Top Fan

Directions

Top Fan 🌈ချစ်ခြင်းများစွာဖြင့်ဘဝခွန်အား​ပေးသုတ၊ရသစာပေများမျှဝေပါသည် အစစအရာရာဂရုစိုက်ကြပါ အားလုံးကို ချစ်တယ်❤🇲🇲

အောင်မြင်နေတဲ့ ဘဝမှာ ပျော်မနေတဲ့သူတွေ အများကြီးပဲ ။ အောင်မြင်ရက်နဲ့ နှလုံးသားမှာ ဆာငတ်နေတဲ့သူတွေ အများကြီးပဲ ။ အောင်မြင်...
19/08/2026

အောင်မြင်နေတဲ့ ဘဝမှာ ပျော်မနေတဲ့သူတွေ အများကြီးပဲ ။ အောင်မြင်ရက်နဲ့ နှလုံးသားမှာ ဆာငတ်နေတဲ့သူတွေ အများကြီးပဲ ။ အောင်မြင်ရက်နဲ့ စိုးရိမ်နေတဲ့သူတွေ အများကြီးပဲ ။ အောင်မြင်တဲ့ဘဝ ရလို့မှ မကြာလိုက်ခင် အသက်ကို စွန့်လိုက်ရတဲ့သူတွေ အများကြီးပဲ ။

သေသွားတဲ့အခါ အောင်မြင်ခြင်းဆိုတာ ထားခဲ့ရမှာ ။ ယူသွားလို့ မရဘူး ။ အဲဒီတော့ အောင်မြင်ခြင်းထက် အရေးကြီးတဲ့အရာတွေ ရှိလာပြန်တယ် ။

အောင်မြင်နေပေမဲ့ ငြိမ်သက်အေးချမ်းခြင်း ပျောက်ဆုံးနေတဲ့ ဘဝမျိုးထက် လက်ရှိပိုင်ဆိုင်ထားတဲ့ ပစ္စုပ္ပန်တိုင်းကို ကျေနပ်စွာ Enjoy လုပ်နိုင်ဖို့က ပိုအရေးကြီးပါတယ် ။ အလုပ်တွေလုပ်ရင်း မိသားစုကို အချိန်ပေးဖို့လည်း အရေးကြီးတယ် ။ မိတ်ဆွေသူငယ်ချင်းတွေနဲ့ ပျော်ရွှင်စွာ ရယ်မောဖို့လည်း အရေးကြီးတယ် ။ နောင်တမရှိတဲ့ ခြေရာတွေ ချန်ရစ်ထားနိုင်ဖို့လည်း အရေးကြီးတယ် ။ ကျွန်မအတွက်တော့ ဗုဒ္ဓဟူးနေ့တိုင်း ရုပ်ရှင်ကြည့်ဖို့ အရေးကြီးပါတယ် ။

#ငွေတီဦး

အသိဉာဏ်ပညာရှိတဲ့ အမျိုးသမီးတစ်ယောက်မှာ မပြသင့်တဲ့ အရာ (၇) မျိုး ရှိတယ်တစ်ချိန်က မျှဝေလေ ရိုးသားမှုကိုပြလေလို့ ထင်ခဲ့ဖူ...
13/08/2026

အသိဉာဏ်ပညာရှိတဲ့ အမျိုးသမီးတစ်ယောက်မှာ မပြသင့်တဲ့ အရာ (၇) မျိုး ရှိတယ်

တစ်ချိန်က မျှဝေလေ ရိုးသားမှုကိုပြလေလို့
ထင်ခဲ့ဖူးတယ်။

ဒါပေမဲ့ တကယ် ရင့်ကျက်တဲ့ အမျိုးသမီးဆိုတာ အရာအားလုံးကို ထုတ်ပြတဲ့သူ မဟုတ်ဘူး။
ဘယ်အရာကို ထုတ်ပြော ထုတ်ပြသင့်တယ်၊ ဘယ်အရာကို ကိုယ့်အတွက်ပဲ သိမ်းထားသင့်တယ်ဆိုတာ သိတဲ့သူ ဖြစ်တယ်။

