Qulleq Nuuk

10/05/2025

Majip qulingat Suloqqami aqqusengit matusaraat appussuaq persori🤗😅

13/03/2025

Avataaniit sunik tamanik qulangersimaneqartutut naliliifigineqartarnerit, nunatsinni pisussaarutivissimasutut, killifinngorsimapput.
Tassalu tamatuma erserneraa nunatta inuisa naliliinerat ersarilluinartoq, suut tamarmik illersorneerunneranut tunngaviummat, aquut qallunaanik oqaasiinillu pingaartitsinerujussuaq nunatsinni suli amerlanerussuteqartut tatigiunaagartik taasinermikkut ersersilluarpaat, qangali arriitsunnguamik tamanna piumasariartuleraat, malinaavigaarput inuit atsiisarnermikkut Inuttut ativut uteriartorusaaput, ileqquvut timersuutivut qilaatittalu tugaanerat, aalluneqaleraluttuinarput.

Partiit allamiunik akuersaaqalutik pingaartitsisut ilalersortullu 2000-tip allartinnerata qeqqatalu tungaanut ingerlanerani oqaatsittinik atuinngitsut naalakersuisunut akuuleraluarput, tamannalu nunatsinni mingutitsinnginisamik tunngaveqarneq pinerullugu ussagarluarneqaleraluarlutik tamatumalu inuiaat kinaasuserilluakkaminnik ( oqaatsitinnik) sanngiilisalerneqarnerminik naamagitaaliortarnerat sakkortusiartupiloorpoq kikkut tamarmik saasutarinnitalerneranik assortuunersuanillu kinguneqalersumik.

Maanalu inuiaat mumisitipput kinaasutsitta erligeqisatta nungukkiartuinarneranik akuersaaginarnerup unitsitariaqavinnera taasinermikkut aaliangerpaat kinaasutsimik oqaatsinillu pingaartitsineq pilerngututut ilillugu qineqqusaarutigersuaarneqarpoq naalagaafingqrnisamik taperserlugu, allatumi oqaluttunik ilaqanngitsut ussagarluarpaat, aamma aqaatsitta kisimik atorneqarfisaatut neriorsuutit tigulluarneqarluarnerat patsuugasaangitsumik taasinermikkut inerniliukaat ersarippoq tamannami paasinarluarpoq, apeqqutaaginalerpormi taamatut neriorsuuteqarne ilumoorutisaneraat, tamannalumi qularnalaarsinnaalluni, ajugaasitaasut pariitut aalarteqaaramik aamma uagutsitut oqaaseqanngitsunik akoqarluarput, taakulu nunatta piinik aamma naatitanik nammineq pilersorniarneq uparuarnikuuvaat, tamanna akilersinaangilluinartoq tapesersoruminaatsorlu,oqalutarfiamiit oqaatiginikuuvaat, piffisamilu ungasinngisumi Partiitut sanngilligaluarput allatullu oqaasillit akuujunaarmata innutaasullu qineqqusaarutigilluartaleramikik timitarlersuilluartuungikkaluarlutik Sollu ullumikkut sumut killinitta takutikka inuiaat ajornatorsiuleralutuinarneri.

Innutaasunik neriorsuilluarnertik attatisagunikku piviusunngortitsisarlutillu qajanaaliartosinaaput, kisialli Naalagaafingornisamut tukernersornertut nipilimmik attatisagunikku innutaasullu iserami sussakerlugit tamanna sukasuumik sanngiilisutigeqqisavaat, Qallunaat naalagaafiata isertunikuusarpassui sungitsutullu isiginnineri sianiitsorsuusiarinninerilu ippasaq pisutut isigalugit,ullumikkut puijoreertutut pissusilersorniarutta, pissusipalaartik attatiinasavaat avisaavitinagillu eqernavianngillat.

Maanakut nunatta inui ajugaaput neriorsuutit tusaasatik malillugit taasinermikkut Naleraq ilanngullugu ajugaarujussuarput, tassalu tamanna attatiinagasarput nakkartinnaveersaarlugu nunarput ilianaalisappat, piinillu aamma sanaartutuutisaq pigisarput eqqarsaatigalugu aningaasarsiulisagatta, tunisassiallu iluanaarutaalersikkutigik.

26/02/2025

Utoqqalinersiaqalersut sulilu ilarpassui peqqillutik, aalassarillutillu ilaqqutannguaminnik ikorfartuilluarlutik ullut tamaasa kinguaatik ernutatik ernngutaqqiutitik najorlugillu ullormut takunngitsoorsinaanagit perorsaaqataajuarput.

Suli ikiuuluarnerusinaagaluarlutik saniatigut sulinisartik sappinngisamik tunuarsimaarniafigiuvarpaat, utoqqalinersiaminnik ikilisaafigineqassanngikkunik, sulinisaminnut tunuarsimaalluinartarlutik. utoqqalinersiatik annaajumanagit.

Taamaatumik unaluuniit siullertut alloriarfiuli, akileraartarnermut allagartaq utoqqalinersiaanut ikkullugu parnaarneqartarpoq, saniatigut sulissaguni ilannggateqanngitsumik tamakiisumik akileraartariaqalertarmata.

Qullermilu siunersuutigisavarput utoqalinersiat pisartakkat ilanngarnagit tunniunneqartarnisaat, akileraarnermullu allagartap saniatigut suli sulilluarsinaasut tassunga atortalerlissuk tigusasaat perorsaaqataajuarnerminnut akissaqarnerulernisaminnut atortalerlissuk.

Inuiaqatigiit utoqaat amerlanerulernisaanik sioorasaarunarlugit, aamma meeqanik perorsaanerup sulisusaaleqinerullu tamassuma iluaqutaanerulerneranik kinguneqartusanngorlugu.

