კონსერვატორიის ბიბლიოთეკა/ Conservatoire Library

28/07/2026

🤖 AI ასისტენტი ძალიან კარგი, მაგრამ ახლა გვჭირდება აგენტი, ჩვენი შვებულებაში ყოფნის დროს რომ ჩააწიკწიკებს ნოტებს და წიგნებს.

📚 არც ეს იქნება შორს და ძალიან რთული. თუ დავაკავშირებთ საინვენატო ჟურნალთან და ელკატალოგთან, ჩვენგან დამოუკიდებლად შექმნის ბიბლიოგრაფიულ ჩანაწერებს.

💫 ვიფიქრებთ ასეთ აგენტზეც. მანამდე კარგად უნდა დავისვენოთ და ახალი შემართებით დავბრუნდეთ.

🍀 გემშვიდობებით 3 აგვისტოდან 3 სექტემბრამდე. ნინოსთან ვიქნებით გურიაში, ჩაის საკრეფად. Maiko Melikishvili, Nino Kiladze, Marisha Poltakhienti, Nino Shubitidze, ბელა ოხანაშვილი, Tamar Khazaradze.

15/07/2026

AI ასისტენტის დატესტვა რომ დავიწყეთ, რათქმაუნდა ყველაფერი იდეალურად არ იყო. განსაკუთრებით ქართულ ჩანაწერებზე. საკმაოდ გაუჭირდა ფოტოდან ქართველი კომპოზიტორების და მათი ნაწარმოებების სახელების ამოცნობა. არაგვი და არაბი ერთმანეთში აერია, პეპელას "ქექელა" დაარქვა. ვაჟა აზარაშილი - ვაჟა აგარაშვილი გახადა და ასე შემდეგ.

ახლა წარმოიდგინეთ სიტუაცია _ შევდივარ ბიბლიოთეკაში და მესმის თანამშრომლების სიცილი. თურმე ასისტენტი ურევს და საოცარ ქართულ ნაწარმოებებს იგონებს. ნინო კიდევ რის გურულია, ყველა სახელზე ახალი სიმღერა წამოიწყო. მოკლედ დიდი მხიარულება იყო. აბა AI რის AI თუ ხანდახან მაინც არ გაგვამხიარულა. 😀

მერე ნელ-ნელა ვასწავლეთ სწორი დასახელება და ასისტენტმაც ყველაფერი გამოასწორა.

09/07/2026

🤖 ჩვენ უკვე გვყავს ბიბლიოთეკაში AI ასისტენტი, რომელიც ასრულებს შემდეგ ოპერაციებს:

✅ სატიტულო გვერდის ფოტოს მიხედვით ამოიცნობს რესურსის ტიპს, წიგნია თუ ნოტი;

✅ ამის შემდეგ ანიჭებს კლასიფიკაციას. თუ წიგნია _ DDC თუ ნოტია _ Music Classification System; ამასთან ერთად დეტალურად ხსნის რატომ აირჩია ეს კლასი და გვთავაზობს კიდევ სავარაუდო 3 კლასს რაც ასევე შეგვიძლია გამოვიყენოთ თუ მისი შერჩეული კლასი არ მოგვწონს;

✅ ცალკე გამოაქვს თემატური ტერმინები და საძიებო სიტყვები;

✅ თუ წიგნი ან ნოტი არის უცხო ენაზე, თარგმნის თემატურ ტერმინებს ქართულად;

✅ აკეთებს ბიბლიოგრაფიულ ჩანაწერს;

✅ პრაქტიკულად იდელაურად აკეთებს მარკის ჩანაწერს Evergreen_თვის;

ეს ყველაფერი უფასოდ, 0 ფინანსური დანახარჯით მოვახერხეთ. თუ არ ჩავთვლით ჩვენს დროს და რესურს ვიდრე ტექნიკურ ინსტრუქციას გავუწერდით და შეცდომებს გავასწორებდით.

ჯერ ტესტირების ეტაპზე ვართ, მაგრამ აშკარად ამცირებს დროს და ბევრად უფრო აადვილებს ბიბლიოთეკარების რუტინულ სამუშაოს.

თანამშრომლები თავიდან ცოტა ეჭვიანობდნენ, მაგრამ ახლა დამეგობრდნენ და ცდილობენ მაქსიმალურად გამოიყენონ მისი შესაძლებლობები.

📷 AI ასისტენტის მიერ შექმნილი ჩანაწერები.

28/06/2026

📖 50_ზე მეტი სანდო წყარო (მათ შორის უახლესი 2026_ის აპრილის ბოლოს გამოცემული სტატიები და წიგნები) გავაანალიზეთ და ერთ 7 წუთიან ვიდეოში მოვაქციეთ: "ხელოვნური ინტელექტით სწავლების პრაქტიკული სახელმძღვანელო" (A Practical Guide to Teaching with AI);

🤖 საიადანაც არ უნდა შევხედოთ პროცესს, პირველი და ყველაზე მნიშვნელოვანი ამოცანაა _ განვსაზღვოთ AI პოლიტიკა (AI classroom policy) და გავზარდოთ ცნობიერება ხელოვნური ინტელექტის შესახებ (AI literacy). დანარჩენი ამოცანების დალაგება პრიორიტეტების მიხედვით შეიძლება და ინსტიტუციამ თვითონ უნდა განსაზღვროს რა მიზნის მიღწევა სურს და როგორ გაუმკლავდეს გამოწვევებს.

