Ahmed Gaashaan

Ahmed Gaashaan Promoting Somalia’s National Interests & Global Image through Public Diplomacy & Strategic Comms

26/08/2026

Maanta: Musiibo weyn ayaa ka dhacday xadka Shiinaha iyo Nepal. Dhoobo iyo daadad xooggan ayaa ku dhuftay deegaanka Gyirong ee Tibet, gaar ahaan agagaarka dekedda xuduudka ku taal ee Gyirong. Waxaa la sheegay dad badan oo dhintay iyo ku la la’yahay, waddooyinka, korontada iyo isgaarsiin ayaa go’ay. Madaxweyne Xi Jinping wuxuu amray in la dedejiyo gurmadka iyo raadinta dadka la la’yahay.!

Hey'adda King Salman Humanitarian Aid and Relief Centre (KSrelief), oo hoostagta Boqortooyada Sacuudiga, ayaa magaalada ...
26/08/2026

Hey'adda King Salman Humanitarian Aid and Relief Centre (KSrelief), oo hoostagta Boqortooyada Sacuudiga, ayaa magaalada Kismaayo ka wada mashruuc ballaaran oo lagu dhisayo 200 guri oo loogu talagalay qoysaska Soomaaliyeed ee guryahooda ku waayay fatahaadaha, wabiga Jubba.

Mashruuca oo laga hirgelinayo deegaanka Luglow, waqooyiga Kismaayo, ma koobna oo keliya dhismaha guryaha. Waxaa sidoo kale qayb ka ah dugsi, xarun caafimaad, masaajid, nidaam biyo, waddooyin iyo adeegyo kale oo aasaasi ah, si qoysaska loo siiyo deegaan ay ku noolaadaan, halkii ay dib ugu laaban lahaayeen xeryaha barakacayaasha.

Dhagax-dhigga mashruuca oo la sameeyay November 2025, hada hawlihii dhismaha waxeey u socdaan si rasmi, iyadoo la bilaabay dhismaha xarumaha caafimaadka, masaajidka iyo kaabayaasha biyaha.!

Ruushka ayaa weli ku adkeysanaya in haddii dagaalka Ukraine la soo afjaro, ciidamada Ukraine ay si buuxda uga baxaan Don...
26/08/2026

Ruushka ayaa weli ku adkeysanaya in haddii dagaalka Ukraine la soo afjaro, ciidamada Ukraine ay si buuxda uga baxaan Donetsk, Luhansk, Kherson iyo Zaporizhzhia, halka Crimea-na aysan Ukraine dib ugu soo ceshan isku day militari.

Moscow waxay sidoo kale dalbanaysaa in Ukraine ka tanaasusho qorshaha ku biirista NATO, iyadoo shuruudahaas ay ku xirayso heshiis kasta oo lagu soo afjarayo dagaalka.

Haddii Kyiv aqbasho, waxaa la filan karaa in laga wada hadlo xabbad-joojin, khadadka dagaalka oo la dejiyo iyo dammaanad-qaadyo amni oo muddo dheer ah.

Heshiiskii Budapest Memorandum ee 1994., Markii Midowgii Soofiyeeti burburay, Ukraine waxay dhulkeeda ku haray oo ay lahayd qiyaastii 1,800 Madaxyo nuclear-ah, taas oo ka dhigtay inay yeelato mid ka mid ah kaydkii nukliyeerka ugu waaweynaa adduunka. Waxay hubkaas u wareejisay Ruushka, waxayna ku biirtay NPT iyadoo ah dal aan nukliyeer lahayn.

Bedelkeeda, Russia, Mareykanka iyo Britain waxay Budapest Memorandum ku ballanqaadeen inay:

1- Ixtiraamaan madaxbannaanida iyo xuduudaha Ukraine.
2- Inay ka fogaadaan hanjabaad ama adeegsiga Ciidan ka dhanka ah Ukraine sidoo kalana aysan Ukraine cadaadis dhaqaale ku saarin.

