https://www.facebook.com/105397692452100/

Moja Ričina - Rječina

Home
Croatia
Drazice
Moja Ričina - Rječina

Ričina, Rečina, Rječina... rika ka je mićišna a istovremeno tako velika da je grad po njoj dobil ime. Moja, tvoja, naša, a prije sega svoja i jedinstvena.

09/05/2026

Majsko vrime - sviti sunce, se je vedro, najedanput se zaškuri i daž navrne!

05/05/2026

Kakovu priču ovaj vir čuva od davnine? Bele stene kad ih se gjeda z Trnoviške strane morda na prvu zgjedaju ko i većina drugih virih. Meni je već samo ime Bele stene zanimljivo aš ovdi je Črni kamik. Ali oni ki poznaju ovo mesto, znaju da su tu sastrane dva, moremo reć bazena, va kih se voda zadržava do vele suše i vidi se da nisu baš nastali djelovanjen prirode nego djelovanjen ljudske ruke. Ali ne va novije vrime! Naš poznati arheolog Ranko Starac je bil ovdi pred par let i ni mu rabilo više od dva-tri minuta da zaključi da je ovdi bila kava (kamenolom) i da je to moralo bit davno, va antička ili predantička vrimena. Meni je zanimljivo i da drito od Belih sten puca pogjed na Orlić i na Gradišće kadi je bila predantička gradina. Ki zna ča se ovdi dogadjalo pred tih par hijad let... ke tajne skriva Ričina morda nikad nećemo saznat...

17/04/2026

Tićići kantaju, Ričina šumi, listići se zelene...

12/04/2026

Prve orhideje su procvale - ili kako su naši stari rekli - kukurinke.
Ko da ih je niki prosul po ledinah uz Ričinu...

27/03/2026

Rekla j Ričina Buri: ma znaš ča, sagdi me smućuju i mira mi ne daju, pa daj kad ti dojdeš onako velika i jaka, pusti neka Pod Zviron buden na miru. Huči okolo i ruši, po planini i po brigu, i po poju i po dolinah, ali tu kadi ja nastajen budi mirna. A veli bura: ah, ala dobro, ma ako buden tu mirna i slaba, ča ću dobit od tebe? A Ričina veli: moreš se spustit pomalo na moju površinu, i moreš me nježno bušnut i poć daje. Bura je pristala i rekla: more, tako će i bit, bit ću velika i jaka i hvejat se pred sobun, ali va tvojoj koljevki Pod Zviron ću bit nježna, bušnut ću te i poć daje!
Zorica Zoretić

21/03/2026

Danas je i kalendarski počelo proleći, dani će bit se duži a noći se kraće! Naša Ričina će sad pomalo obučevat on svoju zelenu haju, zimski san se bliži kraju!

01/03/2026

Jedan vir kemu je ime Korniž, jedna prenka koj je ime Njivina, i jedno selo za ko je vezan prvi spomen malinih na Ričini još davnega 1451. leta. Znate kako se zove selo?

28/01/2026

Hodin čera pomalo po putiću uz Ričinu i gjedan, šafrani su počeli zihajat, pokazuju svoji mićeri listići... i gjedan, gjedan, ki zna je već kisti procval i evo ga! Prvi ovoletnji!

06/01/2026

Tri kraja su Ričini donesli snig

31/12/2025

Za kraj ovega leta jedan kratki video snimjen danas opolne Pod Zviron. Sunce, 4 stupnja, mir. Za si "pustinjaki" i onih ki su štufi pucanja, gužve i blagdanske smućavine... Judi sriću nahajaju na različitih mestih, pa neka ju si ki ju još išću najdu va ovemu letu ko nan je na vratih, a oni ki ju nose sobun neka ju još uvećaju i prenesu na svoji bližnji 💚

11/12/2025

Kalendar za 2026. je parićan!
Ako je ki zainteresiran za kupit more mi se javit. Format je A3 (otprilike 32x42cm), spiralni uvez. Se fotografije i dizajn kalendara su moj autorski rad, a količine su ograničene.

Address

Rječina
Drazice
51218

Website

facebook.com

Alerts

Be the first to know and let us send you an email when Moja Ričina - Rječina posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Drazice?