Ambasada e Republikës së Shqipërisë në Kroaci

08/09/2026

07/09/2026

🇦🇱🇭🇷 Komuniteti shqiptar në Qarkun Koprivnica-Križevci kremtoi Ditën e Shën Nënë Terezës në famullinë e Shën Nënë Terezës në Starigrad, Koprivnica.

Mesha u mbajt në shqip dhe kroatisht dhe u drejtua nga Dom Mhill Gojani dhe famullitari Marjan Lorenci.

Në kremtim morën pjesë përfaqësues të Qarkut Koprivnica-Križevci, komunitetit shqiptar, si dhe përfaqësues të Ambasadës së Kosovës dhe Ambasadës së Shqipërisë.

🎶 Në kuadër të aktivitetit u prezantua edhe Ansambli “Shkëndija”, duke sjellë atmosferë festive dhe duke pasuruar këtë ditë me traditën dhe kulturën shqiptare.

Pas Meshës u organizua një pritje, ku u shpreh mirënjohje për mbështetjen e vazhdueshme ndaj komunitetit shqiptar dhe u theksua rëndësia e vijimit të bashkëpunimit.

❤️ Shën Nënë Tereza – simbol i paqes, dashurisë dhe humanizmit.

06/09/2026

🇦🇱 10-vjetori i shenjtërimit të Shën Terezës së Kalkutës – një ngjarje e veçantë mes shqiptarëve në Rijeka 🇭🇷

Me rastin e 10-vjetorit të shenjtërimit të Shën Terezës së Kalkutës, Ambasadorja e Republikës së Shqipërisë në Kroaci, Donika Hoxha, mori pjesë në veprimtarinë e bukur të organizuar nga komuniteti shqiptar në Rijeka, në nderim të figurës së saj të jashtëzakonshme.

Një ngjarje e mbushur me emocion, kulturë, traditë dhe krenari shqiptare, ku veçanërisht u spikat koncerti i mrekullueshëm i Orkestrës së të Rinjve të Kosovës, i cili i dha aktivitetit një dimension të veçantë artistik dhe emocionues. 🎶🇽🇰

Në këtë përvjetor të rëndësishëm, u nderua Shën Tereza, bija e madhe shqiptare, e cila me dashurinë, përkushtimin dhe humanizmin e saj u bë një simbol universal i paqes dhe i shërbimit ndaj njerëzimit.

Ambasadorja Hoxha vlerësoi përzemërsisht komunitetin shqiptar të Rijekës për ruajtjen dhe promovimin e gjuhës, kulturës dhe traditave shqiptare, si dhe për kontributin në forcimin e miqësisë mes Shqipërisë, Kosovës dhe Kroacisë.

Një ngjarje ku muzika bashkoi zemrat, kultura bashkoi komunitetin dhe figura e Shën Terezës na kujtoi vlerat tona më të bukura. ❤️🇦🇱🇽🇰🇭🇷

04/09/2026

03/09/2026

Sulmet e fundit në Kiev dhe droni rus në Gjermani, Ministri Hoxha: Agresioni nuk do ta dobësojë vendosmërinë, sigurinë dhe unitetin e Evropës.

Ministri për Evropën dhe Punët e Jashtme, Ferit Hoxha, postim në X:

Rusia ka demonstruar edhe një herë se agresioni i saj kundër Ukrainës nuk ndalet. Sulmet masive në Kiev dhe qytete të tjera ukrainase, përfshirë sulmin e drejtpërdrejtë në Universitetin Kombëtar të Teknologjive Ushqimore, janë pjesë e një fushate brutale që vazhdon të vendosë civilët në rrezik.

Evropa, dhe Shqipëria si pjesë e saj, me të drejtë kanë qëndruar që nga dita e parë në krah të Ukrainës, dhe ne duhet të vazhdojmë ta bëjmë këtë.

Ukraina mbetet vija e parë e kësaj lufte. Por është gjithnjë e më e qartë se shtrirja dhe ambiciet e Rusisë shtrihen shumë përtej Ukrainës. Incidenti i konfirmuar i dronit rus në Leipzig është një tjetër kujtesë e fortë se Moska po teston kufijtë e sigurisë evropiane dhe po zgjeron ndërhyrjen dhe aktivitetet e saj destabilizuese në të gjithë kontinentin.

Kërcënimi, agresioni dhe ndërhyrja hibride nuk do ta dobësojnë vendosmërinë e Evropës. Ato duhet të kenë efektin e kundërt: një Evropë më të fortë, më të bashkuar dhe më të vendosur.

Ukraina po mbron tokën e saj. Evropa po mbron sigurinë e saj. Ne duhet të qëndrojmë së bashku në të dy frontet.