CRPH & NUG Supporters Ireland

30/05/2026

"မြန်မာပြည်သူတွေဟာ ပုဂ္ဂိုလ်ရေးမုန်းလို့၊ မကျေနပ်လို့၊ ဒေါသကြောင့်၊ အာဃာတကြောင့် လက်နက်စွဲကိုင်ပြီး ထချနေတာမဟုတ်ဘူး။ ဒီနိုင်ငံကို အမျိုးမျိုး ဒုက္ခပေးနေတဲ့ ဖက်ဆစ် စစ်တပ်အမြစ်ပြတ်မှ အေးမယ်ဆိုတဲ့ ဘဝပေးအသိကြောင့် အသက်တွေဘဝတွေရင်းပြီး တွန်းလှန်တိုက်ပွဲ ဝင်နေကြတာဖြစ်တယ်။ စစ်တပ်ကသာလျှင် နိုင်ငံကို အစဉ်သဖြင့် ဗိုလ်ကျလွှမ်းမိုးရမယ်ဆိုတဲ့ အကြမ်းဖက်စစ်ခေါင်းဆောင်တွေ ခေါင်းထဲက မိစ္ဆာဒိဌိ အတွေးအခေါ်ကို အမြစ်ဖြတ်နိုင်မှ မြန်မာပြည်ဟာ ရေရှည်တည်တံ့တဲ့ တည်ငြိမ် ငြိမ်းချမ်းမှုနဲ့ ဖွံ့ဖြိုးတိုးတက်မှုရလိမ့်မယ်ဆိုတာ နိုင်ငံတကာက သိစေလိုတယ်"

ဦးရည်မွန်
ပြည်ထောင်စုဝန်ကြီး
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

၂၀၂၃ ခုနှစ်၊ မေလ (၅)ရက်နေ့တွင် ထုတ်လွှင့်ခဲ့သော "PDF ရဲဘော်များသို့" ရေဒီယိုမိန့်ခွန်းတွင် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီး ဦးရည်မွန် ပြောကြားထားသည်မှ ကောက်နုတ်ထားခြင်းဖြစ်ပါသည်။

30/05/2026

“နိုင်ကိုနိုင်ရမယ်”

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ ပဲခူးခရိုင် အမှတ် (၂) တပ်ရင်းမှ တေးရေး ရဲဘော်တိုင်းကျော် ရေးစပ်ပြီး အဆိုပါတပ်ရင်းမှ ရဲဘော်များကိုယ်တိုင် ရှေ့တန်းစစ်မျက်နှာ၌ သီဆိုထားသော “နိုင်ကိုနိုင်ရမယ်” တေးသီချင်းဖြစ်ပါသည်။ လွတ်မြောက်မှု၊ တရားမျှတမှုနှင့် ပြည်သူ့အနာဂတ်အတွက် တိုက်ပွဲဝင်လျက်ရှိသော စစ်သည်တော်များ၏ စိတ်ဓာတ်၊ သစ္စာနှင့် ယုံကြည်ချက်တို့ကို ထင်ဟပ်ဖော်ပြထားသည့် သီချင်းတစ်ပုဒ် ဖြစ်ပါသည်။
ပြည်သူနှင့် တော်လှန်ရေးအင်အားစုများ၏ စုပေါင်းအားဖြင့် ပြည်သူ့အောင်ပွဲ ဆင်နွှဲနိုင်သည့်နေ့ ရောက်သည်အထိ ရဲဘော်များနှင့်အတူ လက်တွဲရပ်တည်လျက် ဆက်လက်ကြိုးပမ်းသွားမည်ဟု သစ္စာပြုရင်း “နိုင်ကိုနိုင်ရမယ်” တေးသီချင်းကို ကာကွယ်ရေးဝန်ကြီးဌာနက ဂုဏ်ယူစွာ ထုတ်လွှင့်တင်ဆက်ပါသည်။

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

30/05/2026

ပူးပေါင်း ဖြေရှင်း အဖြေထွက်

30/05/2026

30/05/2026

အကြမ်းဖက်စစ်အုပ်စုရဲ့ အတင်းအဓမ္မစစ်သားစုဆောင်းခံနေရသူ လူငယ်တွေအတွက် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ဒုတိယစစ်ဦးစီးအရာရှိချုပ် စိုးသူရဇော် ၏ သတင်းစကား

✅ အတင်းအဓမ္မ စုဆောင်းမခံရအောင်လည်း ရှောင်ပါ။

✅ မတော်လို့ စုဆောင်းခံရရင်လည်း ရှည်ရှည်ဝေးဝေး စဉ်းစားမနေဘဲ လွတ်အောင်သာပြေးပါ ။

✅ ကိုယ့်လွတ်လမ်းကို ရအောင် မရှာနိုင်ဘဲ စစ်မြေပြင်ကို ရောက်လာပြီဆိုရင်လည်း တော်လှန်ရေး ဘက်ကို ကူးပြောင်းပြီး လက်နက်ချပါ ။

