31/07/2026
🌍 31 ივლისი რეინჯერთა საერთაშორისო დღეა.
ამ დღეს პატივს მივაგებთ ადამიანებს, რომლებიც ყოველდღიურად იცავენ ჩვენს ტყეებს, მთებს, მდინარეებს, ველურ ბუნებასა და კულტურულ მემკვიდრეობას. ეს ადამიანები რეინჯერები არიან!
რეინჯერები გარემოსდაცვითი უსაფრთხოების წინა ხაზზე დგანან. ისინი იცავენ ბიომრავალფეროვნებას, ზრუნავენ ბუნებრივი რესურსების მდგრად მართვაზე, აკონტროლებენ დაცულ ტერიტორიებს და მნიშვნელოვან წვლილს შეაქვთ ბუნებისა და კულტურული მემკვიდრეობის დაცვასა და შენარჩუნებაში.
🕯️ ამ დღეს განსაკუთრებული პატივით ვიხსენებთ იმ რეინჯერებს, რომლებმაც სამსახურებრივი მოვალეობის შესრულებისას, ბუნებისა და გარემოს დაცვის საქმეში სიცოცხლე გასწირეს. მათი თავდადება და გაღებული უზენაესი მსხვერპლი გვახსენებს, თუ რამდენად საპასუხისმგებლო და ხშირად სიცოცხლისთვისაც საშიშია რეინჯერის პროფესია.
🌲 თუშეთის დაცული ლანდშაფტის ადმინისტრაციის რეინჯერები ყოველდღიურად იცავენ თუშეთის უნიკალურ ბუნებრივ და კულტურულ მემკვიდრეობას. ისინი ახორციელებენ პატრულირებას, აკონტროლებენ დაცულ ტერიტორიას, ზრუნავენ ბუნებრივი რესურსების დაცვაზე და მზად არიან, ნებისმიერ დროს იმოქმედონ ბუნებისა და საზოგადოების ინტერესების დასაცავად.
რთული რელიეფისა და მკაცრი კლიმატური პირობების მიუხედავად, ისინი პროფესიონალიზმით, პასუხისმგებლობითა და საქმისადმი ერთგულებით ასრულებენ თავიანთ მნიშვნელოვან მოვალეობას.
🎗️ რეინჯერთა საერთაშორისო დღესთან დაკავშირებით, განსაკუთრებულად ვულოცავთ თუშეთის დაცული ლანდშაფტის ადმინისტრაციის რეინჯერს ბესიკი ბექურიძეს Uturi Bequridze, რომელსაც საქართველოს რეინჯერთა ასოციაციის მიერ, ბუნების დაცვის საქმეში შეტანილი მნიშვნელოვანი წვლილისა და ერთგული სამსახურისათვის, გადაეცა #მადლობის #სიგელი.
თუშეთის დაცული ლანდშაფტის ადმინისტრაცია მადლობას უხდის თითოეულ რეინჯერს მათი თავდადებული შრომისა და პროფესიონალიზმისთვის.
გილოცავთ რეინჯერთა საერთაშორისო დღეს!
💚 თქვენი ყოველდღიური სამსახური ჩვენი ბუნებისა და მომავალი თაობების დაცვის მნიშვნელოვანი საფუძველია.
#რეინჯერთასაერთაშორისოდღე
#საქართველოსრეინჯერები
#თუშეთისდაცულილანდშაფტი #თუშეთი
საქართველოს რეინჯერთა ასოციაცია/Georgian Ranger Association
