綠在沙田Sha Tin Recycling Station

綠在沙田Sha Tin Recycling Station 「綠在沙田」開放時間：星期一至日上午8時至下午8時
辦公室服務時間︰星期一至日上午9時至下午6時半

*2026年9月26日(中秋節翌日)休館，回收及辦公室服務暫停，敬請留意。

「綠在沙田」為加強「減廢為先」的廢物管理策略及鼓勵市民實踐綠色生活，一方面加強推廣環保教育，同時為更多市民投入減廢回收行列提供所需的物流支援，讓綠色生活紮根社區。

根據環境局發表《香港資源循環藍圖 2013 - 2022》，提出全港市民必須合力實踐「惜物、減廢」的環保新文化，共同珍惜地球資源，讓綠色生活紥根社區，以應對當前的廢物管理問題。為此，政府將在全港 18 區設點（前稱「社區環保站」），資助非牟利團體營辦，透過環保教育加強推廣，同時為更多市民投入減廢回收活動而提供所需的支援。
而「綠在沙田」便是其中之一，同時亦是全港首個項目。環境保護署經過公開招標後，現已選定由基督教家庭服務中心營辦。

｢綠在沙田｣主要有兩個功能：
(i) 推行環保教育，針對社區內不同階層、背景的居民，在｢綠在沙田｣內、外籌辦不同的宣傳及公眾教育活動，從多角度把綠色生活文化注入社區，從而推動綠色社區所需的行為改變；以及
(ii) 支援地區減廢回收工作，提供回收車，走進社區收集可回收物料供本地進行循環再造，讓市民可親身參與回收減廢活動和推行其他源頭分類的措施等。

【✨活動回顧 - Go Green Carnival「綠」續園遊會！✨】昨日「綠在沙田」再次走入 🏫香港中文大學崇基學院💚，舉辦 Go Green Carnival「綠」續園遊會！小編喺現場見到大家玩得咁投入，既可以體驗遊戲樂趣，又學到滿滿...
11/09/2026

【✨活動回顧 - Go Green Carnival「綠」續園遊會！✨】

昨日「綠在沙田」再次走入 🏫香港中文大學崇基學院💚，舉辦 Go Green Carnival「綠」續園遊會！

小編喺現場見到大家玩得咁投入，既可以體驗遊戲樂趣，又學到滿滿嘅環保小知識！💡

🌱 即刻同大家一齊回顧現場活動片段啦🎬👇

🎁 早前喺中大收集到退宿生轉贈嘅宿舍用品，經同學同我哋「綠在沙田」團隊整理後，擺設市集免費派發給今年嘅宿生及同學！📦♻️ 睇住大家開心尋寶、揀到心頭好，成功做到二手物循環再用，將物品嘅生命周期延長！🥰✨

🏋️‍♂️ 喺遊戲攤位「減碳挑戰站」見到同學個個都係「大力士」！💪 大家都好積極咁挑戰減走碳排放，展現對低碳生活嘅行動力，氣氛非常熱鬧！🌍⚡️

🪴 而綠色手作工作坊方面，廢物利用再創作「扭蛋殼盆栽」同「天然防蚊液」都好受歡迎架 🪴🧴！大家親手將廢棄嘅扭蛋殼變成可愛嘅小植物 🌸，帶返屋企、宿舍或者辦公室。平時學習或者工作攰嗰陣，望下綠色植物 🍃，就可以好好放鬆下心情、充一充電！💆‍♀️✨

感謝每一位到場支持同參與嘅中大同學與教職員 🙌💚！環保唔止係一日嘅活動，而係一種生活態度。大家一齊繼續將「綠色種籽」帶落校園每一個角落🌱🌱

📢 如果你屋企都有物品想轉贈就啱啦，而家綠在沙田正進行指定二手物收集活動，歡迎大家踴躍支持，一齊延續物品生命~

📅 活動日期：2026年9月8日 至 10月15日

🧸 【大手贈小手】幼兒及兒童玩具收集活動
🪧了解更多收集內容請Click👉🏻
https://www.facebook.com/photo.php?fbid=1394169149484571&set=pb.100066744965335.-2207520000&type=3&locale=zh_HK

👕 【衫衫不盡．夏衣裳】春夏衣物及袋類收集大行動
🪧了解更多收集內容請Click👉🏻
https://www.facebook.com/photo.php?fbid=1394169132817906&set=pb.100066744965335.-2207520000&type=3&locale=zh_HK

