KNAPK

Kalaallit Nunaanni Aalisartut Piniartullu Kattuffiat | Fishers and Hunters Association in Greenland

13/04/2026

Anda Karl Egede-imut Eqqaaniut

Nuummi Aalisartut Piniartullu Peqatigiinni Ataqqinaammik ilaasortaq Anda Karl Egede toqukkut qimagussimasoq kalerrinneqarpugut, Anda Karl ukiorpassuarni nuummi aalisartutut pingaarutilittut inissisimajuarsimavoq aammalu peqatigiiffilerinermut toqqaannartumik siulersuinernut peqataanngikkaluarluni isummaminik aamma tunioraajuartuuvoq siunnersuisarlunilu, tamaattumik Anda Kaali annertuumik eqqaamaneqaatissaminik peqatigiiffimmut tunniussaqarluarsimavoq.

Anda Karl Egede eqqaaneqarnera ataqqinartuuli, mannalu iluatsillugu ilaqutaanut kammalaataanut maanilu aalisartunut misiginneqataanera KNAPK-mi Siulittaasutut siulersuisut sinnerlugit annguppara.

Tulluartutut isigivara ikinngutaata Nikolaj Heinrich-ip eqqaaniaanermini allagaa matumuuna ilanngutissallugu, Nikolaallu akuersineratigut matumuuna allagaa imatut imaqartoq:

Inuk nunaminut ernerulluartoq, nunagisaminut, pingaartumik nunatsinni illoqarfiit annersaannut Nuummut sunniuteqaqaluni, ernerulluarluni ukiorpassuarni inooqataasoq Anda Kaali Egede unnummut napparsimaviisuarmi Nuummiittumi eqissivoq.

Anda Kaali suli meeraalluni inuiaqatigiinni pisussafigisani atorlugu inuiannguit kalaaliusut inuutissarsiutitut tunngavigisaat aalisarneq, ilaatigullu piniarnermik akusarlugu pikkoreqaluni ingerlatilerpai, ukiorpassuarni inuiaqatigiinni tusaamasalluni pikkoreqalunilu aalisartutut inooriaatsini aallullugu pigami suli inuusoqaluni qatanngutini ilaquttanilu ilatigut peqatigalugit aalisariutinik pisaartalerpoq, sulilu inuusulluni angajuni Vittu ernini jorngunilu annikinnerusumik piginneqatatilugit kilisaammik rajarniummik nioqutissiorfiusunik pisaarpoq, tamannalu sioqqullugu alisariutinik alliartortitaminik angisuunik pisaartorluni, inuiaqatiminut maligassiuilluartuusut taaneqartariariaqalerluni.

Anda Kaali inuutissarsiornermini pikkorilluni ingerlatsinermini, aqqusinermi ilaani suleqatigisaminit ippinaateqartutut isikkoqartunik pineqanermi kingorna inooriaatsimigut allanguvivoq, immalli pissaritaanik atuinini millisikkaluarlugu taamaattoq inoriatsip tamatuma pingaarutaa, aammalu atorluaraanni kingunerisinnaasai inuiaqamminut nittarsaatuartarpai, tamannalu tunngaviulluinnarluni inuiaat kalaallit nunatsinniittut pingaartunik rajarniarnerup iluani anertuumik siuariartulerput. Ullumilu ima siuarsimatigilerlutik inuiaat inuannut allanut sanilliuttutut piulerput.

Anda Kaali utoqqalinermini inuusunnermisut imaani inuutissarsiutigisani ingerlasinnaajunnaaramiuk sorngunami tamanna eqqarsariaasianut aamma sunniuppoq, ilaquttani minnerunngitsumik ukiorpasuarni nuliannguani ilagalugit utooqalinini atorpaa. Unnumullu sivitsortumik nappatigisani timiminiittoq pigereerlugu qasuerfissaminut eqqisilluni iserpoq.
Inuk ulluinnarni inuttut nalinginnaasutut iskkoqartoq, eqissilluni sinilernerata takutippaa inuugallarnermini inuiaqatigiit pillugit ilutsinni suliaqangaarsimalluni inuuneq atugarisani qimakkaa, eqqissilluinnarluni sinilersimavoq iteqqissanani, kiina pilluarpasippoq, sumik ersissuteqarni ornitani iserfigivaa, nuliannguani, meeqqani, ilaquttani ikinngutini, nunaqatinilu qimallugit qasuerfissaminut eqqissilluinnarluni iserpoq.

Anda Karl Egede nunannut inuiaqatinnullu ernerulluareerlutit nunat inuiaqatitillu qimappatit.

