სოციალური მომსახურების სააგენტო Social Service Agency

10/08/2026

სოციალური მომსახურების სააგენტოს დირექტორის მოადგილემ ალექსანდრე მესხმა, მარნეულის სერვისცენტრის თანამშრომლებს ახალი ხელმძღვანელი, გურამ ცეცხლაძე წარუდგინა და მათთან სამუშაო შეხვედრა გამართა.
სააგენტოს დირექტორის მოადგილემ ყურადღება გაამახვილა მარნეულის სერვისცენტრის მაღალ მომართვიანობაზე, წარმატებები უსურვა ახალ ხელმძღვანელს, დაკავებულ პოზიციაზე.
მან ხაზი გაუსვა იმ კვალიფიკაციასა და გამოცდილებას, რომელიც გურამ ცეცხლაძეს 2006 - 2022 წლებში აქვს მიღებული სოციალურ მომსახურების სააგენტოში.
ალექსანდრე მესხმა იმედი გამოთქვა, რომ გურამ ცეცხლაძის ხელმძღვანელობით სერვისცენტრი გააგრძელებს სააგენტოს მიერ დასახული ამოცანების შესრულებას.

27/07/2026

🔹სოციალური მომსახურების სააგენტომ ელექტრონული განაცხადის მიღება დაიწყო

დეტალურ ინფორმაციას გაეცანით აღნიშნულ ლინკზე: https://socialbenefits.moh.gov.ge

10/07/2026

სსიპ სოციალური მომსახურების სააგენტომ HR Hub-ის ორგანიზებით გამართულ დასაქმების ფორუმში მონაწილეობა მიიღო.
ფორუმზე 25-ზე მეტი კერძო და სახელმწიფო სექტორის დამსაქმებელი იყო წარმოდგენილი. სააგენტოს წარმომადგენლებმა სამუშაოს მაძიებლებს სააგენტოში არსებული აქტიური ვაკანსიები გააცნეს, მიაწოდეს დეტალური ინფორმაცია სააგენტოს საქმიანობის, მიმდინარე პროგრამებისა და სერვისების შესახებ.

ღონისძიების ფარგლებში განსაკუთრებული ყურადღება დაეთმო სსიპ “სოციალური მომსახურების სააგენტოს” ქ.თბილისისა და საქართველოს რეგიონებში გამოცხადებულ ვაკანსიებს სოციალური აგენტის პოზიციაზე.

სააგენტოსთვის განსაკუთრებით მნიშვნელოვანია, რომ მოქალაქეებმა იცოდნენ მისი საქმიანობის, პროგრამებისა და სერვისების შესახებ, რათა საჭიროების შემთხვევაში დროულად შეძლონ მათზე ხელმისაწვდომი სახელმწიფო მხარდაჭერის მიღება.

29/06/2026

🔹 სსიპ “სოციალური მომსახურების სააგენტოს”მიერ გამოქვეყნებული ვაკანსიები.
დეტალურ ინფორმაციას გაეცანით აღნიშნულ ლინკზე:

26/06/2026

სოციალური მომსახურების სააგენტოსა და აზერბაიჯანის სოციალური დაცვის სახელმწიფო ფონდს შორის გაფორმებული თანამშრომლობის მემორანდუმის ფარგლებში, ჯანდაცვის სამინისტროში სამუშაო შეხვედრა გაიმართა.
შეხვედრაზე მხარეებმა საპენსიო უზრუნველყოფის მიმართულებით არსებული ეროვნული სისტემები, კანონმდებლობაში განხორციელებული ცვლილებები და საუკეთესო პრაქტიკა განიხილეს.
განსაკუთრებული ყურადღება დაეთმო სოციალურ სფეროში ინოვაციური ტექნოლოგიების დანერგვას. მხარეებმა იმსჯელეს პროაქტიული და ელექტრონული სერვისების განვითარებაზე, რაც მიზნად ისახავს მოქალაქეებისთვის მომსახურების გამარტივებასა და ხარისხის გაუმჯობესებას.

16/06/2026

🔹 სსიპ “სოციალური მომსახურების სააგენტო” ქ.თბილისისა და საქართველოს რეგიონებში აცხადებს ვაკანსიებს სოციალური აგენტის პოზიციაზე.

დეტალურ ინფორმაციას გაეცანით აღნიშნულ ლინკზე:

01/06/2026

28/05/2026

🔹 სოციალური დაცვის სფეროში თანამშრომლობის შესახებ, მოლდოვის რესპუბლიკის სოციალური დაზღვევის ეროვნულ ოფისსა და სსიპ ,,სოციალური მომსახურების სააგენტოს“ შორის, გაფორმებული მემორანდუმის ფარგლებში, 2026 წლის 25-28 მაისს, სააგენტოს დირექტორის მოადგილის, ალექსანდრე მესხის ხელმძღვანელობით, მოლდოვის რესპუბლიკაში, ქალაქ კიშინიოვში, სააგენტოს დელეგაცია გაემგზავრა.

🔹 ვიზიტის ფარგლებში დაგეგმილ სამუშაო შეხვედრებზე, მხარეთა შორის მოხდა გამოცდილებისა და საუკეთესო პრაქტიკის გაზიარება, საპენსიო და სოციალური დაცვის სფეროში. განიხილეს თანამედროვე მიდგომების, წარმატებული შედეგების, საინფორმაციო და საკომუნიკაციო ტექნოლოგიებზე დაფუძნებული სერვისების დანერგვის, გამოყენებისა და განვითარების საკითხები.

🔹 მხარეთა შორის გაზიარებულ იქნა წინადადებები, თანამშრომლობის გაღრმავებისა და ერთობლივი პროექტების განხორციელების თაობაზე.