Ukraine waxay leedahay, “1994 waxaan ka tanaasulnay hubkii nukliyeerka, kuma bedbaadin heshiiskaas ".

Caqabadda ugu weyn ayaa weli ah hal arrin: Ukraine ma aqbali doontaa inay ka baxdo afar gobol oo ay u aragto dhulkeeda, halka Ruushku doonayo in tanaasulkaasi noqdo furaha heshiiska nabadda?

Doodda nabadda hadda waxay u muuqataa inay ku soo ururayso hal su’aal: yaa marka h**e tanaasulaya, Moscow mise Kyiv?

Dadkii daabacay qoraallo ka dhan ah go’aanka Maxk**adda Sare ee dalka, ha ogaadaan cid ka awood badan Maxk**adda Sare, h...
26/08/2026

Dadkii daabacay qoraallo ka dhan ah go’aanka Maxk**adda Sare ee dalka, ha ogaadaan cid ka awood badan Maxk**adda Sare, hay’adaha dowlada ma jirto. Ha ku cabbirin fikir iyo xamaasad hadal marka aad aragto go’aan ay gaartay Maxk**add.

Faa’iido iyo qasaare waxaa u dhexeeya, lafaha badbaadso.!

Bishan aan ku jirno ee August, 24dii, Ra’iisul Wasaaraha cusub ee Ingiriiska, Andy Burnham, ayaa booqday Kyiv, safarkiis...
26/08/2026

Bishan aan ku jirno ee August, 24dii, Ra’iisul Wasaaraha cusub ee Ingiriiska, Andy Burnham, ayaa booqday Kyiv, safarkiisii ugu horreeyay ee dibadda tan iyo markii uu xilka qabtay. Halkaas Britain waxay ku dhawaaqday inay Ukraine siinayso xog farsamo oo sir ahayd, si ay Ukraine u hesho awood farsamo gudaha ah oo ay kusoo saarto gantaalka ay soo wada saaraan Ingiriiska iyo Faransiiska ee Storm Shadow/SCALP.

Rushka, arrintaas si adag ayay uga horyimaadeen. Kremlin-ku wuxuu sheegay in Ruushku bilaabay ururinta xogta lagu aqoonsanayo goobaha laga soo saarayo gantaalladan, si loo qaado tallaabooyin lagu burburinayo. Taas macnaheedu waa in Moscow ay u aragto wax-soo-saarka gudaha Ukraine inuu yahay khad cusub oo dagaalka ah.

Maalintii xigtay, dhacdo kale oo aan caadi ahayn ayaa timid. Agaasimaha CIA-da Mareykanka, John Ratcliffe, ayaa si lama filaan ah u tagay Moscow, iyadoo diyaarad milatari oo Mareykan ah oo C-17 ah ay halkaas ka degtay. Warbaahinta Mareykanka waxay sheegtay in Ratcliffe uu Moscow u tagay kulamo uu la yeelanayo masuuliyiin Ruush ah, inkastoo ujeeddada rasmiga ah aan la shaacin.

Haddaba saddexda dhacdo marka la isku xiro:

Britain waxay Ukraine siisay awood ay mustaqbalka ku soo saari karto hubka dheereeya ee Storm Shadow/SCALP. Ruushku wuxuu sheegay inuu raadinayo goobaha wax-soo-saarka. Kadibna madaxa CIA-da ayaa si kadis ah Moscow u tagay. Suaasha ugu weeyn waaa Ruushka waxuu aruurinaayo si u talaabo u qaado ma Gudaha Faransiiska iyo Ingriiska ayuu damacsanaa inuu weeraro?

Maxaa laga yaabaa inuu Washington doonayo inuu Moscow lagala hadlo?

