04/09/2026
სასწავლო-საწვრთნელი პროცესის განახლებასთან დაკავშირებით, ცენტრის ძიუდოს სექციამ 5 მოწვეულ კლუბს უმასპინძლა (,,მებრძოლი 2015’’ ,, წილკანი’’ ,,ოლიმპიური ვარსკლავი’’ ,, ფალავანი 8’’ ,, გლდანი’’).
ერთობლივი ვარჯიში მიზნად ისახავდა გამოცდილების გაზიარებასა და ახალი სეზონისთვის უკეთ მომზადებას.
ღონისძიებაზე სპორტსმენებსა და სტუმრებს სიტყვით მიმართა ოლიმპიური ცენტრის დირექტორმა, მუხრან შამათავამ, რომელმაც მადლობა გადაუხადა კლუბებს თანამშრომლობისთვის და სპორტსმენებს მომავალ ასპარეზობებში გამარჯვებები უსურვა.
ასევე, ცენტრის დირექტორმა ყურადღება გაამახვილა სამომავლო ინფრასტრუქტურულ გეგმებზე, რაც მნიშვნელოვანია ჩვენი სპორტსმენებისთვის უკეთესი საწვრთნელი პირობების შესაქმნელად.
წარმატებულ სეზონს ვუსურვებთ თითოეულ სპორტსმენსა და მწვრთნელს!
