გორის მუნიციპალიტეტის მერია

04/09/2026

გორის მუნიციპალიტეტში სპორტული ინფრასტრუქტურის განვითარებისა და არსებული ობიექტების განახლების მიმართულებით 8 პროექტი ხორციელდება.

მათ შორის 4 პროექტი უკვე დასრულებულია, 4 - კი მიმდინარეობს.

🔹 სპორტული მოედნების მიმართულებით 3 პროექტი მიმდინარეობს.

სამუშაოები ხორციელდება სადგურის დასახლებაში, ცხინვალის გზატკეცილის მიმდებარედ, საფეხბურთო კლუბ „გორის“ ტერიტორიაზე და სოფელ ფლავში.

🔹 სპორტული დარბაზებისა და შენობების მიმართულებით 4 პროექტი დასრულებულია, ერთი კი მიმდინარეობს.

დასრულდა ქართლის სტადიონისა და „ახალბაღის“ ტერიტორიაზე ჩოგბურთის კორტებისა და ფეხბურთის მოედნების დამხმარე შენობის მოწყობა, სპორტსკოლის დარბაზების რეაბილიტაცია, ასევე პაპიტაშვილისა და სხირელის სახელობის სკოლების შენობების გაფართოება.

სამუშაოები მიმდინარეობს სოფელ ხიდისთავში, სადაც რემონტდება სპორტული დარბაზი.

🔹 პროექტები მუნიციპალიტეტში ბავშვებისა და ახალგაზრდებისთვის თანამედროვე, უსაფრთხო და ხელმისაწვდომი სპორტული გარემოს შექმნას ემსახურება.

04/09/2026

🥋 გორში ძმები რომელაშვილების სახელობის მემორიალური საერთაშორისო ტურნირი გაიმართება

🔹 გორის მუნიციპალიტეტის მერი კონსტანტინე ბუზალაძე და მერის მოადგილე თორნიკე ფხაკაძე საქართველოს სპორტული კარატეს ეროვნული ფედერაციის პრეზიდენტს, თემურ გიგნაძეს შეხვდნენ. შეხვედრაზე გადაწყდა, რომ გორში ჩატარებულ საერთაშორისო ტურნირს „Open Gori“ ძმები გიორგი და გელა რომელაშვილების სახელობის მემორიალური ტურნირის სტატუსი ექნება.

ტურნირის კარატეს მსოფლიო ფედერაციის კალენდარში შეტანაც იგეგმება. მისი ორგანიზატორები გორის მუნიციპალიტეტის მერია და საქართველოს სპორტული კარატის ეროვნული ფედერაცია იქნებიან. პირველი მემორიალური ტურნირი 2027 წელს გაიმართება.

შეხვედრაზე ასევე ისაუბრეს გორში კარატეს განვითარების საკითხებზე.

გიორგი და გელა რომელაშვილები 2008 წლის აგვისტოს ომში დაიღუპნენ. ძმები წლების განმავლობაში გორში კარატეს სექციაში ვარჯიშობდნენ.

მათი სახელობის მემორიალური ტურნირი გმირი ძმების ხსოვნის უკვდავსაყოფად გადადგმული კიდევ ერთი მნიშვნელოვანი ნაბიჯი იქნება.

04/09/2026

🔹 გორის მუნიციპალიტეტში სკვერების მოწყობა და განახლება გრძელდება.

🔹 2026 წელს მუნიციპალიტეტს 6 განახლებული დასასვენებელი სივრცე შეემატება.

🔹 3 პროექტი უკვე დასრულებულია. ახალი და განახლებული სივრცეებით სარგებლობა უკვე შესაძლებელია სოფელ თორტიზაში, სოფელ ტირძნისსა და ქალაქ გორში, ყიფიანის ქუჩა N32 - ის მიმდებარედ.

🔹 3 პროექტი გრძელდება. ახალი სკვერების მოწყობა მიმდინარეობს სოფელ ქიწნისსა და სოფელ ზეღდულეთში, ასევე ქალაქ გორში, ანწუხელიძის ქუჩაზე.

🔹 პარალელურად, მუნიციპალიტეტის მასშტაბით მიმდინარეობს არსებული სკვერებისა რეაბილიტაციაც.

03/09/2026

გორის მუნიციპალიტეტის მერია სოციალური მიმართულებით მოქალაქეების მხარდაჭერას აგრძელებს.

2026 წელს გორის მუნიციპალიტეტის მერიამ "სოციალური პროექტების თანადაფინანსების პროგრამის" ფარგლებში 17 პროექტი დაფინანსდა, რომლითაც 3 000 - ზე მეტი მოქალაქე სარგებლობს.

