ეკონომიკური განვითარების საქალაქო სამსახური / Economic Development Office

28/08/2026

29/07/2026

02/07/2026

4-5 ივნისს, თბილისის მერიის ორგანიზებით, გაიმართა თბილისის მდგრადი განვითარების XVI რეგიონული ფორუმი.
წლევანდელი ფორუმის მთავარი თემა იყო „მდგრადი განვითარება სოციალურ-ეკონომიკური კეთილდღეობისთვის“. ღონისძიება ოფიციალურად თბილისის მერმა კახა კალაძემ გახსნა.
ფორუმმა გააერთიანა საქართველოს ცენტრალური და ადგილობრივი ხელისუფლების, პარლამენტის, საერთაშორისო ორგანიზაციების, აკადემიური წრეების, ბიზნესსექტორისა და დიპლომატიური კორპუსის წარმომადგენლები. ღონისძიებას მსოფლიოს 20 ქვეყნიდან 50 საერთაშორისო დელეგატი ესწრებოდა.
ორი დღის განმავლობაში გაიმართა პლენარული სესიები და დისკუსიები, სადაც განხილული იყო მდგრადი ეკონომიკური განვითარება, ენერგოუსაფრთხოება, ინოვაციები და ხელოვნური ინტელექტი, ურბანული განვითარება, განათლება, ტურიზმი, საინვესტიციო გარემო, კლიმატის გამოწვევები და ინკლუზიური ქალაქების განვითარების საკითხები.
თბილისის მდგრადი განვითარების რეგიონული ფორუმი უკვე ტრადიციულად წარმოადგენს საერთაშორისო თანამშრომლობის, გამოცდილების გაზიარებისა და ახალი პარტნიორობების ჩამოყალიბების მნიშვნელოვან პლატფორმას, რომელიც ხელს უწყობს მდგრადი განვითარების მიზნების განხორციელებას.

23/06/2026

📍თბილისის მერიის ეკონომიკური განვითარების საქალაქო სამსახურის მხარდაჭერით 19-21 ივნისს დედაქალაქმა საერთაშორისო ტექნოლოგიურ ფესტივალს – „Global Tech Weekend Tbilisi 2026“ უმასპინძლა.

🟣სამდღიანი ფესტივალი მრავალფეროვან ტექნოლოგიურ, კულტურულ, საგანმანათლებლო-შემეცნებით და ბიზნეს აქტივობებს აერთიანებდა.
ღონისძიებას თბილისის მერიის ეკონომიკური განვითარების საქალაქო სამსახურის უფროსი ვახტანგ ლომჯარია, საკრებულოს ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის თავმჯდომარე ავთანდილ ცინცაძესთან ერთად დაესწრო.

🟣„Global Tech Weekend Tbilisi 2026“-მა კიდევ ერთხელ წარმოაჩინა თბილისი, როგორც ინოვაციების, ტექნოლოგიებისა და საერთაშორისო თანამშრომლობის მზარდი ცენტრი. თბილისის მერია მომავალშიც გააგრძელებს ისეთი პროექტების მხარდაჭერას, რომლებიც ხელს უწყობს ქალაქის ეკონომიკურ განვითარებასა და ახალი შესაძლებლობების შექმნას.

17/06/2026

♻️თბილისის მერიის ეკონომიკური განვითარების საქალაქო სამსახურის ორგანიზებით და საქართველოში უკრაინის საელჩოს ჩართულობით, 8–14 ივნისს თბილისმა უკრაინელ ბავშვებს და მათ ოჯახებს უმასპინძლა.

✅დასვენებისა და რეაბილიტაციის პროგრამა მიზნად ისახავდა იმ ბავშვების მხარდაჭერას, რომელთა მშობლები რუსეთთან მიმდინარე ომის შედეგად დაიღუპნენ ან ტყვეობაში იმყოფებიან.

✅პროგრამის ფარგლებში ბავშვებისთვის სპეციალურად დაიგეგმა მრავალფეროვანი გასართობი, შემეცნებითი და კულტურული აქტივობები.

✅ერთი კვირის განმავლობაში 45-მა ბავშვმა და მათმა დედებმა მონაწილეობა მიიღეს სხვადასხვა ღონისძიებებსა და ექსკურსიებში, დაათვალიერეს თბილისის ისტორიული ღირსშესანიშნაობები, გაეცნენ ქართულ კულტურასა და ტრადიციებს, ასევე ესტუმრნენ აკვაპარკს, სადაც მათთვის გასართობი და დასასვენებელი აქტივობები გაიმართა.

✅პროგრამის ფარგლებში, ქართველმა მომღერალმა ზაზა ხუციშვილმა სპეციალურად უკრაინელი სტუმრებისთვის კონცერტი გამართა.

17/06/2026

📊მიკრო და მცირე ბიზნესის ხელშეწყობის პროგრამის ფარგლებში დაფინანსებული საწარმოების მონიტორინგი კვლავ მიმდინარეობს.