တချို့အရာတွေကို ဖွင့်မပြတာဟာလှည့်ကွက်ရှိလို့ မဟုတ်ဘူး။
ဉာဏ်ပညာရှိလို့ဖြစ်တယ်။

၁.ကိုယ့်ချမ်းသာမှုကို မကြွားပါနဲ့။

ပိုက်ဆံဆိုတာ မိမိကိုယ်ကိုယုံကြည်မှုရှိစေတဲ့ အရာတစ်ခုပါ။ ကိုယ့်မှာရှိတာ ကိုယ်သိထားရုံနဲ့ လုံလောက်ပါတယ်။
တကယ် အရည်အချင်းရှိတဲ့သူက
ကိုယ့် တန်ဖိုးကို သက်သေပြဖို့ ကြွားဝါနေစရာ မလိုပါဘူး။
____
၂.အနာဂတ်အစီအစဉ်တွေကို
ကြိုမကြေညာပါနဲ့။

လူတိုင်းကို အိပ်မက်တွေ၊ ရည်မှန်းချက်တွေ
အလောတကြီး ပြောပြစရာ မလိုပါဘူး။
တိတ်တိတ်လေး ကြိုးစားပြီး
နောက်ဆုံး ရလဒ်က ကိုယ့်ကိုယ်စား စကားပြောပေးပါလိမ့်မယ်။

၃.အချစ်ရေးကို အလွန်အကျွံ မဖော်ပြပါနဲ့။

ပျော်ရွှင်မှုက လူတွေကို
လိုက်သက်သေပြနေစရာ မလိုပါဘူး။
မပျော်ရွှင်ရင်လည်း လူတိုင်းကို
လိုက်ရှင်းပြနေဖို့ မလိုပါဘူး။
အချစ်ရေးဆိုတာ
လူနှစ်ယောက်ကြားက ကိစ္စဖြစ်ပါတယ်။

၄.လူဝင်ဆန့်ကြောင်း မကြွားပါနဲ့။

တကယ့် လူဝင်ဆန့်မှုဆိုတာ လူဘယ်နှယောက်ကို သိတယ် မဟုတ်ဘူး။
ကိုယ့်ကိုယုံကြည်ပြီး ချစ်ခင်တဲ့
လူ ဘယ်နှယောက်ရှိလဲ ဆိုတာက
ပိုအရေးကြီးပါတယ်။

၅.ကိုယ့်ဒဏ်ရာကို လူတွေ့တိုင်း မဖွင့်ပြပါနဲ့။

အားနည်းပျော့ညံ့ခွင့် ရှိပါတယ်။
ဒါပေမဲ့ ကိုယ့်ခံစားချက်တွေကို
နားလည်ပေးနိုင်သူတွေဆီပဲ ဖွင့်ဟပါ။
ကြုံခဲ့ရတဲ့ အတွေ့အကြုံတွေကနေ ရလာတဲ့ ရင့်ကျက်မှုကိုတော့ ကိုယ့်အတွက်ပဲ သိမ်းထားပါ။

၆.ကိုယ်သွားတဲ့နေရာ၊
ကိုယ်လုပ်နေတာတွေကို အမြဲ မမျှဝေပါနဲ့။

ကိုယ့်ဘဝမှာ လျှို့ဝှက်မှု နည်းနည်းလေး
ရှိနေဖို့လည်း လိုပါတယ်။
ဒါဟာ ကိုယ့်ကိုယ်ကိုယ် ကာကွယ်
စောင့်ရှောက်တဲ့ နည်းတစ်ခုလည်း
ဖြစ်ပါတယ်။

၇.ကိုယ့်ရဲ့ စိတ်ခံစားချက်တွေကို
အလွန်အကျွံ မဖော်ပြပါနဲ့။

စိတ်ခံစားချက်တွေ ပြင်းထန်လာတဲ့ရင်
အရင်ဆုံး ငြိမ်ငြိမ်လေး နေလိုက်ပါ။
စိတ်တည်ငြိမ်သွားတဲ့အခါမှ ပြောပါ။
တစ်ခါတလေ ကိုယ်ထင်သလောက် ဒေါသထွက်ဖို့၊ စိတ်ဆိုးဖို့ မထိုက်တန်တဲ့ အရာတွေ အများကြီး ရှိပါတယ်။

