浪浪協進會

04/09/2026

今個星期日，繼續有領養日，今次會喺Go Park同大家見面🐶🧡

如果你正認真考慮迎接一位新家庭成員，
歡迎今個星期日過嚟見下牠們💚

🐾 浪浪協進會 × Shelter To Home
🐾 成犬領養日

📅 日期：2026年9月6日（星期日）
🕑 時間：14:00–18:00
📍 地點：Start From Zero @ Go Park

給牠們一個機會，請支持成犬領養❣️

未準備好領養都可以過嚟探下狗狗、幫手分享，
每一次分享，都可能幫牠們遇上真正的家。🫶

#浪浪協進會 #領養日 #狗狗領養 #成犬領養

03/09/2026

【現急尋暫托｜兩位文靜寶寶等緊一個落腳處🏠】

🐶 小新｜3個月｜超級乖巧
🐶 大貴｜2個月｜渴睡寶寶

兩個都係性格文靜、乖巧嘅小朋友，平日比較安靜，照顧相對容易，非常適合第一次做暫托，或者屋企環境較清靜嘅家庭。

暫托家庭主要俾BB及早習慣在家生活，學會基本指令、定點如廁，同時安心等待真正嘅屋企。🤎

📣 現正急尋暫托家庭
如能提供協助，請填寫暫托申請表格，我哋會盡快聯絡你。

暫托表格：
https://forms.gle/hhDgTSjgK4TUNYQa7

當然我地都歡迎領養家庭申請🥰
領養表格：
https://forms.gle/NSFNbPFCU7bqLyHe9

未能暫托／領養都可以幫手 Share出去，令更多人見到小新同大貴！🙏🏻

#急尋暫托 #暫托家庭 #狗狗暫托 #幼犬暫托 #浪協

30/08/2026

今日嘅領養日正式圓滿結束喇！感謝每一位到場支持、探毛孩同支持領養嘅朋友仔🫡
特別感謝今日提供咁舒服場地嘅Start From Zero Rat's Cave | Start From Zero （AIRSIDE L308）！場地環境超正，令毛孩同大家都有個舒適嘅地方見面🐶

重有要大聲多謝幾位超有愛心嘅藝人：
❤️ 阿肥 Phat Chan 、Mishy MISHY🐠 李昭南 MakerVille Artist@ViuTV —— 今日親身嚟到幫手做義工，細心照顧毛孩又幫手向大家介紹佢哋，辛苦晒你哋！
❤️ 仲有 Hailey Hailey C 陳俞希 特登嚟探班加油打氣🙌🏻

雖然今日領養日完結咗，但毛孩嘅尋家之旅仲未完！如果今日見到心儀嘅毛孩，或者錯過咗今日活動，都歡迎隨時DM我哋了解更多領養詳情🫡

請繼續支持領養代替購買，給佢哋一個溫暖嘅屋企🏠❤️

28/08/2026

Happy仔的奇蹟旅程

日前，我們接獲長洲「玲姐」的通知，一隻懷疑被遺棄於荒島上的唐狗，現取名為「Happy仔」，已在島上孤身困守二十多日。荒島上杳無人跡、孤立無援，既無水源亦無食物，令「Happy仔」骨瘦如柴。幸好期間有船家每日前往送上食物，才讓牠得以捱過這段艱難時光。

當「玲姐」得知事件後，經過商討，我們決定一同展開救援行動。由於不清楚「Happy仔」對人類的反應，我們特意準備了各種捕捉工具。然而，當我們登上荒島時，出乎意料的是，「Happy仔」竟興奮地主動靠近，甚至表現得十分親人熱情。最終，我們無需使用任何工具，便能將牠輕易抱入籠內，順利帶走。

由於現時場地已爆滿，我們暫時安排「Happy仔」入住寄宿訓練學校，為日後開放領養做好準備。希望這段奇蹟旅程，能成為牠邁向幸福新生活的起點。

#浪浪協進會 #浪協 #請繼續支持我們的工作 #能救盡救

27/08/2026

🐾 領養日約定你！

今個星期日，我哋會帶同一班毛孩嚟到 Start From Zero @ AIRSIDE 同大家見面！

今次出席陣容包括：
🐕 7隻成犬
🐶 6隻幼犬
🐱 3隻幼貓

當中有活潑親人的大男孩、乖巧可愛的小朋友，亦有等待一個安穩家庭的成犬。每一位都有自己獨特的性格，期待遇上願意了解牠、陪伴牠一生的家人。

📅 日期：30 Aug 2026（星期日）
⏰ 時間：14:00–18:00
📍 地點：Start From Zero @ L308 AIRSIDE

歡迎大家過嚟探吓牠們、了解領養及暫托流程。
未準備好領養，也可以到場支持、影張靚相，
幫助牠們增加被看見的機會。🧡

給牠們一個機會，請支持成犬領養🐶❣️

#領養日 #領養不棄養 #支持成犬領養 #狗狗領養 #浪協

26/08/2026

🔥今個星期日AIRSIDE見！壓軸最後 3 隻小貓B等緊你😼

彩虹貓B隊同清水灣貓 B 依家只係剩返最後 3 隻未搵到屋企呀。

🧡 Otto（男仔） ｜白襪仔 🥺
💜 Stuart（男仔） ｜打架王 🐾
🐱 Baby（女仔） ｜長氣公主 ✨

今個星期日，我哋會去喺啟德 AIRSIDE 嘅 Start From Zero Rat's Cave | Start From Zero 舉行領養日！想帶佢哋返屋企？
記得直接嚟現場見面啦！

