02/06/2026
𝐐𝐞𝐪𝐪𝐚𝐭𝐚 𝐤𝐨𝐦𝐦𝐮𝐧𝐢𝐚 𝟐𝟎𝟐𝟓-𝐦𝐢 𝟒𝟕.𝟓 𝐦𝐢𝐨. 𝐤𝐫.-𝐢𝐧𝐢𝐤 𝐬𝐢𝐧𝐧𝐞𝐪𝐚𝐫𝐭𝐨𝐨𝐫𝐮𝐭𝐞𝐪𝐚𝐫𝐩𝐨𝐪
Kommunip oqaluttuarisaanerani siullermeertumik 1 mia.kr. sinnerlugit Qeqqata kommunia isertitaqarpoq, isertitaralugit 1.048 mia.kr.
2025-mi sanaartornerup ingerlalluarnera sulisinnaasullu amerlanerpaat sulinerat pissutigalugit innuttaasut suliffeqarfiillu akileraarutaasigut 2025-mi isertitat naatsorsuutigisamiit 33.7 mio.kr.-inik annertunerupput. Innuttaasullu 2025-mi akileraarutaat 2024-imut sanilliullugit 19 mio.kr.-inik qaffariarlutik. Illutaungaani suliffeqarfiit akileraarutaat 8.2 mio.kr.-inik appariarput.
”Sulisinnaasut amerlanerpaat sulinerat kommunimiit qujamasuutigaarput, taakkuuppummi atugarissaarnermut ineriartortitsinermullu aningaasalersuisugut”, taamak borgmester Malik Berthelsenip innuttaasut qujassuteqarfigalugit oqarpoq.
Isertitalli kisimik qaffakkiartunngillat. Ingerlatsinermummi aningaasartuutit ukiup ataatsip ingerlanerani 37.4 mio.kr.-inik qaffariariarput, ukiullu tallimat ingerlaneranni 174.5 mio.kr.-inik qaffariarlutik, taakkunannga 105 mio.kr. inunnik isumaginninnermut tunngassuteqarlutik.
”Ingerlatsinermut aningaasartuutit sukkasuumik qaffakkiartornerat eqqarsaatigalugu sukannersumik ingerlatsinissarput suli pisariaqarpoq. Taassuma saniatigut Kangerlussuarmi innuttaasut 30% missaanik ikilinikuupput, sanaartorneq unikaallaqqavoq, raajartassiissutillu ikilinikuullutik, taamaattumik mianersornissarput suli pisariaqarpoq”, borgmesteri mianersoqqusilluni taamak oqarpoq.
2025-mi ingerlatsinermut 884 mio.kr. atorneqarsimapput, taakkunannga aningaasarsianut 480 mio.kr. atorneqarsimallutik.
Sanaartornermut 117 mio. atorneqarsimapput, 2024-mut sanilliullugit 24 mio.-inik annertunerullutik.
//
𝗤𝗲𝗾𝗾𝗮𝘁𝗮 𝗞𝗼𝗺𝗺𝘂𝗻𝗶𝗮 𝗵𝗮𝗿 𝗼𝘃𝗲𝗿𝘀𝗸𝘂𝗱 𝗽𝗮 𝟰𝟳.𝟱 𝗺𝗶𝗼. 𝗸𝗿. 𝗶 𝟮𝟬𝟮𝟱.
Qeqqata Kommunia har for første gang i kommunens historie haft en indtægt på over 1 mia. kr., indtægten udgjorde 1.048 mia. kr.
Skatteindtægter fra borgere og virksomheder var 33,7 mio. kr. højere end forventet, hvilket skyldes fremgang i byggeaktiviteten samt at størstedelen af de arbejdsdygtige borgere var i beskæftigelse i 2025. Borgernes skattebetalinger var således 19 mio. kr. højere i 2025 sammenlignet med 2024. På den anden side faldt selskabsskatten med 8.2 mio.kr.
"Vi I kommunen er taknemmelige for, at størstedelen af de arbejdsdygtige borgere er i beskæftigelse, idet det er dem, der bærer økonomien bag vores velfærd og udvikling" udtrykte borgmester Malik Berthelsen således i sin tak til borgerne.
Det er imidlertid ikke alene indtægterne, der stiger. Driftsudgifterne er steget med 37,4 mio. kr. over ét år, og over en femårig periode udgør stigningen 174,5 mio. kr., hvoraf 105 mio. kr. gik til socialområdet.
”Der er fortsat behov for en stram økonomisk styring under hensyntagen til de hurtigt stigende driftsudgifter. Ud over dette er indbyggertallet i Kangerlussuaq faldet med ca. 30 %, byggeaktiviteten er aftaget, og rejekvoten er blevet reduceret. Der er således yderligere grund til, at vi udviser forsigtighed" maner borgmesteren til besindighed.
Der blev i 2025 anvendt 884 mio. kr. til driftsformål, heraf udgjorde lønudgifterne 480 mio. kr.
Der blev anvendt 117 mio. kr. til byggeaktiviteter, hvilket var 24 mio. kr. højere end i 2024.