🌟如有大量捐贈物品，請提前同職員聯絡喔~

#基督教家庭服務中心 #綠在沙田 #綠在區區 #香港中文大學 #崇基學院 #綠續園遊會 #減碳挑戰 #入宿寶物市集 #二手物循環 #綠色手作 #低碳生活 #環保校園 #廢物利用 #綠色生活 #大手贈小手 #玩具收集 #衫衫不盡夏衣裳 #舊衣回收

🧸【大手贈小手】幼兒及兒童玩具收集活動 🎁✨屋企啲玩具堆到山咁高？小朋友長大咗、興趣變咗，啲玩具完好無缺但又擺喺度塵封？不如拎出嚟轉贈畀有需要嘅家庭啦！既可以為屋企「斷捨離」騰出空間，又可以延續玩具嘅生命、傳遞歡樂，仲能實踐環保惜物嘅生活態...
08/09/2026

🧸【大手贈小手】幼兒及兒童玩具收集活動 🎁✨

屋企啲玩具堆到山咁高？小朋友長大咗、興趣變咗，啲玩具完好無缺但又擺喺度塵封？不如拎出嚟轉贈畀有需要嘅家庭啦！既可以為屋企「斷捨離」騰出空間，又可以延續玩具嘅生命、傳遞歡樂，仲能實踐環保惜物嘅生活態度，一舉多得！♻️❤️
收集期：2026年9月8日至10月15日
時間：逢星期一至日(09:30 – 18:30)
地點：綠在沙田及其營運的回收流動點
種類：1-12歲幼兒及兒童玩具

💡 溫馨提示：
為咗提升重用效率，過嚟之前記得先睇睇以下篩選標準呀:👇

✅ 歡迎捐贈（只接受 8 成以上簇新、完整及可正常使用之玩具）：
👶 幼兒玩具種類：
• 🖐️ 感官啟發：沙沙紙布書、觸感玩具等
• ✊ 抓握玩具：搖搖球、疊疊樂等
• 🧠 認知玩具：形狀配對/顏色分類玩具、有聲書等

👦 兒童玩具種類：
• 🎲 桌上遊戲：LEGO/積木、拼圖、卡牌遊戲等（需全新或配件齊全連完整外盒）
• 🤖 組裝模型 & STEAM：科學實驗、機械組裝等
• 👑 角色扮演：家家酒廚房、醫生玩具、娃娃屋等
• 🎵 音樂玩具：發聲/樂器玩具、敲擊玩具等（電子玩具需能正常運作）
• ⚽ 體育玩具：球類、跳繩、飛碟、三輪單車、滑板車、爬行隧道等
• 🎨 美術玩具：黏土、繪畫工具、3D立體打印筆等
• 🏰 其他：積木城堡、扭計骰、小型滑梯、摺疊式戲水池、波波池波波等

❌暫不接收項目：
• 大型玩具（摺疊後長闊高總和超過 170cm，或任何一邊超過 130cm）
• 零碎或欠缺配件嘅玩具
• 嬰兒學行車、手推車、嬰兒床
• 有衛生顧慮嘅玩具（如：毛公仔 🧸、遊戲墊、吹奏類樂器玩具 🎺 等）
• 具危險性或不適宜嘅玩具（如：鋒利武器玩具 ⚔️、彈珠 🔮、鬼口水 等）

小朋友大朋友，一齊動動手，將愛心與歡樂分享出去啦！💖

#綠在沙田 #大手贈小手 #玩具回收 #玩具捐贈 #環保惜物 #斷捨離 #兒童玩具 #環保生活 #資源循環 #親子環保

✨【衫衫不盡．夏衣裳】春夏衣物及袋類收集大行動 👕🎒轉眼又到換季嘅時候啦！🍁👗 整理衣櫃時，係咪發現唔少仲好新淨，但已經唔合身、少著、甚至買返嚟先發現唔太啱嘅春夏衣服與袋款呢？🤔💭唔好浪費！一齊參加執衣櫃大行動啦！📦✨ 綠在沙田嘅團隊會化身...
08/09/2026