Qulleq qinerususiuk tamakku piviusunngoriartulisapput. ilungersuutigisavagut.🤗🙏🥰🇬🇱

19/02/2025

Qulleq ippasaq 18 Februar nal. 12.00. Qineqqusaartusat atii tunniunneqarput, maannakulli aamma quppernerput nutartermat saqqumilarfisatsinnik periarfisalukallanitsinni kiisalu qineqqusarnisamut, atugassanik pisarsinngikallarnitsinni.

Una periarfisaq saqqumilarfisatut atorlluarniarparput aamma uagut suleqataajumalluta saqqumerniarnitsinni iluaqutigilaarumallugu.

Qulleq - up pilersinneqarneranut tunngaviuvoq nunami maanni innutaasugut immikkut oqaasillit periarfisaat naleqartitaat kinaasusiat, inooriaasiat ileqqui piginaaneri, inuppalaasuseq, ikiuukumatussuseq, allarpassuillu. Qarsupinneqartutut, pingaartinneqanngitsutut illesugaanera annikipalaartutut isigalugit NAMMINEQ AALLAVIGALUTAMIK QULEQUTIILLUTA.

Pingaartilugit oqaatit kinaasutsip nakuusutaai pingaarnerpaat, nammineq pivut sakkugalugit tunuarsimaarutiginagit taakulu atorlugit nunarput sangujoraangitsumik siunnerfilimmik iuvarsartariaqalerpoq, nuna iluanaarniarfittut saafigineqaraanga, akuversissutinik pisarsiniartarneq sakkortuumik sukateriffiusariaqalerpoq.

Nunami aqutsinerup sanngilluinassusia, nunaqartut innutaasut tapiilisinneqarput anngaasussiaanartut alla piumasaanut asiuvinartartutu inissisimalersimaneq mumisitariaqalerpoq, annerusumik ilinniarsimalerisartornerut ilisarnaatigiuvalerpaa, inuiaqatinik tunulliussinisamik aporfilersuinermillu ileqqoqaleriartorneq.

Tamanna aamma mumisittariaqalerpoq, avammut amnertunerusumik nunatta akiligaanik ilinniariartorneq nunatta iluaqutigiligasaanut naleqqusarlugu ineriartortineqartariaqartoq, piumasaqaatinngorlugu aamma ilinniareernermi nunatsinni aaliangersimasumik sulinisamik piumasaaqaatitaqartoq.

19/02/2025

06/04/2024

Nunatsinni atukkavut pillugit ukiut 50-sit matuma siornatigut taallangortinneqarlutillu erinanngortinneqarsimasut, numisitsinertut aamma isigineqarainaasoq inuiannik aalasatsittisimaqaaq aamma naalakersorneqarnitsigut allangueqisumik.

Namminersornerulertoqarpoq, namminersulivinnisamut utaqqiisasutut pilersinneqartumik. Nunatsinni ilinniafipassuit pilersiortorneqarput, namminivik ingelalernisamut tamakku peareersaataallutik, nammineq katinngatitaapugut (erfalasortaarpugut).

Allanguineq torrallataq ineriartuleraluarluni, kisialli uggornaqisumik atorfilitarpassuit inuiaat allat nunatta siunertamisut aalariaraluarnera, qanoq dolarertaqartigisoq malugilerpaat! Aqutariligartillu ( politikkerit) upperineqarumaqalutik iluanaarutasussanik, allamut sangutitsinisamik suliaqaatigalutik namminneq aningaasanik ilangigassaminnik iluaqutisaminnillu aqqissuilerneri, politikkerit amerlanerit arajutivaat iliuusaallu upperalugit,

Pisortanit isaatsittiviulertusat (nunatta iluanaarutigiligasaagalui) namminersortutut taallugit peqatigiifisualiarineqarput, akisallit atorniarfisarisaartut, piginneqataasutinik pisisinaalernerisigut, nunatsinni kaaviarlualetaluit, allamiunit pigineqalerlutik, nunamut iluaqutaajunaarput aniaanalerlutik, qanorlu iliorfigineqarsinaanginerinik aaliangiineq aamma upperalugi aningaasat aniasut nalunngikaluarlugit ilaginarpaat.

Pisutsillu ullumimut atuutinneqartut suli ajornerulerfianni, politikkerit qarlluallasaarput aqunneqarneq suneqarsinaangitsutut isikkuli atsaanarlutik isiginaarusaarpaat oqariarnisartillu qunugalugu,taamaatorli ullumikkut taaku ukiut 50-sit matuma siorna allanguutisanik nipilersorsimasut pikkugineraqalugit ilaasa immiusimavaat, ilaallu qullilisimaneralutik, uffali taamanikorniit suli ajornersusumik pisoqariartortoq isigiitigalugu paasisinaanagulu🤯 aalisartut nungusagaaneri miserratigiitigalugit, nungusarneqanngitsunik oqalunniannguarlutik utoqqalisungooq aalisarunaartut unikaangata tarserneqaqitasangimata, tasuunagooq ikiliartornerat malugineqarnavianngilaq.

Nunatsinni taalliortopassuit Sumikkutut ittunik ilaqasapput taamaaliornisaq pisariaqarluinalerpoq, nalungilarput oqaatsitinnik atuisinaangitsunik politikkereqaleraanga qallunaat piginaaneri nunatsinn sakkortusisartut nunattalu namminivik ineriartulertaneanut unitsitisartoq piffisami qinigaafinni arlariini malugineqarsinaavoq.

06/04/2024

Nunatta aquuteralassortui siorngatigut aalisariuteqarlutik nuna tamaat malunaatilimmik aningaasalersugaraat, nunamilu kaaviartitsisuulutik,maannakut aningaaserivinnut allaat taakununnga malersuisuuput!