04/08/2026
კახეთის მხარეში სახელმწიფო რწმუნებული პლატონ კალმახელიძე საქართველოს ძალოსნობის ეროვნული ფედერაციის პრეზიდენტს, სამგზის ოლიმპიურ ჩემპიონს ლაშა ტალახაძეს შეხვდა.
შეხვედრაზე საუბარი შეეხო კახეთის რეგიონში სპორტის მიმართულებას, კერძოდ, ძალოსნობის განვითარებისთვის დაგეგმილ ღონისძიებებს. აღინიშნა, რომ გურჯაანის მუნიციპალიტეტის სოფელ შაშიანში მცხოვრებმა სპორტსმენებმა ძალოსნობაში მნიშვნელოვან წარმატებას მიაღწიეს, ხვიჩა კიწმარიძემ მსოფლიო ჩემპიონის ტიტული მოიპოვა, ხოლო გიორგი ქინქლაძემ, ბრინჯაოს პრიოზიორობა დაიმსახურა. პლატონ კალმახელიძემ ორივე სპორტსმენს მიღწეული წარმატება მიულოცა და სამომავლო გამარჯვებები უსურვა.
შეხვედრას კახეთის მხარეში სახელმწიფო რწმუნებულის მოადგილე მამუკა ბურდიაშვილი, თბილისის ფედერაციის საპატიო პრეზიდენტი, ძალოსნობის კახეთის ფედერაციის დამფუძნებელი ნოდარ სირბილაშვილი, ეროვნული ფედერაციის გენერალური მდივანი რუსუდან მურადაშვილი და კახეთის ძალოსნობის მწვრთნელი ნიკოლოზ წიკლაური ესწრებოდნენ.
