დაცვის პოლიცია 125 / Security Police 125

10/07/2026

შინაგან საქმეთა მინისტრი, სულხან თამაზაშვილი, მოადგილეებთან ერთად, მცხეთა-მთიანეთის და ქვემო ქართლის რეგიონებში სამინისტროს სტრუქტურულ დანაყოფებს ეწვია.

ვიზიტის ფარგლებში, მინისტრი დაცვის პოლიციის დეპარტამენტის რეგიონულ მთავარ სამმართველოებში იმყოფებოდა, სადაც არსებულ ვითარებას გაეცნო და მიმდინარე საჭიროებების შესახებ დეტალური ინფორმაცია მოისმინა.

09/07/2026

შინაგან საქმეთა სამინისტროს დაცვის პოლიციის დეპარტამენტში პროფესიული დღე აღინიშნა. დაცვის პოლიციის დღისადმი მიძღვნილ ღონისძიებას დეპარტამენტის თავმჯდომარე გიორგი ალადაშვილი, მოადგილეებთან ერთად დაესწრო.

გიორგი ალადაშვილმა თანამშრომლებს პროფესიული დღე მიულოცა და სიტყვით მიმართა:

„ჩემთვის დიდი პატივი და ამავდროულად პასუხიმგებლობაა ვუხელმძღვანელო ამ დანაყოფს. როგორც დეპარტამენტის თავმჯდომარისთვის, უმთავრესი პრიორიტეტია თანამშრომელთა სოციალური და სამუშაო პირობების გაუმჯობესება“ - განაცხადა გიორგი ალადაშვილმა.

დეპარტამენტის დირექტორმა ხაზი გაუსვა ავტოპარკისა და პოლიციელთა აღჭურვილობის განახლების მნიშვნელობას, ასევე, ისაუბრა განხორციელებულ პროექტებსა და დეპარტამენტის განვითარების სამომავლო გეგმებზე.

ღონისძიების დასასრულს, გიორგი ალადაშვილმა პროფესიონალიზმისა და კეთილსინდისიერი სამსახურისთვის დაცვის პოლიციის დეპარტამენტის თანამშრომლები დააჯილდოვა და მათ ქვეყნისა და მოქალაქეთა უსაფრთხოების უზრუნველყოფაში შეტანილი წვლილისთვის მადლობა გადაუხადა.

09/07/2026

დაცვის პოლიციის დეპარტამენტის თავმჯდომარე,
გიორგი ალადაშვილი - რუსთავი 2-ის გადაცემა „შუადღე”-ში

09/07/2026

9 ივლისი დაცვის პოლიციის დღეა

08/07/2026

06/07/2026

დაცვის პოლიციის დეპარტამენტი, თბილისსა და რეგიონებში, რკინიგზის ობიექტების დაცვის სამმართველოს უმცროსი ინსპექტორის პოზიციაზე ვაკანსიებს აცხადებს.

დამატებითი ინფორმაციისთვის იხილეთ ბმული: https://125.ge/ge/vacancies

03/07/2026

დაცვის პოლიციის დეპარტამენტის თბილისის მთავარი სამმართველოს ორგანიზაციული უზრუნველყოფის სამსახურის უფროსი, თამარ მიგინეიშვილი -,,იმედის დილის" ეთერში

03/07/2026

შინაგან საქმეთა სამინისტროს დაცვის პოლიციის დეპარტამენტის თავმჯდომარე, გიორგი ალადაშვილი საქართველოს რკინიგზის ობიექტების დაცვის უზრუნველყოფის დაწყების პროცესს დაესწრო და დაცვის პოლიციის თანამშრომლებს სამსახურებრივი საქმიანობის წარმატებით განხორციელება უსურვა.

დღეიდან, დაცვის პოლიციის დეპარტამენტი ქვეყნის მასშტაბით, 76 ლოკაციაზე, 800-ზე მეტი თანამშრომლის ჩართულობით, 24-საათიან რეჟიმში უზრუნველყოფს სტრატეგიული მნიშვნელობის მქონე სარკინიგზო ინფრასტრუქტურის დაცვას. მათ შორისაა სარკინიგზო ხიდები, გვირაბები, დეპოები, სარკინიგზო სადგურები და სხვა მნიშვნელოვანი ობიექტები.

ამასთან, დაცვის პოლიციის თანამშრომლები სამგზავრო მატარებლების რეისებზე მგზავრთა უსაფრთხო გაცილებასაც უზრუნველყოფენ.

02/07/2026

შინაგან საქმეთა სამინისტროს დაცვის პოლიციის დეპარტამენტის თავმჯდომარე გიორგი ალადაშვილი, საქართველოს განათლების, მეცნიერებისა და ახალგაზრდობის მინისტრ გივი მიქანაძესთან, შეფასებისა და გამოცდების ეროვნული ცენტრის დირექტორ თამარ მემანიშვილთან ერთად, 160-ე საჯარო სკოლაში განთავსებულ საგამოცდო ცენტრს ეწვია და ადგილზე უსაფრთხოების უზურნველყოფის პროცესს გაეცნო.

2026 წლის ერთიანი ეროვნული გამოცდები საქართველოს მასშტაბით 12 ქალაქში, 24 საგამოცდო ცენტრში მიმდინარეობს. გამოცდების უსაფრთხო და შეუფერხებელ გარემოში ჩატარების უზრუნველსაყოფად, დაცვის პოლიციის დეპარტამენტის თანამშრომლები საგამოცდო ცენტრების შიდა და გარე პერიმეტრის დაცვას 24-საათიან რეჟიმში უზრუნველყოფენ.

დაცვის პოლიცია 2018 წლიდან ერთიანი ეროვნული გამოცდების უსაფრთხო და მშვიდ გარემოში ჩატარებას უზრუნველყოფს