შიდა ქართლის მხარე

31/08/2026

გორში უგზო-უკვლოდ დაკარგულთა საერთაშორისო დღისადმი მიძღვნილი ღონისძიება გაიმართა

შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ლია გიგაური გორში უგზო-უკვლოდ დაკარგულთა საერთაშორისო დღისადმი მიძღვნილ ღონისძიებას დაესწრო.

ღონისძიებაში მონაწილეობდნენ შიდა ქართლის სახელმწიფო რწმუნებულის მოადგილე თამაზ ბესტაევი, გორის მუნიციპალიტეტის მერის მოადგილე იოსებ მაზმიშვილი, ადგილობრივი ხელისუფლების, წითელი ჯვრის საერთაშორისო კომიტეტისა და სამოქალაქო საზოგადოების წარმომადგენლები, ასევე უგზო-უკვლოდ დაკარგულთა ოჯახის წევრები.

ღონისძიება შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებითა და მხარდაჭერით, უგზო-უკვლოდ დაკარგულ პირთა მემორიალთან გაიმართა. .

საქართველოში, 1990-იანი წლების შეიარაღებული კონფლიქტებისა და 2008 წლის აგვისტოს რუსეთ-საქართველოს ომის შედეგად, დღემდე დაახლოებით 1 900 ადამიანი ითვლება უგზო-უკვლოდ დაკარგულად.

27/08/2026

26/08/2026

შიდა ქართლის სახელმწიფო რწმუნებულის ადმინისტრაციაში საქართველოს გაერთიანებული წყალმომარაგების კომპანიის წარმომადგენლებთან სამუშაო შეხვედრა გაიმართა.

​შიდა ქართლის სახელმწიფო რწმუნებული სიმონ გულედანი, გორის მუნიციპალიტეტის მერი კონსტანტინე ბუზალაძე და მუნიციპალიტეტის მერიის წარმომადგენლები გაერთიანებული წყალმომარაგების კომპანიის ხელმძღვანელ პირებს შეხვდნენ და მიმდინარე საკითხები განიხილეს.

​შეხვედრაზე მხარეებმა ადგილობრივი მოსახლეობის წყალმომარაგების გაუმჯობესებაზე, არსებული გამოწვევების გადაჭრის ეფექტურ გზებსა და ინფრასტრუქტურულ საჭიროებებზე ისაუბრეს.​ განსაკუთრებული ყურადღება დაეთმო წყალმომარაგების სტაბილურობის უზრუნველყოფასა და მიმდინარე თუ დაგეგმილი პროექტების ეფექტურად განხორციელების საკითხებს.

მხარეები მჭიდრო თანამშრომლობაზე შეთანხმდნენ. აღინიშნა, რომ მსგავსი ფორმატის შეხვედრები არსებული საკითხების ეფექტურად მართვასა და მოსახლეობისთვის ხარისხიანი მომსახურების მიწოდებას მნიშვნელოვნად შეუწყობს ხელს.

24/08/2026

ჯამბაკურ-ორბელიანების სასახლისა და ივანე ჯავახიშვილის სახლ-მუზეუმის რეაბილიტაცია

24/08/2026

შიდა ქართლის რეგიონის მასშტაბით, საჯარო უწყებებში ანაზღაურებადი სტაჟირების პროგრამით 71 ვაკანსია ცხადდება.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - www.vacancy.hr.gov.ge-ის მეშვეობით შეუძლიათ.

შიდა ქართლის მხარეში სახელმწიფო რწმუნებულის ადმინისტრაციაში ანაზღაურებადი სტაჟირება 3 ვაკანსიაზე გამოცხადდება. სახელმწიფო რწმუნებულის აპარატი – 1 ვაკანსია; ადგილობრივი თვითმმართველობის ორგანოებთან ურთიერთობის სამსახური ვაკანსია; რეგიონული პროექტების კოორდინირების სამსახური – 1 ვაკანსია.

🔹️ გორი

გორის მუნიციპალიტეტის მერიაში ანაზღაურებადი სტაჟირების კონკურსი 14 ვაკანსიაზე, ხოლო საკრებულოში - 3 ვაკანსიაზე გამოცხადდება.

მერიის შესყიდვების განყოფილება - 1 ვაკანსია; საზოგადოებასთან ურთიერთობის განყოფილება - 1; იურიდიული განყოფილება - 1; ჯანმრთელობის დაცვის და სოციალური უზრუნველყოფის განყოფილება - 1; ბავშვთა დაცვის განყოფილება - 1; შიდა აუდიტისა და მონიტორინგის განყოფილება -1; ქონების განყოფილება - 1; ბუღალტერიის განყოფილება - 1; ბიუჯეტის შესრულების კონტროლის განყოფილება - 1; სივრცითი მოწყობისა და არქიტექტურის განყოფილება - 1; ინფრასტრუქტურის განვითარების და კეთილმოწყობის განყოფილება - 1; განათლების, კულტურისა და ახალგაზრდული განყოფილება - 2; მშენებლობის კონტროლის განყოფილება - 1. ასევე, ანაზღაურებადი სტაჟირების პროგრამით 3 ვაკანსია გამოცხადდება გორის მუნიციპალიტეტის საკრებულოს აპარატში.

