Jeay Sindh Freedom Movement

11/08/2026

14 اگست کو یومِ سیاہ منانے کا اعلان، سندھ میں احتجاج کی تیاری

لندن: جئے سندھ فریڈم موومنٹ نے 14 اگست کو سندھ، بلوچستان، پشتون، سرائیکی، کشمیری اور گلگت بلتستان کے عوام کے لیے “غلامی کا دن” قرار دیتے ہوئے اسے یومِ سیاہ کے طور پر منانے کا اعلان کیا ہے۔

تنظیم کے چیئرمین سہیل ابڑو اور دیگر رہنماؤں نے کہا کہ 14 اگست کو سندھ بھر میں کارکن سیاہ پٹیاں باندھیں گے اور مختلف مقامات پر سیاہ پرچم لہرائے جائیں گے۔ انہوں نے پاکستان کے قیام اور دو قومی نظریے کو بھی تنقید کا نشانہ بناتے ہوئے کہا کہ 1971 میں بنگلہ دیش کے قیام نے اس نظریے کی ناکامی ثابت کر دی۔

سہیل ابڑو نے الزام عائد کیا کہ سندھی، بلوچ، پشتون، سرائیکی، کشمیری اور گلگت بلتستان کے عوام کو سیاسی، اقتصادی اور جغرافیائی طور پر دباؤ کا سامنا ہے۔ انہوں نے کہا کہ حقِ خود ارادیت اور آزادی ان اقوام کا بنیادی حق ہے۔

انہوں نے یہ الزام بھی لگایا کہ 14 اگست سے قبل سندھ میں آزادی پسند سیاسی کارکنوں کے گھروں پر چھاپے مارے جا رہے ہیں اور جبری گمشدگیوں کا سلسلہ جاری ہے۔ انہوں نے اقوام متحدہ اور بین الاقوامی انسانی حقوق کے اداروں سے مداخلت اور حمایت کی اپیل کی۔

Jeay Sindh Freedom Movement

11/08/2026

Pakistan was created on 14 August 1947 based on the Two-Nation Theory, which failed following the independence of Bangladesh in 1971.

https://jsfmofficial.org/14-august-is-a-day-of-slavery-for-the-sindhi-baloch-pashtun-saraiki-kashmiri-and-gilgit-baltistani-nations-occupied-by-pakistan/

London:14 August is a day of slavery for the Sindhi, Baloch, Pashtun, Saraiki, Kashmiri and Gilgit-Baltistani nations occupied by Pakistan.

09/08/2026

پريس رليز

سائين امداد اوڍو جي 80هين جنم ڏينهن ۽ وائيس آف سنڌ لنڊن جي جنم ڏينهن جي موقعي تي تقريب، جيئي سنڌ فريڊم موومينٽ جي وفد جي شرڪت

لنڊن، برطانيا — 9 آگسٽ 2026ع:
وائيس آف سنڌ لنڊن ۽ ويب ٽي وي جي جنم ڏينهن ۽ سنڌ جي سينيئر صحافي، دانشور ۽ وائيس آف سنڌ جي ناشر سائين امداد اوڍو جي 80هين جنم ڏينهن جي موقعي تي وائيس آف سنڌ لنڊن پاران منعقد ڪيل پروقار تقريب ۾ جيئي سنڌ فريڊم موومينٽ (JSFM) جي وفد شرڪت ڪئي ۽ سائين امداد اوڍو جي ڊگهي صحافتي، فڪري ۽ سنڌ دوست خدمتن کي ڀيٽا پيش ڪئي.

لنڊن، 8 آگسٽ:
تقريب ۾ جيئي سنڌ فريڊم موومينٽ جي چيئرمين سهيل ابڙو جي اڳواڻي ۾ پارٽي جي ساٿين شرڪت ڪئي ۽ سائين امداد اوڍو کي سندس 80هين جنم ڏينهن تي دلي مبارڪباد پيش ڪئي.

تقريب جي موقعي تي جيئي سنڌ فريڊم موومينٽ جي چيئرمين سهيل ابڙو سائين امداد اوڍو کي سنڌ جي ثقافت جي علامت اجرڪ تحفي طور پارائي سندس صحافتي، فڪري ۽ سنڌ دوست خدمتن کي ڀيٽا پيش ڪئي ۽ کيس 80هين جنم ڏينهن جون دلي مبارڪون ڏنيون.

