What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 4:45pm

http://conwybusinesscentre.com/?lang=cy

Cymorth Busnes Conwy, Llandudno Junction (2026)

05/06/2026

Rhaglen digwyddiadau ymgynghori'r Ardoll Ymwelwyr

Ar 14 Mai 2026, cymeradwyodd y Cyngor symud ymlaen i ymgynghoriad cyhoeddus ar y posibilrwydd o gyflwyno Ardoll Ymwelwyr ar draws y sir. Agorwyd yr ymgynghoriad yn ffurfiol ar 20 Mai 2026.

Mae'r ymgynghoriad yn agored i holl drigolion, ymwelwyr a busnesau Conwy a byddem yn eich annog i gymryd rhan a'i hyrwyddo'n eang yn eich ardaloedd lleol. Gofynnir am ymatebion erbyn 17 Gorffennaf 2026 fan bellaf.

Gellir cael mynediad at yr ymgynghoriad ar-lein drwy wefan y Cyngor: https://bit.ly/4uzg8e7

Bydd copïau papur o’r ymgynghoriad hefyd ar gael i’w casglu a’u dychwelyd mewn Canolfannau Gwybodaeth i Dwristiaid, Llyfrgelloedd Conwy, Canolfan Fusnes Conwy, a Swyddfeydd y Cyngor yng Nghoed Pella.

Mae rhaglen o ddigwyddiadau a sesiynau galw heibio wedi'u trefnu i roi cyfle i fusnesau, ymwelwyr a thrigolion glywed mwy am y broses ymgynghori ac ymgysylltu wyneb yn wyneb os yw'n well ganddynt.

Yn dilyn diddordeb cryf, rydym wedi ychwanegu gweminar ar-lein ychwanegol at raglen digwyddiadau ymgynghori'r Ardoll Ymwelwyr. Er y bydd y sesiwn yn canolbwyntio ar wybodaeth sydd mwyaf perthnasol i'r sector twristiaeth a lletygarwch, bydd hefyd yn cynnwys eitemau o ddiddordeb i breswylwyr ac ymwelwyr ledled Sir Conwy.

GWEMINAR AR-LEIN

Dydd Iau 11th Mehefin 2026, 6.30pm - ar-lein (Zoom)

Cofrestrwch ar gyfer y digwyddiad hwn yma - https://bit.ly/4e1r11b

WYNEB YN WYNEB

Dydd Iau 16th Mehefin 2026 – Maen Alaw Penmaenmawr Sesiwn galw heibio ar gyfer busnesau, preswylwyr ac ymwelwyr ym Mhenmaenmawr / Llanfairfechan.

Dydd Mercher 17 Mehefin 2026 – Canolfan Ddiwylliant Conwy Sesiwn galw heibio i fusnesau, trigolion ac ymwelwyr yng Nghonwy / Deganwy / Llandudno.

• Dydd Iau 18 Mehefin 2026 – Neuadd y Dref Cyngor Tref Bae Colwyn Sesiwn galw heibio i fusnesau, trigolion ac ymwelwyr ym Mae Colwyn / Llandrillo-yn-Môr.

• Dydd Mawrth 23 Mehefin 2026 – Neuadd Goffa Betws y Coed Sesiwn sy'n canolbwyntio ar letygarwch ar gyfer busnesau gwledig.

• Dydd Iau 25 Mehefin 2026 – Canolfan Gymunedol Towyn Sesiwn galw heibio i fusnesau, trigolion ac ymwelwyr yn Abergele / Bae Cinmel / Towyn.

Gallwch gofrestru eich presenoldeb drwy glicio ar y ddolen isod: https://bit.ly/3PGCk6P

03/06/2026

Grantiau Busnes Fferm Wynt Coedwig Clocaenog

Rydym yn derbyn ceisiadau busnes 2026 rŵan!

Mae FfWCC yn hapus i gyhoeddi fod y gronfa fusnes ar gyfer 2026 nawr ar agor ar gyfer busnesau sydd wedi eu cofrestru o fewn ardal fudd Clocaenog.

