19/09/2025
(Dansk længere nede)
Ilaqutariinnut siunnersortitut ilinniarsimasut nutaat sisamat
Allorfimmi katsorsaasut sisamat meeqqat, inuusuttut ilaqutariillu qitiutillugit ilaqutariinnut siunnersortitut sisamanngornermi 19. september 2025 ilinniarsimasutut allagartatik tiguaat. Ilinniarneq ukiup ataatsip ingerlanerani modulikkaarlugu ingerlappaat.
Katsorsaasut sisamat, maanna aamma ilaqutariinnut siunnersortitut imminnut taasinnaalersut, inuttut ilinniagaqassutsikkullu piginnaasatik nukittorsarlugillu ineriartortippaat.
Ria Jensen (Allorfik Sermersooq), Karina Jeremiassen (Allorfik Qeqertalik), Poul Møller-Heinrich (Allorfik, Pinngitsuuisinnaajunnaarnermik Paasisimasaqarfik) aamma Nuunu Bent Andreassen (Allorfik Avannaa) ilaqutariinnut siunnersortitut ilinniarnerminnik naammassinnipput.
Allorfiup pisortaata, Efraim Olsenip, tamanna nuannaarutigaa:
- Suleqatigut asasagut, ilinniarsimalikkassinnut pilluaritsi, taanna innuttaaqatitta pisariaqartitsinerpaaffiini atugarissaarnerulerneranut aqqutissiueqataasinnaavoq. Angajoqqaanut inuusuttunut - minnerunngitsunik naartunut aamma meeraaqqanut - meeraanermi sinnerani aamma inersimasutut ingerlalluarlutik imminnut inoqatiminnullu iluaqutaanissaanut aqqutissiueqataasinnaavoq.
//
Fire nye familiekonsulenter
Fire behandlere fra Allorfik modtog torsdag den 19. september deres uddannelsesbeviser som familiekonsulenter, efter at have gennemført et etårigt modulopbygget uddannelsesforløb.
De fire behandlere, der nu også kan tilføje titlen familiekonsulent til deres uddannelsesmæssige baggrund, har dermed styrket og udviklet både deres personlige og faglige kompetencer i arbejdet med børn og familier.
Ria Jensen (Allorfik Sermersooq), Karina Jeremiassen (Allorfik Qeqertalik), Poul Møller-Heinrich (Allorfik, Videncenter om Afhængighed) og Nuunu Bent Andreassen (Allorfik Avannaa) har alle gennemført uddannelsen til familiekonsulent.
Og det glæder Allorfiks leder, Efraim Olsen:
- Tillykke, kære kollegaer, med uddannelsen, der kan bidrage til øget trivsel blandt vores borgere, dér hvor det gør mest gavn. Til gavn for de unge forældre – og ikke mindst for fosteret og de små børn – som dermed får en større robusthed til at trives gennem resten af deres barndom og voksenliv til større trivsel og nytte for dem og deres medmennesker.