✨【衫衫不盡．夏衣裳】春夏衣物及袋類收集大行動 👕🎒

轉眼又到換季嘅時候啦！🍁👗 整理衣櫃時，係咪發現唔少仲好新淨，但已經唔合身、少著、甚至買返嚟先發現唔太啱嘅春夏衣服與袋款呢？🤔💭
唔好浪費！一齊參加執衣櫃大行動啦！📦✨ 綠在沙田嘅團隊會化身救衣特工🦸‍♂️🦸‍♀️，幫你嘅二手衣袋尋找新主人，延長物品壽命，推動綠色循環生活！🌱🌍
收集期：2026年9月8日至10月15日
時間：逢星期一至日(09:30 – 18:30)
地點：綠在沙田及其營運的回收流動點
種類：春夏季衣服、手袋、背包
為咗提升重用效率，過嚟之前記得先睇睇以下篩選標準呀：👇

✅ 歡迎捐贈（需達 8 成以上新淨、完好及清潔）：
• 👕 春夏季衣服：上衣、外套、長/短褲、裙款等（成人、小童及幼兒款式都歡迎！）
• 🎒 手袋及背包：手袋、背囊、腰包、斜背袋、旅行袋等
❌ 暫不接收項目：
• ⚠️ 狀態欠佳：破損、損壞、有污跡、發黃、發霉或印有特定機構/活動名稱之物品
• 🧦 貼身及衛生用品：內衣褲、襪子、鞋履、絲襪、貼身運動服
• 👗 特殊服飾：角色扮演服裝（Cosplay）、婚紗、裙褂、禮服、畢業袍
• 👛 特定袋類及小型配件：銀包、電腦袋、環保袋、筆袋、化妝袋、旅行喼、鎖匙扣、毛公仔掛飾等

快啲趁換季好好整理，將資源共享，一齊為地球減廢！♻️💚 清完衣櫃就帶過嚟「綠在沙田」交畀我哋啦！🏃‍♂️🏃‍♀️💨

#綠在沙田 #衫衫不盡夏衣裳 #救衣特工 #衣物收集 #二手衣物 #環保回收 #資源循環 #綠色生活 #開學換季 #執衣櫃 #沙田好去處 #減廢在社區

🌱【Go Green Carnival「綠」續園遊會】 💚@香港中文大學「綠在沙田」今次聯同香港中文大學合辦「Go Green Carnival「綠」續園遊會」。以「綠色校園」做主題，想知點樣喺日常生活中做到「源頭減廢」兼「節能減碳」？即...
05/09/2026

🌱【Go Green Carnival「綠」續園遊會】 💚@香港中文大學
「綠在沙田」今次聯同香港中文大學合辦「Go Green Carnival「綠」續園遊會」。以「綠色校園」做主題，想知點樣喺日常生活中做到「源頭減廢」兼「節能減碳」？即刻過嚟玩~
🎉 當日精彩活動包括：
🪴 升級再造 Upcycling 工作坊
• 扭蛋殼盆栽： 廢物利用！用廢棄扭蛋殼做容器，配搭可愛多肉植物同工具，發揮你嘅 DIY 創意，做返個獨一無二嘅桌上小盆景 🌵

• 天然防蚊液： 鍾意 Outdoor 嘅朋友注意！親手調配 100% 安全有效嘅天然防蚊液，出街玩就唔怕蚊叮蟲咬啦 🦟🦟
🛍️ 免「廢」市集（二手換物）
• 貫徹「免廢延續」精神！將上學年收集返嚟嘅宿舍用品，喺新學期繼續流轉 🔄 衣物 👕、廚具 🍳、家品 🏠、玩具 🧸、書本 📚 同音樂藝術用品 🎨 通通免費等你帶返屋企！延長物件壽命，培養惜物好習慣！
🎯 環保攤位遊戲大挑戰
• 一擊即中回收球： 考驗環保知識同反應力，邊玩邊學回收小技巧！
• 減碳挑戰站： 一站式掌握衣食住行嘅減碳同回收攻略 💡
📅 活動詳情：
• 日期： 2026年9月10日（星期四）
• 時間： 上午 11:00 – 下午 5:00
• 地點： 香港中文大學崇基學院龔約翰學生中心 (LG4 活動室)
快啲 Tag 埋中大嘅 Hall mate 同 Friends，一齊過嚟崇基學院龔約翰學生中心玩啦！🙌🎉

#綠在沙田 #綠續園遊會 #香港中文大學 #崇基學院 #綠色校園 #源頭減廢 #節能減碳 #免廢市集 #升級再造 #手作工作坊 #中大好去處 #可持續發展

《綠識AI一分鐘 · 環保開學小習慣🎒🌿》‎ ‎新學年開始，亦係培養環保習慣嘅好時機😆！同學可以由日常用品做起，例如重用紙袋做書套、用舊衣物整筆袋、用玻璃樽或紙筒收納文具，並做好👉🏻分類回收，實踐升級再造同惜物減廢。♻️‎ ‎👩🏻‍🏫課堂上...
05/09/2026