🌎 ორივე ენაზეა, ქართულად და ინგლისურად. მცირეოდენი სხვაობა არის, მაგრამ ძირითადი საკითხები ერთია. რომელ ენაზეც გენებოთ, ის მოისმინეთ.

23/06/2026

26 მაისს, კონსერვატორიის ბიბლიოთეკაში, ჩავატარეთ სამუშაო შეხვედრა/სემინარი სტუდენტებისთვის, სახელწოდებით: "ერთი დღე ბიბლიოთეკაში: ტრადიციიდან ინოვაციამდე".

ჩვენ მიზანი იყო, გვეჩვენებინა სტუდენტებისთვის, რომ ბიბლიოთეკა არის ცოცხალი ორგანიზმი, რომელიც დროსთან ერთად იცვლება.

შეხევდრაზე გვქონდა შემდეგი აქტივობები:

ტური ბიბლიოთეკაში: სტუდენტებმა დავათვალიერეს უნიკალური ხელნაწერები და რარიტეტები, რომლებსაც ყოველდღე ვერ ნახავთ. გავაცანით საუკეთესო უახლესი გამოცემები;

წიგნის გზა: გავაცანით პროცესი, რომელიც წიგნის შერჩევიდან მაგიდამდე მოსვლამდე სრულდება;

ბიბლიოთეკის როლი და მნიშვნელობა: გავაცანით ბიბლიოთეკის ისტორიული განვითარება_ მონასტროდან ინფორმაცულ ლაბამდე.

AI_ი ჩემს სასრგებლოდ: ვისწავლით, როგორ გამოვიყენოთ ხელოვნური ინტელექტი პრეზენტაციების ასაწყობად, ვიზუალების შესაქმნელად და სამეცნიერო წყაროების დასამუშავებლად;

შეხვედრაში მონაწილეობა მიიღო სხვადასხვა საფეხურის 5 სტუდენტმა, ვინც შეავსო სარეგისტრაციო ფორმა და გამოხატა სურვილი სამუშაო შეხვერაში მონაწილეობის მიღებისა. შეხვედრის ბოლოს გადავეცით სერტიფიკატები.

ეს დღე ჩვენთვის ძალიან სასიამოვნო აღმოჩნდა. ვფიქრობთ სტუდენტებსაც კარგად დაამახსოვრდებათ. რაც მთავარია მათ სულ სხვა თვალით დაინახეს ბიბლიოთეკარის სამუშაო პროცეში, რაც ხშირად უხილავი რჩება.

ახალი სასწავლო წლიდან კვლავ ვგეგმავთ საინტერესო შეხვედრებს.

03/02/2026

ელექტრონული სამეცნიერო ბაზები, ნაწილი 2.

02/02/2026

სახალისო ინფოგრაფიკა ელექტრონულ სამეცნიერო ბაზებზე

13/01/2026

ეს შეკითხვა ბევრს აწუხებს თუ როგორ მოვიყვანოთ დიდი ენობრივი მოდელების (LLM) ციტირება APA სტილში?

გამოყენებამდე აუცილებლად შეათანხმეთ თქვენს ხელმძღვანელთან ან პედაგოგთან, დაშვებულია თუ არა AI ინსტრუმენტების გამოყენება კონკრეტულ დავალებაში!

სრული ტექსტის სნახავად, გადადით ბმულზე:

როგორ მოვიყვანოთ დიდი ენობრივი მოდელების (LLM) ციტირება APA სტილში, (ChatGPT-ის მაგალითზე), რა უნდა ვიცოდეთ გამოყენებამდე ა....

12/01/2026

ვისაც ინგლისურ ენაზე გიყვართ პოდკასტების მოსმენა. წესები ვაქციეთ პოდკასტად. 🙂

ახლა გამოცდების დროა და შესაძლოა ძალიან ბევრი საკითხავი მასალა დაგიგროვდათ, განსაკუთრებით თეორიულ საგნებში. საშობაო არდადეგების შემდეგ, ასობით გვერდის წაკითხვას და დასწავლას ვერ ახერხებთ. 😉🩵 დაუმეგობრდით Google NotebookLM_ს. ატვირთეთ სასწავლო მასალა, რომელსაც შეაჯამებს და მოკლე შინაარს გამოიტანს. აგიხსნით რთულ და საკვანძო საკითხებს. შეგიძლიათ გააკეთოთ პოდკასტი, ინტერაქციული ბარათები, ინფოგრაფიკა, პრეზენტაციები, ვიდეო მასალები, შეადგინოთ ქვიზი და მარტივად გადაამოწმოთ თქვენი თავი თუ რა დაგამახსოვრდათ და რა არა. ამას უფასო ვერსია მშვენივრად ახერხებს, ქართულ ენაზეც.

აქციეთ AI ხელსაწყოები თქვენს დამხმარედ, გახადეთ სწავლის პროცესი უფრო მარტივი და სახალისო.

წარმატებებს გისურვებთ!

08/01/2026

2026 წელს ვიწყებთ კონსერვატორიის ბიბლიოთეკით სარგებლობის AI ვიდეო ტუტორიალით.

ცოტა "ლ"_ს გამოთქმა უჭირს და ქართული მახვილებიც ერთულება, მაგრამ იმაზე კარგად გაართვა თავი ვიდრე მოველოდი.

მხოლოდ წესების pdf ვერსია ავტვირთე და ვიდეო დავაგენერირე, დანარჩენი თვითონ შექმნა.