30/07/2026
📚 სიახლეები ბაჩანა ბრეგვაძის სახელობის ლიტერატურულ კონკურსში “მწიგნობარი“
გვსურს, ისევ და ისევ განსაკუთრებული მადლიერება გამოვხატოთ ხვანჭკარისა და ჭრებალოს საჯარო სკოლების მოსწავლეების ინიციატივის მიმართ, რომელთაც ბიბლიის შესწავლისა და გააზრების პოპულარიზაციის მიზნით კონკურსში ახალი ნომინაციის დამატება შემოგვთავაზეს. ვინაიდან მიმდინარე წლის პროგრამა უკვე დამტკიცებულია, ეს შესანიშნავი იდეა ოფიციალურად 2027 წლის “მწიგნობარში“ განხორციელდება, თუმცა წელს სიმბოლური თარიღი გვაქვს, საქართველოში ქრისტიანობის სახელმწიფო რელიგიად გამოცხადების 1700 წლის იუბილე. ცალკე ნომინაცია არ იქმნება, თუმცა ამ ისტორიულ თარიღს კონკურსი განსაკუთრებულად გამოეხმაურება-ნომინაციას- ბაჩანა ბრეგვაძის თარგმანები დაემატება მისივე ძველ ბერძნულიდან ნათარგმნი “სახარება ოთხთავი”.
განსაკუთრებული მადლობა ჩვენს მეგობარს- “შორენა შავერდაშვილის გამომცემლობას“ (ყოფილი გამომცემლობა “სეზანი“) მხარდაჭერისთვის!
მადლობას ვუხდით თითოეულ მოსწავლეს, მასწავლებელსა და მეგობარს ასეთი ღირებული ინიციატივისთვის.
‼️მონაწილეთა საყურადღებოდ, შეგიძლიათ თავიდან გაეცნოთ საკონკურსო ლიტერატურის ჩამონათვალს, სადაც ბაჩანა ბრეგვაძის თარგმანებში დაგხვდებათ ცვლილება და ასევე გაცნობებთ რომ საპრიზო ფონდი მოცემულ ნომინაციაში გაიზრდება( 500-დან 1000 ლარის ოდენობით) დღეიდანვე შეგიძლიათ მოაკითხოთ ბიბლიოთეკას, ხოლო მომდევნო კვირიდან მარაგები კიდევ შეივსება.
პატივისცემით,
ბაჩანა ბრეგვაძის სახელობის ლიტერატურული კონკურსის “მწიგნობარი“ შემოქმედებითი ჯგუფი.
