Børnehjemmet Sarliaq

Børnehjemmet Sarliaq Børnehjemmet Sarliaq er en af Grønlands landsdækkende institutioner for børn og unge under Socialstyr

01/01/2025

Sarliami suleqativut, aammalu avataani suleqatigisartakkagut ukiortaami tamaasa pilluaqquvagut. Neriullutalu suleqatigiinneq pitsaasoq siunissami ingerlatittuaannarumaaripput.

Ullumikkut perngaammik Sarliap avataani meeqqat angerlarsimaffianniit Tikiusaami meeqqanut isiginnaartitsipput nuannarin...
17/12/2024

Ullumikkut perngaammik Sarliap avataani meeqqat angerlarsimaffianniit Tikiusaami meeqqanut isiginnaartitsipput nuannarineqartumik. Tulluusimaarnarpoq meeqqat sapiillutik avammut isiginnaartitsisinnaanerat saqqummersinnaanerat takullugu. Pikkoreqaat🧑‍🎄🌲

Ullumikkut meeqqat angerlarsimaffianni najungaqartut najungaqartunut sulisunullu isiginnaartitsipput nuannarineqarluarlu...
15/12/2024

Ullumikkut meeqqat angerlarsimaffianni najungaqartut najungaqartunut sulisunullu isiginnaartitsipput nuannarineqarluarlutik, isiginnaangassiaq nissiaqqanut ilaqutariinnullu tunngassuteqartoq erinarsornertaqarlunilu, quinartumik attortinnartumillu imaqarpoq. Meeqqat pikkoreqaat isiginnaartitsilluarput assut.

Ullumikkut Sapaassuit aallarnerlugit Hotel Søma Ilulissat tunissutaanik meeqqat Sarliami najugaqartut ullaakkorsiortinne...
01/12/2024

Ullumikkut Sapaassuit aallarnerlugit Hotel Søma Ilulissat tunissutaanik meeqqat Sarliami najugaqartut ullaakkorsiortinneqarput brunch-ertinneqarlutik, erinarsoqatigiittoqarpoq aamma juullisiutinik, qujaffigaangut kialaartumik Hotel Sømarmiut tikilluaqqusinerannut.

27/09/2024

Ikinnguterpulliaasit Rasmus Ernst Fredericia-miu Ilulissanut ikinngutaalluartoq pingaartitsitsisoq meeqqat Sarliami najungaqartut Cirkus Arenamut billetsisisimagai qujaterujussuarpavut Cirkussertissavagut.

Vores god ven Rasmus Ernst fra Fredericia, som har en stort hjerte til Ilulissat, har doneret billetter til alle Sarliaq beboere til Cirkus Arena.
Vegne af børn, vi siger tusind tak til Rasmus, børn vil deltage til Cirkus Arnena.😊

25/09/2024

Sarliaq 70-iliimmat Ingolf Skov aamma Lena Ravn Davidsen meeqqanut aningaasanik tunissuteqarnerannut Sarliamiit qujaterujussuarpavut. Atorluarumaarpaat😊

20.09.24 Sarliap 70-iliineranut atatillugu Ilulissat katersortarfianni assitoqqat takuniarneqarsinnaasut ilamininnguat a...
20/09/2024

20.09.24
Sarliap 70-iliineranut atatillugu Ilulissat katersortarfianni assitoqqat takuniarneqarsinnaasut ilamininnguat ataatsiniit tallimap tungaanut.

Holger Sivertsen Ilulissat kommunianni borgmesteriusimasoq, Inatsisartuni ilaasortaasimasoq.

Ataqqisaasoq innuttaasunit, misilittangartooq, isumatooq, inoroorsaartoq, partiini assigiinngitsuuneq apeqqutaatinnagu naammassisaqarumalluni qaqutigoortumik maniguussinnaalluni piginnaaneqarfigaa. Taama Inatsisartut siulittaasorisimasaat Josef Motzfeldt 2011-mi misiginneqataalluni KNR-kkut oqaatsit taama eqqaaniaanermini imaqartut inuiaqatigiinnut nalunaarutigai.

Asseq nuannersoq. Aammalu Meeqqat angerlarsimaffiannut pulaarluni inoroorsaartoq, nuannersumik taattoqarluni, pissutsit taamanikkut allarluinnaammata aamma 90-ikkut tungaannut assit amerlasuut marserneranni sulisut kaffesoriartut nalliuttorsiortoqartillugu illup iluanni pujortaattarput😊 tamannali taamani suliffeqarfippassuarni aamma naliginnaasimavoq angerlarsimaffinnilu, taamaammat nuannerluni pissutsit allaanerat ullumikkut isiginninnitsinnut nallersuussiffiusinnaanani. Meeraallutami 80-ikkunni allaat pisiniartitaasarpugut angajoqqaatsinniit cigaretsisiniartitaalluta😄

Nuannerpoq Sarliamut pulaartarsimanera, tamanna ullutsinni naliginnaanngilaq ukiuni qulinngoriartortuni Sarliami atorfeqarninni.