🌸
တကယ် ဉာဏ်ပညာရှိတဲ့ အမျိုးသမီးဆိုတာ

စကားနည်းတဲ့သူ မဟုတ်ပါဘူး။
ဘယ်အချိန်မှာ ဘယ်လောက် ပြောသင့်တယ်ဆိုတာ သိတဲ့သူ ဖြစ်ပါတယ်။

တိတ်တိတ်ဆိတ်ဆိတ် နေတတ်တဲ့သူ မဟုတ်ပါဘူး။ အမြင်ကျယ်ပြီး စိတ်ဓာတ်မြင့်သူ ဖြစ်ပါတယ်။

သူသိထားတာက ...
ယုံကြည်မှုဆိုတာ ကိုယ့်တန်ဖိုးကို သက်သေပြဖို့ မလိုဘူး။

ပျော်ရွှင်မှုဆိုတာ ကြွားဝါဖို့ မဟုတ်ဘူး။

ရင့်ကျက်မှုဆိုတာ ကိုယ့်စွမ်းအင်ကို ကိုယ့်အတွက် သိမ်းထားပြီး အချိန်ကို ကြီးပြင်းမှု၊ တိုးတက်မှုအပေါ်မှာပဲ သုံးဖြုန်းတာဖြစ်တယ်။

စကားကို နည်းနည်းပြော၊
အလုပ်ကို များများလုပ်။

ကြွားဝါ ပြသတာကို လျှော့ပြီး
ကိုယ့်ကိုယ်ကိုယ် ပိုရင့်ကျက်အောင်
အချိန်ပေး" လာတာနဲ့အမျှ
ဘဝက ပိုအေးချမ်းလာတယ်။
လူမှုဆက်ဆံရေးလည်း ပိုရိုးရှင်းလာတယ်။
ပြီးတော့ ကံကောင်းခြင်းတွေလည်း
ကိုယ့်ဆီ တဖြည်းဖြည်း ချဉ်းကပ်လာတာ
တွေ့ရပါလိမ့်မယ်။

အမျိုးသမီးတိုင်း နူးညံ့သိမ်မွေ့ပေမယ့် စိတ်ဓာတ်ခိုင်မာတဲ့သူ ဖြစ်နိုင်ပါစေ။

ကြွားဝါစရာမလိုဘဲ
ကိုယ်ပိုင်အလင်းနဲ့ လင်းလက်နိုင်တယ်။
အသံကျယ်ကျယ် မပြောလည်း
ကိုယ့်ခွန်အားတွေ လူကို ကူးစက်စေတယ်။

တကယ် ရင့်ကျက်ပြီး ဉာဏ်ပညာရှိတဲ့သူဆိုတာ

စကားနည်းတာက ယဉ်ကျေးမှုပါ။

ကိုယ့်ဘဝကို အလွန်အကျွံ မပြသတာက ဉာဏ်ပညာပါ။

တိတ်တိတ်လေး ကြိုးစားပြီး
ကိုယ့်ကိုယ်ကိုယ် ဖွံ့ဖြိုးတိုးတက်အောင်
လုပ်နေတာက တကယ့် အရည်အချင်းပါ။

ရင့်ကျက်ပြီး ဉာဏ်ရှိတဲ့
အမျိုးသမီးတစ်ယောက်ဆိုတာ
အသက်ကြီးလာလေ ပိုပြီး ကြွားဝါလာတာ မဟုတ်ပါဘူး။
အသက်ကြီးလာလေ ဘယ်အရာကို ဘယ်လောက်လုပ်သင့်တယ်ဆိုတာ
ပိုသိလာတဲ့သူ ဖြစ်တယ်။

ကိုယ့်နှုတ်ကိုတော့ ကြင်နာတဲ့
စကားတွေအတွက် အသုံးပြုပါ။

စိတ်ခံစားချက်တွေကိုတော့ အချိန်ယူပြီး တည်ငြိမ်အောင် အနယ်ထိုင်ပါစေ။

ရလဒ်ကိုတော့ အချိန်က
သက်သေပြပေးပါလိမ့်မယ်။

တကယ် ထူးချွန်တဲ့သူတွေက

ကိုယ့်ရဲ့ အားအင်ကို အပြင်ထုတ်ပြီး
ကြွားဝါမနေကြပါဘူး။

အဲဒီအစား ကိုယ်အတွင်းမှာပဲ စုဆောင်းပြီး ကိုယ့်ကိုယ်ကိုယ် ပိုကောင်းအောင် တိတ်တိတ်လေး ကြိုးစားကြပါတယ်။

