Kosovo Embassy London

06/06/2026

Sonte, në ora 19:00, përfundoi me sukses procesi i votimit në Ambasadën e Republikës së Kosovës në Mbretërinë e Bashkuar.

Me këtë rast, dëshirojmë të shprehim mirënjohjen tonë të sinqertë për të gjithë bashkatdhetarët në Mbretërinë e Bashkuar që ushtruan të drejtën e tyre demokratike për të votuar.

Një falënderim i veçantë shkon edhe për stafin e Ambasadës, zyrtarët e Ministrisë së Punëve të Jashtme dhe Diasporës, përfaqësuesit e partive politike dhe vëzhguesit, të cilët me përkushtimin dhe angazhimin e tyre kontribuuan që ky proces të zhvillohej në mënyrë të rregullt, transparente dhe të përmbyllej me sukses.

Urime Kosovë!

04/06/2026

Dublin City University (DCU) organizoi aktivitetin “Ireland and the EU Enlargement in the Western Balkans: Civil Society Perspectives from the Region”, ku morën pjesë Ambasadori i Republikës së Kosovës në Londër z.Ilir Kapiti, së bashku me diplomaten znj. Arta Qehaja.

Përfaqësues të shoqërisë civile nga Kosova dhe vendeve të tjera të Ballkanit Perëndimor diskutuan mbi progresin e vendit në rrugën e integrimit evropian, sfidat aktuale dhe rolin e organizatave të shoqërisë civile në avancimin e reformave demokratike, sundimit të ligjit dhe fuqizimit të proceseve gjithëpërfshirëse.

U diskutua në mënyrë kritike agjenda e reformave dhe vlerave evropiane, si dhe rëndësinë e mbështetjes së vazhdueshme të partnerëve evropianë për avancimin e procesit të integrimit të vendeve të Ballkanit Perëndimor.

Ishte kënaqësi të shihnim përfaqësuesit e shoqërisë civile nga Kosova, të cilët me profesionalizëm dhe përkushtim prezantuan arritjet, sfidat dhe aspiratat e vendit në rrugën drejt integrimit evropian. Kontributi i tyre në promovimin e vlerave demokratike, dialogut dhe bashkëpunimit ndërkombëtar mbetet i rëndësishëm për forcimin e zërit të Kosovës në arenën evropiane.

23/05/2026

23/05/2026

19/05/2026

Në Ambasadën e Republikës së Kosovës në Londër, Ambasadori Ilir Kapiti priti në një takim zyrtar përfaqësuesit e Shoqatës “Ardhmëria”, z. Lutfi Vata dhe znj. Anila Kadija.

Gjatë takimit u diskutuan projekte, propozime dhe organizime të ndryshme për të ardhmen e komunitetit shqiptar.