BUNGO Basaluko Adat

23/03/2022

ADAT LAMO PUSEKO USANG,,,

BUKAN NAK MENINGGI DARI PUCUK,,
BUKAN LAK NK MENGEDANG DARI BATANG ,

CUMAN INGIN BERBAGI...

KATO SAMBUTAN DARI TUAN RUMAH,,/pembawa acara

“Beriring balam dengan berbah,
“Berbah nan ado didaun buluh”

“seiring salam dengan sembah”
“sembah besusun jari nan sepuluh”

“ASSALAMUALIKUM WR.WBR”

“Pegi melapun kedalam rimbo ”
“Dapeklah ruso duo beranak ”

“Mohon-ampun kepado nan tuo”
“Mohon-ma’af kepado nan banyak ”

Alhamdulillahirabbil alamin, wassholatu wassalamu alaa asrafil anbiya’i wal mursalin, wa’alaa alihi wasahbihi rasulillahi ajmain….amma ba’du.
Pertamo-tamo marilah kito samo-samo memanjatkan puji serto syukur kehadirat Allah Subhanahu wata’ala yang mano berkah limpahan rahmatNya juolah kito di hari nan iluk ketiko nan baik iko, telah dapek berkumpul basamo-samo memenuhi undangan dari ahli rumah.
Selanjunt nyo Shalawat dan salam marilah samo-samo kito kirimkan kepangkuan Nabi besar kito Muhammad Shalallahu alaihi wasallam, dengan ucapan lafaz Allahumma Shalli Alaa Sayyidina Muhammad Wa’ala alihi sayyidina Muhammad.

Bapak-bapak, Ibu-ibu, saudaro-saudari, hadirin-hadirat sekelian, nan selarik bendul ditengah, nan selingkung bendul ditepi, sampai kepanyurok pendapuran, nan bapenteh pran tinggi, nan tapendung dibilik dalam, nan duduk ditanggo jalan lalu naek, nan tegak dihalaman nan besudut empat,
Kok dihitung luwak nan bepengulu, kampung nan betuo, alam nan berajo, rantau nan bejenag, Tuan khatib dan imam bilal, tuo tau cerdik pandai, alim ulama, serto nan tinggi nampak jauh, nan gedang sulung basuo.
Segaji nan gedang dalam adat, nan tinggi dalam pusako, nan babebat bak barau, nan babelang bak catu, kok ke ateh nan disungkup atap, kok kebawah nan di pampo lantai, di rumah nan sebuah iko, rumah nan diateh batutup bubung perak, dibawah nan bealeh sendi gading, rumah nan bepagar adat, halaman nan besapu undang, tepian nan bapaga baso, kecik nan sakti gedang nan betuah, kecik nan banamo gedang nan bagela, kecik idak disebut namo, gedang idak pulo diimbau gela nyo,……
“Bukan cempedak-cempedak sajo” @ “cempedak nan tumbuh dilaman”
“Bukan tegak - tegak sajo ……..” @ “tegak menjadi biduk pelayangan”

Menjadi kudo pelejang bukit, menjadi parang perencah tambak, anak seligi buang-buangan, pembuluh ayek, pulungan asap, pauleh kato sambungan lidah, dari kerjo nan bapokok, lek nan bajunjung, iyolah ;
………..SIPULAN ………….

Beliau nan punyo hajat, serto hidup nan besuku, rumah nan betengganai, suku nan sepiak kampung nan sebagi, ninek nan empat, puyang nan delapan, muyang nan enam bleh, sikuk selubuk surang serantau.

Pertamo-tamo ahli rumah yang punyo hajat iko, mengucapkan terimo kasih yang sebesar-besar nyo kepado seluruh undangan yang hadir, yang telah besusah payah mendaki bukit nan tinggi, menurun lurah nan dalam, kok mudik nan tinggal diujung bateh, kok ilir nan tinggal diujung padang, jauh nan panggil untung, dekat nan dipanggil sirih, kini bekumpul ditempat iko memenuhi undangan beliau.

Adopun hajat ahli rumah di malam hari iko, menurut apo yang berlaku di alam iko, sejak dahulu tatkalo bumi masih bergulung, sebelum langit terkembang payung, sebelum ayam tau bakukuk, sebelum murai pandai bekicau, sebelum fajar menyinsing pagi, sebelum mato hari menerangi alam, tuhan telah menentukan adat yang kito pakai kini, dan belaku sepanjang zaman;

“Adat bumbun nan menyelaro…”
“Adat padang nan kepanasan….”
“Adat ikan nan bemain-main….”
“Adat manusio nan bekasih – kasihan“
“Adat mudo menanggung rindu “
“Adat tuo menahan ragam “

Teriring kato pepatah ;
IKAN DILAUT ASAM DIGUNUNG…………...@ DALAM BELANGO DIO BETEMU…….

