, dydd Llun 15 Mehefin

14/05/2026

Gall menywod a merched ledled Cymru nawr gael mynediad at gynhyrchion mislif am ddim trwy leolwr ar-lein newydd ar wefan Mislif Fi Cymru ar ei newydd wedd.

Mae'r offeryn yn helpu defnyddwyr i chwilio'n lleol am gynhyrchion mislif am ddim a hidlo canlyniadau yn ôl math o gynnyrch, gan gynnwys tamponau, padiau ac opsiynau ailddefnyddiadwy.

Mae'r wefan ar ei newydd wedd hefyd yn cynnwys cwis newydd "Faint ydych chi'n ei wybod am y mislif?", ochr yn ochr â gwybodaeth ac adnoddau dibynadwy i gefnogi iechyd mislif a mynd i'r afael â stigma mislif.

Darllen mwy yma: https://perfformiadagwella.gig.cymru/swyddogaethau/rhwydweithiau-a-chynllunio/iechyd-menywod/wh-newyddion/lleolwr-newydd-yn-helpu-menywod-a-merched-ledled-cymru-i-gael-mynediad-at-gynhyrchion-mislif-am-ddim/

Llywodraeth Cymru

12/05/2026

💡 Sbotolau Diwrnod Rhyngwladol y Nyrsys 💡

Ymgymhwysodd Tamsin Speight fel Nyrs Iechyd Meddwl Gofrestredig yn 2002 ac mae wedi gweithio ar draws gwasanaethau cleifion mewnol, cymunedol ac anhwylderau bwyta. Ochr yn ochr â hyn, mae hi'n Therapydd Ymddygiad Gwybyddol ac mae’n parhau i ymarfer gyda Canopi, gan gefnogi pobl ym maes Iechyd a Gofal Cymdeithasol.

Mae Tamsin yn teimlo’n angerddol am waith atal, ymyrraeth gynnar ac arweinyddiaeth dosturiol ac mae hyn wedi ei pharatoi at ei rôl bresennol yn y Rhaglen Strategol ar gyfer Iechyd Meddwl. Dywed Tamsin ei bod hi'n "arbennig o falch o fod yn rhan o gyflwyno'r Model Iechyd Meddwl Mynediad Agored, sy'n mynd i'r afael â rhwystrau i geisio cymorth fel y gall pobl weithredu heb oedi."

12/05/2026

Mae nyrsys yn gyfystyr â llawer o'r rhinweddau arbennig sy'n gysylltiedig â'r gofal iechyd gorau. Tosturi ar adegau o ansicrwydd. Sgiliau ar adegau o angen. Arweinyddiaeth ar adegau o newid.

Ar Ddiwrnod Rhyngwladol y Nyrsys – fel bob dydd – mae'n bwysig cydnabod proffesiynoldeb, ymroddiad, tosturi, gwydnwch ac arweinyddiaeth pob nyrs sy'n gweithio ledled Cymru, sy'n parhau i gefnogi ei gilydd, arwain gwelliannau a darparu gofal diogel ac effeithiol, yn aml mewn amgylchiadau heriol.

Yn y blog hwn, mae Tîm Rhaglen Staff Nyrsio Cymru Gyfan yn rhannu myfyrdodau ar y cyd ar sut mae thema eleni yn cyd-fynd â gwaith ein rhaglen a'u hymrwymiad parhaus i gefnogi nyrsys ledled Cymru: Diwrnod Rhyngwladol y Nyrsys 2026: https://perfformiadagwella.gig.cymru/newyddion/newyddionpggig/diwrnod-rhyngwladol-y-nyrsys-2026-ein-nyrsys-ein-dyfodol-mae-nyrsys-grymus-yn-achub-bywydau/

12/02/2026

💬 "Drwy gofnodi ffactorau allweddol fel tai, cyflogaeth, cyfathrebu, ynysigrwydd cymdeithasol, a rhwystrau gwasanaeth, mae'r HEF+ yn helpu gwasanaethau i fonitro, deall a gwella canlyniadau iechyd."

Mae Canllawiau a Safonau Cenedlaethol newydd wedi cael eu cyhoeddi i atgyfnerthu rôl hanfodol y Fframwaith Cydraddoldeb Iechyd+ (HEF+) i fynd i'r afael ag anghydraddoldebau iechyd i oedolion ag anabledd dysgu.