Eqqaaneqarnerit ataqqinartuuvoq

Perersunut qujalluta, apuuffissanut apuulluarnissannik kissaallutit ukiorpassuarni ikinngutit
Nikolaj Heinrich.

10/04/2026

Kingumut KNAPK-i aalisarnermut saqqummersitsinermut peqataassaaq, taamaattumik Sinerissamiit soorunami aamma Nuummi Aalisarnermik Piniarnermillu inuussutissarsiuteqartut takunissaat saqqummersitsivimmi qilanaarivatsigit.

Takuss.

09/04/2026

Gaba Sandgreen-imut eqqaaniut.

Ippassaq kalerrinneqarpugut Gaba akornatsinniikkunnaarsimasoq 8. april 2026.

Gaba inuuvoq nuannersoq peqatigalugu soqutiginartuaannartoq naak nipituuliortorsuunngikkaluarluni oqaloqataanissamut suleqataanissamullu ammajuaannartoq.

Gaba Sandgreen 1973-mi raajarniutaarpoq namminerisaminik, raajarniarnermilu ingerlataqarnini tamaat KNAPK-mut aalajaattuaannartumik peqataajuartuuvoq, taamaasilluni illoqarfimminut Ilulissani raajarniarnermini pilersuinermik ingerlataqartuarpoq allat peqatigalugit.

Gaba raajarniarnermik inuussutissarsiuteqarnermi nalaani aamma avatitsinni aalisarnermut tunngatillugu saqqummersitsinernut peqataajuartarpoq pissutsinut malinnaarusulluni, saqqummersitsinernilu peqataanermigut kalaallit allat peqataasut peqatigisarpai nuannaarnermillu tunniussaqalaarnissani takutittuartarlugit.

Gaba Sandgreen-ip eqqaaneqarnera ataqqinartuuli.

Ilaqutaasut kammalaataasut tamarmik matumuuna misiginneqatigingaarpagut.

Pele Blytmann
KNAPK-mi
Siulittaasoq

08/04/2026

Matumuuna nalunaarutigissavarput KNAPK-i kiisalu Royal Greenland A/S, nipisat suaannut atsioqatigiiffiunngikkaluartoq akit pillugit isumaqatigiittoqarpoq.

Royal Greenland-eqarfinni nipisat suaat kiilumut 40 kr./kg. + 1 kr. bonus isumaqatigiissutigineqarmat.

Taassuma saniatigut Nuummi Royal Greenland-imut 42,00 kr./kr. + 1 kr./kg. bonus akeqartinneqassapput, tamatumunnga pissutaavoq maani tigooraavissat arlaqartussaammata.

Taassumallu saniatigut isumaqatigiissutigineqarpoq aalisakkat allat pillugit annertunerusumik oqaloqatigiittarnissat akulikinnerusumik ingerlanneqartarnissaat.

31/03/2026

KNAPK-p Arctic Roe ApS akunnerminni nipisat suaanik akinik isumaqitigiissuteqartoqarpoq.

Arctic Roe ApS Nuummi nipisat suaanik tigooranissaminut KNAPK-lu akimik minnerpaaffiusumik isumaqatigiissuteqarput.

Nipisat suaanut kiilumut 35,00 kr. isumaqatigiissutaavoq.

KNAPK-miit neriuutigineqarpoq tunisassiorfiit aamma allat akinik minnerpaaffimik isumaqatigiissuteqarfigineqarsinnaanissamut piumassuseqarumaartut.

KNAPK

18/03/2026

Ugguuna ilisimatitsilaarpunga ullumikkut nassiunneqarpoq KNAPK-p immikkoortortaqarfiinut tusarniut.

Taannalu imaqarpoq nipisanniarnerup aallartinnissaanut qaqugu peqatigiiffiit innersuusserusunnersut.

KNAPK-mut immikoortortaqarfiit akissutissartik nassiutereersimassavaat Sapaatiuppat 22. marts 2026.

Aalisarnermut pisortaqarfimmut KNAPK kingusinnerpaamik akissuteqartussaavoq 23. marts nalunaaqutaq 12:00

qilanaarpugut tigusaqarnissatsinnut.

ik.in.
Niels Boassen
KNAPK-mi
Pisortaq

19/02/2026

Aluukkut Kalaallit Nunaanni Aalisartut Piniartullu Peqatigiiffii,

ulloq 16. februat Nipisat pillugit tusarniut ingerlanneqarpoq email-ikkut, taamattumik Email-ersi alapernaalaarniarisiuk.

arlaatigut annguttoqarsimanngippat KNAPK-mi allattoqarfik tutsaqarfigiinnassavarsi uunga: [email protected]

inussiarnersumik inuulluaqqusilluta

KNAPK

05/02/2026

Ullumikkut Kalaallit Nunaanni Aalisartut Piniartullu Kattuffiani Siulittaasorput Pele Blytmann 60-inik ukioqalerluni inuuissiorpoq.