တကယ့် ရင့်ကျက်မှုဆိုတာ လူတိုင်းကို ကိုယ့်ဘဝအကြောင်း ပြသနေတာ မဟုတ်ဘဲ ကိုယ့်တန်ဖိုးကို တိတ်တိတ်လေး တည်ဆောက်ပြီး အချိန်ကိုပဲ သက်သေပြခွင့် ပေးတာဖြစ်ပါတယ်။

--- ကျွန်မလည်း အများကြီး
သင်ယူရမှာပါနော်... မျှဝေပါတယ်

#နိုင်းနိုင်းစနေ

တန်ဖိုးထားရင်တန်ဖိုးများတာပါပဲ ။အမျိုးသားပဲ ဖြစ်ဖြစ်အမျိုးသမီး ဖြစ်ဖြစ်ပေါ့ ။တန်ဖိုးထားပီး အချစ်ခံရရင် လူတွေဟာ ပျော်ရွှင...
13/08/2026

တန်ဖိုးထားရင်
တန်ဖိုးများတာပါပဲ ။

အမျိုးသားပဲ ဖြစ်ဖြစ်
အမျိုးသမီး ဖြစ်ဖြစ်ပေါ့ ။

တန်ဖိုးထားပီး အချစ်ခံရရင်
လူတွေဟာ ပျော်ရွှင်ပီး တောက်ပကြတာပဲ ။

တန်ဖိုးထားတဲ့ ဥယျာန်မှူးဆီမှာ
ပန်းလှလှကလေးတွေ
ပိုပွင့်တာ ဘာများဆန်းသလဲ ။

-Haru

"Don't Chase People"တစ်ခါတလေမှာ ကိုယ့်ဘက်ကနေ ဘယ်လောက်ပဲ လိုက်ကပ် တွယ်နေပါစေ ၊ ကိုယ့်အနားကို မရောက်ဘဲ အဝေးကို ထွက်ပြေးနေသ...
07/08/2026

"Don't Chase People"

တစ်ခါတလေမှာ ကိုယ့်ဘက်ကနေ ဘယ်လောက်ပဲ လိုက်ကပ် တွယ်နေပါစေ ၊ ကိုယ့်အနားကို မရောက်ဘဲ အဝေးကို ထွက်ပြေးနေသူတွေ ရှိပါတယ် ။

အဲ့လိုမျိုး ကိုယ့်ဘက်က ဘယ်လောက်ချစ်ပြနေပါစေ သူတို့ ကိုယ်တိုင်က မနေချင်လို့ ထွက်သွားတဲ့သူတွေနောက်ကို အတင်း လိုက်ကပ်နေမိသလိုတွေ ဖြစ်နေလား ။

အချစ်စစ်ကို လိုချင်တယ် ။ ကိုယ့်ဘက်ကလည်း ချစ်ခဲ့တဲ့ သူတိုင်းကို စစ်မှန်တဲ့ ချစ်ခြင်းမေတ္တာတွေပဲ ပေးခဲ့တယ် ။ ဒါပေမယ့် ကိုယ့်ဆီကို ချစ်ခြင်းမေတ္တာတွေ ပြန်မရခဲ့ဘူး ။ အမြဲတမ်း တန်ဖိုးထားခြင်းကို မခံရဘူးဆိုပြီး ကိုယ့်ကိုကိုယ် အပြစ်တွေ တင်နေတတ်ပါတယ် ။

တကယ်တော့ ကျွန်တော်တို့ အချစ်ကို ရှာဖွေနေစရာမလို ပါဘူး ။ အချစ်က ကျွန်တော်တို့ကို လာပြီး ရှာဖွေပါလိမ့်မယ် ။ ကိုယ့်ရဲ့ တန်ဖိုးတွေအကျခံပြီးလည်း တစ်စုံတစ်ယောက်အနားကို အတင်ကြီး ကပ်တွယ်နေစရာမလိုပါဘူး ။ ကိုယ့်ဘက်က အချစ်စစ်တွေပေးတိုင်းလည်း အချစ်က ပြန်ရတာမျိုးမှမဟုတ်ဘဲ ။

