ხობის მუნიციპალიტეტის მერია

03/09/2026

ხობის მუნიციპალიტეტის მერის დავით ბუკიას ინიციატივით ხობის მუნიციპალიტეტში რეგისტრირებული წარჩინებული სტუდენტები მერის სტიპენდიას მიიღებენ.

მერის სტიპენდია ვრცელდება ხობის მუნიციპალიტეტის ტერიტორიაზე რეგისტრირებულ სტუდენტებზე, რომლებიც საქართველოში არსებულ ავტორიზებულ უმაღლეს სასწავლებლებში საბაკალავრო-საგანმანათლებლო პროგრამებზე სწავლობენ.

მერის სტიპენდიის მოსაპოვებლად განცხადებების მიღება იწარმოებს 1 სექტემბრიდან 30 სექტემბრის ჩათვლით.

წარსადგენი დოკუმენტაციის სრული ჩამონათვალი და კრიტერიუმები შეგიძლიათ იხილოთ: https://shorturl.at/Jn9vu

01/09/2026

საჯარო დაწესებულებებში ანაზღაურებადი სტაჟირების პროგრამის ფარგლებში ხობის მუნიციპალიტეტის მერიაში 13 პოზიციაზე კონკურსი გამოცხადდა.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - https://vacancy.hr.gov.ge მეშვეობით შეუძლიათ.

ანაზღაურებადი სტაჟირების პროგრამაში ჩართვის მსურველი უნდა აკმაყოფილებდეს შემდეგ მოთხოვნებს:

ა) იცის სახელმწიფო ენა;
ბ) სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან მეორე საფეხურზე ან დასრულებული აქვს უმაღლესი განათლების პირველი ან მე-2 საფეხური 2025-2026 სასწავლო წლის გაზაფხულის სემესტრში.
დ) აკადემიური მოსწრება: ქულათა სისტემა – 71-100 ქულის მაჩვენებელი ან/და GPA 2.7-4.0).

დამატებითი მოთხოვნები და დამატებითი ინფორმაცია დაინტერესებულ პირს შეუძლია იხილოს, შემდეგ მისამართებზე:

ადმინისტრაციული სამსახურის სტაჟიორი ადამიანური რესურსების მართვის საკითხებში - https://vacancy.hr.gov.ge/JobProvider/UserOrgVaks/Details/102168?active=1

ადმინისტრაციული სამსახურის სტაჟიორი სამართლებრივი უზრუნველყოფის საკითხებში - https://vacancy.hr.gov.ge/JobProvider/UserOrgVaks/Details/102171?active=1

საფინანსო-საბიუჯეტო სამსახურის სტაჟიორი ბიუჯეტის დაგეგმარების საკითხებში - https://vacancy.hr.gov.ge/JobProvider/UserOrgVaks/Details/102175?active=1

საფინანსო-საბიუჯეტო სამსახურის სტაჟიორი საფინანსო ზედამხედველობის, ბუღალტერიისა და სახაზინო მომსახურების საკითხებში - https://vacancy.hr.gov.ge/JobProvider/UserOrgVaks/Details/102176?active=1

საფინანსო-საბიუჯეტო სამსახურის სტაჟიორი სახელმწიფო შესყიდვების საკითხებში - https://vacancy.hr.gov.ge/JobProvider/UserOrgVaks/Details/102178?active=1

ეკონომიკური განვითარებისა და ქონების მართვის სამსახურის სტაჟიორი მუნიციპალური ქონების მართვის საკითხებში - https://vacancy.hr.gov.ge/JobProvider/UserOrgVaks/Details/102179?active=1

ინფრასტრუქტურის, ურბანული განვითარებისა და არქიტექტურის სამსახურის სტაჟიორი მშენებლობისა და არქიტექტურის საკითხებში - https://vacancy.hr.gov.ge/JobProvider/UserOrgVaks/Details/102181?active=1

ინფრასტრუქტურის, ურბანული განვითარებისა და არქიტექტურის სამსახურის სტაჟიორი მშენებლობის ნებართვების საკითხებში - https://vacancy.hr.gov.ge/JobProvider/UserOrgVaks/Details/102182?active=1

კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის სტაჟიორი სპორტის საკითხებში - https://vacancy.hr.gov.ge/JobProvider/UserOrgVaks/Details/102193?active=1

კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის სტაჟიორი ძეგლთა დაცვის საკითხებში - https://vacancy.hr.gov.ge/JobProvider/UserOrgVaks/Details/102217?active=1

კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის სტაჟიორი კულტურის საკითხებში - https://vacancy.hr.gov.ge/JobProvider/UserOrgVaks/Details/102223?active=1

შიდა აუდიტისა და ინსპექტირების სამსახურის სტაჟიორი შიდა აუდიტის საკითხებში - https://vacancy.hr.gov.ge/JobProvider/UserOrgVaks/Details/102233?active=1

ზედამხედველობის სამსახურის სტაჟიორი ინფრასტრუქტურული პროექტების მონიტორინგის საკითხებში - https://vacancy.hr.gov.ge/JobProvider/UserOrgVaks/Details/102244?active=1

კონკურსი წარიმართება ორ ეტაპად - განაცხადების გადარჩევა და გასაუბრება.
შერჩეული კანდიდატები სტაჟირებას გაივლიან 2026 წლის 1 ოქტომბრიდან 31 დეკემბრის ჩათვლით პერიოდში.