ان موقعي تي جيئي سنڌ فريڊم موومينٽ جي سينٽرل ايگزيڪيوٽو ڪميٽي جي ميمبر ۽ پارٽي ترجمان منصور حب پارٽي جي نمائندگي ڪندي سائين امداد اوڍو کي جنم ڏينهن جون واڌايون پيش ڪيون ۽ سندس ڊگهي صحافتي سفر، فڪري وابستگي ۽ سنڌ جي قومي، ثقافتي ۽ سماجي مسئلن کي اجاگر ڪرڻ واري ڪردار کي ساراهيو.

منصور حب چيو ته سائين امداد اوڍو 2012ع کان وائيس آف سنڌ جي پليٽ فارم ذريعي سنڌ جي آواز کي عالمي سطح تي اجاگر ڪرڻ، سنڌ جي مسئلن کي دنيا تائين پهچائڻ ۽ سنڌي ٻولي، ثقافت، تاريخ ۽ قومي شعور سان لاڳاپيل معاملن کي بحث جو حصو بڻائڻ ۾ پنهنجو صحافتي ڪردار ادا ڪندو رهيو آهي. سندس صحافت رڳو خبرن جي ترسيل تائين محدود نه رهي آهي، پر سنڌ جي فڪري ۽ قومي سوالن کي اجاگر ڪرڻ جو پڻ هڪ اهم ذريعو بڻيل آهي.

ان موقعي تي جيئي سنڌ فريڊم موومينٽ جي چيئرمين سهيل ابڙو چيو ته سنڌ جي قومي، فڪري، ثقافتي ۽ سماجي معاملن کي اجاگر ڪرڻ ۾ سائين امداد اوڍو جي ڊگهي صحافتي سفر ۽ وائيس آف سنڌ جي ڪردار کي قدر جي نگاهه سان ڏسون ٿا.

سهيل ابڙو چيو ته سنڌي ٻولي، سنڌ جي تاريخ، ثقافت، قومي شعور ۽ سنڌ سان لاڳاپيل مسئلن کي عالمي سطح تي اجاگر ڪرڻ لاءِ آزاد صحافت ۽ فڪري پليٽ فارمن جي وڏي اهميت آهي. وائيس آف سنڌ لنڊن ۽ ويب ٽي وي سنڌ جي آواز کي دنيا جي مختلف حصن تائين پهچائڻ ۽ سنڌي ٻوليءَ جي صحافتي ۽ فڪري اظهار لاءِ هڪ اهم پليٽ فارم فراهم ڪيو آهي.

هن چيو ته سنڌ جي آواز کي دنيا تائين پهچائڻ رڳو صحافتي ذميواري نه، پر هڪ تاريخي ۽ فڪري فرض پڻ آهي. اهڙا پليٽ فارم سنڌ جي تاريخ، ثقافت، ٻولي، سماجي مسئلن ۽ قومي سوالن کي عالمي سنڌي برادري ۽ عالمي راءِ عامه آڏو آڻڻ ۾ اهم ڪردار ادا ڪن ٿا.

جيئي سنڌ فريڊم موومينٽ جي چيئرمين وڌيڪ چيو ته سائين امداد اوڍو پنهنجي قلم ۽ فڪري وابستگي ذريعي سنڌ جي مسئلن کي اجاگر ڪرڻ سان گڏ سنڌي ٻولي ۽ ثقافت سان وابستگي کي پڻ زنده رکڻ ۾ پنهنجو ڪردار ادا ڪيو آهي. سندس 80هين جنم ڏينهن سندس ذاتي خوشيءَ سان گڏ سندس ڊگهي صحافتي ۽ فڪري سفر کي ساراهڻ ۽ خراجِ تحسين پيش ڪرڻ جو پڻ هڪ موقعو آهي.

تقريب ۾ شرڪت ڪندڙن سائين امداد اوڍو لاءِ نيڪ تمنائن جو اظهار ڪندي اميد ظاهر ڪئي ته هو پنهنجي تجربي، قلم ۽ فڪر ذريعي مستقبل ۾ پڻ سنڌ جي آواز، سنڌي ٻولي ۽ ثقافت کي عالمي سطح تي وڌيڪ سگهارو بڻائڻ جو سلسلو جاري رکندو.

