02/09/2026
ხელნაწერთა ეროვნული ცენტრი ღრმა მწუხარებით იუწყება, რომ გარდაიცვალა ხელნაწერთა ეროვნული ცენტრის პირველი თაობის ღირსეული წარმომადგენელი, ცნობილი ქართველი მეცნიერი, აღმოსავლეთმცოდნე, პროფესორი ცისანა აბულაძე.
რთულია, როდესაც ადამიანები მიდიან, კიდევ უფრო რთული, როდესაც მიდიან ისეთები, როგორიც ქალბატონი ცისანა აბულაძე იყო. დანაკლისი შეუვსებელია არა მხოლოდ იმიტომ, რომ წავიდა ცნობილი აღმოსავლეთმცოდნე, საყოველთაოდ აღიარებული ოსმანისტი, დიდი ერუდიციის მქონე მეცნიერი, ღირსეული მოქალაქე და საკუთარ ქვეყანაზე უზომოდ შეყვარებული ადამიანი, არამედ იმიტომაც, რომ წავიდა არაჩვეულებრივი პიროვნება, რომელსაც შეეძლო უანგარო სიყვარული, მეგობრობა, თავდადება ადამიანებისა და საყვარელი საქმის მიმართ, მასწავლებელი, რომელიც უშურველად უზიარებდა საკუთარ ცოდნას კოლეგებსა და ახალ თაობას, მუდამ მიისწრაფვოდა სრულყოფილებისაკენ.
სიცოცხლის ბოლო წლებში ქალბატონ ცისანას მშვენივრად ჰქონდა გააზრებული საკუთარი ჯანმრთელობის მდგომარეობა, რასაც შეურყეველი სიმშვიდით ხვდებოდა. ბოლო დღეებამდე მუშაობდა, მხოლოდ იმაზე ღელავდა, რომ სამუშაოს დასრულება მოესწრო.... თუ ერთი სიტყვით შეიძლება ადამიანის დახასიათება, ქალბატონი ცისანას შემთხვევაში ეს სიტყვა „დახვეწილია“, სასუფეველი დაუმკვიდროს ღმერთმა მის სულს იქ, სადაც მართალნი განისვენებენ.
პანაშვიდი: ხუთშაბათი, პარასკევი, 18:00 სთ.
დაკრძალვა: შაბათი, 14:00 სთ.
მისამართი: ქუთაისი, რუსთაველის გამზირი N 92, I სადარბაზო, მე-2 სართული.