Tumbuh dianak kepenakan kito, yang sedang duduk duo basanding, sedang duduk di anjung nan tinggi, yaitu;

……………. Bin …….….dengan ………..Binti………….

Bukannyo tudung dari kerinci. @ Tudung lah ado dari Bengkulu
Bukannyo untung tesurek kini. @ Untung lah sudah sejak dahulu

Sejak dari semulo alif. Sejak dari merah si abang kuku, waktu dipangku iman soleh, waktu di jajat induk tengah, waktu di timang induk bungsu, untung telah ditentukan oleh Allah, janji lah tesurek waktu itu ;

Kini janji nan di tepat, ikrar nan di uni, semayo nan ditunggu, kato dulu nan di tepat, kato kudian idak dicari lagi. Dek hari nan sehari, malam nan semalam, hari baik ketiko nan iluk, oleh beliau Pegawe syara, Fatihah lah dibaco, kok do’a lah ditampung, dibawah asap kumiyan nan sebatang, anak kemenakan kito yang kami sebutkan tadi telah melangsungkan Akad Nikahnyo dihadapan Wali serto duo orang saksi.

Inilah makonyo para hadirin ninek mamak suku kampung diundang kemari.
Mohon Do’a Restu dan pituah serto tunjuk aja, j**o larik dari para hadirin, Semoga anak kemenakan kito ini, ndak selamat menempuh hidup baru, selamat membangun rumah tango bahagia, kato nyo ndak serentak, runding nyo ndak sailun……sedekak bak batu, sedencing bak besi, kemudik serentak satang, ke ilir serengkuh dayung, kebukit samo mendaki, kelurah samo menurun, Sehidup semati bak ayam dingan tungau, sepantun aur dengan tebing, bak parang catuk ketunggul, tunggulnyo rebah, parangnyo jatuh, serempak habis dimakan tanah.

Secencang duo cencang, setingkat duo tingkat. Kalau direntang-bisalah panjang, kini kito puntal ndak nyo singkat. Segalo hajat dari orang punyo rumah iko, mari kito himpunkan kepado Ayat surat al-fatihah, kito mohonkan dengan do’a berkat do’a selamat.-

Untuk memimpin do’a kito mintakan dengan hormat, kepado beliau nan tinggi tampak jauh, nan putih tampak malam, nan dekat sulung basuo, iyolah yang terhormat;
Tuan Guru:,………………….

Terimokasih kepado Tuan Guru yang telah membacokan do’a selamat, semoga diterimo oleh Allah robbul-alamin……..aamiin…..Allahumma aamiin…..

Perentak jalan ke tapan………..@ Ayek haji namonyo dusun….
Singgah temalam di indropuro...@ ………………………………
Nasi teletak mintak dimakan…..@ Ayek teletak mintak diminum
Mintak disantap mano yang ado.@ …………………………
Salam santun

08/02/2022

Mohkn di maaf kan

PIHAK NANG DATANG ( LAKI – LAKI )

Terlebih dahulu kami mohon maaf, andai kato kedatangan kami ko telah mengganggu Bapak – bapak dan Ibu – Ibu. Kedatangan kami kerumah nang bapagar adapt, laman nang basapu undang, tepian nang bapagar iko, diutus oleh adik kami yang bernamo……………………….suami isteri, kami ko nak nyampekan sirih nang sakapur, rokok nang sabatang, tando dating untuk batanyo, karma pada waktu nang silam, anak kemenakan kami nang banamo…………………….. ruponyo bausik sirih baguro pinang dengan anak kito nang dirumah iko nang banamo…………………..kemenakan kami ruponyo hatinyo sudah tapaut pandangannyo sudah tatumbuk, nang idak dapat dialih pado anak kito nang dirumah iko nang banamo…………………..diok kapengen bakampuh nak lebar, baulas nak panjang, kabukit diok samo nak mendaki, kelurah diok nak samo manurun, oleh karena itu sekironyo idak kecik tuak nang gedang, idak kan menjadi ampo padi disawah, dak ado hal nang menghalang, dak ado pagar nang magempang, dak ado unak nang mengait, kami nak dating anak kito nang ado dirumah iko, nak kami dudukkan dengan kemenakan kami nag kami sebutkan tadi, sebagai tando kami lah dating batanyo, kami serahkan bungo nang batangke buah nang batampuh ( sambil menyerahkan tepak sirih ).