პროექტები სხვადასხვა სოციალური საჭიროების მქონე ადამიანებზეა გათვლილი, მათ შორის არიან მარტოხელა და მზრუნველობას მოკლებული ხანდაზმულები, ბავშვები, შშმ პირები, დევნილები, დაზარალებული და სოციალურად დაუცველი მოქალაქეები.

პროგრამის ფარგლებში ბენეფიციარებს უსასყიდლოდ მიეწოდებათ სხვადასხვა სახის მომსახურება, მათ შორის შინმოვლის, სამედიცინო და სარეაბილიტაციო, საგანმანათლებლო - განმავითარებელი და საყოფაცხოვრებო სერვისები. ასევე, მარტოხელა ხანდაზმულები, შშმ პირები, დევნილები და სოციალურად დაუცველი ოჯახები სარგებლობენ ფსიქო - ემოციური მხარდაჭერით, დღის ცენტრების მომსახურებით, საზაფხულო ბანაკებით, უფასო კვებითა და 24 - საათიანი თავშესაფრით.

განხორციელებული პროექტები ხელს უწყობს მოქალაქეების ცხოვრების ხარისხის გაუმჯობესებას, მათ რეაბილიტაციასა და სოციალიზაციას, ასევე საზოგადოებაში სრულფასოვან ინტეგრაციას.

პროექტები გორის მუნიციპალიტეტის მერიაში დაფინანსების მიზნით საზოგადოებრივმა ორგანიზაციებმა წარმოადგინეს.

„სოციალური პროექტების თანადაფინანსების პროგრამის“ 2026 წლის ბიუჯეტი 497 000 ლარით განისაზღვრა.

03/09/2026

🔹 გორის მუნიციპალიტეტის სოფლებში მოსახლეობის სასმელი წყლით უწყვეტი მომარაგების მიზნით, წყალმომარაგების სისტემების მოწყობა და რეაბილიტაცია გრძელდება.

📍 2026 წელს სამუშაოები 13 სოფელში დაიწყო.

🔹 3 სოფელში პროექტები უკვე დასრულებულია — ახალუბანში, ფაბრიკის დასახლებასა და ხურვალეთის დევნილთა დასახლებაში.

🔹 სამუშაოები მიმდინარეობს 10 სოფელში — თერგვისში, ტირძნისში, ნიქოზში, ახრისში, დიცში, ბროწლეთში, თედოწმინდაში, აძვში, კვარხეთსა და შინდისში.

🔹 პროექტების დასრულების შემდეგ 3 400-ზე მეტი აბონენტი 24-საათიანი უწყვეტი წყალმომარაგებით ისარგებლებს.

02/09/2026

2026 წელს გორის მუნიციპალიტეტში საგზაო ინფრასტრუქტურის გაუმჯობესების მიზნით 20 პროექტი ხორციელდება.

სამუშაოები 15 სოფელსა და ქალაქ გორის რამდენიმე ქუჩას მოიცავს.

📍 20 პროექტიდან 14 უკვე დასრულებულია, 6 პროექტი კი მიმდინარეობს.

სამუშაოების შედეგად, მუნიციპალიტეტს 21 კილომეტრზე მეტი სიგრძის მოწესრიგებული გზა შეემატება.

ქალაქში მიმდინარე სამუშაოებიდან ერთ - ერთი მნიშვნელოვანი პროექტია პაპიტაშვილისა და პუშკინის ქუჩების დამაკავშირებელი გზის მოწყობა, რომელიც ქალაქის სხვადასხვა უბანს შორის გადაადგილებას გააუმჯობესებს.

სოფლებში საგზაო ინფრასტრუქტურის მოწესრიგება დასრულდა ტყვიავში, მეღვრეკისში, ხიდისთავში, პატარა გორიჯვარში, ერგნეთში, დიცში, ზემო ნიქოზში, სვენეთში, თორტიზაში, ქვემო ხვითში და მიმდინარეობს კოშკებში, კარალეთში, ბოშურში, ბერშუეთსა და სკრაში.

საგზაო პროექტების ფარგლებში ხორციელდება დაზიანებული გზის საფარის რეაბილიტაცია და ახალი საფარის მოწყობა, რაც მოსახლეობისთვის გადაადგილების პირობების გაუმჯობესებასა და საგზაო უსაფრთხოების უზრუნველყოფას ემსახურება.

გორის მუნიციპალიტეტისთვის საგზაო ინფრასტრუქტურის განვითარება ერთ - ერთი მნიშვნელოვანი პრიორიტეტია.

მუნიციპალიტეტში საგზაო ინფრასტრუქტურის მოწესრიგების მიზნით სამუშაოები ეტაპობრივად გაგრძელდება, რათა მოწესრიგებული და უსაფრთხო საგზაო ინფრასტრუქტურა გორის მუნიციპალიტეტის რაც შეიძლება მეტ დასახლებულ პუნქტს მოიცავდეს.

