31/07/2026
📌 ხშირად დასმული კითხვები კვოტირების სისტემასთან დაკავშირებით
1️⃣რას გულისხმობს წლიური კვოტა?
წლიური კვოტა არის იმ უცხო ქვეყნის მოქალაქეთა მაქსიმალური რაოდენობა, რომელთა დასაქმებაზეც დამსაქმებელს შეუძლია სპეციალურ ნებართვაზე განაცხადის წარდგენა კალენდარული წლის განმავლობაში.
2️⃣ყველა დამსაქმებელს ეხება კვოტირების ვალდებულება?
❌არა. კვოტის წინასწარი შეთანხმება საჭიროა მხოლოდ იმ შემთხვევაში, თუ დამსაქმებელი გეგმავს კალენდარული წლის განმავლობაში 5-ზე მეტი უცხოელის დასაქმებას.
3️⃣როდის უნდა მიმართოს დამსაქმებელმა სააგენტოს კვოტის დასადგენად?
📅 შრომითი საქმიანობის უფლების მოთხოვნამდე არანაკლებ 10 სამუშაო დღით ადრე.
4️⃣რა დოკუმენტია საჭირო კვოტის მოთხოვნისას?
📄 საჭიროა შემოსავლების სამსახურის მიერ გაცემული დოკუმენტი, რომელიც ადასტურებს დამსაქმებლის წლიურ ბრუნვას, რომლითაც დასტურდება, რომ შრომითი იმიგრანტის დასაქმების მსურველი ადგილობრივი დამსაქმებლის (გარდა საგანმანათლებლო ან სამედიცინო დაწესებულებისა) წლიური ბრუნვა შრომითი საქმიანობის უფლების მოპოვების მსურველ თითოეულ უცხოელზე 50 000 ლარზე ნაკლები არ არის, ხოლო საგანმანათლებლო ან სამედიცინო დაწესებულების შემთხვევაში წლიური ბრუნვა არის არანაკლებ 35 000 ლარისა შრომითი საქმიანობის უფლების მსურველ თითოეულ უცხოელზე.
5️⃣შეუძლია თუ არა დამსაქმებელს წლის განმავლობაში კვოტის გაზრდა?
✅ დიახ. თუ დამატებითი საჭიროება წარმოიშვა, შესაძლებელია დასაბუთებული მიმართვის საფუძველზე კვოტის გაზრდის მოთხოვნა სპეციალური ელექტრონული სისტემის მეშვეობით.
6️⃣რა მოხდება, თუ დამსაქმებელი სრულად ვერ გამოიყენებს მისთვის განსაზღვრულ კვოტას?
ℹ️ სააგენტო უფლებამოსილია მომდევნო წლის კვოტის განსაზღვრისას ეს გარემოება გაითვალისწინოს და კვოტა შეამციროს, დამსაქმებლის დასაბუთების შეფასების საფუძველზე.
7️⃣არსებობს თუ არა პროფესიები, რომლებზეც ცალკე კვოტებია განსაზღვრული?
✅ დიახ. იმ პროფესიებზე, კვალიფიკაციებსა და საქმიანობის სფეროებზე, სადაც ადგილობრივი სამუშაო ძალის მიწოდება აჭარბებს ან შესაძლოა გადააჭარბოს მოთხოვნას, დადგენილია შესაბამისი წლიური კვოტები.
8️⃣სად ხდება კვოტის მოთხოვნა და შეთანხმება?
💻 კვოტასთან დაკავშირებული პროცედურები ხორციელდება შრომითი მიგრაციის სპეციალური ელექტრონული სისტემის მეშვეობით.
https://labourmigration.moh.gov.ge/index.php
9️⃣რა შემთხვევაში არ ვრცელდება კვოტირების პროცედურა?
📌 დადგენილება ითვალისწინებს გამონაკლისებს, მაგალითად: საერთაშორისო კომპანიის სტატუსის მქონე კომპანიები, ინოვაციური სტარტაპები, გარკვეული სახელმწიფო ინტერესიდან გამომდინარე შემთხვევები და მაღალი ანაზღაურების სპეციფიკური პოზიციები.
🔟ვრცელდება თუ არა კვოტირება თვითდასაქმებულ უცხოელებზე?
❌ არა. კვოტირების მექანიზმი ეხება ადგილობრივი დამსაქმებლის მიერ უცხოელის დასაქმებას. თვითდასაქმებულ უცხოელებზე მოქმედებს განსხვავებული პროცედურა.
1️⃣1️⃣როგორ უნდა მოიქცეს დამსაქმებელი, თუ სისტემაში უკვე დარეგისტრირებული ყავს დადგენილ წესზე მეტი უცხოელი?
ℹ️ დადგენილი რეგულაციებით წლიური კვოტის განსაზღვრის მოთხოვნა არ ვრცელდება იმ უცხოელებზე, რომლებმაც უკვე მოიპოვეს შრომითი საქმიანობის უფლება და რეგისტრირებულნი არიან შრომითი მიგრაციის სპეციალურ ელექტრონულ სისტემაში აქტიური სტატუსით. თუმცა, წლიური კვოტის განსაზღვრისას მხედველობაში მიიღება ადგილობრივ დამსაქმებელთან უკვე დასაქმებული და აქტიური სტატუსის მქონე უცხოელთა რაოდენობაც. წლიური კვოტის მოთხოვნა წარდგენილ უნდა იქნეს ერთიანად, იმ უცხოელთა საერთო რაოდენობის გათვალისწინებით, რომელთა დასაქმებასაც ადგილობრივი დამსაქმებელი გეგმავს შესაბამისი კალენდარული წლის განმავლობაში.
1️⃣2️⃣არის თუ არა კვოტის მოთხოვნა ფასიანი?
💸 კვოტის მოთხოვნა უფასოა.
1️⃣3️⃣რა ვადით გაიცემა კვოტა და წლის განმავლობაში რამდენჯერ არის შესაძლებელი კვოტის ცვლილება/ხელახალი მოთხოვნა?
📆 კვოტა გაიცემა 1 წლის ვადით, საჭიროების შემთხვევაში, წლის განმავლობაში შესაძლებელია კვოტის ხელახალი მოთხოვნა.
#ხშირადდასმულიკითხვები