PIHAK NANG NUNGGU ( PEREMPUAN )

Datuk – datuk sebalah pihak nang kami hormati, jika itu maksud kedatangan datuk – datuk kerumah kami ko, yaitu nang menanyokan keadaan anak gadis kami nang dirumah iko, umurnyo baru setahun jagung, darah baru setampuk pinang, dan akalnyo belum salilit talunjuk, anak kami tersebut kalu kecik belum banamo, gedang belum bagelar dan belum ado sirih baturut pinang batanyo.

Oleh Karena itu kedatangan datuk – datuk ko, kalu kecik tapak tangan niru kami tadahkan, kalu kecik niru laman kami bentangkan, bagi kami tuah akan dating, untung akan tibo, kareno kalu anak kami anyut, alah ado bakal marenanginyo, kalu diok tenggelam alah ado bakal menyelaminyo, tapi datuk – datuk, anak memang anak kami, waris ado disanak memannyo, kami Cuma memasukkannyo sore ngeluarkannyo pagi, haus nak kami bagi aek, lapar nak kami bage makan.

Tapi nang makan ngabisi netak mutusi adolah sanak memannyo, oleh karena itu hal iko nak kami sampekan kepado sanak memannyo, samo –samolah kito bado’ a supayo jangan ado batang nang melintang, pagar nang mengempang dan unak nang mengait, kami harapkan datuk –datuk basabar, menunggu kabar dari kami, paling cepat 3 ( Tigo ) hari lagi, kami utus keluargo kami untuk memalikkan tepak sirih dari datuk iko, kalulah tepak sirih nang kami balikkan itu isinyo kosong, berarti kami persilokan datuk tuk dating melamar, tapi kalu tepak sirih nang kami balikkan isinyo masih lengkap, mako datuk – datuk belum dapat dating nak melamar anak kami.

Demikianlah datuk – datuk kami ucapkan terima kasih.

WABILLAHI TAUFIQ WAL HIDAYAH
WASSALAMUALAIKUM WARAHMATULLAHI WABAROKATUH

17/03/2021

KATO BAIYO(bayang)

Spnjng bna Sutan nn ktangah didanga lh bayiak bunyi,di pandang lh rancak Rupo,boneh bak padi nn satangkai,Bunta bak swah nn sapiriang,,
Tapi sungguahpun baitu ma Sutan,,,lorong ka badan diri ambo,,
Tumbuah sarupo Iko kni,duduak di awan nn babilai,tagak di geyong pintu langik,malayangan pandangn jauah,manukiakaan pandangn dakek,tmpak lah buah masak,,buah masak di ujuang rantiang,
Ka dijambo tangan tak sampai, kadijuluak panggalan sayuik,manuruik barih jobalabeh,tantu disigai batang nn gadang,di T**i dahan nn lambai,dikaik rantiang nn lamah,
Manjlang buah nak sampai ka tangn,basaba Sutan samntaro,,lai di Adat nn baitu lai dipasa nn bak kian tu sutan....🙏

15/03/2021

Repost Again......!!!!!

Pambukak Kato
PANGKA
Assalamualaikum, warahmatullahi wabarakatuh ……

Sambah sujuik di Pangulu, sabarek bungka nan piawai, naraco luruih main daun, indak basibak jo basisiah, bukan bainggo jo babateh,
Sambah kapado Niniak Mamak nan gadang basa batuah, nan bapucuak sabana bulek, nan baurek sabana tunggang, dianjuang tinggi, diamba gadang, sandi andiko dalam kampuang, tampuak jo tangkai di nagari.
Nan bak umpamo kayu gadang manangah koto: Baurek limbago matan, badahan cupak jo gantang, barantiang barih balabeh, babungo rimbun dek adat, babuah kato nan bana. Buliah baselo diureknyo, dapek basanda dibatangnyo, gantuangan cupak nan duo.
Sampai kapado Imam Katik, bila-maulana jo Tuanku, nan tau dihala dengan haram, sarato sah dengan bata, suluah bendang Adat-limbago.
Hulubalang jo Ampang Limo, jo manti pagawai Adat, parik dalam pagaran kokoh.
Cadiak jo tau-pandai, nan arih jo bijaksano; tau di angin nan baseru, tau diombak nan basabuang, sarato dahan kamaimpok, ataupun rantiang kamancucuak.
Tau diujuang kato sampai, balun bakilek lah bakalam, bulan lah sangkap tigo puluah.
Takilek ikan dalam aiya, ikan takilek jalo tibo, lah tantu jantan batinonyo.
Sarato nan mudo pambimbiang dunia, nan capek kaki ringan tangan, capek kaki indak manaruang, capek tangan indak mamacah.
A*o tarantang dua sudah, hati suci bamuko janiah tau dimalu dengan sopan, sarato raso jo pareso.
Taruih pulo ka Bundo Kanduang, limpapeh rumah nan gadang, sumarak di dalam kampuang, hiasan dalam nagari. Kok iduik tampek banasa, kok mati bakeh baniat, kaunduang-unduang ka Madinah, kapayuang panji kasarugo; amban puruak aluang bunian, urang nan duduak jo sukatan.

