22/08/2026
წალენჯიხაში ქრისტიანობის სახელმწიფო რელიგიად გამოცხადებიდან 1700 წლისთავისადმი მიძღვნილ საგანმანათლებლო და კულტურულ კინოჩვენებას დავესწარი.
ეს თარიღი მხოლოდ ისტორიული მოვლენის აღნიშვნა არ არის, ეს არის შესაძლებლობა, კიდევ ერთხელ გავიაზროთ ჩვენი ქვეყნის სულიერი და კულტურული მემკვიდრეობა, ეროვნული თვითმყოფადობა და ის ფასეულობები, რომლებიც თაობიდან თაობას უნდა გადავცეთ.
ღონისძიებაზე ორი მნიშვნელოვანი დოკუმენტური ფილმი ვიხილეთ: „ქრისტიანობა“, რომელიც საქართველოს კათოლიკოს-პატრიარქის, ილია II-ის ღვაწლსა და საქართველოს ისტორიაში მის განსაკუთრებულ როლს ეძღვნება, და „ღამე, რომელსაც ტერენტი ერქვა“, გამოჩენილი ქართველი პოეტის, ტერენტი გრანელის, ცხოვრებისა და შემოქმედების შესახებ.
განსაკუთრებით მნიშვნელოვანია, რომ მსგავსი ღონისძიებები ახალგაზრდებს აძლევს შესაძლებლობას, უკეთ გაიცნონ საკუთარი ქვეყნის ისტორია, კულტურა და სულიერი მემკვიდრეობა.
სწორედ ისტორიული მეხსიერებისა და ეროვნული თვითშეგნების გაძლიერებაა ის საფუძველი, რომელზეც ჩვენი ქვეყნის მომავალი უნდა ავაშენოთ.
მადლობა წალენჯიხის მუნიციპალიტეტის მერს გუბა საჯაიას, ზუგდიდისა და ცაიშის ეპარქიის მიტროპოლიტ მეუფე გერასიმეს, რომლის კურთხევითაც ჩატარდა აღნიშნული კინო ჩვენება, ეპარქიის წარმომადგენლებს, ღონისძიების ორგანიზატორებსა და თითოეულ მონაწილეს ამ მნიშვნელოვანი კულტურულ-საგანმანათლებლო ღონისძიებისთვის.