Taamaattumik Siulersuisuunerit kiisalu sulisut sinnerlugit inuuinik pilluaqquarput ullorlu atorluarnissaanik kissaallugu.

I dag er Sammenslutingen af Fisker & Fangernes Formand Pele Blytmann 60 års fødselsdag, på vegne af bestyrelsen og medarbejderne siger tillykke med dagen og goddag for ham.

07/01/2026

Iisaavaraq Isak Vahl 7. januar 2026 ullumikkut 80-it anguvai, KNAPK-miillu pilluaqquvarput.

Iisavaraq Narsami Aalisartut Piniartullu Peqatigiinni ataqqinaammik ilaasortaavoq, ukiorpassuarnilu NAPP-mi siulersuisuni siulittaasutullu ingerlasarsimavoq.

Isaavaraq KNAPK-mi siullermik Siulersuisuunernut ilannguppoq 1997-imi, 1999-miit 2001-p tungaanut siulittaasuuvoq.

2001-miit 2005-tungaanut Siulersuisuunernut ilaasortaavoq
2009-miit 2009-tungaanut Siulittaasup tulliatut inissisimavoq
2009-miit 2013-tungaanut Siulersuisunut ilaasortaavoq

Assimi takuneqarsumi suliat ilungersunartaraluartut aamma issiavissuarmut ingilluni sulisoqarsinnaasoq takutippaa, tassami Danmark-imi puisit amii pillugit akerliussutsimik takutitsinermut atatillugu Fælledpark-imi 1. maj 2012-mi pisumi assilitaavoq.

Ivak Vahl, KNAPK-miit ullorsiorluarnissaanik kissaallugu pilluaqquvarput

ikinngutinnersumik inuulluaqqusilluta

KNAPK-i sinnerlugu
Pele Blytmann
Siulittaasoq

12/12/2025

Kujataani Aalisartut Piniartullu peqatigiiffianiit aamma Nuummi Aalisartut Piniartullu Peqatigiiffianiillu KNAPK-i suliakkernikuuvaat Aalisarnermut Piniarnermut, Nunalerinermut, Imminut Pilersornermut Avatangiisinullu Naalersuisoqarfimmut appat piniagaanerat 31. december 2025-i tungaanut sivitsuiniarnermik saaffiginnittoqarpoq allakkatigut.

Ullumikkullu qulaani taaneqartunut Naalakkersuisoq Peter Borg avammut nalunaaruteqarpoq saaffiginnissumut akuersaarluni.

Tamannalu KNAPK-mi Siulittaasup Pele Blytmann-ip tamanna nuannaarutigivaa qujallunilu.

07/12/2025

Paamiuni Aalisartut Pininiartullu Peqatigiiffiani Siulittaasumit Kalerrinneqarpugut Paamiuni Aalisartut Utoqqartaat Thomas Petersen 90-inik ukioqarluni pingasunngormat 3. december toqukkut qimagussimasoq.

Tuumarsi ukiorpassuarni aalisarnikkut annertuumik nunatsinni ineriartortitseqataasimavoq utoqqalinernini napparsimalerluni angalajunnaarnissani tikillugu.

Tuumarsi Carl Egede-ip aningaasaateqarfianit nersornaammik tuneqarnikuuvoq KNAPK-llu saqqarmiuliuttagaanik 2023-imi saqqarmiulerneqarnikuulluni.

Tuumarsip qimatai ilaqutai nunaqqataasullu misiginneqatigingaarpagut.

Thomas Petersen-ip eqqaaneqarnera ataqqinartuuli

Inussiarnersumik Inuulluaqqusilluta

Pele Blytmann
KNAPK-mi Siulittaasoq

Adresse

Nuuk
3900

Hvad er åbningstiderne?

Mandag	08:00 - 16:00
Tirsdag	08:00 - 16:00
Onsdag	08:00 - 16:00
Torsdag	08:00 - 16:00
Fredag	08:00 - 16:00

Telefon

+299 322422

Internet side

https://www.knapk.gl/

Underretninger

Vær den første til at vide, og lad os sende dig en email, når KNAPK sender nyheder og tilbud. Din e-mail-adresse vil ikke blive brugt til andre formål, og du kan til enhver tid afmelde dig.

Vil du plassere din organisation på toppen av Statslig Tjeneste-listen i Nuuk?