Kalalawa dipulau Rimbang
Anak ruso mati tadabiah
Kok gawa mintak ditimbang
Kok doso ampun nan labiah
Bukan tambilang mangulampai
Tambilang panggali pakuburan
Bukan mambilang tando pandai
Mambilang untuak dipasambahkan
Dipanggang2 di gatok
Dikirai2 di baka, tatangguak ikan gulamo
Dibilang2 di atok di kirai2 di papa
Dikambang sitambo lamo

PANGKA
Takalo maso dahulunyo, samusim maso saisuak …………
Katiko langik basintak turun, bumi basintak naiak, lawuik sacampak jalo, tanah Darek balun lai leba, nan timbua gunuang Barapi.
Lorong dininiak-muyang kito; asa-usua kalau dikaji, didalam sitambo lamo, sapiah balahan tigo jurai. Sajurai kabanda Cino, sajurai kabanua Ruhum, nan sajurai kapalau Ameh nangko.
Pihak dek St. Maharjodirajo taniat didalam hati, tacinto dalam kiro-kiro, balaiya inyo maso itu, diateh dandang nan sabuah, cukuik jo cati Bilang pandai… Dek lamo dandang balaiya; didalam lawik baharullah, tampaklah api takijok-kijok, gunuang suatu maso itu; banamo gunuang Marapi ….Sinan sirangkak nan badangkang, sarato buayo putiah daguak, dibatu ampa putiah, dibukik Patah Patigo, banamo Bukik siguntang-guntang….
Dimano titiak palito
Dibaliak telong nan batali
Dimano turun niniak kito
Iyo dipuncak gunuang Marapi
Basentak turun kabawah, lah tibo diguguak ampang, sinan langgundi nan baselo, disinan mulo bataratak, sabalun bakorong jo bakampuang, sabalun bakato jo nagari, maso badeta-deta upiah, maso bacawan panarahan.
Dek lamo alam baputa. Urang batambah kambang juo, kamanakan batambah banyak dipabueklah sawah jo ladang.- Dibuek Adat dikarang undang, disusun tangkai ciyek-ciyek, dipaku ka tiang panjang, makanan urang tigo-luwak.
Manolah luwak nan tigo:
Nan tuo luwak Tanah Data,
nan tangah luwak Agam,
nan bunsu luwak Limo Puluah.
Nan disabuik luwak Tanah Data: Babatu Bungo-satankai, basungai bakayo-tarok, bakampuang dibaliak labuah, banamo si dusun-tuo, balimo kaum disinan. Limo Kaum duo-baleh-koto, sambilan koto didalam, duo baleh anak kotonyo, Batabek basawah-tangah, ikua labuah tanjuang-sungayang, sungai tarap salapan batua, sijangek koto badampiang, bapintu kasungai-patai, bajanjang kakoto-rajo, babasa kaampek-balai. Panitahan disungai-tarab, Mangkudun disumaniak, Indomo disaruaso, tuan gadang dibatipuah, harimau-campo kotopiliang. Balubuak tigo batanjuang tigo, manolah lubuak nan tigo: Partamu lubuak sikarah, kaduo lubuak simawang, katigo lubuak sipunai. Tasabuik tanjuang nantigo: Partamu tanjuang sungayang, kaduo tanjuang barulak, katigo jo tanjuang alam.
Adopun nan dikatokan luwak Agam: Nan salilik gunuang Marapi saedaran gunuang Singgalang, sabalik danau Maninjau…. Ampek-angkek pado mulonyo, agam biaro balai gurah, lambah jo panampuang, canduang jo koto laweh, lasi bukik batabuah, parik putuih jo tanjuang alam, pasia jo ampang gadang. Sariak jo sungai pua, batagak batu pulano, kurai jo banuhampu, sianok jo koto gadang.- Balingka koto pambatan, guguak tabek sirajo, kamang ilian jo kamang mudiak, tilatang jo parik rantang, kapau sarato magek, salo jo koto baru. Sungai janiah jo tabek panjang, ujuang guguak jo padang tarok, sungai angek sungai cubadak. Koto Tinggi jo kubang pipik, koto gadang pincuran puti, lapeh kalawang tigo balai, matua jo palimbayan, malalak jo sungai landia. Maninjau jo sungai batang tanjungsani bayua jo koto kaciak, koto gadang koto malintang, sialang jo garagahan, sitalang jo batu kambiang, manggopoh jo lubuak basuang.
Nan dikatokan luwak limo puluah Dari sisauak sungai rimbang, sampai kasikokoh pinang tuo, kasipisak pisau anyuik, sialang balantak basi, kampa kiri jo kampa kanan.
Suayan sungai balantiak, sariak laweh jo tambun ijuak, batu ampa jo koto tangah, babai durian gadang.- Aiya tabik sungai kamuyang, situjuah jo banda dalam, limbukan padang karambia, sicincin jo aua kuniang, tiaka jo payo basuang.- Mungo jo andaleh, taram bukik limbuku, batu balang koto nan gadang, Lunang koto nan ampek. Gantiang jo koto laweh, suliki jo sungai rimbang, tiaka balai mansiro, talago jo balai tangah,- Taeh jo simalanggang, piobang sungai baringin, gurun lubuak batinggkok, tarantang jo sari lamak, arau-solok jo padang laweh, Gaduaik jo tabiang tinggi, sitanang muaro lakin, halaban jo ampalu, surau jo labuah gunuang.
jikok dikambang saleba alam
Jikok dibalun sabalun kuku
Tantang nangko basudah kalam
Tambo sakiro itu dulu
Tungkek galah Amat Dirajo
Sitaba dibaliiak pakan
Kalau salah tobatlah ambo
Kok bana samo amalkan