《綠識AI一分鐘 · 環保開學小習慣🎒🌿》
‎ ‎
新學年開始，亦係培養環保習慣嘅好時機😆！同學可以由日常用品做起，例如重用紙袋做書套、用舊衣物整筆袋、用玻璃樽或紙筒收納文具，並做好👉🏻分類回收，實踐升級再造同惜物減廢。♻️
‎ ‎
👩🏻‍🏫課堂上亦可以善用舊物料發揮創意，例如將膠樽變成小盆栽🪴、用舊報紙或蛋盒製作手工作品✏️，將環保、回收同學習結合。透過動手做，學生可以培養珍惜資源、減少浪費嘅生活態度✨
‎ ‎
💚環保教育可以由開學第一日開始。每一個小改變，都係為地球出一分力，一齊建立更綠色嘅校園同未來啦！🌱
‎ ‎‎ ‎
📅 以上由 AI 輔助總結及翻譯: https://www.plt.org/educator-tips/back-school-eco-friendly-activities/
‎ ‎
📩 想了解正確回收、源頭減廢同綠色生活？
綠在區區回收環保站👉🏻免費工作坊♻️現正接受預約，歡迎團體查詢！我哋可提供外展/到訪服務，將環保教育帶到校園及社區。✨
‎ ‎‎ ‎
#基督教家庭服務中心 #綠在區區 #環保及綠色生活 #開學季 #環保開學 #升級再造 #分類回收 #綠色校園 #珍惜資源

🍳 「識煮惜食」廚神爭霸戰現正接受報名！ 👨‍🍳🔥‎ ‎各位身懷絕技嘅大廚同埋烹飪高手，展現你哋又識煮又惜食嘅機會嚟喇！💪✨發揮創意、善用食材，炮製零廚餘美味佳餚，爭奪綠色廚神寶座！‎ ‎📅 截止日期：「咪嘥嘢食店」組：2026年9月12日...
04/09/2026

🍳 「識煮惜食」廚神爭霸戰現正接受報名！ 👨‍🍳🔥
‎ ‎
各位身懷絕技嘅大廚同埋烹飪高手，展現你哋又識煮又惜食嘅機會嚟喇！💪✨
發揮創意、善用食材，炮製零廚餘美味佳餚，爭奪綠色廚神寶座！
‎ ‎
📅 截止日期：
「咪嘥嘢食店」組：2026年9月12日
公開組：2026年9月30日
‎ ‎
👇 點擊下面貼文了解更多！

✨ 【魔法recycleland ✕ 森林保衛戰：去去垃圾走！｜活動回顧 🌟】隨住8月14日「大嘥鬼減廢遊戲屋」正式開幕 🎉，綠在沙田喺8月15至16日（星期六及日）順利舉行咗「魔法recycleland ✕ 森林保衛戰：去去垃圾走！」🧙‍...
03/09/2026

✨ 【魔法recycleland ✕ 森林保衛戰：去去垃圾走！｜活動回顧 🌟】

隨住8月14日「大嘥鬼減廢遊戲屋」正式開幕 🎉，綠在沙田喺8月15至16日（星期六及日）順利舉行咗「魔法recycleland ✕ 森林保衛戰：去去垃圾走！」🧙‍♂️🪄！

雖然呢兩日天氣非常炎熱 ☀️🔥，但完全阻擋唔到大家嘅熱情！活動兩日入場人次高達 1,600 人 📈，非常感謝一眾市民對「綠在沙田」嘅大力支持 ❤️，即刻一齊嚟睇下當日嘅精彩回顧啦 📸👇

今次活動特別加設🔮魔法綠遊遊導賞團🌿，由職員帶領大家深入了解各個藝術裝置嘅設計理念與特色 🎨，傳遞背後嘅綠色訊息🌍。配合AR 技術支援 📱，市民一齊進入沉浸式嘅解謎遊戲 🔍，每打開一個機關都驚喜萬分、發出陣陣歡呼聲 🤩✨