Gallwch lawrlwytho’r canllawiau a’r ffurflen YMA - https://bit.ly/4nN0wkF

OND cofiwch ddarllen y canllawiau yn ofalus, a cysylltwch os ydych eisiau trafod eich prosiect cyn ymgeisio [email protected]

Mae dyddiad cau ceisiadau busnes Dydd Llun, 13 Gorffennaf am 5pm

Bydd y panel yn cyfarfod i drafod eich ceisiadau mis Hydref 2026 ac felly dyddiad cynharaf gall eich prosiect gychwyn yw Tachwedd 2026

01/06/2026

Galwad cyntaf 2026/27 am geisiadau ar gyfer gyllideb o dan
Gronfa Datblygu Eiddo Masnachol

Rydym wedi sicrhau cyllid gan Raglen Trawsnewid Trefi Llywodraeth Cymru i gynnig grantiau buddsoddi cyfalaf i adfywio eiddo masnachol yng nghanol trefi blaenoriaeth Bae Colwyn, Abergele & Pensarn, a Llandudno.

Mae’r GDEM yn cynnig cefnogaeth i feddianwyr, tenantiaid, a pherchnogion adeiladau manwerthu a masnachol ym Mae Colwyn, Abergele & Pensarn, a Llandudno. Gellir defnyddio’r grant i wella blaen adeiladau, ac yn fewnol i droi gofodau masnachol gwag yn ofodau busnes buddiol unwaith eto ac i roi pwrpas newydd i eiddo ble’n briodol.

Bydd grantiau o 70% ar gael o Gronfa Trawsnewid Trefi Llywodraeth Cymru tuag at waith mewnol ac allanol cymwys yn cael eu hystyried (hyd at uchafswm o £50k).

Beth fydd y grant yn ei gefnogi

Gall defnyddio'r gyllideb er mwyn:

· gwella a datblygu blaen adeiladau

· troi gofodau masnachol gwag yn ofodau busnes buddiol unwaith eto

· rhoi pwrpas newydd i eiddo ble’n briodol (e.e. masnachol, swyddfeydd, bwyd & diod)

Gofynnir i chi gysylltu ag aelod o'r tîm i drafod eich prosiect a'i chymhwyster cyn ymgeisio ar gyfer y cynllun grant yma.

Rhif Ffôn: 01492 577329
E-bost: [email protected]

Wedi cadarnhau’r dyfarniad bydd yn rhaid i’r holl gynigion fod wedi’u derbyn a’r a***n wedi’i hawlio erbyn 26 Chwefror 2027 fan bellaf.

Gronfa Datblygu Eiddo Masnachol - https://bit.ly/4diB55s

30/05/2026

MI FYDD Y GRONFA YN CAU AR GYFER UNRHYW GEISIADAU NEWYDD AM 12PM DDYDD IAU, 4YDD O FEHEFIN

Grant Busnes Cronfa Balchder Bro Conwy
Mae’r prosiect hwn wedi’i a***nnu drwy Gronfa Effaith Balchder Bro Llywodraeth y DU

Bydd Cronfa Effaith Balchder Bro yn darparu cyllid tymor byr ar gyfer gwelliannau uniongyrchol i sicrhau bod mannau a lleoedd a gaiff eu gwerthfawrogi gan gymunedau yn cael eu gwella.

Mae Amcan cyffredinol y Gronfa wedi’i ddylunio i gryfhau cymunedau, meithrin balchder a chreu sylfeini ar gyfer twf economaidd:

Am ragor o wybodaeth, ewch I

Pride in Place Impact Fund: prospectus - GOV.UK - https://bit.ly/4t0H0CV

Ar hyn o bryd dim ond gan Fusnesau yn ardaloedd siopa craidd / canolfannau masnachol y trefi canlynol y gellir derbyn ceisiadau

· Llanfairfechan
· Penmaenmawr
· Conwy
· Cyffordd Llandudno
· Deganwy
· Llandudno a Craig y Don
· Rhos on Sea
· Bae Colwyn
· Hen Colwyn
· Llanrwst
· Abergele a Phensarn,
· Bae Kinmel a Towyn

Mae'r cynllun yn cynnig cyllid o HYD AT 70% ar wa***nt cyfalaf a/neu refeniw cymwys ar gyfer prosiectau, gyda dyfarniadau o £3,000 hyd at £25,000 yn cael eu cynnig.

Bydd grant Busnes Cronfa Balchder Bro yn galluogi darparu grantiau i fusnesau masnachol neu gymdeithasol lleol (pan fo gweithgarwch masnachol) sydd yn: -

• gobeithio sicrhau bod eiddo masnachol gwag yn cael eu defnyddio eto ac/neu

• gobeithio cyflwyno technoleg carbon isel i’w heiddo busnes, yn benodol ynni solar, system wresogi carbon isel, mannau gwefru cerbydau trydan a goleuadau LED

Er mwyn bod yn gymwys i dderbyn cymorth buddsoddi, mae’n rhaid i fusnesau gael eu lleoli a’u gweithredu yn Sir Conwy, wedi bod yn masnachu dros 3 mis ac wedi cofrestru gyda CaThEF.