PANGKA
St. Maruhun???….

ALEK
Ambo….

PANGKA
Sambah batibokan pado sutan.-

ALEK
Manitahlah ! …..

PANGKA
Pihak dek kami sipangkalan, ditampek hujan barasah paneh bapuhun, nan manyusun-mahatok pakarjaan dirumah nagko; sakironyo ado kato sapatah kabasabuik, rundiang sabuah nak katangah, iyo katarabik dari diri ambo… sungguahpun katarabik dari diri ambo, bukanlah ceceh karano aka, bukan geneang karano kain, sorong lompatan digalanggang, tapi ambo kok pai jo rundiangan, nan lain tingga jo mupakaik. Apolah buah parsambahan nan kabatatiangkan kabakeh Sutan, yaitu adok kakami sipangkalan. Dek sarik bakisa di-nan sampik, suko batenggang di-nan tidak, mako satantang panantian kami siko, mungkin kabasuo sumbang-salah, sasek jo gawa. Kok tibo indak tapabasokan, datang indak tamuliakan. Ndak basuo tampan jo taratik, lelo jo karenah; nan patuik talatak diulu tailiakan, ipa bisan taparampiakan, mohon dimintak banyak-banyak, karilahan Sutan gadang-gadang…. Sakian sambah pado Sutan.

ALEK
Ma-nyo St. Sinaro?

PANGKA
Lai Sutan….
ALEK
Sambah tibo pado Sutan.-

PANGKA
Manitahlah ….

ALEK
Walaupun ka-Sutan surang tampek ambo mahantarkan sambah; tapi nan manjadi ujuik-mungkasuik ambo bana, iyolah kapado angku-angku niniak mamak, nan gadang-basa-batuah, Urek tunggang pucuak nan bulek dinagari, dahan rampak daun nan rimbun dipusako, putiak labek buah nan ranun, makanan urang saalamnyo. Langkok sarato Imam Katik, palito nan tidak kunjuang padam, suluah-nyalo maso didunia, bendangnyo sampai ka-Akhirat; nan duduaknyo bacamin kitab, tagaknyo rintang jo pituah. Taruih kapado Cadiak Pandai, urang nan arih-candokio; pandai maagak-mahagiahkan, kok runciang indak mancucuak, tajamnyo indak malukoi, pasak kungkuang kunci nan taguah, sumarak koto jo nagari. Mako nak salangkok ganoknyolah salam jo sambah ambo, kapado silang nan bapangka, karajo nan bajunjuang; nan maharah nan maico, nan mananai-malatakkan, pakarajaan diateh rumah gadang nangko: Ujuang pasambahan kapado St. Sinaro.

