Public Service Hall / იუსტიციის სახლი

04/09/2026

04/09/2026

თბილისის ცენტრალურ იუსტიციის სახლს იაპონიის ციფრული ტრანსფორმაციის საპარლამენტო ვიცე-მინისტრის – ჰიდეტო კავასაკის ხელმძღვანელობით საქართველოში ოფიციალურ ვიზიტად მყოფი იაპონიის ციფრული სააგენტოს დელეგაცია ეწვია.

დელეგაციის წევრებს შეხვდნენ იუსტიციის მინისტრის მოადგილეები ლანა მორგოშია და თამარ ზოდელავა, ასევე, იუსტიციის სამინისტროს საერთაშორისო ურთიერთობებისა და სამართლებრივი თანამშრომლობის დეპარტამენტის ხელმძღვანელი ქეთი სარაჯიშვილი, იუსტიციის სახლის თავმჯდომარე ვახტანგ ჟვანია, სახელმწიფო სერვისების განვითარების სააგენტოს თავმჯდომარე რუსუდან კოხოძე და ციფრული მმართველობის სააგენტოს თავმჯდომარე სანდრო ცირეკიძე.

ქართულმა მხარემ იაპონიის დელეგაციის წევრებს იუსტიციის სამინისტროს პრიორიტეტები და საქმიანობის ძირითადი სფეროები გააცნო. განსაკუთრებული ყურადღება გამახვილდა ისეთ საკითხებზე, როგორიცაა: სამართლის უზენაესობის განმტკიცება, ადამიანის უფლებების დაცვა, საჯარო სერვისებზე ხელმისაწვდომობა, ციფრული ტრანსფორმაცია და ხელოვნური ინტელექტი.

როგორც შეხვედრაზე აღინიშნა, საქართველოს იუსტიციის სამინისტრო იუსტიციის სახლების მეშვეობით ქვეყანაში ერთ-ერთი უმსხვილესი სახელმწიფო სერვისების მიმწოდებელია. აღინიშნა, რომ მომხმარებელთა საჭიროებებზე მორგებული საჯარო და კერძო სერვისების მისაღებად ქვეყნის მასშტაბით მოქალაქეებს 127 იუსტიციის სახლი ემსახურება, 20 მობილური იუსტიციის სახლი კი, 10 რეგიონის 90 სოფელს რეგულარულად აწვდის სახელმწიფო სერვისებს. საჯარო სერვისების ხელმისაწვდომობის კიდევ უფრო გაზრდის მიზნით მომსახურების მიღება შესაძლებელია პენიტენციურ დაწესებულებებში მოქმედ იუსტიციის სახლებშიც.

ყურადღება გამახვილდა იუსტიციის სამინისტროს სისტემაში ფიზიკური და ციფრული ინფრასტრუქტურის განვითარებაზე, რაც ქვეყნის მასშტაბით საჯარო სერვისებზე უნივერსალურ და თანაბარ წვდომას უზრუნველყოფს.

სტუმრებმა დეტალური ინფორმაცია მიიღეს მიწის სისტემური რეგისტრაციის ფართომასშტაბურ პროექტზე, ასევე, საჯარო რეესტრის ეროვნულ სააგენტოში ხელოვნური ინტელექტით მხარდაჭერილ დისტანციური იდენტიფიკაციისა და ვერიფიკაციის სერვისზე, რომლის საფუძველზეც გონიერი კონტრაქტი საშუალებას აძლევს საქართველოს მოქალაქეებს, მსოფლიოს ნებისმიერი ქვეყნიდან დისტანციურად ისარგებლონ სხვადასხვა სერვისებით.

საუბარი შეეხო სახელმწიფო სერვისების განვითარების სააგენტოს საქმიანობის ძირითად მიმართულებებს და სააგენტოს მომხმარებელზე ორიენტირებულ თანამედროვე სტანდარტების სახელმწიფო სერვისებს.
აღნიშნული ვიზიტი ხელს შეუწყობს ორ ქვეყანას შორის თანამშრომლობის შემდგომ გაღრმავებასა და ორმხრივი ურთიერთობების განვითარებას.

01/09/2026

იუსტიციის სახლში სამთვიანი ანაზღაურებადი სტაჟირების პროგრამა დაიწყო.

