李家良社區服務處

14/08/2026

📢西貢流動會客室｜走入社區，聆聽街坊心聲

今日喺西貢市中心，同其他區議員一齊擺設街站，近距離同街坊面對面交流。

不論係地區設施、交通、鄉郊發展、文體旅規劃，抑或日常生活遇到嘅各種困擾，我哋都細心聆聽大家嘅意見同訴求，將街坊嘅聲音整理，向政府反映，推動政策同地區設施改善。

地區工作，從來都唔係坐喺辦公室紙上談兵。多謝各位街坊踴躍過來傾計，每一個意見，都係推動西貢變得更好嘅動力💪

#西貢區議會 #地區諮詢 #走入社區 #傾聽民意 #服務西貢 #流動會客室

07/08/2026

腦退化唔只係忘記事情，仲會忘記回家嘅路。
多關心身邊長者，多一份留意，就少一個遺憾。
願陳先生安息。

#關懷腦退化長者

04/08/2026

請各位街坊留意

🔴 求求大家，幫幫一位九十歲嘅長者，等佢可以再見個仔一面🔴

陳佛度先生，58歲，有腦退化症，已經走咗 第十一日。佢由將軍澳寶琳，唔知點解越走越遠，去咗沙田、花心坑一帶，而家仲未返到屋企。

但最痛嘅係——佢屋企有個九十歲嘅長者，每日由朝等到黑，喊住問：「阿度幾時返嚟？」

陳佛度先生可以正常對話，但記憶力差，唔識問路，唔知點樣返屋企。佢著住 深色短袖T-Shirt、黑色長褲、運動鞋，頭頂較疏，用後面頭髮向前梳，戴黑框眼鏡，左腰有條大傷疤。

如果大家喺 將軍澳、尚德邨、沙田、花心坑、黃泥涌 一帶，或者住喺附近屋邨，請幫手望多兩眼——可能你嘅一眼，就係佢成家嘅全部希望。

發現佢嘅話，請唔好猶豫，即刻留住佢，打俾66288663（鄭生）或者報警。 佢媽媽等緊佢返屋企食飯，等到心都碎晒。

📞 家人聯絡：66288663（鄭生）
📞 警方：999（已報案）

轉發一次，就多一個機會。拜託大家🙏🏻

#尋人
#將軍澳
#沙田
#花心坑
#腦退化症
#幫手轉發

26/07/2026

颱風過後西貢區多處樹木塌落，阻礙行人及車輛通行，存在安全隱患。
民建聯團隊一早出動巡視各街道，協助清理塌樹枝椏，疏通行人路，為恢復道路暢通出一分力，保障街坊出入安全。

提醒各位西貢街坊，風雨天出行遠離斜坡、大樹，留意路面障礙；如發現塌樹、水浸、道路損毀等狀況，歡迎隨時聯絡我哋跟進處理。

#西貢社區服務 #颱風善後清理 #地區巡查 #民建聯西貢將軍澳支部

25/07/2026

西貢街坊注意🌀 民政事務總署開放的臨時庇護中心已經開放！
地址：西貢親民街8號 西貢賽馬會大會堂
風雨越來越大，屋企唔安全、滯留在外、未能返屋企嘅朋友，可以過去暫避。
記得遠離海邊同山邊，自身安全至上！

25/07/2026

各位西貢街坊留意！三號熱帶氣旋警告信號現正生效⚠️

受強風影響，區內公共交通已有調整：
新界專線小巴9A線（北潭涌↔萬宜水庫東壩）即將暫停服務
往東壩尾班車：下午2時40分
往北潭涌尾班車：下午3時

提醒各位行山、去海邊嘅市民，務必把握時間及早離開萬宜水庫、西貢郊野公園等山邊沿岸地點；
風雨持續加劇，切勿逗留岸邊、遠足路徑，露台雜物、窗邊擺設要妥善綁好，外出時加倍留意路面安全。

民建聯西貢將軍澳支部團隊會持續監察區內天氣、交通及設施狀況，若遇道路水浸、樹木倒塌等緊急情況，歡迎盡快聯絡我哋跟進處理。

#民建聯西貢將軍澳支部 #西貢區議會 #西貢及坑口團隊 #颱風交通通告 #萬宜水庫 #西貢郊野公園安全

24/07/2026

好多西貢市中心街坊都同我哋反映一個好實際嘅問題：
親民街洗街洗得太密，但隔離萬年街、沙咀道同附近後巷，就相對較少。

我哋團隊即刻約同食環署落區實地視察，將街坊嘅心聲直接帶去部門傾談，爭取調整整體洗街安排：
✅ 調低親民街過多嘅洗街次數，釋放人力資源
✅ 額外為萬年街增設兩個固定洗街時段：逢星期一黃昏、星期三早上
✅ 同步加強周圍後巷嘅深層清潔工作

而家方案已經落實，我哋會繼續跟進監督，確保資源真實均衡分配，唔會再出現一邊過度清潔、另一邊被忽視嘅情況。
如果大家覺得屋企附近街道清潔狀況仲有改善空間，歡迎隨時聯絡我哋團隊反映意見！

#西貢街坊 #西貢市中心衛生 #洗街資源調整 #將軍澳及西貢地區事務

20/07/2026

西貢公路改善工程｜溱喬至北港路段夜間移樹工程通告

【西貢公路二期工程資訊】
各位西貢街坊、駕駛人士留意，因應西貢公路改善工程第二期道路擴闊工序，工程單位將於溱喬鄰近至北港一帶，安排夜間樹木移除工作，具體安排如下：

✅ 工程時段
2026年7月20日（星期一）至7月23日（星期四）
每晚22:00 至 翌日清晨05:30
備註：若遇上暴雨、強風等惡劣天氣，工程將會順期改期，後續調動會另行通知。

施工期間道路維持單線雙向行車，並設交通燈調節車流出入，駕駛者途經該路段請減速慢行、小心駕駛。

#西貢公路改善工程 #西貢 #北港 #溱喬 #西貢交通 #道路工程 #社區資訊 #西貢區議員服務

15/07/2026

DSE放榜必備清單已為大家整理妥當✅
帶齊文件、準備充足，面對升學選擇唔使慌。
民建聯全程支援各位考生！

#西貢區服務 #民建聯撐學生 #李家良

14/07/2026