西九龍動物守護社區大使計劃 AWP KW

03/09/2026

【寵•入BU 🏫 】AWP KW x 九龍城區警民關係組

今日（3/9），西九龍「動物守護•社區大使」計劃聯同九龍城區警民關係組👮🏻‍♂️，喺香港浸會大學舉辦「防騙 x 守護動物」宣傳攤位活動！

西九龍「動物領袖🐶」及「動物大使🐶」走入校園與同學們互動接觸，向各位派發精美紀念品及宣傳單張，積極宣揚共同守護動物嘅愛心訊息💌。與此同時，警民關係組人員亦喺現場為學生拆解最新嘅騙案手法🦹‍♀️與防範招式✅，提高大家嘅警覺性，避免誤墮詐騙陷阱。

活動希望透過毛孩嘅參與，將「防止殘酷對待動物」嘅資訊喺大學校園散播外，亦將實用嘅防騙知識帶畀每位同學，共同營造安全又充滿愛心嘅校園環境。

#香港浸會大學 #西九龍總區
#防騙 #守護動物
#動物守護社區大使

02/09/2026

【阿棍屋•一日貓舍🐱義工體驗】 暨動物診所參觀日

8月31日，西九龍「動物守護·社區大使」計劃「寵愛閣」成員——民生書院（中學部）嘅10名學生大使走入阿棍屋，挑戰擔任一日貓舍🐱義工！

學生大使除了為貓貓打掃貓屋、更換睡墊、清洗食具同餵食外，更要學習成為稱職嘅「剷屎💩官！透過今次沉浸式體驗，同學們除咗學到實用嘅動物照顧知識，更以實際行動發揮守護動物嘅精神。✨

當日，學生大使更參觀咗阿棍屋嘅動物診所，了解獸醫診所嘅日常運作！幾位想成為獸醫嘅同學，仲把握機會同獸醫👨‍⚕️深入交流，了解佢哋嘅日常工作同心路歷程。不論對未來職涯發展定係生命教育而言，大家都獲益匪淺！

#阿棍屋 #一日貓舍義工
#人寵共融
#守護動物 #社區大使

01/09/2026

【幸福「毛」國界‧家庭和諧日】圓滿舉行！🐾

近年學童精神健康備受關注，與毛孩相處正是紓緩壓力嘅最佳良伴！

8月22日，九龍青年商會、西九龍「動物守護•社區大使」計劃(AWP KW)及香港動物輔助遊戲治療（AAPTA）於佛教大雄中學合辦親子學習活動。透過創新嘅「動物輔助遊戲」治療，促進親子互動，助中小學生輕鬆減壓，掌握正向溝通技巧。

活動由家福會首先向參與家庭分享「家庭幸福指數」📊，解開近年關於家庭幸福嘅統計數字；AAPTA導師 Summi YEUNG🙋🏻‍♀️主持親子溝通工作坊，教授動物輔助遊戲治療；參與家庭與動物義工分組玩遊戲，互動中實踐動物遊戲治療方法；AWP KW林Sir👮🏻‍♂️分享「防止殘酷對待動物」資訊，一齊宣揚愛護動物訊息✉️💌。

透過今次豐富嘅親子學習活動，希望大家都可以將呢份正向溝通技巧帶返屋企，用愛守護下一代同毛孩！

19/08/2026

根據香港法例第167D章《危險狗隻規例》，體重20公斤或以上的大型狗隻🐕在公眾地方必須以不超過2️⃣米長的狗帶穩妥牽引。各位大型狗主帶愛犬外出時必須時刻專注管束、評估環境，並確保有足夠體力控制狗狗，共同營造安全的人寵共融環境。

🚨違反規例，最高可被判罰款25,000元💰及監禁3個月。

🔔建議：
1️⃣ 評估控制能力：確保自己足夠體力及能力在突發情況下拉緊並控制狗隻。

2️⃣ 配戴合適裝備：若狗隻性格較容易激怒或具備潛在危險威脅，外出時應主動為其配戴口罩，保障他人及其他小動物安全。

3️⃣ 遠離人多擠迫：避免帶大型或容易緊張的犬隻前往人多擠迫的高危或狹窄場所。

想知更多關於管理大型狗隻的法例監管及建議，掃描Poster上面的二維碼，了解更多‼️

13/08/2026

【人寵共融！跨越標籤的愛🐶✨ 】尚恩家舍

8月7日，西九龍「動物守護·社區大使」計劃帶同「動物大使」Maymay🐶、威威🐶及Gilbert🐍到訪尚恩家舍，將守護動物嘅訊息帶入弱勢群體，以動物最純粹、不帶偏見嘅愛包圍每一位學員，讓學員深刻感受到動物無條件嘅陪伴與溫暖。♥️