30/08/2026

31 აგვისტოს, ახალგაზრდული დღეების ფარგლებში, ქალაქ ხობის ცენტრალურ პარკში დიჯეი SPACE-ს კონცერტი გაიმართება.

დასაწყისი: 20:00

ღონისძიების ორგანიზატორები: ხობის მუნიციპალიტეტის მერია და "ხობის მუნიციპალიტეტის კულტურულ-საგანმანათლებლო საზოგადოებრივი ცენტრი".

დასწრება თავისუფალია!

29/08/2026

ხობის საფეხბურთო ცენტრის ხელოვნურსაფარიან სტადიონზე ხობის "კოლხეთი-2"-ის ყოფილი ფეხბურთელის, ნუგზარ (ნუტი) ლემონჯავას ხსოვნისადმი მიძღვნილი ტურნირი გაიმართა საფეხბურთო სკოლების გუნდების მონაწილეობით.

პირველობის გამარჯვებული წალენჯიხის "იუვენტუსის" აკადემია გახდა, ხოლო მეორე ადგილი ქუთაისის "ტორპედომ" დაიკავა.

ტურნირს ხობის მუნიციპალიტეტის საკრებულოს თავმჯდომარე გოჩა ქაჯაია და მერის მოადგილე დავით ბერაია ადგილობრივი თვითმმართველობის წარმომადგენლებთან ერთად დაესწრნენ.

ტურნირი ხობის მუნიციპალიტეტის ადგილობრივი თვითმმართველობის, საქართველოს ეროვნული ოლიმპიური კომიტეტის სამეგრელო-ზემო სვანეთის რეგიონული ორგანიზაციის, სამეგრელო-ზემო სვანეთის ფეხბურთის რეგიონული ფედერაციის მხარდაჭერითა და ა(ა)იპ „საფეხბურთო კლუბ ხობის კოლხეთის“ ორგანიზებით ჩატარდა.

27/08/2026

26/08/2026

26/08/2026

ხობის მუნიციპალიტეტში რეგისტრირებულ სოციალურად დაუცველ პირველკლასელებს ადგილობრივი ბიუჯეტის დაფინანსებით შეძენილი სასკოლო ნივთები გადაეცათ.

მერია სოციალურად დაუცველი მოსწავლეების მხარდაჭერის პროგრამას მეორე წელია ახორციელებს და მის მიზანს სოციალურად დაუცველი პირველკლასელების განათლების ხელმისაწვდომობის მხარდაჭერა წარმოადგენს.

მერია სკოლების მოსწავლეებს წარმატებებს და დასახული მიზნების მიღწევას გისურვებთ

25/08/2026

ახალგაზრდებო, გულითადად გილოცავთ სტუდენტობას!

მახარებს, რომ თქვენი ცოდნით, ნიჭითა და შრომისმოყვარეობით მიაღწიეთ დასახულ მიზანს და უმაღლესი სასწავლებლის სტუდენტები გახდით.

წინ გელით ახალი შესაძლებლობებით, საინტერესო გამოცდილებებითა და გამოწვევებით სავსე წლები. მჯერა, რომ სტუდენტობის პერიოდი იქნება ცოდნის გაღრმავების, პროფესიული განვითარების, ახალი ურთიერთობებისა და მიღწევების საწყისი. გამოიყენეთ თითოეული შესაძლებლობა, სრულად გამოავლინეთ თქვენი უნარები და თავდაჯერებით გადადგით ნაბიჯები ახალი გამარჯვებებისაკენ!

გისურვებთ ჯანმრთელობას, წინსვლასა და ნაყოფიერ საქმიანობას, მჯერა, სტუდენტობის წლები თქვენი მომავალი წარმატებების მტკიცე საფუძველი გახდება!

ხობის მუნიციპალიტეტის მერი დავით ბუკია

19/08/2026

საჯარო დაწესებულებებში ანაზღაურებადი სტაჟირების პროგრამის ფარგლებში ხობის მუნიციპალიტეტში 15 პოზიციაზე კონკურსი გამოცხადდება, რომელთაგან 13 ვაკანსია ხობის მუნიციპალიტეტის მერიაშია, ხოლო 2 ვაკანსია საკრებულოში.

სტაჟირების მსურველებს განაცხადის გაკეთება 2026 წლის პირველი სექტემბრიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის - https://vacancy.hr.gov.ge მეშვეობით შეეძლებათ.

ხობის მუნიციპალიტეტის მერია:
მერიის ადმინისტრაციული სამსახური - 2;
მერიის საფინანსო-საბიუჯეტო სამსახური - 3;
მერიის ეკონომიკური განვითარებისა და ქონების მართვის სამსახური - 1;
მერიის ინფრასტრუქტურის, ურბანული განვითარებისა და არქიტექტურის სამსახური - 2;
მერიის კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახური - 3;
მერიის შიდა აუდიტისა და ინსპექტირების სამსახური - 1;
მერიის ზედამხედველობის სამსახური - 1.

ხობის მუნიციპალიტეტის საკრებულო:
საკრებულოს აპარატის იურიდიულ საკითხთა და საქმისწარმოების განყოფილება - 1
საკრებულოს აპარატის ადამიანური რესურსების მართვის განყოფილება -1