პრემიერ მინისტრის მიერ ინიცირებული 3-თვიანი ანაზღაურებადი სტაჟირების პროგრამის ფარგლებში შერჩეული 50 ახალგაზრდა სტაჟირებას იუსტიციის სახლის სხვადასხვა ფილიალში გაივლის.
სტაჟირების კონკურსი გამოცხადდა რაჭა-ლეჩხუმის/ქვემო სვანეთის, სამეგრელო/ზემო სვანეთის, იმერეთის, გურიის, აჭარის, სამცხე-ჯავახეთის, ქვემო ქართლის, შიდა ქართლისა და კახეთის რეგიონებში არსებულ იუსტიციის სახლებში. სტაჟირების პერიოდში ახალგაზრდები გაეცნობიან იუსტიციის სახლის საქმიანობის სპეციფიკას, მომსახურების მიმართულებებსა და მოქალაქეთა მომსახურების ძირითად პრინციპებს, მიიღებენ პრაქტიკულ გამოცდილებას.

იუსტიციის სახლმა სტაჟირების კონკურსი გამოაცხადა საფინანსო-საბიუჯეტო და შესყიდვების დეპარტამენტებში 4 პოზიციაზეც, რაც სტაჟიორებს შესაძლებლობას აძლევს, გაეცნონ აღნიშნული მიმართულებების საქმიანობის სპეციფიკას.

აღსანიშნავია, რომ ახალგაზრდების პროფესიული განვითარება და დასაქმების ხელშეწყობა იუსტიციის სახლის ერთ-ერთი პრიორიტეტული მიმართულებაა. ამ დრომდე ასობით ახალგაზრდამ წარმატებით ისარგებლა სტაჟირების შესაძლებლობით.

01/09/2026

💻 დაზოგე დრო და რესურსი − მსოფლიოს ნებისმიერი წერტილიდან დაამოწმე დოკუმენტი კვალიფიციური ელექტრონული ხელმოწერით.

✍️ კვალიფიციური ელექტრონული ხელმოწერა ადასტურებს ხელმომწერის ვინაობას, ასევე, იცავს დოკუმენტს გაყალბებისა და მანიპულაციებისგან.

✅ კვალიფიციური ელექტრონული ხელმოწერის სერტიფიკატი გაიცემა ნებისმიერ ფიზიკურ პირზე, პირადობის (ბინადრობის) ელექტრონულ მოწმობასთან ერთად.

✅ კვალიფიციური ელექტრონული ხელმოწერის სერტიფიკატის მოქმედების ვადაა 2 წელი და 6 თვე.

🪪 სერტიფიკატის ვადის გასვლის შემდეგ ხელმოწერის აქტივაციისა და განბლოკვის კოდები განმეორებით გაიცემა მოქმედი პირადობის (ბინადრობის) ელექტრონული მოწმობის მფლობელ პირზე, 14 წლის ასაკიდან.

🌐 კვალიფიციური ელექტრონული ხელმოწერისთვის საჭიროა: ID ბარათი, ბარათის PIN კოდები, ბარათის წამკითხველი და კომპიუტერში შესაბამისი პროგრამული მოდულების ჩამოტვირთვა ვებგვერდიდან − id.ge.

🏢🚐 კვალიფიციური ელექტრონული ხელმოწერის სერტიფიკატისათვის მიმართეთ იუსტიციის სახლის ფილიალებს, მობილურ იუსტიციის სახლებსა და სახელმწიფო სერვისების განვითარების სააგენტოს ტერიტორულ სამსახურებს.

25/08/2026

🔹მესტიის ქორწინების სახლის პროექტმა კიდევ ერთი საერთაშორისო გამარჯვება მოიპოვა. პროექტი ტოკიოში გამართულ პრესტიჟულ კონკურსზე - „Japan International Design Award“ - დაჯილდოვდა.

🔹ქართველი არქიტექტორის მიერ შექმნილმა პროექტმა გაიმარჯვა ნომინაციაში – „ქვეყნის ისტორიულ მოტივებზე შექმნილი საუკეთესო საკულტო არქიტექტურა“. მესტიის უნიკალურ ბუნებრივ გარემოსა და სვანურ არქიტექტურულ მემკვიდრეობასთან ორგანულად შერწყმული კონცეფცია საერთაშორისო ჟიურიმ გამორჩეულ ნამუშევრად აღიარა. დაჯილდოების ოფიციალურ ცერემონიაზე პრიზი იუსტიციის სახლის თავმჯდომარის მოადგილე ოთარ ჯაფარიძეს გადაეცა.

🔹მესტიის ქორწინების სახლისთვის ეს უკვე მეორე საერთაშორისო ჯილდოა. მანამდე პროექტმა იტალიაში, „Rome Design Award“-ზე გაიმარჯვა.

