香港小童群益會 The Boys' & Girls' Clubs Association of Hong Kong

06/09/2026

【🍰 甜一甜鬆一鬆｜同企業義工一齊整蛋糕織童心✨】
早前我哋馬鞍山東青少年綜合服務中心嘅 20 位兒童 👧👦去到尖沙咀嘅自助蛋糕店，參加由朗佳基建有限公司企業義工隊贊助同陪伴嘅「甜一甜鬆一鬆」活動！ 🎉

當日喺一班企業義工帶領下，由量度材料⚖️、攪拌麵糊🥣到發揮創意裝飾蛋糕，通通由佢哋一手一腳搞掂👩‍🍳！現場充滿住甜滋滋嘅香味同笑聲🥰。

多謝企業義工們嘅耐心陪伴同支持🤝，唔單止幫基層兒童減低試後壓力😮‍💨💪，仲為佢哋帶嚟一個充滿創意同互動嘅快樂下午！期待下一次再同大家一齊創造更多甜美回憶！📸

#香港小童群益會 #減壓

04/09/2026

【 課餘託管排解雙職父母壓力 ❤️一家五口將青春託付在BGCA👨🏻👩🏻👦🏻👦🏻👦🏻】

爸爸阿來同媽媽Fanny嘅童年，分別喺B仔祖堯同荔景中心嘅功課輔導班同歡笑玩樂聲中度過👦🏻👧🏻；幾十年後成家立業，做咗雙職父母💼，面對工作同育兒嘅壓力，兩位亦將三個仔仔交託比 香港小童群益會賽馬會南葵涌青少年綜合服務中心 嘅課餘託管服務🧑🏻‍🏫，導師每日為三兄弟跟進功課溫下書📝，中心亦都成為呢個屋企最堅實嘅後盾💪🏻。

作為扎根喺香港40年嘅課託服務，B仔近年亦都加強對SEN同學仔嘅支援，Fanny都話好彩中心願意照顧患有自閉症嘅三仔，幫佢做社交訓練、加強溝通同語言能力，進步有目共睹🙂‍↕️，仲勇奪「群益關愛學童飛躍進步獎勵計劃2026」初小組殿軍🏆。大仔阿Rain就更加接棒做義工，陪伴中心嘅小朋友；爸爸媽媽就更加可以放鬆晒有返啲me time。好似屋企咁溫暖嘅B仔，承載住一家五口兩代人嘅青春，讓呢份愛一直延續落去❤️

睇下阿來同Fanny一家嘅故事： https://www.bgca.org.hk/article/5889

#香港小童群益會 #香港小童群益會賽馬會南葵涌青少年綜合服務中心 #傳承90 #兩代傳承 #課餘託管

03/09/2026

【魔法師數學大賽 🏆✨ 狂攻1,300條題目！小魔法師勇破數學關卡！🎮】

今個暑假，一班小魔法師沉浸喺數學嘅奇幻世界🧙‍♂️！ B仔課餘託管服務同明智教育科技合作，由社創基金及樂施會資助喺全港17個服務單位舉辦21班「小魔法師數學大冒險」課程➕➖✖️➗，吸引咗230位小朋友參加！透過遊戲闖關模式學數學，再同團隊挑戰任務🎮，激發小朋友對數學的興趣，體驗自主學習📚！全期累積作答超過86,000條題目、練習近700小時，小朋友的數學表現均有明顯進步！

終極重頭戲「魔法師數學大賽」早前喺B仔總部禮堂盛大開戰 🏆！當日來自8個服務單位嘅40幾位頂級小魔法師同場較量「施展魔法」，挑戰專屬任務同對戰，全場合力擊破1,300條數學難題💯，展現出有拼勁嘅解題速度同團隊精神！🔥 仲感染埋到場支持打氣嘅家長加入賽事，同小朋友一齊並肩過關！❤️

我哋亦都特別感謝 合作夥伴 明智教育科技 Bright Education Technology ，由2025年暑假開始到而家嘅全力支持，提供創新學習平台，比小朋友喺玩樂中掌握數學知識！ 愈玩愈叻，愈玩愈聰明！

#香港小童群益會 #課餘託管服務 #小魔法師數學大冒險 #數學大賽

02/09/2026

【90周年「Sports Clubs 童樂雙月」感謝各會所球會全力支持！】

B仔90周年嘅「Sports Clubs童樂雙月」，終於嚟到最後一站將軍澳中心「2026築夢童行暑期活動閉幕禮」喇！之前中心嘅一班小朋友同青年已經去過清水灣鄉村俱樂部體驗打Golf⛳、打網球🎾、坐揚帆⛵。今次閉幕禮大家再返嚟呢度，大家都有多一份親切感🫶佢哋仲提供埋豐富嘅自助餐😋大家都超興奮超開心，出盡渾身解數表演💃🏻！Busking🎸唱歌🕺🏻跳大繩，仲有攤位遊戲玩🤹現場氣氛超高漲🔥今個暑假玩得好開心，期待下一個暑假再大玩特玩！