Haddii Ratcliffe uu la kulmo madaxda Ruushka, waxaa suuragal ah in wada-hadalladu ku saabsan yihiin xak**aynta kororka dagaalka, khadadka cas ee labada dhinac, weerarrada gudaha Ruushka iyo Ukraine, iyo sidii aan taageerada reer Galbeedku uga dhalan dagaal toos ah oo u dhexeeya NATO iyo Ruushka.

Waxaa kale oo laga yaabaa in Washington ay rabto inay Moscow si toos ah u fahamsiiso waxa ay diyaar u tahay iyo waxa aysan diyaar u ahayn, xilli wadahadalladii nabadeed ay hakad ku jiraan. Warbahinta Mareykanka ee CBSNEWS ayaa qortay in Washington ay Ukraine ka codsatay inay hakiso weerarrada inta wafdigooda uu ku suganyahay Moscow.

Ma jiro caddeyn rasmi ah oo muujinaysa in Ratcliffe uu Putin la kulmay ama in booqashadiisu si toos ah ugu xirnayd Storm Shadow. Laakiin waqtiga ay saddexdan dhacdo isugu xigaan ayaa ah waxa su’aalaha badan dhalinaya:

London waxay kordhisay awoodda Kyiv, Moscow waxay ka hadashay burburinta goobaha wax-soo-saarka, Washington-na waxay isla markiiba dirtay madaxa sirdoonkeeda Moscow.! Waxa hadda la sugayaa waa waxa ka dhalanaya kulamadaas iyo in booqashada Ratcliffe ay ahayd isku day lagu xakameynayo jawaabta Ruushka ka hor inta uusan dagaalku gelin marxalad cusub.!

Ra’iisul Wasaaraha Singapore, Lawrence Wong, Oo ka hadalay National Day Rally, ayaa sheegay in halkii ilmo oo ku dhasha ...
25/08/2026

Ra’iisul Wasaaraha Singapore, Lawrence Wong, Oo ka hadalay National Day Rally, ayaa sheegay in halkii ilmo oo ku dhasha Dowlada ay ku bixin doonto $70,000.

Asiga oo sharaxaya qaabka taageerada ayaa waxuu yiri:

$10,000 Baby Gift ayaa la bixinayaamarka ilmuhu dhasho. iyadoo Lacago lagu shubo MediSave iyo Children Development Account.

lacag dhan $2,000 oo ah Child Credits ayaa lagu shubayaa sannad kasta, laga bilaabo da’da 1 ilaa 16 jir, iyo sidoo kale Lacago dheeraad ah oo lagu shubo Edusave.

Waxuu kale uu sheegay in $10,000 oo kale oo lagu kordhinayo xisaabaadka waxbarashada marka ilmuhu gaaro 17 jir kadib dugsiga sare.

Qorshahan oo ka dhigan in ilmaha Singapore ku dhasha uu heli karo taageero maaliyadeed oo gaareysa ku dhowaad $70,000 inta uu korayo.!

Qof Nigerian ah oo faalo ka dhiibtay arrintaan maxuu yiri Comment 😂

Diyaarad milatari oo Mareykanku leeyahay ayaa maanta si lama filaan ah uga degtay garoonka Vnukovo International Airport...
25/08/2026

Diyaarad milatari oo Mareykanku leeyahay ayaa maanta si lama filaan ah uga degtay garoonka Vnukovo International Airport ee Moscow, iyadoo ka timid Riga, Latvia.

Diyaaradda ayaa ahayd Boeing C-17A Globemaster III, oo ka tirsan Ciidanka Cirka Mareykanka, waxaana lagu aqoonsaday call sign-ka RCH4555 iyo tail number-ka 07-7181. Xogta duulimaadka ayaa muujinaysa inay Riga ka kacday qiyaastii 8:50 subaxnimo waqtiga Moscow, kadibna ay Vnukovo ku degtay ku dhowaad 10:04.