PANGKA
Yooooolah ….

ALEK
A-lah nan maanjadi buah parsambahan ambo: mandanga imbauan Sutan cako ; gumanta sugalo batang tubuah, bakipeh paluah kadado, bakaja darah kamuko, apolah sabab dek baitu …. Lariak kapado badan ambo sutan, ibaraik biduak kaciak nan jolong sudah: Kalangkapan balun lai cukuik, balaiya ditapi-tapi, katangah takuik dek galombang, kapulau garik dek buayo, lakek pituah Sutan Juo.-
Baburu kapadang data
Dapeklah ruso balang kaki
Dihalau katangah padang …
Baguru kapalang-aja
Baru baraja guru mati
Disilau surek sureklah ilang
Baguncang bumi jo langik, barombak lawik-sailan, bakumpua karang katapi, kok karam ambo tantang itu sutan .
Akan tetapi sasudah ditimbang ma-ana kato, disilau ma-ana ragi; nyatolah nan kato wajib dijawab, nan gayuang wajib disambuik…. Ba-a satantang dari pado itu: Adok kabadan diri ambo kiniko, tapeklah bak mamangan urang juo: Saibarat urang pai manyumpik; Dicari kutiko baiak, dipiliah maso nan elok; mako diambiak galah salapan, lalu bajalan masuak hutan. lah tibo dirimbo nan satumpak, dipandang ilia jo mudiak, diliyek kiri jo kanan, tampaklah si buruang nuri, inggok dikayu nan sabatang, sadang maangirai-ngirai sayok, sadang malapeh-laapeh payah…. Lalu diambik sumpitan gadang, sarato damak nan baipuah, disumpik buruang didahan.-
Satibo damak diateh, bagaluik jo bungo kambang, babeenda jo buah ranun, babega-bega jo awan. Mako samantaro buruang nak katangan, diwalakkan kalam sakutiko, mananti Sutan samantaro, lai kadalam bana-tu stan ???….

PANGKA
Lah sampai dek St. Maruhun ?

ALEK
Sakiro alah ….

PANGKA
Sapanjang buah kabanaran Sutan tadi, lah susunan Adat jo limbago…. Kalau adat ado batangkai, pusako ado batampuak, kok undang ado talinyo.- Mangabek undang jo sakato, mangabek kato jo mupakaik, itulah bana nan kadituruik.- Ba-a nan kini: Lah tabik niat dek Sutan, tumbuah pangana dalam hati, nak mambao kato jo ba-iyo, mancari bana nan sabuah; dek adat itu basuruah, kandak undang nan ba-amalkan. Mujua batimpo jo nan elok, tuah lah lakek dinan mulia, usahlah ragu tantang itu, kami mananti baritonyo.- Sakian pambari dari ambo…

ALEK
Alhamdu lillah, mamakaikan ambo ……

ALEK
Sutan Sinaro???….

PANGKA
Ambo ….

ALEK
Batibokan juo sambah ka Sutan …

PANGKA
Lalukanlah ….

ALEK
Dek tinggi batang lamo karareh, dek panjang jalan, lamo kasampai, agak talaalai ambo mambaliakan kato, karilahan juo pado Sutan.-

PANGKA
Yoooo lah
ALEK
Tu-mah lah Sutan liyek Sutan pandangi; taradok sambah jo titah, nan talewa kapado kami sialek, nan pai sabondong, pulang satampuah, alah lah dikatangah katapikan; ba-iyo-2 kami jo mamak, batido-tido jo samo-gadang.- Mako buleklah jantuang dikalupak, buleklah kato jo mupakaik.- Ruponyo, nan kamanjadi polongan-asok, sambungan –lidah, iyo tatapek dibadan diri ambo- Aratinyo bana, kok tibo dikato kamanjawab gayuang kamanyambuik; atau sambah kabaulakkan, titah kaba-alekokan, kato sapatah nak basabuik, rundiang sabuah nak katangah; Kadari ambo tarabiknyo… sungguah kadari ambo tarabiknyo sutan, nan ibaraik urang mangaji. – Nyampang kok ndak tabacokan diayatnyo; nak kanai tajuik jo tilawah, nan panjangnyo tasingkekkan, tibo disingkek tapanjangkan, tasadiak tabao lalu, lafat batuka jo ma-ana, iyo batolong dek Sutan manyapo-maulangkan, jan badoso kito sabalik, Sutan …..