Mae’r cynllun wedi’i dargedu at fentrau bach a chanolig (sy’n cyflogi hyd at 250 o bobl) gydag un ai trosiant o lai na €50 miliwn neu fantolen lai na €43 miliwn

Cyn cyflwyno cais, gofynnir i chi siarad ag aelod o dîm Cymorth i Fusnesau Conwy.

Afonwch ebost i [email protected]

29/05/2026

Digwyddiadau ymgynghori ardoll ymwelwyr
2 Mehefin - 25 Mehefin

Mae Cyngor Bwrdeistref Sirol Conwy eisiau eich barn ar y posibilrwydd o gyflwyno ardoll ymwelwyr ar bob arhosiad dros nos cymwys.

Agorodd yr ymgynghoriad yn ffurfiol ar 20fed o Fai 2026 ac mae ar agor i bob preswylydd, ymwelydd a busnes yng Nghonwy. Byddem yn eich annog i gymryd rhan a'i hyrwyddo'n eang yn eich ardaloedd lleol. Gofynnir am ymatebion erbyn 17 Gorffennaf 2026 fan bellaf.

Mae rhaglen o ddigwyddiadau a sesiynau galw heibio wedi'u trefnu i roi cyfle i fusnesau, ymwelwyr a thrigolion glywed mwy am y broses ymgynghori ac ymgysylltu wyneb yn wyneb os yw'n well ganddynt.

Bydd y sesiynau yn cael eu cynnal yn y llefydd canlynol.Dewiswch sesiwn, a gadewch i ni wybod os ydych yn dod drwy gadw eich lle drwy Eventbrite os gwelwch yn dda: https://bit.ly/3PGCk6P

• Dydd Mawrth 2 Mehefin 2026 – Sesiwn sy'n canolbwyntio ar groeso ar gyfer busnesau arfordirol.

• Dydd Iau 4 Mehefin 2026 – Sesiwn galw heibio ar gyfer busnesau, preswylwyr ac ymwelwyr yn Llanrwst.

• Dydd Mawrth 16 Mehefin 2026 – Sesiwn galw heibio ar gyfer busnesau, preswylwyr ac ymwelwyr ym Mhenmaenmawr / Llanfairfechan.

• Dydd Mercher 17 Mehefin 2026 – Sesiwn galw heibio i fusnesau, trigolion ac ymwelwyr yng Nghonwy / Deganwy / Llandudno.

• Dydd Iau 18 Mehefin 2026 – Sesiwn galw heibio i fusnesau, trigolion ac ymwelwyr ym Mae Colwyn / Llandrillo-yn-Môr.

• Dydd Mawrth 23 Mehefin 2026 - Sesiwn sy'n canolbwyntio ar letygarwch ar gyfer busnesau gwledig.

• Dydd Iau 25 Mehefin 2026 – Sesiwn galw heibio i fusnesau, trigolion ac ymwelwyr yn Abergele / Bae Cinmel / Towyn.

Byddem yn eich annog i ddod i un o'r digwyddiadau i gael gwybod mwy ac i rannu eich barn.

27/05/2026

Ardoll Ymwelwyr Ymgynghoriad
Ar 14 Mai 2026, cymeradwyodd y Cyngor symud ymlaen i ymgynghoriad cyhoeddus ar y posibilrwydd o gyflwyno Ardoll Ymwelwyr ar draws y sir. Agorwyd yr ymgynghoriad yn ffurfiol ar 20 Mai 2026.

Mae'r ymgynghoriad ar agor i holl drigolion, ymwelwyr a busnesau Conwy a byddem yn eich annog i gymryd rhan a'i hyrwyddo'n eang yn eich ardaloedd lleol. Gofynnir am ymatebion erbyn 17 Gorffennaf 2026 fan bellaf.

Gellir cael mynediad at yr ymgynghoriad ar-lein drwy wefan y Cyngor:
https://bit.ly/4uzg8e7

Bydd copïau papur o’r ymgynghoriad hefyd ar gael i’w casglu a’u dychwelyd mewn Canolfannau Gwybodaeth i Dwristiaid, Llyfrgelloedd Conwy, Canolfan Fusnes Conwy, a Swyddfeydd y Cyngor yng Nghoed Pella.

Mae cyfres o ddigwyddiadau ymgysylltu wyneb yn wyneb yn cael eu trefnu ar hyn o bryd, gyda'r digwyddiad cyntaf wedi'i drefnu ar gyfer dydd Mawrth 2 Mehefin 2026.