特別要感謝 #潮州會館中學 嘅同學們 👏！佢地向市民介紹自家研發嘅AI系統 💻，等大家體驗如何透過「視覺辨識技術」精準識別回收物嘅材質同分類♻️。市民都大讚同學們非常有創意同前瞻性💡👍！同場仲有 #綠環 ECOHOPE 提供「再生爆旋陀螺」試玩體驗 🥏，以及 STEAM環保桌遊《特務零零「碳」》🎲，大家玩得投入之餘，仲認識點樣喺生活中節能減碳！

工作坊同樣精彩 ✂️， 教大家將廢棄紙箱升級改造成扭蛋機 📦🎰，大人小朋友都玩得超級開心； 同市民分享獨特嘅窯燒壓扁玻璃工藝並指導彩繪技巧 🍾🖌️，個個都畫得好精美架～

最後感謝 #香港紅十字會💖及 #沙田萬怡酒店🏨嘅一眾義工出心出力幫忙 🤝，令活動順利舉行！

🎈 錯過今次活動唔緊要！平時都可以嚟玩架！ 🎈
「大嘥鬼減廢遊戲屋」會一連開放三個月！平時放學、放假或者行過路過，隨時都可以約埋屋企人同朋友仔過嚟打卡、玩遊戲、學減廢！我哋準備咗豐富嘅互動體驗同展覽，等緊你嚟挑戰 💚🎮

🔥 【「大嘥鬼減廢遊戲屋」展覽詳情】🔥
📅 開放日期：即日起至2026年11月15日
⏰ 開放時間：上午 10:00 – 下午 6:00
📍 地點：綠在沙田（沙田安平街10號）
🎟️ 費用全免！🆓

#綠在沙田 #大嘥鬼減廢遊戲屋 #森林保衛戰 #去去垃圾走 #活動回顧 #智慧環保 #廢物利用 #手作工作坊 #潮州會館中學 #建造業零碳天地 #香港紅十字會 #沙田萬怡酒店 #環境保護 #減廢回收 #沙田好去處

提提大家，除咗三紙（報紙📰、辦公室紙📃同紙皮📦）之外，以下廢紙都可以攞去「綠在區區」回收✅ ：✅紙盒、鞋盒✅廁紙筒、保鮮紙筒✅冇膠手挽嘅紙袋✅紙製包裝填充物 ‎ ‎但係呢啲紙就唔可以回收❌：❌熱感紙收據❌有塑膠或粘膠成份嘅紙❌牛油紙、蠟紙...
03/09/2026

提提大家，除咗三紙（報紙📰、辦公室紙📃同紙皮📦）之外，以下廢紙都可以攞去「綠在區區」回收✅ ：
✅紙盒、鞋盒
✅廁紙筒、保鮮紙筒
✅冇膠手挽嘅紙袋
✅紙製包裝填充物
‎ ‎
但係呢啲紙就唔可以回收❌：
❌熱感紙收據
❌有塑膠或粘膠成份嘅紙
❌牛油紙、蠟紙
❌紙巾、廁紙、抹手紙
‎ ‎
⚠️巿民回收廢紙嗰陣仲有咩要留意🧐？記得做齊以下步驟喇~
除雜質︰拆釘撕膠紙，減少再造過程中篩出嘅殘渣🗑️，提升廢紙價值
勿濕水💧︰廢紙發霉，纖維破壞咗就冇用㗎啦
壓扁平︰慳多啲位，提高運輸🚛嘅成本效益
‎ ‎
記得有紙就攞過嚟啦！
‎ ‎
如果大家對回收廢紙或其他回收物有任何問題🤔，歡迎向「綠在區區」職員查詢！
‎ ‎
#綠在區區 #廢紙回收 #減廢回收 #回收 #乾淨回收

【🥮 2026年9月份回收 + 教育時間表 🌕】臨近中秋，除咗賞月之餘都要記得「乾淨回收」呀🍀！ 大家平時食完月餅，都知道月餅罐可以放入金屬回收箱🥮，但你有冇諗過，連食完嘅碌柚皮都一樣可以「升級再造」變成超級實用嘅生活小物呢? 🤹‍♀️☀️...
31/08/2026

【🥮 2026年9月份回收 + 教育時間表 🌕】
臨近中秋，除咗賞月之餘都要記得「乾淨回收」呀🍀！ 大家平時食完月餅，都知道月餅罐可以放入金屬回收箱🥮，但你有冇諗過，連食完嘅碌柚皮都一樣可以「升級再造」變成超級實用嘅生活小物呢? 🤹‍♀️

