ა(ა)იპ ქალაქ ფოთის საბიბლიოთეკო გაერთიანება არის ერთიანი საბიბლიოთეკო სისტემაში შემავალი ადგილობრივი კულტურულ-საგამანათლებლო , სამეცნიერო ინფორმაციული დაწესებულება , რომლის მნიშვნელოვანი სოციალური ფუნქციაა სრულად და ეფექტურად გამოიყენოს თავისი ფონდები და სხვა საბიბლიოთეკო რესურსები ფიზიკურ და იურიდიულ პირთა მოთხოვნების დასაკმაყოფილებლად.
მისი ძირითადი პრინციპებია: პოლიტიკური და რელიგიური ნეიტრა
ლიტეტი, მკითხველთა თანასწორუფლებიანობა, ინფორმაციული ხელმისაწვდომობა და შეუზღუდაობა, ოპერატიულობა;
საბიბლიოთეკო გაერთიანება თავის საქმიანობას ახორციელებს საქართველოს პარლამენტის 1996 წლის 29 ივნისს მიღებული კანონის „საქართველოს კანონი საბიბლიოთეკო საქმის შსახებ „შესაბამისად. საბიბლიოთეკო გაერთიანების წიგნადი ფონდი უნივერსალურია და მოიცავს ქალაქის სპეციპიკის შესაფერის ლიტერატურას.
დღევანდელ ,,ონლაინ“ სამყაროში ბიბლიოთეკის სივრცე ისევ რჩება ცოცხალი კომუნიკაციის, საზოგადოებრივი თავშეყრის, კულტურის, ინფორმაციისა და განათლების გავრცელების ადგილად.
თანამედროვე ბიბლიოთეკა წარმოუდგენელია ციფრული ტექნოლოგიების მხარდაჭერის გარეშე, რომელიც შესაძლებელია მხოლოდ საბიბლიოთეკო საქმის ერთიანი კოორდინაციის, საზოგადოებასა და ბიბლიოთეკებს შორის აზრთა გაცვლის გაძლიერებით, ინოვაციური პროცესების დანერგვა და საბიბლიოთეკო გაერთიანების სისტემა არის ის სივრცე, სადაც მკითხველს შეუძლია კომფორტულ გარემოში ისარგებლოს ბიბლიოთეკის მიერ შეთავაზებული სერვისებით.
ბიბლიოთეკას ემსახურება 24 კვალიფიცირებული თანამშრომელი. საბიბლიოთეკო გართიანებაში ახალი ტექნოლოგიების დანერგვამ, მკითხველებისადმი თანამედროვე სერვისების შეთავაზებამ ის საინფორმაციო ცენტრად აქცია. ბიბლიოთეკაში ფუნქციონირებს კომპიუტერული მომსახირების კაბინეტი, უცხო ენის კაბინეტი, “ბავშვთა ოთახი”, უნარშეზღუდულთა და პენსიონერთა მომსახურების ოთახი, ახალგაზრდა შემოქმედთა კლუბი, “წიგნის მოყვარულთა კლუბი”, წიგნის რესტავრაციის განყოფილება. ლიტერატურული სალონი ,,გულის სამელნე”, მინი ბავშვთა თეატრი, კინო-სახელოსნო „სინემა“ და სხვა.,
ბიბლიოთეკებში მუდმივად მიმდინარეობს შიდა საბიბლიოთეკო საქმიანობა: ახალი წიგნების მიღება , წიგნების დამუშავება, ციფრული ბაზების შევსება, ფონდის გაახლება-გადახალისება.
საბიბლიოთეკო გაერთიანებაში ტარდება ვიდეო პროექტები და საბიბლიოთეკო პროგრამები:
1. იქ სადაც წიგნებია
2. ეს ჩემგან
3. მახსოვს
4 .კინო პოეზია
5.სარკმელი კინოსამყაროში
6.ლექციები ,შეხვედრები, გადაღებები, სიუჟეტები.
აქტიურია ბიბლიოთეკების სოციალური გვერდი, სადაც ცხადდება წიგნების განხილვები, ონლაინ შეხვედრები, ლექციები, დისკუსიები, კინო პროექტები.. გაიზარდა ბიბლიოთეკის სოციალური ქსელის მომხმარებელთა და გამომწერთა რაოდენობა.
