20/12/2025
各位街坊，我哋路德會「友里共享@皇后山」計劃將會喺2025年12月31日正式結束，而從12月22日起社工隊的工作電話號碼(66031374、66547478)以及計劃Facebook專頁就會交返比 路德會皇后山綜合服務中心 職員接手繼續使用喇📲
好開心可以喺皇后山與大家同苦同樂，由2021年10月喺馬鞍山欣安邨嘅預配支援街站開始，到終於能夠踏進皇后山提供入伙支援，同大家一齊經歷裝修搬遷過程，以及在皇樂樓活動室和五樓中心舉辦不同社區活動，轉眼之間四年多的服務已經到達終點啦😢
在這裡我哋一同見證住街坊鄰里之間發生的點滴故事，一同迎接新生命的誕生、睇住小朋友們逐漸長大、街坊們的生活步上軌道，好多謝大家願意同我哋分享生活趣事，亦感謝大家主動參與不同的社區活動和義工服務！祝願各位未來在皇后山社區的生活開心順利、身體健康，街坊鄰里間繼續互助共聚，一齊建立充滿人情味嘅家園🥰
雖然社工隊的服務將會結束，但位於皇后山社區綜合大樓五樓的「路德會皇后山綜合服務中心」同工仍然會為區內6-24歲的兒童、青少年及其家庭成員提供服務，希望大家未來繼續關心社區、參與中心的服務💪🏻💪🏻
路德會胡姑娘✍🏻
--------------------------------------------
各位街坊： 我哋友里共享@皇后山計劃即將係12月31號正式完結啦👊🏻而今日亦都會係胡姑娘同林sir既最後一個工作天啦， 衷心感謝各位街坊呢幾年既參與同指教，你哋嘅付出對於皇后山邨嘅建立十分重要！社工隊退場之後， 都請大家繼續保持社區參與嘅熱度👊🏻一個美好，熱鬧既社區係需要每一個人既付出先能夠做到的👊🏻祝願各位街坊能夠可以係呢個地方扎根，繼續作別人既好鄰舍，一齊建立有人情味既社區！🫡
路德會林豐✍🏻