再次感謝9間會所同球會全力支持，提供場地同設施俾我哋會員體驗各式各樣活動（排名不分先後）：🏢 九龍塘會 Kowloon Tong Club 九龍塘會 、👮‍♂️ 警官會所、🏘️九龍仔業主會 The Kowloon Tsai Home Owners Association 、🌳 香港鄉村俱樂部 The Hong Kong Country Club 、🥍 中國香港棍網球總會 Hong Kong, China Lacrosse Association 中國香港棍網球總會 、🦁大坑東獅子欖球會 THT Lion Rugby Club 、⛵ 香港遊艇會 Royal Hong Kong Yacht Club (RHKYC) 、🏏 九龍木球會 Kowloon Cricket Club - KCC、🌊 清水灣鄉村俱樂部 The Clearwater Bay Golf & Country Club

🔗一齊留意住BGCA 90周年最新動態！更多動人故事、精彩活動： https://qrco.de/Lets90BGCA

#香港小童群益會 #90周年 #傳承久拾 #童樂雙月

01/09/2026

【 B仔開學秘笈 「無痛破冰」指南】

又到開學季，面對新班別、新面孔，最驚第一日就俾尷尬封印？🫠唔使驚！細心嘅B仔已經幫大家準備咗呢份指南！📝包你唔使「夾硬社交」，都可以輕鬆融入新班級！👇

1️⃣裝備神救援：筆袋預備多支筆、塗改帶或紙巾。見到鄰座急用即刻伸出援手：「我有啊，拎去用啦！」由「借嘢」輕鬆開展對話。

2️⃣ 組隊「小助手」： 遇到搬書、派作業或者分組嘅時候，主動問一句：「不如我哋一組？」或「要唔要一齊去？」一齊解鎖任務，尷尬感即刻消失！

3️⃣「細節狂魔」：留意同學嘅書包掛飾或筆袋。如果發現大家鍾意同款動漫、遊戲或者運動，一句：「咦？你都有睇/玩呢個呀？」即刻一秒搵到同路人。

4️⃣ 社交真誠學：「It’s okay to be I (I 人個 I) 」唔使逼自己social，最重要係做最真實嘅自己！只要保持禮貌同人有基本嘅交流，其餘時間獨處都係一種選擇！

最後祝大家開學順利！無論學生👦👧定係家長👨👩，開學期間遇到任何煩惱，都歡迎嚟B仔度，搵人傾吓、分享吓㗎💬！

🔸夜貓 Online ｜📲 WhatsApp 6601 4823｜
🔸️Open噏 ｜🌐 https://linktr.ee/hkopenup
🔸「童你心」家長專線 📲 2866 6388
🔸兒童中心｜https://www.bgca.org.hk/zh-hk/articles/center-services?id=128 #128
🔸青少年綜合服務中心👭🏻 🧑🏻‍🤝‍🧑🏻｜https://www.bgca.org.hk/zh-hk/articles/center-services?id=126 #126

#香港小童群益會 #開學日 #精神健康

27/08/2026

【🧳《久拾旅行團🚩》EP03：陪伴同行三十載 築起家長第二個「家」🏡💖️】

買餸、煮飯、湊仔係唔少家庭主婦嘅日常，但 1972 年加入B仔嘅陳秀霞姑娘，一直深信即使係全職媽媽，只要有平台同機會，都可以發揮無限宇宙！🌌✨ B 仔嘅服務從來唔止陪伴小朋友成長，更用心關注每個家庭嘅需要。陳姑娘喺 90 年代成立「家長組」，主動邀請一班原本默默坐喺門口等仔女上興趣班嘅媽媽加入，為佢哋開啟持續學習同進修嘅大門 🚪💪

由初初幾位媽媽，發展到最高峰 30 人嘅支援網絡 🤝 呢群媽媽唔單止互相扶持成長、擔任中心義工，最後仲有人成功重返職場、綻放光芒 🌟 就算三十年過去、仔女都各自成家，呢份深厚嘅姊妹情依然延續，B 仔更成為佢哋心中最溫暖嘅第二個「家」🏡 陳姑娘亦感嘆：「有付出就有收穫，正正係佢哋每次畀我嘅熱烈回饋，帶動我每一次都想做得更好！」

衷心多謝每一位同事多年嚟嘅拼搏，因為有大家嘅用心同堅持，先至令我哋呢 90 年嘅旅程更加精彩！🌱✨

🔗一齊留意住BGCA 90周年最新動態！更多動人故事、精彩活動： https://qrco.de/Lets90BGCA

香港小童群益會 賽馬會上環青少年綜合服務中心

#香港小童群益會 #90周年 #傳承久拾 #久拾旅行團

24/08/2026

【🧳《久拾旅行團🚩》EP02：時代在變 手工與遊戲嘅溫度未曾改變✂️✨】

「雖然以前同而家嘅小朋友好唔同，但『玩』同『陪伴』永遠係第一位！」1972 年加入 B 仔嘅楊沛群姑娘，回想當年喺樂民手工室，物資簡樸卻創意無限，每星期都要傷腦筋構思新手工🎨，用一雙手同無窮熱誠喺中心以至皇后像廣場擺地攤教手工，成為無數小朋友童年最開心嘅記憶。今時今日，楊姑娘同而家嘅小朋友玩陀螺、玩遊戲，由以前「教人做手工」變為小朋友教返轉頭玩「3、2、1 Go Shoot」🪀💥展現出跨世代嘅互動同包容！