Waxaa dhacdadan ka dhigaya mid si gaar ah loo hadal hayo waa xaaladda xiriirka Washington iyo Moscow. Diyaarad milatari oo Mareykan ah inay si toos ah ugu duusho caasimadda Ruushka waa arrin aad u naadir ah, gaar ahaan xilli dagaalka Ukraine uu weli socdo, xiriirka Ruushka iyo reer Galbeedkana uu aad u xumaaday.

Waxa ugu yaabka badan: Kremlin-ka wuxuu leeyahay “waxba k**a ogin”

Markii su’aalo laga weydiiyay diyaaradda, afhayeenka Kremlin-ka Dmitry Peskov, wuxuu sheegay inuusan hayn wax xog ah oo ku saabsan diyaaradda ama sababta ay Moscow u timid. Dhanka Mareykanka, Pentagon-ka iyo hay’adaha kale ee militariga ayaan weli si cad u sheegin ujeeddada safarka. (Reuters)

Warbaahinta caalamiga ah ayaa maanta sheegtay in John Ratcliffe, Agaasimaha CIA, uu sidoo kale gaaray Moscow si uu halkaas uga yeesho kulamo aan la shaacin. Reuters waxay xaqiijisay in warbixinnada ku saabsan booqashadiisa ay kasoo baxeen CBS News iyo Axios, balse CIA iyo Kremlin midkoodna k**a hadlin safarka ama cidda uu la kulmay.

C-17 Globemaster ma aha diyaarad caadi ah oo rakaab. Waa diyaarad istiraatiiji ah oo loo isticmaalo qaadista ciidamo, qalab iyo xamuul culus.

Waxa kale oo xusid mudan in diyaaraddan ay maalmo ka hor martay Joint Base Andrews, oo ku dhow Washington, DC, halkaas oo saldhig u ah 89th Airlift Wing, garabka qaabilsan safarrada gaadiidka hawada ee Madaxweynaha, Madaxweyne-ku-xigeenka iyo masuuliyiin kale oo sar-sare oo Mareykan ah.

Su’aashu ma aha oo keliya:

“Maxay diyaarad Mareykan ah uga degtay Moscow?”

Su’aasha ka weyn waxay noqon kartaa:

“Yaa Moscow u socda, yaase lala kulmayaa, maxaase hadda miiska saaran?”

Arrintan waxay kusoo beegmaysaa xilli dadaalladii Mareykanka ee dhexdhexaadinta dagaalka Ukraine ay hakad galeen, halka Washington iyo Moscow ay weli leeyihiin waddooyin diblomaasiyadeed oo aan gebi ahaanba xirmi.

Ilaa hadda hal xaqiiqo ayaa cad: C-17 Mareykan ah ayaa Moscow ka degtay. Sababta ay halkaas u tagtay iyo cidda ay siday weli si rasmi ah looma shaacin.

Haddii ay soo baxdo cidda saarneyd diyaaradda ama cidda ay Moscow kula kulantay, dhacdadani waxay yeelan kartaa macne aad uga weyn duulimaad militari oo keliya.

23/08/2026

Vladimir Solovyov, wuxuu si toos ah u durayaa awoodda nukliyeerka Yurub, isagoo sheegaya in xitaa France iyo Ingiriisku aysan haysan hub ku filan, isla markaana su’aal gelinaya aqoonta iyo hababka loo adeegsan karo.

Laakiin waxa muuqaalka ka dhigaya mid xiiso leh waa qaabka uu hadalka u adeegsado: Waa cashar laga baran karo hadalka sameeynta leh, wuxuu isku daraa kalsooni, cabsi-gelin iyo su’aal gelin joogto ah oo ku wajahan awoodda Yurub taas oo si toos ah u tabaneeysa maskaxada reer Yurub. “Maraykanku uma dhimanayo danaha Yurub” waa fariin u muuqata inay si gaar ah u beegsanayso kalsoonida iyo niyadda Yurub, taas oo laga fahmi karo qaab dagaal maskaxeed oo hadal ah.

Daqiiqadahan kooban ila daawo.