日期： 今個星期日 30/8
時間： 下午 1:00 - 6:00 (1-6pm)
地點： 啟德 AIRSIDE - Start From Zero 舖內

📩 有興趣即刻 DM 我哋！
💬 快啲 Share 比想養貓嘅朋友，今個星期日見🫡

26/08/2026

對不起！我們已經盡力，不想你再承受不必要的痛楚，再見了「阿黃」🌈🌈🌈

被遺棄十年狗狗癌末今安樂死　餵狗姨姨痛哭陪最後一程

《動物專訊》本報日前報道10年前被遺棄在牛池灣山上的狗女「阿黃」，因突然急劇消瘦，經浪浪協進會潘潘救走後，發現脾臟有巨大惡性腫瘤，需緊急做手術。然而，原來阿黃的癌細胞已擴散到肝臟，手術後情況繼續變差，每次吃東西都會嘔出來，還時常痛到尖叫失禁，獸醫估計她只餘數星期壽命，為免狗狗繼續捱苦，義工最終決定安樂死。餵狗姨姨今日陪阿黃走最後一程，其間十分難受忍不住痛哭，阿黃被前主人遺棄，在山上捱苦10年，最終病入膏肓，人類負她太多，能夠給予最後的溫柔和仁慈，就是讓她沒有痛苦地離開。

阿黃的身世可憐，前主人在10年前上公屋後，狠心將她遺棄在牛池灣彩輝邨旁的山坡。阿黃多年來經歷日曬雨淋，全靠街坊們提供食物，才勉強生存下去。然而，最近街坊發現阿黃急劇消瘦，亦沒胃口吃東西，擔心她有重病，因此聯絡浪浪協進會求助。

潘潘將阿黃救起，帶到獸醫診所檢查，發現她的脾臟有一個巨大惡性腫瘤，隨時會出現破裂，讓阿黃在劇痛中死亡。雖然切除腫瘤的手術順利完成，但不幸地發現癌細胞已擴散至肝臟，獸醫更估計阿黃只餘下數星期的壽命。

潘潘表示，阿黃在手術後的情況仍然很差，胃部腫脹充滿胃氣，吃東西都會出來，還經常痛到尖叫和失禁，大家都不忍心看到她繼續痛苦下去，最終同意獸醫的建議，將阿黃安樂死。

阿黃這10年來沒有得到太多人類的愛，但走到生命的盡頭，有餵狗姨姨陪伴在側，姨姨十分不捨和痛哭，但阿黃總算能夠不用痛苦，在姨姨的身旁離開了這個世界。

愛要及時，請多關顧被遺棄的社區狗。

網頁全文：
https://hkanimalpost.com/2026/08/26/08261-8/

相關報道：
被遺棄山上十年老狗證患癌　將進行手術臨生死關頭
https://hkanimalpost.com/2026/08/17/08171-6/

#香港動物報 #狗 #牛池灣 #遺棄 #救援 #愛要及時 #浪浪協進會 #請廣傳

23/08/2026

今日喺 AIRSIDE 舉辦領養日圓滿結束！多謝大家蒞臨支持🐾❤️

特別鳴謝今次嘅神對友同星級義工：
🔨 場地贊助：Start From Zero Rat's Cave | Start From Zero
超級多謝香港本地品牌 Start From Zero！佢哋一直堅持木藝再造同永續理念，今次仲喺 AIRSIDE 旗艦店打造咗咁靚、咁舒服嘅寵物友善空間「THE PAW YARD」，令一班毛孩可以喺最放鬆嘅環境下同大家相聚，氣氛真係超正！
✨ 星級義工：阿Gi 樊沛珈 Gi 樊沛珈
仲有超多謝阿Gi 今日親身前嚟幫手做義工！全程超級溫柔又細心，幫手抱毛孩、餵小食、陪毛孩玩，班BB們都爭住要痴住佢，場面超溫馨～🥰

填咗表嘅家長 / 錯過咗今日嘅朋友
📝 已遞交表格：請耐心理等下，義工團隊會盡快聯絡大家安排審核同家訪！
🐶 錯過咗活動：唔緊要！我哋專頁仲有好多成犬、幼犬等待緊一個永遠嘅家，歡迎隨時 DM我哋查詢～
下個領養日再見🫡

21/08/2026

🎉 恭喜小白有家喇！ 🏡🤍

小白終於遇到願意愛護牠、陪伴牠成長的家庭！
而同胎的細佬妹 小斯及 ELSA，仍然在尋家的路上，
希望大家可以給牠們一個機會。🙏🏻

🐶 小斯｜男仔 6個月
小斯性格比較細膽、怕陌生，需要較長時間建立信任及關係。

他需要一個有耐性、願意花時間陪伴及引導他成長的家庭。
較適合有飼養狗隻經驗、明白狗狗需要循序漸進適應的領養者。

🐶 ELSA｜女仔 6個月
ELSA親人又活潑，外出散步亦沒有問題，適應力不錯。

性格相對容易相處，即使是新手家庭，只要願意付出時間及責任，也十分適合！

💟每隻狗狗的性格和需要都不一樣。
領養前請先了解牠們，看看彼此是否適合，為牠們作出一生一世的承諾。有興趣請填寫領養表格（link in bio)

未能領養，也請幫忙 點讚、留言及分享，
讓小斯與 ELSA 有更多機會被合適的家庭看見。🧡

#領養代替購買 #待領養狗狗 #尋家中 #狗狗領養 #浪協