جيئي سنڌ فريڊم موومينٽ (JSFM)
لنڊن، برطانيا
9 آگسٽ 2026ع
Radio Voice of Sindh - London
Sarwech Odho
Mansoor Hab
Sohail Abro

25/07/2026

*Please join us and raise your voice for the victims of enforced disappearances on the International Day of the Victims of Enforced Disappearances, 30th August 2026, at 2:00 pm, at 10 Downing Street, London, UK.* 🇬🇧

12/07/2026

جيئي سنڌ فريڊم موومينٽ ڄامشورو پاران جبري گمشدگين خلاف احتجاجي مارچ، ممتاز سومرو سميت سڀني قومي ڪارڪنن جي آزادي جو مطالبو

ڄامشورو: جيئي سنڌ فريڊم موومينٽ ڄامشورو پاران جيل جي گيٽ تان جبري طور کنڀي گم ڪيل قومي ڪارڪن ممتاز سومرو ۽ سنڌ جي مختلف علائقن مان جبري گم ڪيل قومي ڪارڪنن جي آزادي لاءِ احتجاجي مارچ ڪيو ويو. مارچ ۾ جيئي سنڌ فريڊم موومينٽ جي ڪارڪنن ۽ همدردن وڏي انگ ۾ شرڪت ڪئي. شرڪت ڪندڙن هٿن ۾ بينر ۽ پلي ڪارڊ کنيل هئا، جن تي جبري گمشدگين خلاف ۽ گم ڪيل قومي ڪارڪنن جي آزادي جي حق ۾ نعرا درج هئا.

احتجاجي مارچ جي اڳواڻي ضلعي صدر سعيد تيوڻو، تعلقي صدر ماجد لاشاري ۽ جيئي سنڌ تحريڪ جي مرڪزي اڳواڻ انور بڙدي ڪئي. مارچ دوران ڪارڪنن پاران پرامن احتجاج ڪندي حڪومت ۽ لاڳاپيل ادارن کان مطالبو ڪيو ويو ته جبري گمشدگين جو سلسلو فوري طور بند ڪيو وڃي ۽ بنا ڪنهن دير جي سڀني گم ڪيل قومي ڪارڪنن کي بازياب ڪرائي سندن وارثن جي حوالي ڪيو وڃي.

ان موقعي تي اڳواڻن خطاب ڪندي چيو ته جيل جي گيٽ تان ممتاز سومرو کي کنڀي گم ڪرڻ انتهائي ڳڻتي جوڳو ۽ قانون جي بالادستي تي سوال آهي. هنن چيو ته سنڌ ۾ ڪيترن ئي قومي ڪارڪنن کي بنا ڪنهن قانوني ڪارروائي جي کنڀي گم ڪيو ويو آهي، جنهن سبب سندن خاندان سخت ذهني اذيت ۽ بيچيني ۾ مبتلا آهن.

اڳواڻن چيو ته پرامن سياسي جدوجهد هر شهري جو آئيني ۽ بنيادي حق آهي، تنهن ڪري سياسي ڪارڪنن کي نشانو بڻائڻ ۽ جبري گم ڪرڻ ڪنهن به صورت ۾ قبول نه ڪيو ويندو. هنن مطالبو ڪيو ته ممتاز سومرو سميت سنڌ جي سڀني جبري گم ڪيل قومي ڪارڪنن کي فوري طور آزاد ڪيو وڃي، جيڪڏهن ڪنهن تي ڪو قانوني الزام آهي ته کيس عدالت ۾ پيش ڪري قانون موجب شفاف ڪارروائي ڪئي وڃي.

آخر ۾ احتجاج ڪندڙن خبردار ڪيو ته جيڪڏهن جبري گمشدگين جو سلسلو بند نه ڪيو ويو ۽ گم ڪيل قومي ڪارڪنن کي آزاد نه ڪيو ويو ته جيئي سنڌ فريڊم موومينٽ پنهنجو احتجاج وڌيڪ تيز ڪندي ۽ سنڌ جي مختلف شهرن ۾ احتجاجي تحريڪ جو دائرو وڌايو ويندو.

جيئي سنڌ فريڊم مومنٽ ضلعو ڄامشور پريس ترجمان سجاد سنڌيار
Jeay Sindh Freedom Movement
Saeed Teewno
Sohail Abro