Mae Rhaglen Anabledd Dysgu Perfformiad a Gwella GIG Cymru wedi cydweithio â Byrddau Iechyd yng Nghymru i ddatblygu'r canllawiau.

Darllenwch y stori lawn: https://perfformiadagwella.gig.cymru/swyddogaethau/ansawdd-diogelwch-a-gwelliant/newyddion/newyddion/canllawiau-a-safonau-cenedlaethol-newydd-ar-gyfer-fframwaith-cydraddoldeb-iechyd-hef-yng-nghymru/

11/12/2025

👋 Mae ein Rhaglen yn cyflwyno yng Nghynhadledd Clwb Seattle 2025 heddiw ym Mhrifysgol Caint ar Ymchwil i Anableddau Deallusol a Datblygiadol.

Mae'r Uwch Reolwr Gwella Bethany Kruger a'r Dadansoddwr Gwybodaeth Adam Watkins yn siarad am ein rôl wrth greu Hyfforddiant Ymwybyddiaeth Anabledd Dysgu Paul Ridd, sydd wedi'i gwblhau gan dros 70,000 o staff gofal iechyd yng Nghymru.

Mae'r hyfforddiant wedi nodi carreg filltir bwysig wrth greu hyder bod gan y gweithlu gofal iechyd yng Nghymru y gwerthoedd, yr wybodaeth, y sgiliau a'r cymhwysedd cywir i ddarparu'r gofal cywir ar yr adeg gywir i bobl sydd ag anableddau dysgu.

Cael gwybod mwy am y gwaith hwn: 🔗 https://perfformiadagwella.gig.cymru/swyddogaethau/ansawdd-diogelwch-a-gwelliant/gwelliant/ein-gwaith/anabledd-dysgu/hyfforddiant-ymwydbyddiaeth-anabledd-dysgu-paul-ridd/

09/12/2025

Mae ychydig llai na 30 o dimau o bob cwr o Gymru, Bryste a Gogledd Iwerddon yn mynd i'r afael â datgyflyru sy’n digwydd yn yr ysbyty, fel rhan o'r ffrwd waith Atal Datgyflyru.

🤔 Gellir disgrifio datgyflyru sy’n digwydd yn yr ysbyty fel unigolyn yn colli ffitrwydd a’r gallu i weithredu yn dilyn cyfnod o anweithgarwch neu orffwys yn y gwely. Gall gael effaith hirdymor dinistriol ar ddefnyddwyr gwasanaethau.

Flwyddyn ers i'r ffrwd waith ddechrau gyntaf, dathlwyd cynnydd timau yn yr Uwchgynhadledd Atal Datgyflyru Genedlaethol a gynhaliwyd yn ddiweddar 🎉

Mae'r sylw nawr yn troi at gefnogi staff i dreialu'r offeryn mesur datgyflyru sydd newydd ei ddatblygu yn eu byrddau iechyd a'u hymddiriedolaethau.

Darllenwch y diweddaraf 👇
https://perfformiadagwella.gig.cymru/swyddogaethau/ansawdd-diogelwch-a-gwelliant/newyddion/newyddion/blwyddyn-yn-ddiweddarach-mae-timaun-parhau-ar-flaen-y-gad-o-ran-mynd-ir-afael-a-dadgyflyru/

02/12/2025

🌍 Mae offeryn newydd a ddatblygwyd i fesur niwed i gleifion mewn ysbytai wedi cael ei ganmol yn "gyflawniad cyntaf yn fyd-eang."

Wedi'i ddadorchuddio yn yr Uwchgynhadledd Genedlaethol Atal Datgyflyru fis diwethaf, y Dangosydd Rhybudd Cynnar Datgyflyru (DEWI) yw'r offeryn cyntaf o'i fath. Mae DEWI yn mesur 11 maes allweddol i nodi arwyddion cynnar datgyflyru a geir yn yr ysbyty, gan helpu timau i gymryd camau cyflym, lleihau niwed y gellir ei osgoi a gwella canlyniadau i gleifion.

Darllenwch fwy yma 👇

Mae gwaith yn mynd rhagddo i ddatblygu offeryn cwbl gadarn sy'n mesur y niwed sy'n digwydd i gleifion yn yr ysbyty, diolch i ymdrechion y Rhaglen Genedlaethol Chwe Nod ar gyfer Gofal Brys a Gofal mewn Argyfwng , Trawsnewid…