🔹️ კასპი

კასპის მუნიციპალიტეტის მერიაში ანაზღაურებადი სტაჟირების კონკურსი 6 ვაკანსიაზე, ხოლო საკრებულოში - 2 ვაკანსიაზე გამოცხადდება.

მერიის ადმინისტრაციული სამსახურის შესყიდვების განყოფილება - 2 ვაკანსია; ეკონომიკური განვითარების სამსახური - 2; შიდა აუდიტის სამსახური - 1; საფინანსო-საბიუჯეტო სამსახური - 1. ასევე, ანაზღაურებადი სტაჟირების პროგრამით 2 ვაკანსია გამოცხადდება კასპის მუნიციპალიტეტის საკრებულოს აპარატში.

🔹️ხაშური

ხაშურის მუნიციპალიტეტის მერიაში ანაზღაურებადი სტაჟირების კონკურსი 18 ვაკანსიაზე, საკრებულოში 2 ვაკანსიაზე, ხოლო ა(ა)იპ ორგანიზაციებში 4 ვაკანსიაზე გამოცხადდება.

მერიის ადმინისტრაციული სამსახურის საქმისწარმოების და ადამიანური რესურსების მართვის განყოფილება - 2 ვაკანსია; იურიდიული უზრუნველყოფის სამსახური - 2; საფინანსო-საბიუჯეტო სამსახური - 2; ზედამხედველობის სამსახური - 2; ინფარსტრუქტურის განვითარების და კეთილმოწყობის სამსახური - 2; ეკონომიკური განვითარების სამსახური-სივრცითი მოწყობის და არქიტექტურულ-სამშენებლო რეგულირების განყოფილება - 2; ჯანმრთელობის დაცვისა და სოციალური უზრუნველყოფის სამსახური - 2; განათლების, კულტურის და სპორტის სამსახური-სპორტის განყოფილება - 2; შიდა აუდიტის სამსახური - 2; (ა(ა)იპ- ,,წყლისა და გამწვანების კომპანია - 2; ა(ა)იპ ,,ხაშურსერვისი“ – 2. ასევე, ანაზღაურებადი სტაჟირების პროგრამით 2 ვაკანსია გამოცხადდება ხაშურის მუნიციპალიტეტის საკრებულოს აპარატში.

🔹️ ქარელი

ქარელის მუნციპალიტეტის მერიაში ანაზღაურებადი სტაჟირების კონკურსი 17 ვაკანსიაზე, ხოლო საკრებულოში 2 ვაკანსიაზე გამოცხადდება.

მერიის ადმინისტრაციული სამსახური - 1 ვაკანსია; საფინანსო-საბიუჯეტი სამსახური - 6; ეკონომიკური განვითარების სამსახური - 3; ზედამხედველობის სამსახური - 2; განათლების, კულტურისა და სპორტის სამსახური - 2; ჯანმრთელობის დაცვის და სოციალური უზრუნველყოფის სამსახური - 1; იურიდიული სამსახური - 2. ასევე, ანაზღაურებადი სტაჟირების პროგრამით 2 ვაკანსია გამოცხადდება ქარელის მუნიციპალიტეტის საკრებულოს აპარატში.

21/08/2026

გორის მუნიციპალიტეტში, ნადარბაზევის ტბის მიმდებარედ, საცხენოსნო დოღი გაიმართა.

ღონისძიებას შიდა ქართლის სახელმწიფო რწმუნებულის მოადგილე თემურ ხუბულური, გორის მუნიციპალიტეტის მერი კონსტანტინე ბუზალაძე, ადგილობრივი თვითმმართველობის წარმომადგენლები და საცხენოსნო სპორტის გულშემატკივრები დაესწრნენ.

შეჯიბრებაში საქართველოს სხვადასხვა მუნიციპალიტეტიდან ჩამოსულმა ცხენოსნებმა მიიღეს მონაწილეობა. გამარჯვებულები ფულადი პრიზებით, თასებითა და მედლებით დაჯილდოვდნენ, ყველა მონაწილეს კი სიგელი გადაეცა.

ღონისძიების მიზანი ცხენოსნობის პოპულარიზაცია და ახალგაზრდების სპორტის ამ სახეობაში მეტი ჩართულობის ხელშეწყობა იყო.