PANGKA
Insya Allah …. Bacolah dek… Sutan sabalah sinan, nak kami simakkan dari siko.

ALEK
Assalamualaikum ….
Palupuah batang malapari,
Pucuak manimpo aka jumbai
Dibao nak-rang kabatipuah
Sungguahpun ambo tagak baradiri
Bukanlah urang cadiak pandai
Ujuiknyo duduak nan basimpuah
Kasah ambun kasah biludu
Batanti bajaik tapi
Baturap jo banang sirah
Alah tahampai disandaran….
Mintak ampun ambo kapangulu
Nanan salirik duduak ditapi
Saedaran adok katangah
Jo sambah sajo dimuliakan
Pisau sirawik ulu sonsang
Saruangnyo tareh kayu jati
Ulunyo pangka kayu kamaik
Diambiak paracik buah
Takuik-ganta ambo mambilang
Pangulu banyak nan sati
Tuanku banyak nan kiramaik
Rang-gadang banyak nan batuah
Mulonyo jalo diserakkan
Kanai kulari nan bapalun
Mulonyo kato disambahkan
Manyusun jari mintak ampun
Mako mamintak ampunlah ambo, dari pado pambilangan Pangulu, malin mati jo dubalang, diateh kaampek-jinih maratabat, nan mampunyoi kabasaran, didalam kampuang jo nagari. Amma ba’du adopun kamudian dari pado itu, mako mamuji-mayanjuang-mamuhunkan sambahlah ambo, kabakeh silang nan bapangka, pakarajaan nan bapokok; siyalah urang nan mahatok nan mahatun kakok-karajo dirumah nangko, iyolah urang cakapan-biopari.
Kajirek tabang ramo-ramo
Inggok mancakam lidih saga
Tadabuak lalu katanah
Ketek indak disanjuang namo
Gadang indak disanjuang gala
Sambah jatuah katangah-tangah

PANGKA
Sabananyo ….

ALEK
Alah lah kami tukiakkan pandangan dakok, dilayangkan pandangan jauah, dilerengkan pandangan karusuak; lah tibo bana dimakan patuik sutan, lah nyato manuruik alua:
Kok putiah indak babacak
Kok hitam indak bakuran
Janganlah cacek nan kanampak
Puji sanjungan batibokan…..
Kalau dituruik jo pidoman, tando dibaliak-dikarisai, batamu adat jo bidaran; nan bak mamang dinan pandai:
Barakik biduak talenggang
Karucuik jo saliguri
Dalam rumik Sutan batenggang
Tando bamain aka-budi….
Apun ba-tu hanyo lai, salampih nan daripado itu; adat dunia kan baleh-mambaleh, sariat palu-mamalu; adok kakami pulo kini: Pihak dikami koh nan datang, nanduduak ditanai lantai, nan salingka barih ditapi, sabanja barih ditangah. Dek bacampua tuo jo mudo, nan tuo kok-nyo takilaf Stan, nan muko kok-nyo tasasek.- Mungkin kabasuo salah cotok malatiangkan, salaah awai mahampehkan, salah muluik mautangkan; takirai langkah kamasuak, takirah lenggang kalua, tasingik budi dinan rami…. Mako nyampang basuo nan baitu Sutan :
Mambaiya kami panuah-panuah
Mamintak kurang banyak-banyak
Dilaiya kami mohon maaf
Dibatin ampun dimintak ….
Bunyi nak samo kami danga, rupo nak samo kami caliak, balabuah dek sutan jo bicaro, rundiang dikarek dibukunyo, sakian dulu dari ambo ….

PANGKA
Lah sampai Sutan ? …..

ALEK
Hinggo itu ….
PANGKA
Diambo singkek sajo kajaweknyo.

ALEK
Rancak singkek

PANGKA
Dek maaf gadang paidah, dek rila gadang munfaat, barila-rila kito disiko …. Kito luluihkan katanah lakang, dihanyuikkan kalawik lapeh, nan batin dipulangkan pado Allah.