#尚恩家舍 #蘇屋邨
#人寵共融
#守護動物 #社區大使

02/08/2026

【愛寵號🚛•愛心巡遊全香港】旺角站📍

今日(8月2日)，「動物守護·社區大使」計劃教育宣傳車「愛寵號🚛」嚟到旺角西洋菜南街與市民見面。車上設有有獎互動遊戲，包括扭蛋機答問❓、找錯處🔍及QR Code問題測驗，考考各位日常飼養寵物嘅小知識，從遊戲中學習守護動物。「守護之星」Goofy🐶同Happy🐶亦現身同各位市民互動打卡，希望大家將守護動物嘅訊息宣揚出去💕

「愛寵號🚛」跟住落嚟會走訪以下地點，大家記住mark底日期時間📝，過嚟探吓我哋啦。

📍【巡迴路線 & 時間表】
* 中環碼頭近摩天輪：8月3日（一）11:00am - 5:00pm
* 荃灣眾安街荃灣千色匯外：8月5日（三）11:00am - 5:00pm
* 大圍港鐵站A出口外：8月6日（四）11:00am - 5:00pm
* 啟德沐翠街晴朗商場外：8月7日（五）11:00am - 5:00pm

26/07/2026

24/07/2026

【🐶與「寵」童遊尖沙咀警署👮🏻‍♂️】

7月21日（星期二），西九龍「動物守護•社區大使」計劃獲油尖警區警民關係組邀請，出席為仁愛堂陳鄭玉而幼稚園學生舉辦嘅尖沙咀警署參觀活動。

喺「動物大使🐶」嘅陪伴下，幼兒藉機近距離認識香港警察👮🏻‍♂️並接觸警察裝備🚓，同時學習國家安全知識。此外，幼兒透過與「動物大使🐶」互動接觸，掌握與動物相處嘅小技巧，全方位提升守護動物嘅意識，建立「守護動物·尊重生命」嘅重要價值觀。

#油尖警區 #警民關係組
#仁愛堂陳鄭玉而幼稚園
#守護動物 #社區大使
#香港警察 #國家安全

14/07/2026

【動物守護•球蟒】知識分享會🏫聖公會聖多馬小學

7月7日（二），西九龍「動物守護·社區大使」計劃到聖公會聖多馬小學，為100多位小一及小二嘅同學仔舉辦「動物守護」專題講座！

講座深入淺出地向同學介紹香港法例第169章《防止殘酷對待動物條例》📚，透過生活事例讓大家認識香港保障動物嘅法律。之後「社區大使」Dr. Yanne🙋🏻‍♀️仲帶埋愛寵Gilbert🐍同同學分享球蟒知識，等同學們有機會親身接觸同認識呢種日常少見嘅動物。

最後嘅互動環節，同學透過親身接觸狗狗🐶、蜥蜴🦎同球蟒🐍，將守護動物嘅觀念轉化為愛護生命嘅實際行動，培養尊重生命嘅正確態度。

#國家安全 #生態安全
#動物守護 #社區大使
#聖公會聖多馬小學
#防止殘酷對待動物
#愛護動物 #尊重生命

13/07/2026

【動物守護•球蟒•警犬】知識分享會🏫滙基書院

7月2號（四），西九龍「動物守護·社區大使」計劃為𣾀基書院200名學生帶來一場宛如「知識萬花筒」專題講座；內容由守護動物、認識球蟒🐍，到動物與國家生態安全嘅緊密關係，全方位將「守護動物•尊重生命」嘅訊息帶入校園。

警犬隊🐕亦蒞臨活動，向同學介紹警犬嘅工作。警察領犬員更帶領警犬示範各項指令，展現戰術步法、跳躍及搜索等方面嘅超凡能力。

最後，活動安排咗互動環節，同學們透過親身接觸貓🐱、狗🐶、蜥蜴🦎，以及球蟒🐍，將守護動物嘅觀念轉化為愛護生命嘅實際行動，建立起正確嘅價值觀。

#國家安全 #生態安全
#動物守護 #社區大使
#滙基書院
#防止殘酷對待動物
#愛護動物 #尊重生命