☀️9月精彩活動重點推介☀️
🏮 #牛奶盒燈籠 發揮無限創意，將廢紙盒升級再造！帶領大家將飲完嘅牛奶盒打造成獨一無二嘅環保小提燈

🧼 #天然清新柚子皂 ── 特別配合超可愛嘅月餅造型🥮！成分溫和親膚、天然滋潤，等大家香噴噴咁歡度佳節～

🍹 #中秋特飲蠟燭 ── 過節點少得「飲杯嘢」？採用天然蠟燭材料，製作賣相精緻嘅特飲造型蠟燭，點亮瞬間氛圍感拉滿！

🌌 #星空玻璃瓶燈 ── 發揮創意重用玻璃瓶，放入璀璨星光，製作獨一無二嘅夢幻小夜燈，點亮你嘅中秋夜～

無論係想放鬆身心、同閨蜜約會，定係帶埋小朋友體驗綠色生活都非常適合！

🙋🏻‍♀️ 環保工作坊名額有限，有興趣就快啲撳入嚟報名啦！
🔗https://forms.gle/HajDGNGTGcZjN6r57

💫💫💫💫💫💫💫💫💫💫💫💫💫💫
#️大嘥鬼減廢遊戲屋🧙🏻‍♂️🪾互動環保藝術裝置🔮
🗓️ 展期：2026年8月中旬至11月中旬

要知可以去邊度回收，就要留意我哋9月嘅回收流動點時間表啦 🚛📍
回收流動位置圖： shorturl.at/qDSW1
♻️ 回收物種類：
📄 紙張
🥫 金屬
🧴 塑膠 (膠樽、其他塑膠、發泡膠)
🍾 玻璃樽
💡 慳電膽、光管
🔋 充電池
🧃 紙包飲品盒
📺 四電一腦、小型電器（回收流動點只接收體積不大於50cm x 50cm x 50cm的物件）
🍌 廚餘 (只適用於智能廚餘機）
♻️「綠在沙田」9月份公眾假期服務安排：
9月26日 (六) 中秋節翌日：休館 ❌
🙂‍↕️注意回收禮儀🙂‍↕️
除開放時間外，請勿棄置回收物於門外或地上。休館期間，市民可將回收物分類放置於中心外的自助回收區，以免阻塞通道、影響環境，多謝合作🙇🏻‍♀️
🪴「綠在沙田」2026休館日一覽 🪴
https://www.facebook.com/share/p/1AYbe2ELVs/
#基督教家庭服務中心 #綠在區區 #綠在沙田 #9月份 #資源循環 #回收流動點時間表 #教育時間表 #工作坊 #沙田 #親子活動 #環保手作 #乾淨回收 #惜物減廢 #綠色生活

[14:24更新]由於【黃色暴雨警告信號】已經取消，位於📍車公廟站B出口 之回收流動點將於下午三時正恢復服務，謝謝🙏🏻【 🔊特別通知 - 回收流動點延遲舉行⛈️ 】由於【黃色暴雨警告信號⛈️】及【雷暴警告⚡】現正生效，原定今日下午2:...
31/08/2026

[14:24更新]

由於【黃色暴雨警告信號】已經取消，位於📍車公廟站B出口 之回收流動點將於下午三時正恢復服務，謝謝🙏🏻

【 🔊特別通知 - 回收流動點延遲舉行⛈️ 】

由於【黃色暴雨警告信號⛈️】及【雷暴警告⚡】現正生效，原定今日下午2:30舉行 於 📍車公廟站B出口 之回收流動點服務將延遲舉行，不便之處，敬請見諒🙏🏻.

如天氣持續不穩，我們會盡快在Facebook專頁公布街站安排，敬請留意🙇🏻‍♀️
中心正常開放，外出時請帶備雨具🌂
#綠在沙田 #綠在區區 #基督教家庭服務中心 #回收流動點 #黃色暴雨警告信號 #雷暴警告

Address

沙田石門安平街10號
Sha Tin
0085

Opening Hours

Monday 08:00 - 20:00
Tuesday 08:00 - 20:00
Wednesday 08:00 - 20:00
Thursday 08:00 - 20:00
Friday 08:00 - 20:00
Saturday 08:00 - 20:00
Sunday 08:00 - 20:00

Telephone

+85222859433

Website

Alerts

Be the first to know and let us send you an email when 綠在沙田Sha Tin Recycling Station posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 綠在沙田Sha Tin Recycling Station:

Shortcuts

Share

Category