საცხენოსნო დოღი შიდა ქართლის სახელმწიფო რწმუნებულის ადმინისტრაციის მხარდაჭერით, გორის მუნიციპალიტეტის მერიისა და სპორტულ-გამაჯანსაღებელი და სარეაბილიტაციო საცხენოსნო კლუბ „კენტავრის“ თანადაფინანსებით გაიმართა.

20/08/2026

დავით აღმაშენებლის სახელობის საქართველოს ეროვნული თავდაცვის აკადემიაში 2026 წლის საბაკალავრო პროგრამისა და უმცროს ოფიცერთა მომზადების სკოლის საკანდიდატო კურსის გამოშვების ღონისძიება გაიმართა.

ღონისძიებას თავდაცვის მინისტრი ირაკლი ჩიქოვანი, შიდა ქართლის სახელმწიფო რწმუნებული სიმონ გულედანი, გორისა და ატენის მიტროპოლიტი მეუფე ანდრია, ადგილობრივი ხელისუფლების წარმომადგენლები, თავდაცვის ძალების მეთაური და თავდაცვის ძალების წარმომადგენლები დაესწრნენ. ღონისძიებაში ასევე მონაწილეობდნენ ეროვნული თავდაცვის აკადემიის იუნკრები, საკანდიდატო კურსის მსმენელები და მოწვეული სტუმრები.

ცერემონია ეროვნული თავდაცვის აკადემიის 107 წლის იუბილეს ფარგლებში გაიმართა. ღონისძიებაზე საბაკალავრო პროგრამისა და უმცროს ოფიცერთა მომზადების სკოლის საკანდიდატო კურსის კურსდამთავრებულებს სწავლის დასრულება და ოფიცრის წოდების მიღება მიულოცეს.

დავით აღმაშენებლის სახელობის ეროვნული თავდაცვის აკადემია საქართველოს უმნიშვნელოვანესი სამხედრო საგანმანათლებლო დაწესებულებაა, რომლის მთავარი ამოცანა თავდაცვის ძალებისთვის პროფესიონალი და მაღალი კვალიფიკაციის მქონე ოფიცერთა მომზადებაა.

17/08/2026

საქართველოს ვიცე-პრემიერმა, რეგიონული განვითარების მინისტრმა ქვემო ქართლში, შიდა ქართლში, სამცხე-ჯავახეთში, მცხეთა-მთიანეთსა და კახეთში სახელმწიფო რწმუნებულებთან და მათ მოადგილეებთან სამუშაო შეხვედრები გამართა.

შეხვედრებისას რეგიონების განვითარების მიმართულებით შესრულებული და დაგეგმილი ღონისძიებები განიხილეს.
განსაკუთრებული ყურადღება დაეთმო არსებული გამოწვევების შეფასებასა და პრობლემების სწრაფი გადაჭრის გზებს.

ამასთან, ხაზი გაესვა მოსახლეობისთვის მნიშვნელოვან საკითხებს, მათთან კომუნიკაციის გაუმჯობესებასა და მათზე მორგებული პოლიტიკის ეფექტიანად განხორციელების საშუალებებს.

11/08/2026

საქართველოს პრემიერ-მინისტრმა ირაკლი კობახიძემ, საქართველოს პრეზიდენტ მიხეილ ყაველაშვილთან, შიდა ქართლის სახელმწიფო რწმუნებულ სიმონ გულედანთან, აღმასრულებელი და საკანონმდებლო ხელისუფლების, ასევე ადგილობრივი თვითმმართველობის წარმომადგენლებთან ერთად, სოფელ შინდისში 2008 წლის 11 აგვისტოს გმირულად დაღუპული ქართველი სამხედროების ხსოვნას პატივი მიაგო.

ხელისუფლების წარმომადგენლები შინდისის ბრძოლაში დაღუპულთა სულის მოსახსენიებელ პანაშვიდს დაესწრნენ და გმირების მემორიალი გვირგვინით შეამკეს.

როგორც ირაკლი კობახიძემ აღნიშნა, შინდისის გმირების განსაკუთრებული თავდადება მომავალი თაობებისთვის ღირსებისა და სამშობლოს სიყვარულის მაგალითია. მისივე თქმით, საქართველოში თაობები შინდისის გმირების მაგალითზე უნდა იზრდებოდნენ.

შინდისის ბრძოლა საქართველოს უახლესი ისტორიის ერთ-ერთი ყველაზე გამორჩეული და ტრაგიკული ეპიზოდია. 2008 წლის 11 აგვისტოს, რუსეთის საოკუპაციო ძალებთან უთანასწორო ბრძოლაში საქართველოს თავდაცვის ძალების II ქვეითი ბრიგადის 17 ქართველი სამხედრო მოსამსახურე გმირულად დაიღუპა.

მათი თავგანწირვა საქართველოს უახლეს ისტორიაში გმირობისა და სამშობლოსადმი ერთგულების სიმბოლოდ რჩება.