12/08/2026
#ვარდისუბნისსაჯაროსკოლა
#ინოვატორები
#დებატება #მდგრადიგანვითარება
#გარემოსდაცვა #მოსწავლეებისწარმატება
#ახალგაზრდებისგაძლიერება
🌿 ვარდისუბნის საჯარო სკოლის მოსწავლეების წარმატება საერთაშორისო საგანმანათლებლო პროექტში! 🌍🏆
გვინდა, გაგიზიაროთ ჩვენი სკოლის მოსწავლეების კიდევ ერთი მნიშვნელოვანი წარმატება! 💚
საერთაშორისო დებატების საგანმანათლებლო ასოციაციის IDEA-ს მიერ განხორციელებული პროექტის ფარგლებში მონაწილეებს უნდა ჩაეწერათ 2-წუთიანი ვიდეო, სადაც წარადგენდნენ საკუთარ თავს და ისაუბრებდნენ მათთვის ყველაზე აქტუალურ და საინტერესო გარემოსდაცვითი და მდგრადი განვითარების საკითხებზე, რომელზეც მომავალში ისურვებდნენ მსჯელობასა და დებატს.
📹 ჩვენი სკოლის მოსწავლეების აქტიურობამ განსაკუთრებული ყურადღება მიიპყრო. პროექტის წარმომადგენლის ინფორმაციით, ყველაზე მეტი ვიდეო სწორედ სსიპ ლაგოდეხის მუნიციპალიტეტის სოფელ ვარდისუბნის საჯარო სკოლიდან იყო წარდგენილი.
🌱 წარმოდგენილი ვიდეოებიდან პრობლემაზე ორიენტირებული და განსაკუთრებით საინტერესო ნამუშევრებიდან შეირჩა სამი საუკეთესო ვიდეო, რომელთა ავტორები არიან:
🏆 შალვა მაჭარაშვილი — IX კლასის მოსწავლე;
🏆 ნინო სომხიაშვილი — IX კლასის მოსწავლე;
🏆 ანასტასია სომხიაშვილი — VI კლასის მოსწავლე.
განსაკუთრებული აღნიშვნის ღირსია ჩვენი პატარა მონაწილე — ანასტასია სომხიაშვილი. 💚
ანასტასია კონკურსის ასაკობრივ ზღვარს ვერ აკმაყოფილებდა და, შესაბამისად, კონკურსიდან უნდა გამოთიშულიყო. თუმცა ორგანიზატორებმა მისი შესაძლებლობები და მოტივაცია იმდენად დააფასეს, რომ კონკურსიდან არ გაიყვანეს და პროექტში ტექნიკურ მენეჯერად ჩართეს. 👏💻
ეს მისთვის უდიდესი გამოცდილება და მოტივაციაა — კიდევ ერთი დასტური იმისა, რომ მონდომება, ცოდნა და პასუხისმგებლობა ასაკობრივ საზღვრებს სცდება! 🌟
📚 პროექტის მიმდინარეობისას ჩატარდა ორდღიანი ინტენსიური სწავლება, გაიმართა დებატები და საბოლოოდ შეირჩა ორი გუნდი.
სიხარულით აღვნიშნავთ, რომ ორივე გუნდში ჩვენი სკოლის მოსწავლეები არიან წარმოდგენილი! 🎉
ისინი შემოდგომაზე პროექტის დასკვნით ღონისძიებასა და დაჯილდოებაზე წარსდგებიან. 🏅
🌍 განსაკუთრებით საამაყოა ისიც, რომ ჩვენი წარმატებული მოსწავლეები არიან სკოლაში მოქმედი STEAM კლუბ „ინოვატორების“ აქტიური წევრები. კლუბის ფარგლებში მოსწავლეები არა მხოლოდ ტექნოლოგიურ და სამეცნიერო უნარებს ავითარებენ, არამედ ზრუნავენ მათ გარშემო არსებული პრობლემების გამოვლენასა და მდგრადი განვითარების მიმართულებით მათი გადაჭრის გზების ძიებაზე. 💡🌱
პროექტის ორგანიზებას, ვიდეომასალების მომზადებასა და შესაბამის პლატფორმებზე საკონკურსოდ ატვირთვას ხელმძღვანელობდა სკოლის კომპიუტერული ტექნოლოგიების პედაგოგი და STEAM კლუბ „ინოვატორების“ ხელმძღვანელი ხათუნი ასანიძე.
💐 განსაკუთრებული მადლობა ჩვენი სკოლის ხელმძღვანელს, ქალბატონ თამარს, რომელიც ყოველთვის გვიდგას გვერდით და მხარს უჭერს მოსწავლეების განვითარებასა და ახალ შესაძლებლობებში ჩართულობას.
მადლობა დამრიგებლებს — ქალბატონებს: ელიზა ნოზაძეს, ნინო კორაშვილს ნათია იმერლიშვილს — მოსწავლეების მხარდაჭერისა და თანადგომისთვის.
❤️ დიდი მადლობა მშობლებსაც გვერდში დგომისა და მხარდაჭერისთვის!
🌟 წარმატებებს ვუსურვებთ ჩვენს მოსწავლეებს!
გვჯერა, რომ ეს მხოლოდ დასაწყისია და ჩვენი პატარა „ინოვატორები“ კიდევ არაერთ წარმატებას მოგვიტანენ! 🚀🌍💚