Gallwch gofrestru eich presenoldeb trwy glicio ar y ddolen hon:

https://bit.ly/4e4W9Oj

Dyma'r cyntaf mewn cyfres o ddigwyddiadau ymgysylltu ar gyfer yr ymgynghoriad ar ardoll ymwelwyr. Bydd manylion digwyddiadau eraill yn dilyn yn fuan.

Os oes gennych unrhyw gwestiynau ynghylch yr ymgynghoriad, cysylltwch â: [email protected]

25/05/2026

Digwyddiad Busnes Mawr Gogledd Cymru

Venue Cymru, Llandudno ddydd Gwener 5 Mehefin, o 9am i 4pm

Gan ddod â busnesau, sefydliadau, entrepreneuriaid, buddsoddwyr, cyflogwyr, graddedigion, pobl sy'n gadael yr ysgol, ceiswyr gwaith a gweithwyr proffesiynol o bob cwr o'r rhanbarth ynghyd ar gyfer yr hyn a fydd yn ddigwyddiad busnes mwyaf Gogledd Cymru.

Gyda dros 10,000 metr sgwâr o ofod arddangos ar draws 10 parth, mae'r digwyddiad wedi'i gynllunio i arddangos cyfleoedd, arloesedd, buddsoddiad, sgiliau, twf a chydweithio ledled Gogledd Cymru a thu hwnt.

P'un a ydych chi'n fusnes sefydledig, yn fusnes newydd, yn fyfyriwr, yn geisiwr gwaith, yn fuddsoddwr, neu'n syml yn edrych i wneud cysylltiadau newydd, mae Busnes Mawr Gogledd Cymru ar agor i bawb — heb unrhyw gyfyngiadau ar bwy all fynychu.

Mae hwn yn gyfle unigryw i gwrdd â phobl na fyddech chi byth yn cwrdd â nhw fel arall, darganfod cyfleoedd newydd, a chael cipolwg gwerthfawr ar ddyfodol busnes yn y rhanbarth.

Rydym yn disgwyl dros 3,000 o fynychwyr drwy gydol y dydd, gyda rhaglen wych wedi'i chynllunio ledled y lleoliad.

Pam mynychu Busnes Mawr Gogledd Cymru?

Cwrdd a chysylltu â busnesau, sefydliadau a gwneuthurwyr penderfyniadau o bob cwr o Ogledd Cymru a thu hwnt
Darganfod cyfleoedd cyllido, cefnogaeth, buddsoddi, recriwtio a thwf
Archwiliwch 10 parth pwrpasol sy'n cwmpasu diwydiannau allweddol a chyfleoedd yn y dyfodol
Adeiladu perthnasoedd, codi eich proffil, a datgelu cyfleoedd newydd ar gyfer cydweithio

Mae archebu'n hanfodol ond mae'n rhad ac am ddim.

3000 o docynnau ar gael, llai na hanner ar ôl!

ARCHEBWCH YMA - https://bit.ly/4udWvIi

22/05/2026

Ymgynghoriad ar Ardoll Ymwelwyr - dweud eich dweud

Rhowch eich barn ar gyflwyno ardoll ar arosiadau dros nos mewn llety ymwelwyr
Gellir gweld y manylion llawn a’r arolwg ar wefan Conwy https://bit.ly/42O1uDn
Ni allwch adael sylwadau gan ein bod eisiau clywed a chasglu eich barn drwy’r broses ymgynghori.

22/05/2026

Cadw’n Ddiogel: Seiber i Fusnesau Bach

Cyfres o weminarau am ddim am bedair wythnos - o ddydd Iau 4 Mehefin 2026

Mae’n debyg bod eich busnes dan fwy o fygythiad o ymosodiadau seiber na feddyliech chi.

O negeseuon e-bost gwe-rwydo a chyfrifon yn cael eu hacio i fynediad diawdurdod at ddata a sgamiau, mae bygythiadau seiber yn dod yn fwy cyffredin i fusnesau bach bob dydd. Ac i lawer o berchnogion busnes, gall gwybod ble i ddechrau fod yn llethol.

Dyna pam bod Small Business Britain a BT yn dod at ei gilydd i ddarparu Cadw’n Ddiogel: Seiber i Fusnesau Bach, cyfres o weminarau am ddim am bedair wythnos gyda’r bwriad o’ch helpu chi ddiogelu eich busnes â chyngor ymarferol, syml.