Ataqqisarput Ilulissani eqqaanilu inoqarfinni minnerni Holger Sivertsen eqqaneqarnera ataqqinartuuli.

Assitoqaq Holger Sivertsen ernara Erik Sivertsen paaseqatigalugu maana saqqummiuppara.

Inussiarnersumik Inuulluaqqusillunga.

Jens Ole Nathanielsen.
Sarliaq.
Forstander.

Ulloq: 20.09.24. 🇬🇱 Sarliaq 70-inngortorsiorpoq.Lisbet Hindsgaul“Rigstagen-imi ilumoortumik kisiartatuaalluni angutivitt...
20/09/2024

Ulloq: 20.09.24. 🇬🇱 Sarliaq 70-inngortorsiorpoq.

Lisbet Hindsgaul

“Rigstagen-imi ilumoortumik kisiartatuaalluni angutivittaat.” Issittumi ilisimasassarsiortup atuakkiortup Peter Freuchen-i oqarsimanerartarpaat Lisbet pillugu, anguterpaat Grønlandsudvalgimi angalasussaangaluit Nunatsinnut sivisussangatillugu Thulemut unitsitersimammata matumani Lisbet angalaqataaluni anguterpaat ataatsimeeqatigisarlungit.
Lisbet Hindsgaul. Inuusoq 1890-imi, toqusoq 1969-mi.
Danskit Landstingianni politikkeriusimasoq. 1935-miit- 1953-imut atorunnaarnissaata tungaanut. Dansk Kvindesamfund-imi siulersuisuni ilaasortaasimasoq arnat pisinnaatitaaffii pillugit suliniuteqartut kattuffimmi.

1947 Lisbet Foreningen til Hjælp for Grønlandske Børn Siulittaasunngorpoq.
Lisbet Nunatsinnut kialaarfiginnilluni uummateqalerpoq kingornalu
1948-miit 1964-up tungaanut ukiut tamangajaasa tileraartuartalerpoq. Aammalu ukiuni 24-ni siulittaasuunerani Foreningen til Hjælp for Grønlandske Børn Nunatsinni sanatorianik pingasunik sanasoqarpoq, aningaasannanniarnerit Danmark iluani annertuumik suliniarfiullutik katersiniarfiullutik pisarsimapput.

Sarliaq meeqqat angerlarsimaffiat taamanikkut børnesanatorietut ateqarsimasoq, annertuumik tuberkulose atungaasimanera Nunatsinni aallaavigalugu meeqqat inissinneqartarsimapput.

Ullumikkut børnesanatoriaasimasoq Meeqqat angerlarsimaffiat Sarliaq atingilersimavaa.

Lisbet Hindsgaul-i eqqaaneqarnera ataqqinartuuli.

Ullumikkut Meeqqat Angerlarsimaffiat Sarliaq 70-iliitissavarput malunnartissallugu,innuttaasunut kaffellissaagut kaagillissaagut, Ilulissat katersortarfianni.

Nalunaaqutaq: 13:00 matu ammassaaq innuttaasunut tamanut. Assitoqqanik nivinngartuisoqassaaq, ilaatigut aamma sulisutoqqat marserneqarsinnaallutik.
Nalunaaqutaq: 16:00-ip tungaani Pisortaq oqalungiaateqalaassaaq. Aamma guitarimik ingiorteqaluni tusarnaartitsisoqalaassalluni.
Nalunaaqutaq: 17:00-ip tungaanut matu ammatissavarput.

Arlaannik meeqqanut tunissuteqarnissamik eqqarsaateqartoqassappat iml. Arlaannik Sarliamiit ikiserusukkaanni Souschef Atsa Heilmann Katersortarfimmi peqataassaaq isumasiorneqarsinnaavoq.

Pilluaqqungaarpakka najungaqartut suleqatit minnerunngitsumik, tamannguassi kivitseqataasimaqisut sulisimasorpassuit, aammalu ukiorpassuit sulisimasut, eqqaamavangut aamma peerussimasut suleqataasimasut.

Qujavugut suleqatigisartakkatsinnut tamanut periarfissaq manna iluatsillugu, pisortaqarfinnut, kommunenut, aqutsisoqarfinnut, suliffeqarfinnut tapiissuteqarusuttartunut.

Qilanaarisimaavarput sulisuusugut najungaqartullu ulloq atorluassavarput.

