24/06/2026
Mae bachgen 14 oed wedi cael ei arestio ar amheuaeth o lofruddiaeth ar ôl i gorff benyw gael ei ddarganfod yn ardal Parc Dyffryn, Blaenau ddydd Llun 22 Mehefin, tua 10.10pm.
Mae’r bachgen, o ardal Blaenau Gwent, yn nalfa’r heddlu.
Nid yw’r corff wedi cael ei adnabod yn ffurfiol eto ond mae teulu Lilly, 14 oed, yr oedd Heddlu Gwent wedi cael adroddiad ei bod ar goll, wedi cael ei hysbysu. Mae swyddogion arbenigol yn parhau i roi cymorth i’w theulu.
Dywedodd Ditectif Brif Arolygydd Steven Thomas, yr uwch swyddog ymchwilio:
"Mae llawer o swyddogion heddlu yn yr ardal o hyd ac rydyn ni’n deall pryderon ein cymunedau ar yr adeg hon.
"Mae ein hymholiadau’n parhau i ddarganfod amgylchiadau’r farwolaeth ac mae un person yn cael ei gwestiynu yn nalfa’r heddlu ar hyn o bryd.
"Gofynnaf i unrhyw â gwybodaeth ddod i siarad â ni, gallwch wneud hynny yn y cnawd neu gallwch gysylltu â ni ar y sianeli arferol.
“Gofynnaf hefyd i bobl beidio â damcaniaethu ar-lein gan fod hwn yn ymchwiliad byw a gallai sylwadau o’r fath effeithio ar ein gallu i ddwyn unrhyw un sydd wedi cyflawni trosedd gerbron llys."
Mae swyddogion yn apelio ar unrhyw un â gwybodaeth i gysylltu. Gallwch gysylltu â’r heddlu ar 101, gan grybwyll 2600197059, gallwch anfon neges uniongyrchol ar Facebook neu X, neu ar-lein: https://orlo.uk/1J9Uv
Fel arall, gallwch ffonio Crimestoppers yn ddienw ar 0800 555 111 neu ewch i www.crimestoppers-uk.org.
Rydyn ni wedi atgyfeirio’r digwyddiad hwn at Swyddfa Annibynnol Ymddygiad yr Heddlu yn unol â gweithdrefnau arferol.
