GGDW Tim Gofal Plant

09/10/2026

06/10/2026

Diolch am fynychu'r Digwyddiadau Ymgynghori ar Ehangu Gofal Plant

Hoffem estyn ein diolch diffuant i bawb a gymerodd yr amser i fynychu'r Digwyddiadau Ymgynghori ar Ehangu Gofal Plant a gynhaliwyd Ddydd Mawrth a Dydd Iau diwethaf. Roedd y presenoldeb rhagorol ar draws y ddau ddigwyddiad yn adlewyrchu'r diddordeb sylweddol yn ehangu gofal plant a chryfder y teimlad o fewn y sector i helpu i lunio ei ddatblygiad yn y dyfodol.

Roedd yn ysbrydoledig gweld yr angerdd, yr ymrwymiad a'r ymroddiad yn yr ystafell i sicrhau bod ehangu gofal plant yn symud ymlaen mewn modd sy'n cefnogi plant, rhieni, lleoliadau gofal plant a'r gweithlu ehangach. Roedd eich cyfraniadau a'ch mewnwelediadau yn amhrisiadwy, ac rydym yn gwerthfawrogi'n fawr yr amser a gymerwyd i rannu eich barn a'ch profiadau.

Ar hyn o bryd rydym yn adolygu'r holl adborth a gasglwyd ar draws y ddau ddigwyddiad ac yn coladu hyn i lunio adroddiad. Bydd yr adroddiad hwn yn cael ei rannu ag uwch arweinwyr a chynghorwyr o fewn y Cyngor, yn ogystal â Llywodraeth Cymru. Rydym wedi ymrwymo i sicrhau bod eich lleisiau yn cael eu clywed wrth i Lywodraeth Cymru barhau i ddatblygu ei chynlluniau ar gyfer ehangu gofal plant yn y dyfodol.

Nid yw'n rhy hwyr i ddweud eich dweud. Os oes unrhyw beth pellach yr hoffech ei rannu ynglŷn â'r ehangu gofal plant, cysylltwch â ni yn
[email protected].

Diolch unwaith eto am eich ymgysylltiad a'ch cefnogaeth barhaus.

02/10/2026

Am ddim. Brysiwch tra bod lleoedd ar ôl!

Amgylcheddau sy’n Galluogi Dysgu

Erbyn diwedd y sesiwn, bydd yr ymarferwyr yn:

Deall beth yw amgylchedd sy’n galluogi dysgu
Myfyrio ar sut mae amgylcheddau yn cefnogi datblygiad a dysgu plant
Archwilio rôl yr oedolyn yn yr amgylchedd
Ystyried sut mae arsylwi yn llywio darpariaeth barhaus
Nodi newidiadau ymarferol i wella eu lleoliad eu hunain
Dyddiad: Dydd Mercher, 7 Hydref 2026
Amser: 6:30 - 8:30pm
Lleoliad: Zoom/Teams
Hyfforddwr: Early Years Wales
Cynulleidfa: Pob ymarferydd

Gellir archebu lle drwy anfon e-bost i’r [email protected].

02/10/2026

Am ddim. Brysiwch tra bod lleoedd ar ôl!

Brysiwch tra bod lleoedd ar ôl!

30/09/2026

Brysiwch tra bod lleoedd ar ôl!

28/09/2026

Brysiwch tra bod lleoedd ar ôl!

Digwyddiad Ymgynghori Ehangu Gofal Plant
Mae Llywodraeth Cymru wedi cyhoeddi cynlluniau i ddatblygu'r cynnig gofal plant wedi’i ariannu, gydag ymrwymiad y dylai pob plentyn rhwng 9 mis a 4 oed yng Nghymru allu elwa o gynnig gofal plant o safon wedi'i ariannu am 20 awr yr wythnos yn ystod 48 wythnos o'r flwyddyn yn y pendraw, a hynny mewn ffordd fwy syml a gyda chysondeb.
Maen nhw wedi cyhoeddi mai eu bwriad yw dilyn dull graddol a dilyniannol gyda’r trefniadau wedi’u rhoi ar waith yn llawn erbyn diwedd mis Mawrth 2030.
Hoffem eich gwahodd i ddigwyddiad ymgynghori i glywed mwy am y cynigion ac i rannu eich barn. Bydd eich adborth yn ein helpu i ddeall sut y gallai'r ehangu hwn effeithio ar eich busnes a llywio cynllunio a gweithredu lleol.
Dyma gyfle i:
• Sicrhau bod gan ddarparwyr gofal plant lais a'r Awdurdod Lleol yn gallu bwydo hyn yn ôl i Lywodraeth Cymru
• Nodi a deall cyfleoedd a heriau posibl i ddarparwyr gofal plant.
• Nodi mesurau lliniaru posibl ar gyfer heriau a rhwystrau
• Helpu i lywio trefniadau’r dyfodol, gan gynnwys cyflwyno fesul cam a threfniadau dilyniant.
Byddem yn croesawu cyfranogiad gan bob darparwr gofal plant. Mae eich profiad chi’n amhrisiadwy i’n hymdrechion i baratoi ar gyfer y cyfle sylweddol hwn i symud tuag at gynnig gofal plant wedi’i rannu ac ar gael i bawb sydd â hawl iddo

23/09/2026

Plant Cadarnhaol, Ymddygiad Cadarnhaol ar gyfer Lleoliadau Cofleidiol
Mae'r cwrs hwn yn tynnu sylw at y gwahaniaeth sylfaenol mewn ymagwedd ar gyfer lleoliad cofleidiol o'i gymharu â lleoliadau’r blynyddoedd cynnar neu addysg ac yn rhoi map ffordd unigryw ar gyfer gwella canlyniadau i'n holl blant rhyfeddol o amrywiol. Gall hyn helpu ymarferwyr yn enwedig os ydynt yn teimlo eu bod yn ei chael hi’n anodd. Mae'r cwrs hefyd yn archwilio rhai o'r camsyniadau ynghylch ymddygiad ac yn rhoi strategaethau pendant ar gyfer datgloi ymddygiad pro-gymdeithasol a rhywfaint o ymchwil newydd anhygoel i pam nad yw dulliau traddodiadol yn effeithiol. Gall hyn gael effaith sylweddol ar y plant, yr ymarferwyr a'r lleoliad yn ei gyfanrwydd.
Nodau’r Cwrs
• Hyrwyddo ymddygiad cadarnhaol i blant mewn lleoliad y tu allan i'r ysgol
• Tynnu sylw at gyfres o atebion ymarferol ar gyfer mynd i’r afael ag ymddygiad negyddol
• Dangos sut i ddefnyddio technegau ymddygiad cadarnhaol i ymestyn a gwella chwarae
• Ysbrydoli dysgwyr i dreulio llai o amser ar gynnal ymddygiad a mwy ar gael hwyl.
Mae'r cwrs hwn yn mynd i'r afael â'r canlynol:
• Cefnogi plant sy'n agored i niwed
• Iechyd meddwl cadarnhaol a lleihau gorbryder
• Deall ymddygiad
• Modelu cadarnhaol
• Strategaethau ymddygiad rhagweithiol
Cofiwch anfon e-bost at [email protected] i sicrhau bod lle ar y cwrs cyn talu
Manylion y Cwrs:
Dyddiad: Dydd Sadwrn 10 Hydref 2026
Amser: 9:30-12:30
Lleoliad: Plas Pentwyn community centre, 1A Castle Rd, Coedpoeth, Wrexham LL11 3NU
Hyfforddwr: Inspired Children
Cynulleidfa: Pob Ymarferydd
Pris: £10.00