Meeqqat Angerlarsimaffiat Sarliaq sinnerlugu.
Forstander Jens Ole Nathanielsen.

21/08/2024

Social assistentinik marlunnik ilinniarsimasunik pissarsiorpugut, ullumikkuminngaanniit qinnuteqarsinnaaneq ammarpoq.

21/08/2024

Sarliami afdelingslederissarsiorpugut, ullumikkumiit qinnuteqarsinnaaneq ammarpoq.

16/08/2024

Eqqaasitsissut:

Unnummut 16.08.24 unnuap qeqqanut perorsaasussarsiorneq aammalu socialhjælperinik pissarsiorneq killeqartoq ugguuna eqqaasitsissutigissavarput.

Taakkua atorfiit sjob.gl (Sermitsiaq) suliffissarsiortunut nittartagaatigut qinnuteqarnerit ingerlanneqarsinnaapput.

24/07/2024

Matumani apeqqutissaqarussi kommentarimut ikkunnangit ataani attavissamut saaffiginnissuteqarlusi apeqquteqaateqassaasi.

Meeqqat angerlarsimaffiat Sarliaq marlunnik unnuarsiorsinnaasunik pissarsiorpoq.
Meeqqat angerlarsimaffiat Sarliaq ulloq unnuarlu paaqqinniffiusoq meeqqanik 0-18 akornanni ukiulinnut angerlarsimaffiup avataanut inissinneqarsimasunut angerlarsimaffiuvoq. Meeqqat amerlanerpaat eqqungaasimasarput peroriartornerminni sumiginnangaanermik assigiinngitsumik nalaataqartarsimallutik angajoqqaaminniit, tamannalu annertuumik Meeqqat isumaliortarnerannut qisuariartarnerannullu sunniuteqarsinnaasarluni. Suliffik tamakku peqqutigalungit ilaanni unammillernarsinnaasarpoq, taamaattumik sulinermi pissutsit ilungersunartut nalaattarneranni inersimasutut ileqqorissaarluni toqqissisimatitsilluni malingassiuilluni qisuariartarnissaq pingaaruteqarluinnarluni. Inuttut sanngisuujunissaq akisussaaffeqarnissarlu sulinermi pingaarluinnarpoq, suliffik ilaanni sakkortusinnaasarmat Meeqqat qisuariaataat ilaanni sakkortusinnaasartut nalaanneqartarmata.
Unnuarsiortutut Meeqqat angerlarsimaffiani sulineq unnukkut nal: 22:00-miit ullaakkut 08:00 tungaanut eqqumalluni sulineruvoq. Unnuarsiorneq najungaqartunik illumillu nakkutiginnilluni sulineruvoq, tunngaviusumik nakkutiginninneruvoq sulineq suleqatinillu pisariaqartitsisoqartillugu ikiortaasassalluni. Illu unnuup ingerlanerani kaajallanneqartassaaq, matut ingalaallu paarnaaqqanersut tamaasa misissorneqartassallutik, immikkoortortat allaffeqarfillu pissusissamisut innersut aamma alakkarneqartassallutik.
Unnuarsiorluni sulilertussaq meeqqanut pinerliisimannginnermut uppernarsaateqassaaq aammalu pinerlussimannginnermut uppernarsaammik suliffissarsiornermi takutitsissalluni. Unnuarsiorneq Naalakkersuisut & S*K isumaqatigiissutaa malillugu akunnermusialittut atuuttuuvoq, tamatuma kingorna unnuarsiortoq aamma Sarliami aqutsisut sulineq akunnerminni naammagisimaarpassuk soqutigineqassappat qaammatit pingasut ingerlareerneranni qaammammusiaqarluni atorfeqalernissaq eqqartorneqarsinnaavoq.
Maannakkuungallartoq inissaqartitsiniarneq piffissaq manna periarfissaqartitsinngilagut, sulilernermiit qaammatit pingasut ingerlareerneranni tamanna qulaani nassuiaatigineqareersutut Sarliami aqutsisut aammalu unnuarsiortup sulinera naammagisimaarpassuk atorfininnissaq isumaqatigiissutigisinnaavaat akunnerminni.

Attaveqarfissaq: Souschef Atsa Heilmann mail: [email protected] tlf. +299 94 65 01

Adresse

Lisbeth Hindsgavlip Aqqutaa 3
Ilulisat
3952

Telefon

+299943361

Internet side

Underretninger

Vær den første til at vide, og lad os sende dig en email, når Børnehjemmet Sarliaq sender nyheder og tilbud. Din e-mail-adresse vil ikke blive brugt til andre formål, og du kan til enhver tid afmelde dig.

Kontakt Organisationen

Send en besked til Børnehjemmet Sarliaq:

Genveje

Del

Type