🔹ქორწინების სახლის პროექტის არქიტექტურა თანამედროვე გადაწყვეტებისა და უნიკალური კულტურული ტრადიციების სინთეზია. შენობა კიდევ უფრო გაზრდის მესტიის, როგორც საერთაშორისო ტურისტული დანიშნულების ადგილის მნიშვნელობას და ხელს შეუწყობს რეგიონის ეკონომიკური პოტენციალის ზრდას.

🔹The Mestia Marriage House project has achieved another international success. The project received an award at the prestigious Japan International Design Award held in Tokyo.

🔹The project, designed by a Georgian architect, won in the category “Best Iconic Architecture Inspired by the Country’s Historical Motifs.” The concept, which blends organically with Mestia’s unique natural environment and Svan architectural heritage, was recognized by the international jury as an outstanding work. At the official awards ceremony, the prize was presented to Otar Japaridze, Deputy Chairperson of the Public Service Hall.

🔹This is already the second international award for the Mestia Marriage House. Previously, the project won an award at the Rome Design Award in Italy.

🔹The architecture of the Marriage House project represents a synthesis of contemporary design solutions and unique cultural traditions. The building will further enhance Mestia’s significance as an international tourist destination and contribute to the growth of the region’s economic potential.

21/08/2026

☎️ იუსტიციის სახლის სატელეფონო ცენტრი - 24/7 თქვენს სამსახურში!

🔛 მიიღეთ კონსულტაცია 500-ზე მეტ სერვისზე - ონლაინ რეჟიმში, ნებისმიერ დროს.

👥 იუსტიციის სახლის მომსახურებით ყოველწლიურად 1 000 000-ზე მეტი მომხმარებელი სარგებლობს.

📞 032 2 405 405

🤝 თქვენი დრო ჩვენთვის მნიშვნელოვანია!

☎️ The Public Service Hall Call Center – at your service 24/7!

🔛 Get information and advice on more than 500 services online, anytime.

👥 More than 1,000,000 customers use Public Service Hall services every year.

📞 032 2 405 405

🤝 Your time matters to us!

17/08/2026

📞 საერთაშორისო SIM-ბარათი იუსტიციის სახლში

✈️ დაგეგმეთ მოგზაურობა, ისარგებლეთ როუმინგსერვისებით და ინტერნეტპაკეტებით − უკვე საერთაშორისო ქართულნომრიანი SIM და eSIM ბარათების საშუალებით!

🌎 „გლობალ სელის“ SIM-ბარათის გამოყენება შესაძლებელია მსოფლიოს 140-მდე ქვეყანაში.

ℹ️ დეტალური ინფორმაციისთვის:https://globalcell.ge/

📞 International SIM Card at the Public Service Hall

✈️ Plan your trip and take advantage of roaming services and internet packages — now available through international Georgian-number SIM and eSIM cards.

🌎 The “Global Cell” SIM card can be used in up to 140 countries worldwide.

ℹ️ For detailed information: https://globalcell.ge/

13/08/2026

💍 ყველაზე მნიშვნელოვანი წუთი იმსახურებს განსაკუთრებულ ადგილს - აირჩიეთ თქვენთვის სასურველი ადგილი ქორწინების რეგისტრაციისთვის

10/08/2026

💧 „საქართველოს მელიორაციის“ 3 ახალი სერვისი იუსტიციის სახლში

იუსტიციის სახლისა და სემეკ-ის ერთობლივი პროექტის ფარგლებში უკვე შეგიძლიათ:

🔹️ ახალი წყალმომარაგების განრიგის შეთანხმება;
🔹️ არსებული განრიგის შეცვლა;
🔹️ განრიგის გაუქმება.

👤 სერვისით სარგებლობა შეუძლიათ როგორც ფიზიკურ, ისე იურიდიულ პირებს (მიწის მესაკუთრეებს ან დროებით მფლობელებს).

📌 აუცილებელია, პირი დარეგისტრირებული იყოს „საქართველოს მელიორაციის“ ბაზაში და ჰქონდეს მომხმარებლის უნიკალური ნომერი.

📍 სერვისები ხელმისაწვდომია იუსტიციის სახლის 127 ფილიალსა და მობილურ იუსტიციის სახლებში.

💧 3 New Services of LLC Georgian Amelioration at the Public Service Hall

As part of a joint project of the Public Service Hall and GNERC, you can now:

🔹️ Agree on a new water supply schedule;
🔹️ Change an existing schedule;
🔹️ Cancel a schedule.

👤 The services are available to both individuals and legal entities (landowners or temporary landholders).

📌 To use the services, a person must be registered in the LLC Georgian Amelioration database and have a unique customer number.

📍 The services are available at 127 Public Service Hall branches and Mobile Public Service Halls.