ဒါကြောင့် အရေးကြီးတာက ကျွန်တော်တို့ အချစ်ကိုရှာဖွေနေတာ ၊ ကိုယ့်ကို ရှောင်နေတဲ့သူအနားကိုမှ အတင်းကြီး ကပ်တွယ်နေတာမျိုးတွေထက်စာရင် ကိုယ့်အလုပ်ကိုလုပ်ပါ ။ ကိုယ့်ကိုယ်ကိုယ် ချစ်တတ်ဖို့အရင်ဆုံး သင်ယူပါ ။ Will Smith က ပြောဖူးတယ် ။

" Don't chase people, be yourself, do your own things and work hard "တဲ့ ။ လူတစ်ယောက်အနားကို လိုက်ကပ်တွယ်မနေပါနဲ့ ။ ကိုယ်လုပ်ချင်တာလေးတွေကိုလုပ်ပြီး အလုပ်ကိုပဲ ကြိုးစားပါ ။

မှန်ကန်တဲ့သူက ကျွန်တော်တို့ ဘဝထဲကို သူ့ဘာသာသူ ရောက်ရှိလာပါလိမ့်မယ်။
ပြီးတော့ သူက သင့်အနားမှာ အမြဲတမ်း ရှိနေပါလိမ့်မယ် ။ အချစ်စစ်ကို လိုက်ပြီးရှာဖွေနေတာထက် ကိုယ့်ကိုကိုယ် ချစ်တတ်ဖို့ သင်ယူပါ ။ လူတစ်ယောက်အနားမှာ အတင်းကြီး ကပ်တွယ်ပြီး အချစ်စစ်ကို တည်ဆောက်လို့မရပါဘူး ။ နှစ်ဦးနှစ်ဖက် ချစ်ခြင်းမေတ္တာတွေ ထပ်တူကျနေဖို့လိုပါတယ်။

(Verse)
(အလွဲအချော်များနှင့်လူငယ်တစ်ယောက်)

တစ်ခါတစ်လေ ပျော်ရွှင်ခြင်း တွေပဲတွေးကြည့်သင့်တယ်..တစ်နေ့တာရဲ့အချိန်အပိုင်းခြားလေးဖြစ်ဖြစ်ပေါ့ဘယ်လိုပဲ ဖြစ်ဖြစ် နေ့သစ်ရဲ့...
06/08/2026

တစ်ခါတစ်လေ ပျော်ရွှင်ခြင်း တွေပဲတွေးကြည့်သင့်တယ်..တစ်နေ့တာရဲ့အချိန်အပိုင်းခြားလေးဖြစ်ဖြစ်ပေါ့

ဘယ်လိုပဲ ဖြစ်ဖြစ် နေ့သစ်ရဲ့ ကောင်းကင်ပြာတိမ်ဆိုင်ငယ်တွေကို ငေးခွင့်ရသေးတယ် ။မနက်ဖြန် ပွင့်လာမယ့်ပန်းဝါဝါလေးတွေကိုလည်း နမ်းရှိုက်ခွင့်ရဦးမယ်

ရှင်သန်နေသရွေ့အနိုင်ရသူပဲမလို့
အတိတ်ကအမှားတွေကိုပြင်ဆင်ခွင့်ရသေးတယ်။
လှပတဲ့အမှတ်တရတွေလည်းဖန်တီးနိုင်သေးတယ်..

အမြဲတမ်းစိတ်ရှုပ်စရာဝမ်းနည်းစရာတွေတောင်တွေးနိုင်ရင်
ပျော်ရွှင်ခြင်းတွေတွေးဖို့လည်းအချိန်ယူကိုယူပါ..

ပြဿနာတွေကိုခဏမေ့လိုက်ပြီး
သဘာဝတရားမှာစိတ်အေးချမ်းပါကွယ်

စိတ်ကလေးကို အနားပေးပါ..
ရှေ့ဆက်လျှောက်ဖို့ အင်အားတွေလိုတယ်လေ
ပျော်ရွှင်ဖို့ထိုက်တန်ပါတယ်ကလေးငယ်....

