05/06/2026
🔷 ფიზიკის კონსულტანტ-მასწავლებლის, ნესტან მიქაძის, ორგანიზებით, წალკის N1 საჯარო სკოლაში ჩატარდა მოსწავლეთა მე-7 საგნობრივი კონფერენცია ,,ჩვენ გვიყვარს ფიზიკა“.
აღსანიშნავია, რომ ნესტან მიქაძეს ჟურნალ mastsavlebeli.ge-ში გამოქვეყნებული აქვს 70 -მდე სტატია.
მისი სტატიები შეიძლება დაიყოს შემდეგი თემატიკის მიხედვით:
▪️სტატიები, რომლების მომავალ თაობას გაუღვივებენ ინტერესს საბუნებისმეტყველო საგნების მიმართ;
▪️ სასწავლო-კვლევითი პროექტები (მათ შორის ინტერდისციპლინური);
▪️ ინოვაციური გაკვეთილები (გაჩერებებით სწავლება, ინტერდისციპლინური და ტრანსდისციპლინური გაკვეთილები და სხვა);
▪️ პედაგოგიური თუ სასკოლო საჭიროების კვლევები;
▪️ საერთაშორისო კვლევების ანალიზი;
▪️ ხელოვნური ინტელექტი და სკოლა;
▪️ პროექტები STEAM სწავლების მიმართულებით;
▪️მარტივი რესურსებით საინტერესო ფიზიკური ექსპერიმენტების ჩატარება.
🔷 ნესტან მიქაძის საგანმანათლებლო რესურსებს მრავალი მასწავლებელი წარმატებით იყენებს სწავლა-სწავლების პროცესში. სწორედ ამ გამოცდილებამ და მიღებულმა გამოხმაურებამ შთააგონა მას, საკუთარი მოსწავლეებისთვის შეეთავაზებინა მათთვის საინტერესო თემების კვლევა, დამუშავება და საკუთარი ნააზრევის კონფერენციაზე წარდგენა.
🔶 კონფერენციაზე მოსწავლეებმა წარმოადგინეს შემდეგი თემები:
• ,,ნიკოლა ტესლა – გენიოსი, რომელმაც გაანათა სამყარო”;
• ,, შავი ხვრელები-სამყაროს ყველაზე იდუმალი ობიექტები";
• ,,გრავიტაცია და მერანი-ფიზიკა პოეზიაში”;
• ,,ცისარტყელა”;
• ,,ნათურის ისტორია, ანუ სინათლის რევოლუცია”;
• ,,პოლარული ციალი”;
• ,,ის მაინც ბრუნავს-სად არის სამყაროს ცენტრი?“;
• ,,მომავლის ენერგეტიკა-თორიუმი“;
• ,,რა შეუძლია მზეს?“;
• ,,ფერთა ბორბალი”;
• ,,ზეგამტარობის შესახებ”;
• ,, რომ არა ფიზიკის მიღწევები – რის სანახავად წავიდა მსაჯი?”;
• ,,ტურბულენტობა”;
• ,,მირაჟი”;
• ,, გრავიტაციული ტალღები-სამყაროს კვლევის ახალი მეთოდი”;
• ,,ელექტრომაგნიტური ტალღების სკალა”;
• ,,რა უნდა ვიცოდეთ ჭექა-ქუხილის შესახებ”.
მოსწავლეთა ჩართულობა იყო მაქსიმალური. კონფერენციის მუშაობაში მონაწილეობა მიიღო VIII-XI კლასის 37-მა მოზარდმა. კომპეტენტურმა ჟიურიმ გამოავლინა გამარჯვებულები შემდეგ ნომინაციებში:
• საუკეთესო ნაშრომი;
• ყველაზე კრეატიული;
• საუკეთესო პრეზენტატორი;
• ყველაზე აქტუალური;
• საუკეთესო პრეზენტაცია;
• ყველაზე გამორჩეული.
✅ კონფერენციის ბოლოს მომხსენებლებს გადაეცათ წამახალისებელი სიგელები და სმარტ-საათები.
