16/06/2026
📣 გრძელდება გარე აბრებისა და საინფორმაციო-სარეკლამო წარწერების შემოწმება 📍
✅ სახელმწიფო ენის დაცვა და მისი სათანადო გამოყენება საჯარო სივრცეში ჩვენი კულტურული იდენტობისა და ეროვნული ღირებულებების მნიშვნელოვანი ნაწილია.
შემოწმების მიზანია საჯარო სივრცეში განთავსებული წარწერების სახელმწიფო ენის კანონმდებლობასთან შესაბამისობის დადგენა და ქართული ენის ნორმების დაცვა.
📣 სახელმწიფო ენის დეპარტამენტი აგრძელებს გარე აბრებისა და საინფორმაციო-სარეკლამო წარწერების შემოწმებას.
📍 ბოლო ერთი თვის განმავლობაში შემოწმდა ტურისტებისთვის საინტერესო თბილისის ისტორიული ტერიტორიები — აბანოთუბანი, მეტეხის მიმდებარე ტერიტორია, ბამბის რიგი, ევროპის მოედანი, გორგასლის, გრიშაშვილის, კოტე აფხაზის (ლესელიძის), სიონის, ერეკლე II-ისა და შავთელის ქუჩები.
📍 შემოწმდა ილია ჭავჭავაძისა და ირაკლი აბაშიძის გამზირებზე განთავსებული გარე აბრები და საინფორმაციო-სარეკლამო წარწერებიც.
📣 მომდევნო კვირაში შემოწმება გაგრძელდება ტურისტებისთვის განსაკუთრებით ხალხმრავალ ადგილებში, მათ შორის ავლაბრის მეტროსადგურის მიმდებარე ტერიტორიაზე, რიყის პარკში, მეტეხისა და ძველი თბილისის სხვა ტურისტულ მარშრუტებზე.
📣 სახელმწიფო ენის დეპარტამენტი წლის ბოლოს კერძო სექტორის იმ წარმომადგენლებს, რომლებიც გარე აბრებსა და სარეკლამო-საინფორმაციო მასალებში სახელმწიფო ენის ნორმებს საუკეთესოდ იცავენ, მადლობის სიგელით დააჯილდოებს.
📩 გთხოვთ, მოგვაწოდოთ როგორც დარღვევების, ისე საუკეთესო მაგალითების ფოტოები ჩვენს ოფიციალურ ელექტრონულ ფოსტაზე ან ფეისბუქის გვერდზე — თქვენი მონაწილეობა მნიშვნელოვანია ქართული ენის სწორი გამოყენების ხელშეწყობისთვის.
☎️ საკონტაქტო: +995 32 2 407 222
📧 ელ-ფოსტა: [email protected]
#ქართულადჯობია #საუკეთესობანერი #საუკეთესოაბრა
https://enadep.gov.ge/contact
