Embassy of the Republic of Kosovo in Hungary

24/06/2026

🏛️ Ambasadori i Republikës së Kosovës në Budapest, Delfin Pllana, priti në takim z. András Rátó, pronar i Klubrádió, me të cilin diskutoi mundësitë e bashkëpunimit, përfshirë realizimin e storieve dhe intervistave të ndryshme për Republikën e Kosovës.
Klubrádió ka qenë një prej platformave më të rëndësishme mediatike opozitare në Hungari gjatë periudhës së qeverisjeve të kaluara.
Ambasadori Pllana po ashtu zhvilloi një intervistë për Klubrádió, ku u diskutuan zhvillimet e fundit politike në Republikën e Kosovës pas zgjedhjeve, si dhe marrëdhëniet bilaterale Kosovë–Hungari.
Intervista u realizua nga gazetari me përvojë shumëvjeçare në fushën e politikës së jashtme, ish-gazetari i Televizionit Publik të Hungarisë, z. László Benda.


🇽🇰🇭🇺

13/06/2026

🏛️ Në kuadër të angazhimeve për forcimin e marrëdhënieve dypalëshe ndërmjet Republikës së Kosovës dhe Hungarisë, Ambasadori i Republikës së Kosovës në Budapest, z. Delfin Pllana, zhvilloi një vizitë zyrtare në qytetin Pécs të Hungarisë.

Gjatë vizitës, Ambasadori Pllana u takua me Kryetarin e Bashkisë së Pécs-it, z. Attila Péterffy, me të cilin diskutoi mundësitë e zgjerimit të bashkëpunimit ndërmjet institucioneve lokale të Kosovës dhe Hungarisë në fusha me interes të përbashkët. Me këtë rast, z. Péterffy vlerësoi marrëdhëniet e mira ndërmjet dy vendeve dhe shprehu gatishmërinë për të mbështetur iniciativa që kontribuojnë në forcimin e lidhjeve me komuna nga Republika e Kosovës.

Po ashtu, Ambasadori Pllana takoi Rektorin e Universitetit të Pécs-it, Dr. Attila Miseta, ku u diskutua për avancimin e bashkëpunimit akademik, shkëmbimet e studentëve dhe stafit akademik, si dhe mundësitë për realizimin e projekteve të përbashkëta kërkimore-shkencore. Në këtë kuadër u shqyrtua edhe mundësia e nënshkrimit të një Memorandumi Mirëkuptimi ndërmjet Universitetit të Prishtinës dhe Universitetit të Pécs-it, me synim institucionalizimin e bashkëpunimit akademik ndërmjet dy universiteteve. Në këtë Universitet aktualisht studiojnë dhjetë studentë nga Kosova me bursën Hungaricum Stipendium.

Në vazhdën e takimeve në Pécs, Ambasadori Pllana vizitoi edhe Zsolnay Cultural Quarter, ku u takua me këshilltarin për marrëdhënie ndërkombëtare, z. Károly Méhes. Gjatë takimit u diskutuan mundësitë e bashkëpunimit në fushën e kulturës dhe artit, si dhe realizimi i projekteve të përbashkëta kulturore që do të kontribuonin në promovimin e shkëmbimeve kulturore ndërmjet Kosovës dhe Hungarisë.
Në veçanti, kjo qendër ofron rezidencën e shkrimtarëve e cila sivjet mirëpret një shkrimtar nga Republika e Kosovës.

🇽🇰🇭🇺



📸: Andrea H. Müller (Mayor’s Office of Pécs)
📸: University of Pécs

12/06/2026

🏛️ 12 Qershori është dita kur kujtojmë lirinë e fituar me sakrificë dhe nderojmë të gjithë ata që kontribuan në çlirimin e vendit.
Lavdi të gjithë dëshmorëve dhe respekt për çdo sakrificë në shërbim të atdheut.

Në këtë ditë të veçantë, shprehim mirënjohjen tonë edhe për kontributin e NATO-së, në rrugëtimin e Kosovës drejt lirisë dhe paqes.

Gëzuar Ditën e Çlirimit, Kosovë! 🇽🇰

06/06/2026

Ministria e Punëve të Jashtme dhe Diasporës falënderon të gjithë bashkatdhetarët tanë për pjesëmarrjen në procesin e votimit pranë përfaqësive diplomatike dhe konsullore të Republikës së Kosovës.

Votimi u zhvillua në mënyrë të rregullt dhe në përputhje me procedurat ligjore, duke reflektuar përkushtimin e qytetarëve tanë ndaj proceseve demokratike të vendit.

Mirënjohje për misionet tona diplomatike dhe konsullore për angazhimin e tyre profesional, për Komisionin Qendror të Zgjedhjeve për bashkëpunimin e ngushtë si dhe për të gjithë qytetarët e Republikës së Kosovës kudo që jetojnë, të cilët edhe kësaj radhe dëshmuan lidhjen e fortë me atdheun dhe rolin e tyre aktiv në jetën demokratike të vendit.

06/06/2026

🏛️ Ambasada e Republikës së Kosovës në Hungari njofton të gjithë shtetasit e Republikës së Kosovës, të regjistruar për votim jashtë vendit, se procesi i votimit ka filluar në orën 07:00 dhe po zhvillohet sipas orarit zyrtar.

Me këtë rast, ftojmë të gjithë votuesit e regjistruar që të paraqiten në ambientet e Ambasadës së Republikës së Kosovës në Hungari për të ushtruar të drejtën e tyre të votës. 🗳️

📍 Adresa e Ambasadës:
Hunyadi János út 20
1011 Budapest, Hungari.

🇽🇰🇭🇺

06/06/2026

Ministria e Punëve të Jashtme dhe Diasporës njofton të gjithë bashkatdhetarët tanë se sot, nga ora 07:00 janë hapur të gjitha pikat e votimit në misionet diplomatike dhe konsullore të Republikës së Kosovës.

Ftojmë të gjithë qytetarët e Republikës së Kosovës që janë regjistruar për të votuar jashtë vendit, të marrin pjesë në procesin zgjedhor dhe të ushtrojnë të drejtën e tyre demokratike për të votuar.

Pjesëmarrja juaj në zgjedhje është një kontribut i rëndësishëm për demokracinë dhe të ardhmen e vendit tonë. Ministria e Punëve të Jashtme dhe Diasporës në koordinim me Komosionin Qendror të Zgjedhjeve, mbetet e përkushtuar për të siguruar mbarëvajtjen e procesit të votimit në të gjitha përfaqësitë diplomatike dhe konsullore të Republikës së Kosovës.

Ju falënderojmë për angazhimin dhe kontributin tuaj të vazhdueshëm për Republikën e Kosovës.

06/06/2026

🗳️ Votimi familjar është i ndaluar!

Vota është personale dhe e fshehtë.

Respekto ligjin, respekto demokracinë.

05/06/2026

04/06/2026