Cânt eu cynnal am 10am bob dydd Iau drwy gydol mis Mehefin a bydd y gyfres hon yn eich arwain o ymwybyddiaeth seiber i feithrin gwytnwch go iawn, i’ch helpu i deimlo’n fwy hyderus am ddiogelu eich systemau, data cwsmeriaid a thîm.

Yn y pedair sesiwn, byddwch yn dysgu sut i:

• Adnabod bygythiadau seiber cyffredin cyn iddynt ddod yn broblem

• Cryfhau eich arferion diogelwch bob dydd

• Diogelu eich pobl, systemau a data eich busnes

• Creu cynllun ymateb i ddigwyddiad syml fel eich bod yn gwybod beth i’w wneud os bydd y gwaethaf yn digwydd

Dyddiadau’r cwrs:

• Modiwl 1: Dydd Iau 4 Mehefin, 10am - 11am

• Modiwl 2: Dydd Iau 11 Mehefin, 10am - 11am

• Modiwl 3: Dydd Iau 18 Mehefin, 10am - 11am

• Modiwl 4: Dydd Iau 25 Mehefin, 10am - 11am

COFRESTRWCH YMA - https://bit.ly/49GJQoL

20/05/2026

Bwrdd Bargeinio’r Gronfa Ynni Glân
Dydd Mercher 27 Mai
Y Mulberry, Conwy, LL32 8GU
10.00am – 3.00pm. Dim mwy na 4 o sesiynau.

Mae’r Gronfa Ynni Glân yn cynnig £24.6 miliwn i gefnogi prosiectau ynni glân yn y Gogledd.

Pwrpas y Gronfa yw rhoi cyllid cynaliadwy a hygyrch i fusnesau er mwyn cyflawni tri o nodau:

Sicrhau cydymffurfiaeth â Nodyn Polisi Caffael Cymru 006 fel y ceir mynediad at gadwyni cyflenwi yn awr ac yn y dyfodol.
Rhoi’r dewis i fusnesau ddatgarboneiddio eu gweithrediadau drwy drydaneiddio, yn enwedig peiriannau trwm.
Mae busnesau ledled y Deyrnas Unedig yn dal ar drugaredd digwyddiadau rhyngwladol, sy’n cael effaith anghymesur ar brisiau ynni. Gall buddsoddi mewn dulliau cynaliadwy, tra lleol o gynhyrchu ynni liniaru ar effaith y cythrwfl mewn marchnadoedd ynni rhyngwladol a rhoi rhywfaint o reolaeth i fusnesau ar eu costau.
Bydd UMi, ar y cyd â’i bartneriaid, yn cynnal Bwrdd Bargeinio cyntaf y Gronfa Ynni Glân i fusnesau Conwy ar 27 Mai 2026 yn y Mulberry, Conwy.

Mae’r Bwrdd Bargeinio’n fforwm buddsoddi ffurfiol sydd â’r nod o gyflymu datblygiad prosiectau ynni glân o’r radd flaenaf ledled gogledd Cymru.

Mae’n rhoi llwyfan i fusnesau sy’n chwilio am fuddsoddiad gan fenthycwr cyfrifol ac yn helpu’r busnesau hynny i weithredu’n fwy effeithlon a chael sicrwydd ynglŷn ag ynni.

Os hoffech chi ddod, neu os hoffech chi gael mwy o wybodaeth am y Bwrdd Bargeinio, cysylltwch â:

Matt Popple - Rheolwr Partneriaethau a Phrosiectau

[email protected]

Mae’r Gronfa Ynni Glân yn cynnig £24.6 miliwn i gefnogi prosiectau ynni glân yn y Gogledd. Bydd yn rhoi’r grym i fusnesau a mudiadau gwirfoddol greu dyfodol cynaliadwy, yn buddsoddi £100 miliwn yn y rhanbarth, yn creu 150 o swyddi newydd ac yn torri hyd at 125,000 o dunelli o garbon deuocsid (CO2e).

Rhennir y gronfa'n ddwy is-gronfa ar wahân i'r sectorau preifat a gwirfoddol.

CLICIWCH YMA I GAEL MWY O WYBODAETH AM Y GRONFA - https://bit.ly/41PxhU0

Cymorth Busnes Conwy

05/06/2026

03/06/2026

01/06/2026

30/05/2026

29/05/2026

27/05/2026

25/05/2026

22/05/2026

22/05/2026

20/05/2026

Address

Opening Hours

Telephone

Website

Alerts

Contact The Organisation

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 4:45pm