ALEK
Alhamdulillah …. Jadilah Sutan Sinaro?-

PANGKA
Manitah Sutan !.-

ALEK
Nak-nyo tuhua-tuhua sa-alahan, disisiak-sisiak sapalapah, ba-a kok kito tuhukan tantang maaf-bamaaf, Sutan ?.-

PANGKA
Kito tuhuakan!!!.-

29/07/2020

10/07/2020

"kato kato adat penyerahan anak kemenakan"
Asskm wr wb
yg sya hormati alm nan brajo rantau nan bajenang negeri nan babatin luak nan ba pangulu .
Sebelum nyo seiring balam dengan berebah berbah ado di daun buloh seiring salam dengan sembah kami susun jari nan sepuluh
lapun malapun ka muaro kerap kerap ka angso duo
Minta ampun kepado nan tuo minta maaf kepado nan mudo.
Di sini kami ibarat kudo palajang bukit
Ibarat parang parancah semak
ibarat biduk sampan pelayangan
kalu di imbau kami ko tibo kalu di suruh kami ko pegi pauleh jari penyambung lidah dari serai nan brumpun ayam nan bainduk.
Dan kiniko kedatangan kami ka siko ka umah nan sabuah iko umah nan bapagar adat laman nan basapukan undang tapian nan ba pagar bahaso.
bukit tinggi lah kami daki bukit nan indak di terpo angin lurah dalam lah kami turuni lurah nan indak di turut ayek.
Empang batu lah kami kalek
Empang unak lah kami teteh empang batang lah kami kerek .
Pulau bebatuan lah kami renangi.
Lautan sakti lah kami layari untuk mencari jejak nan tatukuk semenjak lamo runit nan tabentang semenjak bari
Iolah rumah keluarga kami..,,
Dan kini ko ibarat urang balayar kami lah sampai ka pulau nyo ibarat orang mambidik kami lah tau sasaran nyo ibrat urang berlayar kami lah sampai ka pulau nyo ibrat urang bajalan kami lah sapai alamat nyo.
Nenk mamak suku nan sebagi nan kami hormati..
Kini kami nak menyampaikan apo nan taniat di hati apo nan tahajat di dado.
Kini di hari nan baek di ketiko nan elok ko sengajo kami datang kasiko
Nak menyerah kan anak buah anak kemenakan kami di mano tempek nyo nak menyemendo nampak nyo di siko kasih nan balebeh sayang nan basiso untung nan maimbau tarejun nan menyangkut .
bak kato pepatah kalu mati nyo mintak di anta ka tanah nan layu kalu tautang nyo di anta ka lidah naraco tapi kalu sa bentuk iko nak batunak nak barumah tanggo namo nyo yo samo samolah kami maantah nyo ka umah nan sabuah iko.
Nenek mamak kampung nan sabelah suku nan sabagi nan kami hormati.
Kini kami serah kan anak buah anak kemenakan kami ko di bawah payung nan sekaki kembang ,
kami ulurkan di bawah mhligai nan sebatang tegak tapi mamak penyerahan kami ko indak di sertoi meh nan kuning perak nan putih maklum lah kami ko ikok senteng kepak meranggeh
idup di ari nan bagaji gedang dek upah nan bejangko bukit kering pematang langgeh kini kami serah kan dengak kapalo nan indak basaok dengan punggung nan indak batutup
Kami serah kan dengan keris pendek nan balengkok pedang panjang nan balimbai
Kami serah kan di mano letak di mno elok asal dalam pegang pakai
Nenek mamak kampung nan sabelah suku nan sbagi
Kini kami serah kan anak buah ank kemenakan kami dengak serah patah umbut bukan serah patah arang kareno kalu serah patah arang ibarat mancampak batu kalubok ibrat malepeh kijang karimbo
Tapi kalu serah patah umbut masih ado benang suto nan tajaling di antaro kito mano tau isok ado tibo maso gilo nyo anak buah anak kemenakan kami ko
kok bjalan nyo lah malinteh tapak kok bakato nyo lah malintang bena gedang kalaso indak ta limpo unceng tanduk indak tapampeh yo mari di ulak alek kan kadengan kami samo samo kito untuk membenahi nyo.
Nenk mamk suku nan sebagi
Kalu kmi nak ka sungai betung
Di sungai betung pgi memancing.
Sungguh kami sangat beruntung. Menantu mirip ayu tinting
Btang lah hari ayek nyo tenang
Sungguh pun tenang deras katepi
Hari ko kami sangat lah senang
Senang mentuo banyak lah piti
Rami lah padi dek jerami kini pandan kami rebahkan
Nenek mamak terimo lah kami anak buah ank kemenakan kami serahkan.
Wasslm wr wb.