-7

ကိုယ့်မှာ တကယ်ပိုင်နိုင်တာဆိုလို့ နာမည်နဲ့ ဂုဏ်သိက္ခာပဲ ရှိပါတယ် ။ ကျန်တာ အကုန် ပြိုကွဲ ပျက်စီး ပျောက်ဆုံးသွားနိုင်ပါတယ်...
06/08/2026

ကိုယ့်မှာ တကယ်ပိုင်နိုင်တာဆိုလို့ နာမည်နဲ့ ဂုဏ်သိက္ခာပဲ ရှိပါတယ် ။ ကျန်တာ အကုန် ပြိုကွဲ ပျက်စီး ပျောက်ဆုံးသွားနိုင်ပါတယ် ။ ဒါကြောင့် ယှဉ်ဖို့မလွယ် ၊ တုဖို့မလိုတဲ့ နာမည်တခု
ဂုဏ်တခုပိုင်ဆိုင်နိုင်အောင် ကိုယ့်ကိုယ်ကိုယ် ပြောင်းလဲလိုက်ပါ။

ကိုယ့်မှာ ကိုယ်ပိုင်ဂုဏ်သိက္ခာ ကိုယ်ပိုင်အရှိန်အဝါ ရှိနေရင်
ကံ တောင် မလိုတော့ပါဘူး ။ ဘာပဲလုပ်လုပ် ကံကောင်းနေပါလိမ့်မယ် ။ ရေတိုအချိန်မှာတော့ စိန်ခေါ်မှုအချို့ကြောင့် လုပ်နိုင်သလောက် အလုပ်မတွင်တာမျိုး ရှိကောင်း ရှိနိုင်ပေမဲ့ ၊
လုပ်ကောင်းလုပ်နေသရွေ့ ရေရှည်မှာ အကျိုးစီးပွားတွေ ရေစီးသလို အမြဲမပြတ် စီးဆင်းသွားမှာပါ ။

ရေတိုပြဿနာကို ရေရှည်အကျိုးစီးပွားအပေါ် တူရှုပြီး ဖြေရှင်း ပါ ။ လက်ရှိ အခက်အခဲတွေကို အနာဂတ် အကျိုးစီးပွားအတွက် မျှော်ကိုးပြီး ရင်ဆိုင်ပါ ။ ရေတို ပြဿနာလောက်နဲ့ စိတ်ပင်ပန်း ဆင်းရဲလွယ်နေလို့ကတော့ ရေရှည်မှာ ဘယ်လိုမှ ကြီးပွားချမ်းသာ ကြွယ်ဝ နိုင်မှာ မဟုတ်ပါဘူး ။

#လူသာ

ခွင့်လွှတ်ရင် အကြိမ်ကြိမ်အခါခါ နာကျင်နေရမယ် ။ စွန့်လွှတ် လိုက်ရင်တော့ တစ်ခါပဲ နာကျင်ရမယ် ။ဒီစကား အင်မတန်မှန်တယ် ။ လူတွေက...
07/07/2026

ခွင့်လွှတ်ရင် အကြိမ်ကြိမ်အခါခါ နာကျင်နေရမယ် ။ စွန့်လွှတ် လိုက်ရင်တော့ တစ်ခါပဲ နာကျင်ရမယ် ။

ဒီစကား အင်မတန်မှန်တယ် ။ လူတွေက ခွင့်လွှတ်မှန်း သိတော့ အကြိမ်ကြိမ် နာကျင်အောင် လုပ်ကြတယ် ။ ပြောရရင် ဒီလူက ခွင့်လွှတ်တယ် ။ ဒီတော့ ငါတို့ အနိုင်ယူလို့ ရတယ် ။ အဲဒီလောက်ထိ ဂရုစိုက်စရာမလိုဘူးဆိုတဲ့ အထာနဲ့ လုပ်ကြတယ် ။ လူတွေကလေ သူတို့ အနိုင်ယူလို့ရတဲ့ လူအပေါ်ပဲ အနိုင်ယူကြတာပါ ။ ငါ့အပေါ် လုပ်ရက်လေခြင်းလို့တွေးပေမဲ့ တစ်ဖက်လူက လုပ်ရက်လို့ လုပ်သွားတာပါ ။