✅ တိုက်ရည်ခိုက်ရည် အပုံကြီးကွာနေတာကို
ခံမတိုက်ပါနဲ့ ။ ခံတိုက်လို့ အသက်မရှင်နိုင်ပါဘူး။

လက်နက်ချမှသာလျှင် အသက်အာမခံချက်
အပြည့်အဝရမှာ ဖြစ်ပါတယ် ။

စိုးသူရဇော်
ဒုတိယစစ်ဦးစီးအရာရှိချုပ်
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

29/05/2026

“ကျွန်မမှာ ရွေးချယ်စရာ လမ်းနှစ်လမ်း ရှိခဲ့ပါတယ်။ နိုင်ငံရေးနဲ့ မပတ်သက်တော့ပါဘူးလို့ ခံဝန်ထိုးပြီး၊ မြန်မာနိုင်ငံမှာ ဘာမှမဖြစ်ခဲ့သလိုမျိုး အဆိုတော်တစ်ယောက် အဖြစ် ဆက်လက် ရှင်သန်မလား။ ဒါဟာ မြန်မာနိုင်ငံမှာ အရာအားလုံး အဆင်ပြေနေပါတယ်လို့ ကမ္ဘာကြီးကို လိမ်ညာပြမယ့် သူတို့ရဲ့ ဝါဒဖြန့်ကိရိယာအဖြစ် ကျွန်မရဲ့ ပုံရိပ်ကို အသုံးချခံရမှာ ဖြစ်ပါတယ်။ ဒုတိယလမ်းကတော့ နှစ်ပေါင်း ၂၀ တိုင်တိုင် ကျွန်မ တည်ဆောက်ခဲ့တဲ့၊ မြတ်နိုးတန်ဖိုးထားခဲ့တဲ့ အောင်မြင်တဲ့ ဘဝ၊ အသက်မွေး ဝမ်းကျောင်း လုပ်ငန်း၊ မိသားစုနဲ့ ပရိသတ်တွေ အားလုံးကို စွန့်လွှတ်ပြီး ဝရမ်းပြေးဘဝနဲ့ တတိယနိုင်ငံတစ်ခုမှာ ဘယ်သူမှ မသိတဲ့ လူတစ်ယောက်အဖြစ် သွားရောက် နေထိုင်မလား။ ကျွန်မ ဒုတိယလမ်းကို ရွေးချယ်ခဲ့ပါတယ်။ ဘာဖြစ်လို့လဲဆိုတော့ ကျွန်မတို့ရဲ့ ရဲဘော်ရဲဘက် ထောင်ပေါင်းများစွာကို သတ်ဖြတ်ခဲ့တဲ့ အဲဒီစစ်အာဏာရှင်ရဲ့ သွေးစွန်းနေတဲ့ လက်တွေကို ကျွန်မ မဆွဲကိုင်နိုင်လို့ ဖြစ်ပါတယ်။"

ဖြူဖြူကျော်သိန်း
မလေးရှားတွေ့ဆုံပွဲ နှုတ်ဆက်စကားမှ ကောက်နုတ်ချက်

28/05/2026

ဦးဆောင်ကောင်စီ(SCEF)မှာဆိုရင် စစ်မဟာဗျူဟာ ပေါင်းစပ်ညှိနှိုင်းကွပ်ကဲရေးကော်မတီဆိုတာ ဖွဲ့ထားတယ်။ ဗိုလ်ချုပ်တွေ တိုက်ပွဲဝင်နေတဲ့ အဖွဲ့အစည်းအသီးသီးရဲ့ စစ်ရေးဦးဆောင်တဲ့သူ ၁၀ ဦးနဲ့ ဖွဲ့ထားတဲ့ ကော်မတီနဲ့ အခုဆိုရင် သွားနေတာဖြစ်တယ်။ SCEF ဆိုတာက နိုင်ငံရေး စာရွက်တစ်ရွက်မဟုတ်ဘူး။ ပူးပေါင်းဆောင်ရွက်မှု။ ခုနက ပြောသလို စစ်မဟာဗျူဟာ ပေါင်းစပ်ညှိနှိုင်းကွပ်ကဲရေးဆိုတာ တစ်နိုင်ငံလုံးကို Command တစ်ခုတည်းနဲ့ မဟာဗျူဟာ တစ်ခုတည်းနဲ့ သွားမယ်ဆိုတဲ့ ရည်ရွယ်ချက်နဲ့ တည်ဆောက်မှုမျိုး အကောင်အထည်ဖော်မှုမျိုး ဘယ်တုန်းကမှ မရှိခဲ့သေးဘူးဆိုတာ ကိုပြောချင်တယ်။ အရင်တုန်းက ဘုံသဘောတူညီချက်ပဲ ကြေညာနိုင်ခဲ့တယ်။ အခုဟာက အတူတူ အလုပ်လုပ်နေတယ်။

ဒေါက်တာဇော်ဝေစိုး
SCEF အတွင်းရေးမှူးအဖွဲ့ ညှိနှိုင်းရေးမှူး