任啟邦

21/07/2026

21/07/2026

搜乜撚嘢呀！

感謝在香港仍然有這麼多有咁有勇氣既人行出來

21/07/2026

請黨鐵列出什麼字係「粗口」，邊一個係粗口，要講清楚呀！

20/07/2026

進入及離開迴旋處，請「打」適當的燈號，請行適當的路線，真的多謝大家合作

作為巴士司機，在路上的時間每日起碼8個鐘，而英國出名多迴旋處，這是一個令人又愛又恨的安排。迴旋處比交通燈，它可讓各方的車減少停燈
時間，但唔好處就係有人會亂打燈、唔打燈、唔識打燈或行錯線，會帶來潛在的交通意外。

我唔係好記得香港教車師傅點教，但相對英國，香港行迴旋處的機會少一點，但英國的教車師傅，是十分著重進出迴旋處，因為十分容易產生意外。

對大車而言，車輛在迴旋處亂打燈、唔打燈、唔識打燈或行錯線，除了會誤導其他司機，產生意外之外，還會令大車司機失去進入迴旋處的寶貴機會。因為大車起步比較慢，例如大車司機要失6點入12點出，當睇到有車從3點入6點出的話，正常就會見到那車一直打左燈，這樣我地就會比盡油進入迴旋處。但同樣情況，架車從3點入沒有打燈，我們就預計他會去9點，最後原來只係去6點，這樣我地就會錯失了一個在繁忙迴旋處的機會。

其實這只是個例子，但例子其實好多不能盡錄，出這個post就係希望講下如果進出迴旋處可做同一規矩，這樣就可減少誤會誤判。

This video is a part of the theory course inside TheoryPal. Want to...

10/07/2026

英國昨日開始再受熱浪影響，日間大部份時間30度，在St Helens 市下午3時氣溫升至34度，而今日剛要揸一架「比熱狗更熱」既Optare Solo，我相信應該有36至38度。

這架巴士因為採用斜面的擋風玻璃，令日光更易曬進駕駛室。另外，佢駕駛室的計設窗口窗細，風更難吹進車內，最後由於單層，所以烈日下車箱如蒸籠一樣，真係由底濕到面，只好不斷吹水，同埋到站後出車抖抖氣。

20/06/2026

第一張在Arriva Bus 影（正確來說是被影）既相，多謝這位朋友send 返比我🙏🏻

18/05/2026

相當悲憤的控訴

15/05/2026

睇到宏福苑街坊上樓，進行政府所謂「收拾及告別」，由完全燒毀的單位，到完整無損的單位，我自己就由悲傷，睇到越來越憤怒。

我想問。。。香港人就宏福苑大火的捐款，究竟去左邊？由誰決定點樣用？點解沒有被波及或只有少數單位受災的幾棟大廈的單位都要「被迫」出售業權給政府？居民表達可以維修時卻被臨時代管的管理公司要求自己夾錢維修？有冇獨立第三者就相對簡單的維修作預算？為何不用捐款支付這維修費用？

此等問題，在腦海不斷浮現？點解冇人解釋？尤記得火災後要選立法會，那班候選人（大多成為立法會議員）口口聲聲會幫災民，現在呢？這班垃圾去左邊？有冇係立法會為災民開過一次會？一次都冇！

悲憤再悲憤

22/04/2026

轉彎位不泊車是常識嗎？

自私司機真係到處都有，英國當然不會例外，而是還真的不少。作為巴士司機當然受唔少，今日我就遇上了。

英國不少巴士線都會穿梭住宅區的小路，大多數居民都會自律，知道有巴士行經的都會泊入些，甚少泊在影響巴士的位置。然而今日做的線經過一間小學，未到前已心想會不會有車阻呢，果然真係中了。

由於巴士通常要偷位才可轉到好細的彎，剛好，有一架車就停在我車頭右邊。而左邊的車卻停得較開，基於不冒撞車風險下，決定停車。

由15:10 等到15:25，那位女司機才慢慢行出來，慢慢放好小孩，再一聲道歉也沒說就上車，真好嘢！作為司機冇可能問候她，但車上有個女乘客卻F F F 佢，但冇用的，那自私司機都聽不到的。

其實停近點學校接細路放學我理解的，但可唔可以想一下有大車要轉彎呢？如果頂住後面有消防車救護車咁點呢？