04/09/2026
Ydych chi'n gyrru? Ydych chi'n cymudo neu'n gyrru fel rhan o’ch gwaith?
Os felly, beth am fynychu ein sesiwn awr o hyd AM DDIM gyda Gwasanaeth Tân ac Achub Canolbarth a Gorllewin Cymru i weld sut mae dewisiadau mwy diogel yn atal yr effaith domino cyn iddi ddechrau.
💵 - AM DDIM
📍- Y Pafiliwn, Maes sioe'r sir, Hwlffordd
🕒 - 10am neu 1pm
📅 - 29 Medi
📧 - [email protected]
Bob dydd, mae 3–4 o bobl yn cael eu lladd neu eu hanafu’n ddifrifol ar ffyrdd Cymru.
Mae gyrru at ddibenion gwaith yn un o’r gweithgareddau mwyaf peryglus y mae gweithwyr yn ei wneud, ond mae’r rhan fwyaf o wrthdrawiadau’n cael eu hachosi gan gamgymeriadau dynol—sy’n golygu y gellir eu hatal.
Mae’r sesiwn hon yn tynnu sylw at yr ‘effaith domino’: sut y gall un penderfyniad sy’n ymddangos yn fach—fel edrych ar eich ffôn, goryrru, neu yrru pan wedi blino—sbarduno cadwyn o ganlyniadau. Gall y rhain gynnwys anafiadau difrifol, colli bywyd, camau cyfreithiol, ac effeithiau parhaol ar deuluoedd, cydweithwyr, a chymunedau.
Mae’r risgiau allweddol yn cynnwys fel a ganlyn:
- Goryrru (gyrru’n rhy gyflym)
- Peidio â gwisgo gwregys diogelwch
- Defnyddio ffôn symudol
- Amhariad oherwydd alcohol neu gyffuriau
- Blinder y gyrwyr
Mae hyd yn oed newidiadau bach yn gwneud gwahaniaeth mawr. Gall gyrru ar gyflymder o 20mya yn lle 30mya leihau pellteroedd stopio a difrifoldeb gwrthdrawiadau yn sylweddol—ond dim ond tua munud y mae’n ei ychwanegu at daith cyffredin.
Mae’r neges allweddol yn syml: mae dewisiadau mwy diogel yn atal yr effaith domino cyn iddi ddechrau. Mae pob penderfyniad y tu ôl i’r llyw yn bwysig. Drwy fewnwelediadau bywyd go iawn a chyngor ymarferol, bydd y mynychwyr yn cael gwell dealltwriaeth o sut y gall newidiadau bach mewn ymddygiad gyrru wella diogelwch yn sylweddol iddyn nhw eu hunain ac i eraill.
I archebu eich lleoedd, anfonwch e-bost at: [email protected] gydag enw a chyfeiriad e-bost y cyswllt perthnasol, enw’r cwmni a faint o leoedd yr hoffech eu harchebu.