01/09/2026

📍 გორის მერია მოქალაქეების ჯანმრთელობისა და სოციალური საჭიროებების მხარდაჭერას აგრძელებს.

2026 წლის აგვისტოს ჩათვლით, მუნიციპალიტეტის ჯანდაცვისა და სოციალური პროგრამებით 6 523 მოქალაქის 8 051 განცხადება დაკმაყოფილდა. მოქალაქეებმა დახმარების სახით 3,5 მილიონ ლარზე მეტი მიიღეს.

🩺 ჯანდაცვის პროგრამები მოიცავს ონკოლოგიური პაციენტების, სოციალურად დაუცველი მოქალაქეების, ქრონიკული და იშვიათი დაავადებების მქონე პირების, აუტიზმისა და სქოლიოზის მქონე ბავშვების, ასევე სხვა საჭიროების მქონე ბენეფიციარების სამედიცინო დახმარებას, მედიკამენტებით უზრუნველყოფასა და რეაბილიტაციას.

📍 სოციალური პროგრამები ითვალისწინებს მრავალშვილიანი ოჯახების, სოციალურად დაუცველი სტუდენტებისა და სპორტსმენების, შშმ პირებისა და სტუდენტების, ვეტერანების, ობოლი ბავშვების, მარტოხელა მშობლების, ძალადობის მსხვერპლების, ხანდაზმულებისა და სხვა მოწყვლადი ჯგუფების ფინანსურ მხარდაჭერას, ასევე საცხოვრებლითა და სარიტუალო მომსახურებით უზრუნველყოფას.

2026 წელს პროგრამის ბიუჯეტი 4,5 მილიონი ლარით განისაზღვრა.

01/09/2026

📢 განაცხადების მიღება დაიწყო!

გორის მუნიციპალიტეტის მერიის მხარდაჭერით, გორელი ახალგაზრდებისთვის სტეფანწმინდაში მოლაშქრეთა ბანაკი მოეწყობა.

პროექტის ფარგლებში ახალგაზრდები სტეფანწმინდასა და მის მიმდებარე ტერიტორიებს მოინახულებენ, გაეცნობიან ადგილობრივ კულტურასა და ტრადიციებს და მონაწილეობას მიიღებენ ადგილობრივ ფოლკლორულ ფესტივალში, სადაც საკუთარ შემოქმედებასა და შესაძლებლობებს წარმოადგენენ.

👥 პროექტში მონაწილეობის მიღებას შეძლებენ 14-დან 19 წლამდე ახალგაზრდები, რომლებიც გამოირჩევიან შემოქმედებითი უნარებით და განსაკუთრებით ინტერესდებიან მოგზაურობით, მთითა და ახალი გამოცდილებების მიღებით.

მონაწილეთა შერჩევა მოხდება გასაუბრების საფუძველზე . ახალგაზრდები სტეფანწმინდაში 7 სექტემბერს გაემგზავრებიან, სადაც 5 დღეს გაატარებენ.

📅 პროექტში მონაწილეობის მსურველები 5 სექტემბრის ჩათვლით, მშობელთან ერთად უნდა მიბრძანდნენ ასოციაცია „ტონთიოს“ ადმინისტრაციულ შენობაში.

📍 მისამართი: გორი, გორჯვრის ქ. №26

📄 მათ უნდა წარმოადგინონ:

🔹 პირადობის მოწმობა ან დაბადების მოწმობა;
🔹 ცნობა ჯანმრთელობის შესახებ (ფორმა #100)
🔹 მშობლის თანხმობა (სპეციალურ ფორმას ადგილზე შეავსებს მშობელი)

🏞️ ტურის ფარგლებში ახალგაზრდები სტეფანწმინდასა და მის მიმდებარე ტერიტორიებს მოინახულებენ, გაეცნობიან ადგილობრივ კულტურასა და ტრადიციებს და მონაწილეობას მიიღებენ ადგილობრივ ფოლკლორულ ფესტივალში, სადაც საკუთარ შემოქმედებასა და შესაძლებლობებს წარმოადგენენ.

🤝 პროექტი ასოციაცია „ტონთიოსთან“ თანამშრომლობით, გორის მუნიციპალიტეტის მერიის "კულტურული ღონისძიებების ხელშეწყობისა და თანადაფინანსების პროგრამის" ფარგლებში განხორციელდება.

📞 დამატებითი ინფორმაციისთვის დაგვიკავშირდით - 599 22 16 44;

01/09/2026

პრემიერ-მინისტრის მიერ ინიცირებული ანაზღაურებადი სტაჟირების პროგრამის ფარგლებში გორის მუნიციპალიტეტის მერია 14 ვაკანსიაზე სამთვიან ანაზღაურებად სტაჟირებას აცხადებს.