🟠პროგრამის ეფექტიანობის შეფასებისა და მხარდაჭერილი მეწარმეების საქმიანობის შედეგების გაცნობის მიზნით, ეკონომიკური განვითარების საქალაქო სამსახურის უფროსი ვახტანგ ლომჯარია პროგრამის ბენეფიციარებს შეხვდა და მათი საწარმოო პროცესები ადგილზე დაათვალიერა.
➡️შეხვედრების ფარგლებში, ყურადღება გამახვილდა პროგრამის გავლენაზე ადგილობრივი ბიზნესის განვითარებაზე, საწარმოების ტექნიკურ გაძლიერებასა და ახალი შესაძლებლობების შექმნაზე. როგორც მეწარმეები აღნიშნავენ, მიღებულმა თანადაფინანსებამ მათ საშუალება მისცა შეეძინათ თანამედროვე დანადგარები და საჭირო აღჭურვილობა, გაეზარდათ წარმოების მოცულობა, გაეუმჯობესებინათ მომსახურების ხარისხი და უფრო კონკურენტუნარიანები გამხდარიყვნენ ბაზარზე.
➡️გასულ წელს აღნიშნული პროგრამით, დაახლოებით, 50-მდე მიკრო და მცირე მეწარმემ ისარგებლა. მუნიციპალიტეტის მხარდაჭერით მათ საქმიანობის გაფართოებისა და განვითარებისათვის საჭირო ინვენტარი, ტექნიკა და საწარმოო აღჭურვილობა შეიძინეს, რამაც მნიშვნელოვნად შეუწყო ხელი მათი ბიზნესების მდგრად ზრდასა და გაძლიერებას.
➡️მიკრო და მცირე ბიზნესის ხელშეწყობის პროგრამა ადგილობრივი ეკონომიკის განვითარების, მეწარმეობის წახალისებისა და ახალი სამუშაო ადგილების შექმნის ერთ-ერთი მნიშვნელოვანი მექანიზმია. სწორედ ამიტომ, მიმდინარე წელს პროგრამის ბიუჯეტი მნიშვნელოვნად გაიზარდა, ასევე, გაიზარდა თითოეულ ბენეფიციარზე გათვალისწინებული დაფინანსების მაქსიმალური ლიმიტიც, რაც მეწარმეებს კიდევ უფრო ფართო შესაძლებლობებს სთავაზობს საკუთარი საქმიანობის განვითარებისათვის.
➡️ამ ეტაპზე პროგრამაში წარმოდგენილი განაცხადების განხილვის პროცესი მიმდინარეობს. სპეციალური კომისია დეტალურად აფასებს თითოეულ პროექტს, რის შემდეგაც გამოვლინდებიან ის მეწარმეები, რომლებიც მიმდინარე წელს მუნიციპალიტეტის მხარდაჭერას მიიღებენ და საკუთარი ბიზნესიდეების განხორციელებას შეძლებენ.

#მცირებიზნესისხელშეწყობა
#თბილისისეკონომიკა

16/06/2026

📍თბილისის მერიის ეკონომიკის განვითარების საქალაქო სამსახურის უფროსი ვახტანგ ლომჯარია მიგრაციის საერთაშორისო ორგანიზაციის (IOM) პროგრამის განვითარებისა და მხარდაჭერის ოფიცერს გენცი პიტერს და პროგრამის ადგილობრივ კოორდინატორს ნათია კვიციანს შეხვდა.

✅შეხვედრის ფარგლებში, მხარეებმა საქართველოში დაბრუნებული მიგრანტების მხარდაჭერისა და მათი წარმატებული რეინტეგრაციის ხელშეწყობის საკითხები განიხილეს. განსაკუთრებული ყურადღება დაეთმო თბილისის მუნიციპალიტეტის როლს ამ პროცესში, არსებული თანამშრომლობის გაღრმავებისა და სამომავლო ერთობლივი ინიციატივების განხორციელების შესაძლებლობებს.

✅თბილისის მერია საერთაშორისო პარტნიორებთან აქტიურ თანამშრომლობას განაგრძობს, რათა ხელი შეუწყოს მიგრანტთა სოციალურ და ეკონომიკურ ინტეგრაციას, შექმნას მეტი შესაძლებლობა მათი დასაქმებისა და თვითრეალიზებისთვის და გააძლიეროს ინკლუზიური განვითარების პროცესები დედაქალაქში.

15/06/2026

📍თბილისის მდგრადი განვითარების XVI რეგიონალური ფორუმი გაიხსნა სესიით – „უსაფრთხო სახელმწიფო მოქალაქეებისთვის - როგორ დავიცვათ თავი მზარდი კონფლიქტების სამყაროში“.

✅დისკუსიამ თავი მოუყარა საერთაშორისო უსაფრთხოების, დიპლომატიისა და გეოპოლიტიკის სფეროს წამყვან ექსპერტებს ევროპიდან და ამერიკის შეერთებული შტატებიდან. მონაწილეებმა განიხილეს თანამედროვე უსაფრთხოების გამოწვევები, რეგიონული და გლობალური კონფლიქტების გავლენა, ასევე სახელმწიფოსა და საზოგადოების მდგრადობის გაძლიერების გზები.

✅სესიის მთავარი მომხსენებლები იყვნენ საქართველოს საგარეო საქმეთა მინისტრის მოადგილე ლაშა დარსალია და ევროპარლამენტარი მაიკლ ფონ დერ შულენბურგი. დისკუსიას მოდერაციას უწევდა ბრიტანელი დიპლომატი იან პრაუდი.

✅პანელში მონაწილეობდნენ საერთაშორისო ურთიერთობების, თავდაცვისა და აკადემიური წრეების ცნობილი წარმომადგენლები: ჯორჯ ბიბი, სტივ ჯერმი, დენიელ დევისი, რიჩარდ საკვა, არტა მოეინი და ჯეფრი რობერტსი.