Waa kuma shaqsigan, hadalladiisana lagu gorfeeyo xafiisyada ugu waaweyn ee maamula narrative-ka Galbeedka?Vladimir Rudol...
22/08/2026

Waa kuma shaqsigan, hadalladiisana lagu gorfeeyo xafiisyada ugu waaweyn ee maamula narrative-ka Galbeedka?

Vladimir Rudolfovich Solovyov, oo ku dhashay 20 October 1963 magaalada Moscow, waa mid ka mid ah wejiyada ugu caansan uguna saamaynta badan warbaahinta siyaasadeed ee Ruushka.

Solovyov asal ahaan wuxuu bartay Economics, waxaana uu waxbarashadiisa sare ku qaatay Moscow. Waxa xiisaha leh ayaa ah in bilowgii 1990-meeyadii uu muddo ku noolaa Maraykanka, halkaas oo uu ka dhigayay waxbarashada Economics, ka hor inta uusan dib ugu laaban Ruushka.

Markii uu Ruushka ku soo laabtay, wuxuu galay saxaafadda iyo warbaahinta, waxaana ugu dambeyn uu noqday mid ka mid ah codadka ugu awoodda badan ee siyaasadda Ruushka.

Waxaa si gaar ah loogu yaqaan barnaamijkiisa “Evening with Vladimir Solovyov”, oo laga sii daayo Russia-1. Barnaamijkiisa wuxuu si joogto ah uga hadlaa Vladimir Putin, Ukraine, NATO, Maraykanka, Yurub, amniga iyo siyaasadda arrimaha dibadda ee Ruushka.

Solovyov wuxuu si xooggan u taageeraa Vladimir Putin iyo siyaasadda Kremlin-ka. Dowladda Maraykanka iyo Ukraine waxay ku tilmaameen mid ka mid ah wejiyada muhiimka ah ee faafinta Kremlin propaganda.

Laakiin Solovyov ma aha sarkaal dowladeed. Saamayntiisu waxay ka timaaddaa awoodda uu ku leeyahay warbaahinta iyo sida uu u qaabeeyo una gudbiyo narrative-ka Kremlin-ka. (https://2021-2025.state.gov/disarming-disinformation/faces-of-kremlin-propaganda/vladimir-solovyov/)

Arrin kale oo xiiso leh ayaa ah hantidiisa. Sanadkii 2022, dowladda Talyaaniga waxay la wareegtay laba villa oo uu ku lahaa Lake Como, kuwaas oo lagu qiimeeyay ku dhowaad €8 milyan, kadib cunaqabateyntii lagu soo rogay.

Sidoo kale, Barta YouTube ayaa Bishii March 2022 xannibtay kanaalladiisa Solovyov Live, tallaabadaasna waxay la xiriiriyeen xeerarka YouTube, ee ku saabsan dhiirrigelinta rabshadaha.

Maanta, Solovyov wuxuu ka mid yahay dadka muhiimka u ah fahamka Russian information warfare iyo strategic communications. Hadalladiisa ku saabsan Ukraine, NATO, Maraykanka iyo reer Galbeedka waxaa si weyn looga falceliyaa, loogana gorfeeyaa dhinacyada kala duwan ee dagaalka information-ka.

Marka la soo koobo: Putin wuxuu hoggaamiyaa siyaasadda Ruushka, Solovyov-na waa codadka ugu awoodda badan ee siyaasaddaas lagu sharxo, lagu difaaco laguna faafiyo.

Arrinta kale xiisaha leh ayaa ah in warbaahinta galbeedka iyo Saxafiyiinta ugu laacibsan uu la galo dood adag. isagoo si cad u sheegay in Amerka ayna u dhimaneeyn faaiidada Yurub.

👉🏼
https://youtu.be/GdAPGsV3LDY?si=Lw0XL8c_DIQyN41W

Fake Letter!
22/08/2026

Fake Letter!

Address

London

Website

Alerts

Be the first to know and let us send you an email when Ahmed Gaashaan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category