ဘယ်ဆက်ဆံရေးမဆို ကိုယ့်အတွက် Toxic ဖြစ်တယ်လို့ ခံစားရပြီဆိုရင် အမြန်ဆုံး ရပ်တန့်ဖို့ပဲ အားပေးချင်တယ် ။ အချိန်ကြာ သွားရင် ဒီအရာကနေရတဲ့ စိတ်ဒဏ်ရာတွေက အနည်ထိုင်ဖို့ သိပ်ခက်တယ် ။ အနာကျက်ဖို့ အချိန်သိပ်ကြာတယ် ။ ကိုယ့်ရဲ့ Normal Lifeပြန်ရောက်ဖို့ အများကြီး ကြိုးစားယူရတယ် ။ ဒါကြောင့် ဒီနွံထဲ ကြာကြာမနစ်ဖို့ လိုတယ် ။ ကိုယ့်တန်ဖိုးကို မြင်အောင် ကြည့်ပါ ။ မှန်ထဲ ကိုယ့်ကိုယ်ကိုယ် ကြည့်ပြီး စိတ်ပျက်သွားမိတဲ့အထိ မဖြစ်ရင် အကောင်းဆုံးပါ ။ လူဆိုတာ ရူးမိုက်တတ်ကြတယ် ။ ဒါပေါ့ ရူးမိုက်လို့ ရတယ် ။ ဒါပေမဲ့
တစ်ကြိမ် တစ်ခါသာ ဖြစ်သင့်တယ် ။

ကိုယ့်ကို ဝမ်းပန်းတသာ မကြိုဆိုတဲ့ ရပ်ဝန်း ၊ မဖိတ်ခေါ်တဲ့ ပွဲလမ်း ၊ ဝင်မဆံ့တဲ့ စကားပြောဝိုင်းတွေ မသွားတာ ၊ ဝင်မပါတာ ပို ကောင်းတယ် ။ ကိုယ့်အတွက် မဟုတ်ဘူးဆိုတဲ့ အရာမှန်သမျှ ရှောင်လိုက်ပါ ။ ရလဒ်က စိတ်အေးချမ်းမှု အတိုင်းအဆမရှိ ခံစားရတယ် ။

လူတစ်ယောက်ကို သုံးခါလောက် ခွင့်လွှတ်ရင် လုံလောက်ပါပြီ ။ မစွန့်လွှတ်နိုင်သေးရင် ခွင့်လွှတ်ပါ ။ မခွင့်လွှတ်နိုင်ဘူးဆိုရင် စွန့်လွှတ်ပါ ။

ဘာလို့လဲ လူ့ဘဝက တိုတိုလေးရယ် ။ အကြည်ဓာတ်ပေးတဲ့
လူတွေနဲ့ ပိုထိတွေ့ပါ ။

#နူးနူးအောင်

တကယ်လို့ လူတစ်ယောက်ကို မချစ်တော့ရင်စွန့်လွှတ်လိုက်ပါ ။သူ့ကို တခြားလူ ချစ်ဖို့အခွင့်အရေး ပေးလိုက်ပါ ။တကယ်လို့ ကိုယ် ချစ်တ...
02/06/2026

တကယ်လို့ လူတစ်ယောက်ကို မချစ်တော့ရင်
စွန့်လွှတ်လိုက်ပါ ။
သူ့ကို တခြားလူ ချစ်ဖို့
အခွင့်အရေး ပေးလိုက်ပါ ။

တကယ်လို့ ကိုယ် ချစ်တဲ့လူ
ကိုယ့်ကို မချစ်တော့တဲ့အခါ
ကျေးဇူးပြုပြီး ကိုယ့်ကိုယ်ကိုယ် မစွန့်ပစ်ပါနဲ့ ။
တခြားတစ်ယောက်ကို ချစ်ဖို့
ကိုယ့်ကိုယ်ကိုယ် အခွင့်အရေးပေးပါ ။

#နိုင်းနိုင်းစနေ

ပိုင်ဆိုင်ခဲ့ဖူးတာကို အမှတ်တရထားပါ ၊ ပိုင်ဆိုင်နေတာတွေကို တန်ဖိုးထားပါ ၊ ဆုံးရှုံးသွားတဲ့အရာတွေကို မေ့ထားပါ ၊ မရတာတွေကို...
03/05/2026