今集仲有超溫馨嘅「師徒」重逢！昔日舞蹈組會員小余姑娘，幾歲就加入 B 仔，喺楊姑娘帶領下踏上大型舞台表演💃🌟。受到楊姑娘嘅感染，長大後嘅小余姑娘仲加入埋 B 仔團隊！由昔日會員變身成為今日嘅同事，將呢份快樂與溫度代代傳承下去～

正如會歌都有得唱，B 仔一直透過「讀書、遊戲、做手工」陪伴咗幾代人成長。衷心感謝每一位同事同義工多年嚟嘅付出，因為有大家嘅支持，先可以令我哋呢 90 年嘅旅程得以傳承同充滿溫暖！🌱✨

📎一齊留意住 BGCA 90 周年最新動態！更多動人故事、精彩活動： https://qrco.de/Lets90BGCA

樂民兒童及家庭綜合活動中心

#香港小童群益會 #90周年 #傳承久拾 #久拾旅行團

19/08/2026

【🧳《久拾旅行團🚩》EP01：始於童年，陪伴近半世紀❤️】

「一諗起有困難，我第一時間就會搵佢💭」1969 年加入香港小童群益會嘅 Vicky，回想細個要喺品流複雜嘅街市幫手擺檔，B 仔就係佢童年最快樂、最安心嘅避風港。嗰陣屋企人為咗謀生早出晚歸，兒童圖書館嘅郭姑娘對 Vicky 無微不至嘅關懷，陪伴佢走過無數高山低谷；到 Vicky 生咗女女，亦第一時間抱住 BB 返嚟搵郭姑娘分享喜悅。呢份珍貴嘅情誼，一牽就係五十年。🤝✨除咗囡囡跟住Vicky嘅腳步加入B仔，估唔到幾十年後，10 歲嘅孫女悅悅都陪住Vicky一齊返嚟 B 仔參與活動。

由昔日嘅簡樸歲月，到今時今日發展多元化服務，B 仔隨住不同年代兒童同青少年嘅成長需要提供支援，陪伴一代代人成長。衷心多謝每一位會員多年嚟嘅支持同參與，因為有大家嘅信任同行，先可以令我哋呢 90 年嘅旅程充滿溫暖！🌱✨

🔗一齊留意住BGCA 90周年最新動態！更多動人故事、精彩活動： https://qrco.de/Lets90BGCA

賽馬會石蔭青少年綜合服務中心

#香港小童群益會 #90周年 #傳承久拾 #久拾旅行團

14/08/2026

【小童在野2026⛰️好玩嘅山野歷奇旅程】

八月初，近80位來自BGCA兒童及青少年綜合服務中心嘅會員，從5月開始籌備，趁著暑假喺白普理營地展開一場山野歷奇旅程⛺！

由獨木舟、自製浮筏🚣、繩網挑戰，到山野定向🧭、西貢遠足、小隊任務、自煮晚餐🧑‍🍳、觀星🌠、晨跑同分享交流，每一項活動都考驗住勇氣、合作同堅持。最後一日凌晨5:30出發，展開13公里大長征追逐日出！除咗青春同熱血，仲完成咗一段屬於自己嘅成長同挑戰之路！🔥

🎥 特別鳴謝大埔中心攝影組青少年義工拍攝及製作活動短片，記錄下珍貴而難忘嘅成長時刻

「小童在野」系列為香港小童群益會舉辦多年的標誌性宿營活動，今年錯過唔緊要，下年記得提早報名啦：
https://fans.bgca.org.hk/

香港小童群益會 大圍青少年綜合服務中心
香港小童群益會賽馬會粉嶺青少年綜合服務中心
香港小童群益會 賽馬會大埔青少年綜合服務中心
香港小童群益會賽馬會南區青少年綜合服務中心
美孚青少年綜合服務中心
香港小童群益會賽馬會秀茂坪青少年綜合服務中心
香港小童群益會 結伴再成長-兒童發展基金計劃

#香港小童群益會 #小童在野2026 #白普理營地 #歷奇活動

12/08/2026

【📱 放低3C產品🌟與子女共渡有意義暑假】

暑假唔好再畀屏幕霸佔你同小朋友嘅時光🚫！各位家長不妨趁住今個假期，主動抽時間帶小朋友一齊探索世界🔎，唔單止可以增進親子感情，仲可以創造一個充實又難忘嘅暑假回憶！

🔗點擊閱讀完整文章，了解更多增加親子間互動嘅小貼士✨：
育兒教養｜放下3C產品　讓孩子經歷不一樣的暑假
https://www.parentingheadline.com/article/15776/

#香港小童群益會 #90周年 #傳承久拾 #暑假 #暑期活動

【 #育兒教養】暑假過了一半，想增加親子間的緊密的互動，註冊社工分享小貼士🥰
即睇︰https://tinyurl.com/2nwcw4ze
#親子頭條 #暑假 #香港小童群益會