10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - www.vacancy.hr.gov.ge - ის მეშვეობით შეუძლიათ.

🔹 შესყიდვების განყოფილება - 1 ვაკანსია;
🔹საზოგადოებასთან ურთიერთობის განყოფილება - 1;
🔹 იურიდიული განყოფილება - 1;
🔹ჯანმრთელობის დაცვის და სოციალური უზრუნველყოფის განყოფილება - 1;
🔹ბავშვთა დაცვის განყოფილება - 1;
🔹შიდა აუდიტისა და მონიტორინგის განყოფილება -1;
🔹 ქონების განყოფილება - 1;
🔹ბუღალტერიის განყოფილება - 1;
🔹ბიუჯეტის შესრულების კონტროლის განყოფილება - 1;
🔹სივრცითი მოწყობისა და არქიტექტურის განყოფილება - 1;
🔹ინფრასტრუქტურის განვითარების და კეთილმოწყობის განყოფილება - 1;
🔹განათლების, კულტურისა და ახალგაზრდული განყოფილება - 2;
🔹მშენებლობის კონტროლის განყოფილება - 1.

გორის მუნიციპალიტეტის მერიაში ანაზღაურებადი სტაჟირების კონკურსი 14 ვაკანსიაზე, ხოლო საკრებულოში - 3 ვაკანსიაზე გამოცხადდება.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - www.vacancy.hr.gov.ge-ის მეშვეობით შეუძლიათ.

🔹 შესყიდვების განყოფილება - 1 ვაკანსია;
🔹საზოგადოებასთან ურთიერთობის განყოფილება - 1;
🔹 იურიდიული განყოფილება - 1;
🔹ჯანმრთელობის დაცვის და სოციალური უზრუნველყოფის განყოფილება - 1;
🔹ბავშვთა დაცვის განყოფილება - 1;
🔹შიდა აუდიტისა და მონიტორინგის განყოფილება -1;
🔹 ქონების განყოფილება - 1;
🔹ბუღალტერიის განყოფილება - 1;
🔹ბიუჯეტის შესრულების კონტროლის განყოფილება - 1;
🔹სივრცითი მოწყობისა და არქიტექტურის განყოფილება - 1;
🔹ინფრასტრუქტურის განვითარების და კეთილმოწყობის განყოფილება - 1;
🔹განათლების, კულტურისა და ახალგაზრდული განყოფილება - 2;
🔹მშენებლობის კონტროლის განყოფილება - 1.

✔️ ასევე, ანაზღაურებადი სტაჟირების პროგრამით 3 ვაკანსია გამოცხადდება გორის მუნიციპალიტეტის საკრებულოს აპარატში.

31/08/2026

გორში უგზო - უკვლოდ დაკარგულთა საერთაშორისო დღისადმი მიძღვნილი ღონისძიება გაიმართა.

ღონისძიებას გორის მუნიციპალიტეტის მერის პირველი მოადგილე იოსებ მაზმიშვილი, შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ლია გიგაური და შიდა ქართლში სახელმწიფო რწმუნებულის მოადგილე თამაზ ბესტაევი დაესწრნენ.

ღონისძიება შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებითა და მხარდაჭერით, უგზო-უკვლოდ დაკარგულ პირთა მემორიალთან გაიმართა.

უგზო-უკვლოდ დაკარგულთა საერთაშორისო დღისადმი მიძღვნილი ღონისძიებები სახელმწიფო მინისტრის აპარატის ინიციატივითა და ორგანიზებით საქართველოს გაიმართა. ღონისძიებას ხელისუფლების წარმომადგენლებთან ერთად, წითელი ჯვრის საერთაშორისო კომიტეტისა და სამოქალაქო საზოგადოების წარმომადგენლებიც ესწრებოდნენ.

30 აგვისტოს დაწესებული უგზო-უკვლოდ დაკარგულთა საერთაშორისო დღის მთავარი მიზანი დაკარგულ ადამიანთა ხსოვნის პატივისცემა და იმ მძიმე პრობლემის შესახებ საზოგადოების ცნობიერების ამაღლებაა, რომელსაც უგზო - უკვლოდ დაკარგულთა ოჯახები წლების განმავლობაში აწყდებიან.

საქართველოში 1990-იანი წლების შეიარაღებული კონფლიქტებისა და 2008 წლის აგვისტოს რუსეთ-საქართველოს ომის შედეგად, დღემდე, დაახლოებით 1 900 ადამიანი ითვლება უგზო-უკვლოდ დაკარგულად.