ပိုင်ဆိုင်ခဲ့ဖူးတာကို အမှတ်တရထားပါ ၊ ပိုင်ဆိုင်နေတာတွေကို တန်ဖိုးထားပါ ၊ ဆုံးရှုံးသွားတဲ့အရာတွေကို မေ့ထားပါ ၊ မရတာတွေကို ကြိုးစားပါ ၊ မရနိုင်တာတွေကို ဥပေက္ခာပြုတတ်အောင် နေပါ ။ အဲဒီ အမျိုးသမီးတစ်ယောက်က ဘယ်လောက်တော်တော် ၊ ဘယ်လောက် ထက်မြက်နေပါစေ ၊ ဘယ်လောက်ပဲ ချောမောလှပနေပါစေ ၊ ဘယ်လောက်ပဲ ဝင်ငွေကောင်းနေပါစေ ၊ တန်ဖိုးမသိတဲ့သူလက်ထဲမှာတော့ သူမဟာ
ဘာတန်ဖိုးမှ မရှိဘူး ။ မင်း ငါမရှိလို့ ဖြစ်လို့လား ၊ မင်းရဲ့ အစွမ်းအစ ဘာရှိလို့လဲ စသဖြင့် စကားတွေက မိမိရဲ့တန်ဖိုးကို ချိုးနှိမ် ထားရုံမကဘဲ အပြစ်တင်ပြောဆိုခံရဖန် များလာတဲ့အခါ မိမိက ဘာ အမှားလုပ်မိလို့လဲ ၊ ဘာတန်ဖိုးမှ မရှိဘူးလား ဆိုပြီး သိမ်ငယ်စရာ မလိုဘူး ။ အားငယ်စရာ မလိုပါဘူး ။

မိန်းမတစ်ယောက်ရဲ့ မကောင်းကြောင်းကို အဲဒီမိန်းမကို မရနိုင်တဲ့ အမျိုးသားတစ်ယောက်ဆီက ကြားရတတ်ပြီး ၊ အဲဒီမိန်းမကို မယှဉ်နိုင်တဲ့ အမျိုးသမီးတစ်ယောက်ဆီကပဲ ကြားရတတ်ပါတယ် ။ တကယ်တမ်းတော့ ကျွန်မတို့က တန်ဖိုးမရှိတာ မဟုတ်ပါဘူး ။ ကျွန်မတို့ရဲ့ နေရာမှန် မဟုတ်လို့ပါ ။ တကယ့်နေရာနဲ့ အချိန် ကိုက်ညီသွားရင် တောက်ပတဲ့ ကြယ်လေးတစ်လုံး ဖြစ်နိုင်သလို ဝေဝေဆာဆာနဲ လှပမယ့် ပန်းကလေးတစ်ပွင့်လည်း ဖြစ်နိုင်ပါတယ် ။

#မေဆု (ရာမညမြေ)

ကိုယ့်ကို နွေးထွေးစေတဲ့ရပ်ဝန်းမှာနေပါ။ကိုယ့်ကို စိတ်သက်သာစေတဲ့ ဝန်းကျင်မှာ ပျော်ပါ။ရယူလိုစိတ်၊ ပိုင်ဆိုင်လိုစိတ်နဲနဲနဲ့ ...
05/03/2026

ကိုယ့်ကို နွေးထွေးစေတဲ့ရပ်ဝန်းမှာ
နေပါ။

ကိုယ့်ကို စိတ်သက်သာစေတဲ့ ဝန်းကျင်
မှာ ပျော်ပါ။

ရယူလိုစိတ်၊ ပိုင်ဆိုင်လိုစိတ်နဲနဲ
နဲ့ နေ့ရက်တိုင်းကိုရှင်သန်ပါ။

တတ်နိုင်သမျှ စိတ်ကို ခပ်ရှင်း
ရှင်းထားပါ။

လုပ်နိုင်သမျှ မေတ္တာများများ
ရှေ့ထားပါ။

ပူလောင်ကင်းကင်း မောဟကင်းကင်းနဲ့
ဘဝကို နေထိုင်ပါ။

အမှောင်ထဲမှာ လင်းအောင်နေပါ။

အရှုပ်ထဲမှာ ရှင်းအောင်နေပါ။

တစ်ခြားသူ အချည်အနှောင်အောက်မှာ
ငိုခြင်း၊ရယ်ခြင်း ကင်းပါ။

ဦးချေ(27.2.23)

Address

London

Website

Alerts

Be the first to know and let us send you an email when Top Fan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category